أفيدونا افادكم الله

عدد المساهمات : 1940 تاريخ التسجيل : 20/06/2010

اخواني اخواتي الاجلاء
بسال عن خروف العيد ؟؟؟؟؟؟؟
الاسعــــــــــــــار مثلا ؟؟؟؟؟؟؟

الوفره في الاسواق ؟؟؟؟؟؟؟؟

الماعندو مراح يعمل شنو ؟؟؟؟؟؟

حقيقة بسأل لاني سامع كيلو اللحمه ب 40 الف وقلت ممكن الواحد يلقي خروف كامل
بي شحمه ولحمه ؟؟؟؟؟؟ وكل من اتصلت به استفسر بيقول والله ماعارف .. قلت اسأل
عن طريق المنتدي

ياريت تنورونا وبارك الله فيكم وكل عام وانتم بخير

الرجل الهميم باحوال العباد عبدالرحمن

سالت السؤال نفسه لاهلنا في السودان... الناس من عظمة الدهشة توقف عندها بوصلة التفكير... تماما كما عظمت المصائب حتي تخطي الناس الخط الاحمر الذي عنده تنطلق الثورات

ياعبده قول يالطيف

تحياتى
الاسعار مولعة وخصوصا اللحوم يعنى الخروف الفاهم بى700 -800 ده حاليا فى الخرطوم وايام العيد كان بى 650 , لكن طبعا فى الولايات الاسعار اقل ذى كسلا والخوي والشواك هناك مابفوت ال400 و متوفرة فى الاسواق لكن انت قول الرفع السعر فى الخرطوم شنو .
وفى امان الله

عدد المساهمات : 604 تاريخ التسجيل : 16/01/2011

وعند جهينة الخبر اليقين
شفتا يا عبدالرحمن .. بـ 800 بس .. يا بلاش (ما تسمع كلام ماهر "دا طابور خامس" ) وقت الخرفان رخيصة كدا شايلين حال الحكومة مالكم .. مسكينة الحكومة دي تعبان معاكم

عدد المساهمات : 1940 تاريخ التسجيل : 20/06/2010

عودا حميدا الاخ الاستاذ ماهر (الخواجه) اذا معترض علي الخواجه شوف دوله الياس مادخلي
ولو اننا طمعنا تكتب لينا في بوست كبير وعريض عن ماذا فعلتم بدنقلا وأغلب الاعضاء كانوا
هناك .. وبعدين الاحوال ولو اننا عارفين كل صغيره وكبيره .. كيف لقيت البلد بعد طول غياب
الناس من عظمة الدهشة توقف عندها بوصلة التفكير
بعد ان نقول يالطيف الكلمات اعلاه تعبير صادق يخلينا نسكت وننتظر
ونحتسب ونتوكل علي الحي القيوم

عدد المساهمات : 1940 تاريخ التسجيل : 20/06/2010

سلااااااامات د بائعة الكسرة
لكن انت قول الرفع السعر فى الخرطوم شنو . الدولار اليوم يا دكتوره 3900 ثم ماذا بعد ...
بارك الله فيك علي المعلومات الخروف الفاهم 700 و800 اللهم ادمها نعمة واحفظها من
الزوال وشكرا لعبق المرور

عدد المساهمات : 1940 تاريخ التسجيل : 20/06/2010

أخونا الامين سلااااااامات
والله ماعرفناك بتجامل ولاشمتان وكمان بـ 800 يابلاش
وقت الخرفان رخيصة كدا شايلين حال الحكومة مالكم .. مسكينة الحكومة دي تعبان معاكم
يا اخونا زول بالو طويل كده يجاوب علي اخونا الامين ده
اخونا ماهر قال ليك الناس من عظمة الدهشه توقف عندها بوصلة التفكير وريح نفسه

