فهمونا ياخلايق الله

الخبر الاتي منقول من عدة جهات حكومية بالاضاف
ذكرت صخيفة (فورشن) الأثيوبية الأسبوعية أن العقوبات التي فرضها مجلس
الأمن التابع للأمم المتحدة ضد إيران تسببت في تأجيل جهود أثيوبيا لتصدير
الطاقة الكهربائية إلى السودان وقالت الصحيفة أن شركة الكهرباء الأثيوبية
المملوكةللدولة كانت تعتزم البدء في تصدير 100 ميجاوات من الكهرباء إلى
السودان إبتداء من أول مايو المقبل

ةطيب ياجماعة الخير
هللنا وكبرنا لسد مروي...وقالوا كل سنة حيشغلوا عدد 2 تربين... والاحتاجات المحلية 2تربين كافي للاستهلاك والباقي سيصدر الي ارتريا واثيوبيا
اليوم الجميع يتحدث في استيراد الكهرباء من اثيوبيا
هناك احتمالان...وفي كل الحالتين اكون انا البليد:
الاحتمال الاول: ان اكون مافهمت او مافاهم الموضوع كويس وهي البلادة بعينها
الاحتمال الثاني: ان اكون اتغشيت من الجماعة وهم بدورهم استحمروني واخدوا بعقلي حلاوة كوني صدقت الاعلام والمسؤولين. وهي منتهي البلادة مني
وحكاية مصنع سكر النيل الابيض...هل المسؤولين بهذه البساطة؟
ولا نحنا تفكيرنا المريض بنساويهو بي عقل المسؤول المفكر الكبير؟

اذا كان الاحتمال الاول سليم (حتي نظن الخير بالناس) وحتي تنقشع الظلمة من عقلي الخربان احتاج الي فهامة عدييييييييييل
او واحد يشرح لي الحاصل
اليس بينكم رجل سيف او ذنو؟

قولوا يالطيف

قلنا يا لطيف يا الخال
حاشاك من البلادة يا خال لكن هل صدقت هذه الحكومة شئ حتي يصدقو في موضوع الكهرباء

يديك العافية دكتور بابكر
لكن حكاية سد مروي استثناء لان الامةكلها صدقت وبنت امانيها علي ذلك
وكهربة المشاريع هي طوق النجاة التي ينتظرها اهلنا
يعني بلاش نصدق زول خاصة انحنا طالعين من كذبة نيفاشا وعايشين
لعنة نيفاشا؟
يالطيف

عدد المساهمات : 1940 تاريخ التسجيل : 20/06/2010

الاخ ماهر خت الرحمن في قلبك
سد مروي يسير تبع الخطه التي رسمت لها .. وجميع اصقاع البلاد تنعم بكهربائها
خاصة الشماليه ... كون الكهرباء تقطع دي خلاص عهد ولي وبقت في الاحلام
فقط نرجو ان تتحقق من مصادرك (وصحيفة فشنك الاثيوبيه هذه) وتذكر نحن في
بداية شهر ابريل

اخوي عبدالرحمن
مااتكلمنا عن قطوعات الكهرباء...لكن السدود السودانية العائد المادي منها هي المنتوجات الزراعية, الا سد مروي عمل اساسا لتصدير الكهرباء من اجل العملة الصعبة (المصدر هيئة السدود) ويفترض ان يكون التصدير في بداياته, لكن حدث العكس, البلد تريد استيراد كهرباء من اثيوبيا (مصادر حكومية متعددة والخبر معروف) مما يعني ان دعاية السد كانت كبيرة اكثر من ما تستحق.
نحن لانتحدث عن دنقلا انما جمهورية السودان
قالوا نمتلك ثاني اكبر مصنع للسكر في العالم (بعد كوبا) ولازلنا نستورد السكر وبالرغم من انهم قالوا مزقنا الفاتورة
قالوا انتاجنا للقمح حيكون للصادر, اتضح ان الانتاج لايكفي عشر الاستهلاك
قالوا انتاجنا للفول للصادر واتضح ان اثيوبيا تمول السودان بالقمح والفول
قالوا اكبر دولة عربية تمتلك ثروة حيوانية واتضح ان الابقار تاتينا للذبح من اثيوبيا تهريب وقانوني
قالوا نلبس منم ما نصنع ومصانع النسيج كلها لاتعمل بربع الطاقة ونستورد كل ملبوساتنا

العائد الزراعي كان 300 مليون دولار للخزينة العامة وهي ربع ميزانية فريق كرة قدم درجة رابعة في اوربا
جملة الكلام اننا مخدوعين في عائدات الصادر

ده مش كلام يفقع المرارة؟
خت الرحمن في قلبك انت
موضوع الكهرباء انا تحدثت مع المدير السابق شخصيا في عز الدعايات الحكومية وقال بالحرف الواحد (ماتسمع الكلام البيتقال ده) المشكلة ناس
عامر عابدين مجهزين حالهم وكان الكهرباء تاتي بعد البترول والدهب
وفي تحاليل كتيرة عن مهندسين كبار كذبوا الحكومة عن كمية الكهرباء المنتجة (كل 2تربين ينتج 125 كيلو وات) يعني عشرة تربينات تنتج 1250 كيلو وات واثبت العلماء ان الكميات لاتتحقق بطريقة علمية (راجع مقالات محمد سيداحمد) والكذب مثبت علميا. علما بان كميات الكهرباء المنتجة بواسطة التربينات تتناقص كل سنة بمعدل ثابت وذلك لمشكلة الطمي التي يتعزر علاجها
وكمثال كهرباء السد العالي عندما انشاها عبدالناصر في الستينات كانت تنتج 95% من احتياجات مصر كلها... اليوم تنتج فقط 15% من احتياجات مصر.
في المنتدي النوبي انزلت مواضيع كثيرة عن سدود الشمالية
بعدين ياسيدي انا لو ما تاكدت من المصادر ومما اكتب لا انزل الخبر.
مفاد المقال ان الحكومة بتكذب, وزي ماقال بكري هي صدقت في شنو؟
الخبر العادي ان الحكومة بتكذب
الخبر الغير عادي انهم صادقين
قومت نفسي يازول
قول يالطيف

» قدر الله أن تتوالي الابتلاءآت ..نسال الله الامن والامان
» القلب و أحواله
» أفتحو الرابط وقولو ماشاء الله تبارك الله
» الشمائل المحمدية
» عبد الله ابـن أم مكتـوم رضي الله عنه