بعد حسابات بسيطة جدا وجدت ان سعر الخروف البريطاني مايعادل 225 الف سوداني. والخروف البريطاني من سلالة النعجة المستنسخة دولي ياكل التفاح والعنب ويشرب عصاير مثلجة وموية نقية باردة, لا يعرف الا الدلال والنعومة, يقوم بحلق شعره في فصل الصيف بواسطة حلاق متخصص يحمل شهادة البكلاريوس في حلاقة الخرفان, يسكن في زريبة مكندشة لزوم الصحر وبها دفايات لزوم البرد, خرفان مدللة ومنعمة ولاتعرف الضرب والصراخ, حماة البيئة وحماة الحيوانات الاليفة في عمليات تفتيش دائمة حتي يضمن الجميع الراحة التامة للسيد الخروف...
وهذا بمثابة اعلان لمن يرغب خروف بريطاني عليه تسليم المبلغ للسيد قدورة الاصلي لاقوم بارسال الخروف الي السودان... علما بان حساب الدكتورة عايدة (الفحص الطبي) ضمن المدفوعات.

ونقول يالطيف

عدد المساهمات : 604 تاريخ التسجيل : 16/01/2011

بيني وبينك يا عبدالرحمن - الحكومة بتفتش على والي للنيل الأزرق بدل عقار
بس خلي الكلام دا في سرك

عدد المساهمات : 1940 تاريخ التسجيل : 20/06/2010

بيني وبينك يا عبدالرحمن - الحكومة بتفتش على والي للنيل الأزرق بدل عقار
بس خلي الكلام دا في سرك
اخلي الكلام في سري كيف وأنا خارج الشبكه .. ورايك شنو في الخروف الانجليزي ده

والخروف البريطاني من سلالة النعجة المستنسخة دولي ياكل التفاح والعنب ويشرب عصاير مثلجة وموية نقية باردة, لا يعرف الا الدلال والنعومة, يقوم بحلق شعره في فصل الصيف بواسطة حلاق متخصص يحمل شهادة البكلاريوس في حلاقة الخرفان, يسكن في زريبة مكندشة لزوم الصحر وبها دفايات لزوم البرد, خرفان مدللة ومنعمة ولاتعرف الضرب والصراخ, حماة البيئة وحماة الحيوانات الاليفة في عمليات تفتيش دائمة حتي يضمن الجميع الراحة التامة للسيد الخروف...

الاخ عبدو كل عام وانت بالف خيرللعيد الجاي

يا خوي انت مالك شايل هم من هسي ممكن انشاءالله الخروف ايام العيد بعد مقاطعة اللحوم يبقي بي 200 جنيه ارخص من الشاربين عصاير وماكلين تفاح وخاصة انو اخونا دوله الياس حيكون والي النيل الازرق انشاءالله بعد كسير التلج للحكومة

عدد المساهمات : 1940 تاريخ التسجيل : 20/06/2010

والله ياابن عمي كتر خيرك انا ماكنت فاهم انو الامين الياس هو المرشح لولاية النيل الازرق
هو عايز دعم ولاشنو ؟؟؟؟؟ انت بتحلم ولاشنو الخروف يبقي بــــ 200 يعني تمن اربعه
كيلو لحمه ... سمعت بآخر نكته قالوا

واحد كان نايم حلمان انو بيأكل لحمه صحي لقي نصف المخده مافيشه
اخيرا بدينا ننكت علي اللحمه زي اهلك اولاد بمبه يازول انا اليوم عندي اتصال بصاحب فكرة
من اراد ان يهاجر معي ... قررنا خلاص

عدد المساهمات : 604 تاريخ التسجيل : 16/01/2011

عبدالرحمن انتا حلمان إنك في السودان ولا شنو ؟؟ تهاجر وين تاني ؟؟؟
خليك معاي نهتف سير سير يا البشير - أملاك عقار كلها حتكون تبعنا حتى بتو والهمر حتؤؤل ملكيتها لينا
خلي الكلام دا في سرك دكتور بابكر دا لو لم في ولاية النيل الأزرق حنروح في داهية
والجماعة حيضحوا بكقلول السنة دي

عدد المساهمات : 1940 تاريخ التسجيل : 20/06/2010

أملاك عقار كلها حتكون تبعنا حتى بتو والهمر حتؤؤل ملكيتها لينا
اخونا العزيز الامين انت اذا حزب وطني .. صرح .. اذا طلبوك
والي للنيل الازرق صرح اذا انت بالامن عقيد ولا عميد كمان صرح
انت حكايتك شنو يازول ... حيرتنا

عدد المساهمات : 1940 تاريخ التسجيل : 20/06/2010

آخر الاخبار اليوم من دنقلا بان الخروف 600 الف ماينقص منو ربع كيلو
الحجم العادي اما الحجم العائلي باسعارالخرطوم تمنميات وانت طالع

[ندعوك للتسجيل في المنتدى أو التعريف بنفسك لمعاينة هذه الصورة]

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[ندعوك للتسجيل في المنتدى أو التعريف بنفسك لمعاينة هذه الصورة]

كل عام و انتم بخير

تحياتي
ياجماعة انا خايفة اللحوم اسعارها ماتنزل والناس تعمل ذى اصحابنا ديل

[flash][ندعوك للتسجيل في المنتدى أو التعريف بنفسك لمعاينة هذا الرابط][/flash]

وفى امان الله

تحياتي
بمناسبة ارتفاع اللحوم قالوا شايقى مشى السوق يشترى لحمة لقاها غالية قام رجع البيت قال لمرتو اللحمة غالية وانا مفكر اضبح الببغاء دة اصلو بقى مزعج عليكى الله يا نفيسى اعملى لينا منو فتة كوارع وحمرى لينا لحمة شية والكبدة والكلاوى اشويهم لينا وماتنسى الراس تختيهو فى التلاجة لبكرة والريش حقو اعملى منو مرتبة ومخدة.
الببغاء قال ليهو عليك الله خليها تحلبنى يعملو ليك رز باللبن تتسحر بيهو.
وفى امان الله

عدد المساهمات : 719 تاريخ التسجيل : 25/05/2010

الاخوة المتداخلين جميعا لكم التحية بنكهة اللحم المجنكم دا الحكاية شنو يعني شرط يا عبد الرحمن تضحي لو مستطيع تضحي وما تخاف انحنا عندنا خروف في الزريبة حنرسل شوية لحمة للاولاد مع الراس بالخفية وكدا تكون ضحيت يوروا الراس للناس وخلاص انتهي الموضوع وفعلا الاسعار مولعة يعني مافي طريقة للضحية وربنا يدينا العمر للضحية وياريت الاخ ماهر تصدر خرفان كثيرة حتغني منهم

تحياتي د.عايدة ...

غايتوا صاحبنا جنن البغبغاء و خلاة يطلع من طوروه

---------------------------------------------------------

يااستاذة وصفيه ...

عليك الله فخدة من خروفكم Laught_2

بعد نكته الدكتورة اكيد بيكفي الحي كله ...

الاخوة المتداخلين سلامات وكل سنة وانتم بخير ومعاكم ببغاءات اقصد خرفان سمييييييييييييييييينة

قالوا امبارح بالليل كيلو العجالي في السوق المركزي بي 14 جنيه بعد المقاطعة

حق الناس تغتنم فرصة ما بعد المقاطعة مباشرة تشتري لحمة وتخزنو لحدي عيد الضحية

دكتورتا الرائع

لو خذنا اللحمه والكهرباء قطعت قبل العيد... نقدم العيد ولا نعمل شنو؟

لو قصدك بالتخذين نعمل اللحمة شرموط.... تخذين جميل لكن الضحية تكون ويكة ناشفه بدل شية

قول يالطيف

اولا اختفاء صاحب البوست ليومين كاملين ولم نتعود منه ذلك عل المانع خير

يا ناس السعودية شوفو لينا اخبار الزول دا

والله يا الخال انافاتت علي انو ناسنا ديل اي ناس الحكومة ممكن يعملو حاجة ذي دي ويقطعوا الكهرباء خاصة اذا عرفو موضوع التخزين بس والله برضو فكرة قصة الشرموط دي

ونقول يا ااااااا لطيف

عدد المساهمات : 719 تاريخ التسجيل : 25/05/2010

لك التحية الاخ شريف وانشاءالله حرسل لك فخذة كبيرة عبر النت بس ما يخطفوه الاخوة الباقين الاخ عبد الرخمن ود/ بكري ولكن ماهر قال الخرفان عندهم رخيصة والدكتورة عايدة من ناس العاصمة الشايلين حس اللحمة اكيد بتخطف اللحمة

تسلمي يابنت عمي للاستاذة وصفيه ..

و حقيقي وين الخال عبد الرحمن ما يكون مضرب على Dont_Know

الطعام اقصد اللحمه و بعافية شويه ..

عدد المساهمات : 435 تاريخ التسجيل : 11/01/2010

الاخ/ عبد الرحمن
تحياتى ... ومتخاف البلد بخبر والناس بخير وخروفك علي
وده مقال عن مقاطعة شراء اللحوم الغالية والجزارين خافو وطوالى رخصو السعر والشغله ماشه على الولايات.

نجحت
حملة مقاطعة اللحوم التي انطلقت بولاية الخرطوم أمس، في تخفيض أسعارها
بشكل لافت في بعض الأسواق وحدت من شراء السلعة بنسبة كبيرة. وكشفت جولة
بعدد من أسواق الخرطوم من بينها السوق المركزي، انخفاض أسعار اللحوم، حيث
تراوح سعر كيلو العجالي ما بين 14 إلى 18جنيهاً بدلاً من 24 جنيهاً، فيما
بلغ سعر الضأن 28 جنيهاً بدلاً من 32 جنيهاً.

في الوقت الذي طالب فيه نواب المجلس التشريعي لولاية الخرطوم بعقد جلسات
طارئة للبدء فى وضع مسودة قانون حماية المستهلك لمعالجة أزمة ارتفاع
الأسعار، فيما حمَّل معتمد محلية أم درمان الشيخ البشير أبو كساوي الأجهزة
الرقابية والتشريعية مسؤولية ارتفاع أسعار اللحوم بالولاية، واتهمها بضعف
الرقابة على الأسواق لعدم وجود تشريعات تساعد على ضبط الأسعار وعمليات
الذبيح. وقال إن أكثر من 80% من الذبيح إناث وتتم بطريقة غير مشروعة. في
غضون ذلك نفذت حماية المستهلك حملة مقاطعة اللحوم تحت شعار «الغالي متروك»
لمدة ثلاثة أيام متتالية، وكثفت وجودها في الأسواق الرئيسية، واستخدمت
مكبرات الصوت وملصقات توزع على المارة تدعو لعدم شراء اللحوم، لجهة الضغط
لتخفيض وتوحيد السعر. واعتبر الأمين العام لحماية المستهلك د. ياسر ميرغني
أن خفض أسعار اللحوم إلى هذا المستوى يعد نجاحاً كبيراً للحملة. ولفت إلى
أن ذلك كان أمراً مفاجئاً وفوق التوقعات، ممتدحاً ما سماه الوقفة القوية
للأجهزة الإعلامية، نافياً أن تكون الحملة لها علاقة بسياسة التحرير
الاقتصادي التي تنتهجها الدولة، كاشفاً عن أن المقاطعة جاءت نتيجة لدراسات
أُجريت مع المصدرين والجزارين ووزارة الثروة الحيوانية، تبين فيها للجمعية
عدم وجود مبرر لارتفاع أسعار اللحوم. وأكد أن نجاح الحملة في يومها الأول
أكبر محفز لاستمرارها خلال الأيام المحددة، مع توسيع أهدافها ومحاربة
الغلاء الذي طال السلع الاستهلاكية، وقال: «سنحارب جميع الجشعين». وفي
السياق حذَّر أبو كساوي من فقد السودان لسوق تصدير الماشية مستقبلاً، وقال
إن الدول التي كانت تعتمد على واردها من اللحوم السودانية لن تستورد بعد
الآن، خاصة في ظل ازدياد عمليات التهريب وانتاج الماشية في الدول
المستوردة، فى وقت أكد فيه أن مقاطعة اللحوم ليست هي الحل لإنهاء المشكلة،
وقال إن محاربة الغلاء تتم بالإنتاج ووفرة السلع في الأسواق، لافتاً إلى أن
المقاطعة ساعدت على ارتفاع السلع البديلة كالعدس وغيرها. ومن جانبه أكد
رئيس اللجنة الهندسية بالمجلس التشريعي لولاية الخرطوم د. ناجي اسكندر أن
ارتفاع الأسعار غير مطابق لتكلفة الانتاج الحقيقية. الى ذلك عزا المؤتمر
الوطني ارتفاع الأسعار وغلاء المعيشة إلى الزيادة العالمية في أسعار الغذاء
بيد أنه اعتبر ارتفاع أسعار اللحوم بأنها غير مبررة ومصطنعة، وقال هناك من
لهم مصالح حقيقية وراء ارتفاع الأسعار وقال أمين أمانة الزراع والرعاة
بالمؤتمر الوطني البروفسير فتحي محمد خليفة عقب اجتماع النهضة الزراعية أمس
إن كل الدول تعاني من ارتفاع الأسعار ولكنه أكد أن السودان يعاني بسبب
موسمية إنتاج المحاصيل بالإضافة إلى الزيادة في أسعار البترول والوقود.

عدد المساهمات : 1940 تاريخ التسجيل : 20/06/2010

اخونا سيف بارك الله فيك
اخبار تحمل البشريات وتبعث الطمأنينه في النفوس
شكرا لعبق المرور وهذا الثرد الوافي ... اكيد كل من قرأ هذا الثرد خت الرحمن في قلبو
بس أمسك قوي في (خروفك علي)

عدد المساهمات : 200 تاريخ التسجيل : 10/02/2010

تحياتي ........... صديقي العزيز الشيخ عاصم الخطيب بمسجد السنهوري ....والعضو بمجلس الفقه الاسلامي.......

داعبتة بأنو يلقي لينا فتوي كاربة كدة تسقط اضحية هذا العام ..لجرسة الاخ عبد الرحمن ... ووعد خير ...ترقبوا....

قولوا اللحمة رخصت والخروف زاتو رخص اها وبعدين....... حتسوهو بي شنو ....

عدد المساهمات : 1940 تاريخ التسجيل : 20/06/2010

تحياتي ........... صديقي العزيز الشيخ عاصم الخطيب بمسجد السنهوري ....والعضو بمجلس الفقه الاسلامي.......

داعبتة بأنو يلقي لينا فتوي كاربة كدة تسقط اضحية هذا العام ..لجرسة الاخ عبد الرحمن ... ووعد خير ...ترقبوا....

سلااااامات قدوره انشاء الله تكون رجعت من خرتوم الجن ومشيت علي الجرف والبحر وروقت
حبتين وركبت الموتر .. وقابلت عباس في خطة (ما العمل اذا هلال زرقان شال الكأس)
وحتلقوا بلد تاني وين من عبدالرحيم نوري ...
وماذا اذا اسقط علينا صديقك عاصم الاضحيه ؟؟؟؟ هل سننفذ ؟؟؟؟ علي اية حال ننتظركم
ان تأتوا بالبشريات أخوك مجررررس لان عندو خروفين قبل العيد .. أهو سيف شهلي قال
خروفك علئ .. انشاء الله ماينط ...
وكمان في انتظار الخروف الانجليزي من ماهر
وظهر خروف امريكي من قرشي
وايضا خروف ايطالي من شريف
والحمد الله كلو أصـــــــــــلي في اصـــــــــلي لاصيني لاتايواني

طيب يا عبدو انت لميت خرفان لي كل المغتربين بس اوعك تقوم تتاجر بيها بعد ما ادوك ليها هدايا

الانجليزي دا عرفنا وشوفنا سعرو وبياكل شنو

والايطالي الحنكوش ابو قصة(بضم القاف)برشو شفناه حتي صورتو برضو

لكن الامريكي دا ما عارفين خبرو شنو المهم يا عبدو اي حاجة ولا التجارة فينا بعدين

تحياتي للجميع اولأ نشكر اخونا سيف على الأخبار الجميلة عن اسعار اللحوم بالسوق ...

و بعدين ياخال عبد الرحمن مالك قاعد تفسر بمزاجك Broke

ماشايف نحن شاحتين لينا فخدة من خروف الأستاذة وصفيه ..

الصور معناها الخرفان ليست للضبح ... Ekk

عدد المساهمات : 1940 تاريخ التسجيل : 20/06/2010

سلااااااامات د بابكر وشــــــــــريف
يا ابن عمي تعرف معني خروف انجليزي اصلي يازول ده ما للضبيحه للفرجه بس وبعدين كيف
مانتاجر مع الاسعار دي ... مهند عبدالله بيقول مجهزين ديكين كبار اسود واحمر قلت ليه احجزوا
لي لون المريخ ده .. الحاضر يكلم الغايب العيد في البلد السنه دي بالديوك ... قرار رسمي
صادر ومنتظرين كمان (فتوة قدوره)
الايطالي شايف شريف عايز يزووووغ سمعنا حينزل الخرفان الحناكيش ديل وهسي بيقول صور
بس اما الامريكي خليه لغاية قريب العيد نديك خبره ..
قال شاحدين فخذه من وصفيه قال

عدد المساهمات : 1940 تاريخ التسجيل : 20/06/2010

عـــــــــــــــــــــــاجل

* اليوم لا حديث في الشارع وعلى وسائل الإعلام سوي غلاء المعيشة ومقاطعة اللحوم، وعن الأفكار القادمة لمقاطعة الطماطم! والتخلي عن الأضحية هذا العام! والمتوقع أن يصل سعرها إلى المليون بالقديم!

* أمس أعلنت ولاية الخرطوم عن حزمة من التدابير لمواجهة غلاء الأسعار فتقرر استيراد الفراخ والطماطم وسلع أخرى! والتوجيه بتحويل خراف التصدير وبيعها للمواطنين قبل عيد الأضحى بسعر التصدير البالغ 100 دولار للرأس وبسعر السوق الأسود أي سيكون سعر الخروف حوالي 400 جنيه في المتوسط.. نأمل أن تنجح هذه التدابير ولا تكون مجرد قرارات والسلام..

والله ربنا يسهل وحتي لو كان بسعر السوق الاسود برضو كويس

قوووووول(ذي كلام ساتي الطاهر)بي 500 جنيه والله برضو كويس خالص

اما بخصوص الديكة انتو طبعا لونكم دا ما فارق معاكم بتضبحوه لكن نحن اللون الازرق بنعزو شدييييد وبنضبح الاحمر برضو

تحياتي
ده شنو ياجماعة ديك احمر انتوا دايرين تضحوا ولاتدقوا زار, اطمنوا قررنا نوزع على الناس نعام والرقبة هدية للاخ عبدالرحمن
وفى امان الله

عدد المساهمات : 330 تاريخ التسجيل : 25/04/2011

الخال عبد الرحمن شيال الهموم
لقيت ليك حل لموضوع الضحية الغالية
اعمل زى جماعة الفاتح جبرا واجر
عجبنى مقال اخير للكاتب الفاتح جبرا ( ساخر سبيل ) عن خروف عيد الضحية هذا العام

مع اقتراب عيد الأضحى تبدأ عملية التفكير فى توفير (حق الخروف) لدى المواطنين خاصة الفقراء منهم وذوي الدخل (المهدود) ، هذا (الخروف) الذى حولته التقاليد من سُنّة مؤكدة تجوز عند المقدرة إلى ضرورة حتمية (مية المية) لا يمكن تجاوزها حتى فى أحلك و(أفلس) الظروف .

ورغم التطمينات التى نستمع إليها من بعض (المعنيين) من المسئولين الذين يؤكدون (فى كل عام) بأن سعر (الخروف) سوف يكون فى متناول مختلف الشرائح إلا أن الواقع يقول بأن نسبة كبيرة من الأسر سوف لن تستطيع أن (تضحى) هذا العام نسبة للأسعار الفلكية التى وصلت إليها أسعار (الخرفان) داخل (سلة غذاء العالم) بعد أن وصل سعر كيلو الضأن (كم وعشرين جنيه) !
ولأن مسألة (الضحية) أصبحت كما أسلفت تقليداً إجتماعياً لازم الزول يقوم بيهو بأى طريقة (عندو وللا ما عندو) وفى ظل هذه (المسغبة) فالعبدلله يتنبأ بإنتشار محلات (تأجير الخرفان) كما حدث بالفعل فى بعض أقطار الجوار (الغير مصدرة للماشية) :

- اهلا وسهلا يا جماعة .. طلبكم شنو؟

- والله أنا عاوز ليا خروف معقول كده لمدة تلاته يوم .. وكمان أخونا (عباس) ده عاوز ليهو واحد برضو بس عاوزو يومين بس عشان ظروفو بطالة وما بتستحمل !

- (يؤشر نحوأحد الخرفان) : الأسود بأبيض داااك إيجارو اليوم بى كم؟

- سبعين جنيه

- (مندهشاً) سبعين شنو؟ ياخى هو اصلو (أتوس) وللا أكسنت!

- (عباس متدخلا) : خليك من الأسود بأبيض ده طيب (البنى) الشويه تعبان داك ؟

- ( وهو يمسك به) : الخروف البنى ده إيجارو بى خمسين ! (مواصلا) : وطبعن الخرفان دى أكلها عليكم وبنديكم ليهو من هنا تشيلوهو معاكم عشان ما تكتلوها لينا بالجوع

- بى مناسبة تكتلوها دى هسه خرفانكم الح نشيلا دى أكان حصلت ليها حاجة وكده

- يا خوى نحنا سلمناك خروف تجيبو لينا زى ما سلمناكا ليهو وإلا التأمين بتاعك بيسقط !

- (فى إندهاش) تأمين شنو؟

- (يضحك متهكما) : يعنى إنتو عاوزين تدفعو ليكم مية وخمسين وللا ميتين جنيه إيجار وتشيلو الخرفان دى سااااكت كده ؟ ما لازم تختو ليكم شيك أو وصل أمانة بى تمنا !!

يقوم (كمال) وزميله (عباس) كل منهما بكتابة إيصال أمانة بمبلغ سبعمية وخمسين جنيه لصاحب محل تأجير الخرفان ، يمسك كل منهما بخروفه ويخرجان من المحل ، يشير (كمال) إلى أحد أصحاب (الكارو) غير أن صاحب المحل يخاطب الصبى الذى يعمل معه :

- تعال يا ولد خت الخروفين ديل فى البوكس وصلهم لى أعمامك ديل ..

- بوكس شنو يا حاج البيت قريب بنوصلهم بالكارو ده !

- لا .. لازم نوصلهم ليكم عشان نشوف البيت .. دى حاجات إحترازية بنعملا وكده !

- وح توصلهم لينا بى كم !

- ما بنختلف .. بس ما تنسوا تشيلو القش ده معاكم عشان ما تكتلوهم لينا بالجوع

ما أن دخل (البوكس) الحلة .. وشق صوت الخروفين ارجاء (الزقاق) الذى يسكنان فيه حتى فتحت الأبواب وخرج الأطفال يجرون وراء البوكس الذى أشار (كمال) لسائقة بالتوقف أمام البيت .

تم إنزال الخروفين حيث قام (كمال) بربط خروفه فى (الحنفية) التى بالقرب من (باب الشارع) أما (عباس) فقد ربطه على جزع شجرة النيم التى أمام المنزل !

- شنو يا جماعة الخرفان السمحة دى جبتوها من وين؟

قالها جارهم (كامل) وهو يقترب من (عباس) الذى كان يضع جردل البلاستيك الملئ بالماء للخروف

- قلتا ليا الخروف ده يا (عباس) أدوك ليهو بى كم؟

- خمسين !

- (مندهشا) : بالقديم وللا بالجديد ؟

- باليوم .. (مستدركاً) أقصد باليورو !

- شنو إشتريتوهو من البنك الدولى !

- يا حاج كامل هو تحقيق ..؟ ما زول إشترى ليهو خروف .. تحقيق هو ؟

- يا (عباس) ياخ سؤالى ضايقك مالك ؟ أنا بس عاوز ليا خروف زيو كده وقلتا أعرف الأسعار

- الخروف ده بى سبعمية وخمسين

- كاش داون كده !

- لا .. شيك .. على بالحرام سلمتا سيدو شيك هسه دى!

بينما كان (كمال) و(عباس) يجلسان على المصطبة أمام خروفيهما ذات العصر وأمامهما الراديو

- (صوت خروف) : بااااااع ... باااع .. بااااع

- (صوت أنثوى مايع) : صوت الخرووف هو أحلى صوت فى أحلى عيد ..

- (صوت رجالى جهورى) : شركة البدائل للإنتاج الفنى يسرها أن تقدم للمواطنين الألبوم الجديد (خروف الضحية) .. يحتوى الشريط على (نغمات فردية) .. نغمة ثنائي .. نغمات كورالية .. خلفيات مختلفة .. (مثلا أصوات الشفع وهم قاعدين يلعبو معاهو) !

- (الصوت الأنثوى المايع) : عزيزى المواطن أحجز نسختك من الآن .. بخمسة جنيهات فقط يمكنك توفير خمسميت جنيه ... مع تحيات ( شركة البدائل للإنتاج الفنى) !

إلتفت (عباس) إلى (كمال) مخاطباً :

- يأخى ورطتنا ساااكت .. يعنى هسه كان إشترينا لينا شريط مش كان وفرنا حق الإيجار ده !

- أعمل شنو؟ أنا مفتكر شركات الإنتاج الفنى دى تخصص (حمير) بس .. ما قايلا قلبت (خرفان)

كسرة :

قال له : بالله دى حاله بلد فيهو وزارة للثروة الحيوانية والزول ما يقدر يضحى فيها ؟

أجابه : والغريب شنو؟ عندنا وزارة للطرق وطرق مافى .. ووزارة للمواصلات ومواصلات مافى .. ووزارة للعمل وعمل مافى وووزارة للصناعة وصناعة مافى .. ووزارة للزراعة وزراعة مافى .. ووزارة للرياضة ورياضة مافى .. ووزارة للمالية وقروش ذاااتا مافى
-----------------------------------------------------------------
الكبير ماهر مادام الخرفان رخيصة عندكم كده صدر لينا كم خروف نفقح بيهم
مركز تاجير واللة نستفيد !

واللله فتنا المصرين وبقينا ننكت يا شيرين

الله يدينا خروف حتي لو بالايجار فاليجتهد الخال ماهر ويرسل ليه 100 خروف ويتم ايجارها بعد كدا ترجع تاني بريطانيا ذي ما قلتي يا شيرين والمكسب يرجع للهيئة

عدد المساهمات : 1940 تاريخ التسجيل : 20/06/2010

ابن عمي د بابكر .. سلاااااااامات والاولاد
انا خايف اللون الاحمر يخليك تمشي مدنقر زي ابن اختك قدوره الاصلي ويهضرب
لما نشيل كأس افريقيا 2012 .. كده خلينا هسي في الخروف وأقرأ اقتراح الفاتح
جبره للاخت شيرين (تأجير وكده)

عدد المساهمات : 1940 تاريخ التسجيل : 20/06/2010

يادكتوره بائعة الكسري ... طاب صباحك بكل ماهو جميل (صباح الجمعه)
الله يطوطحك انشاء الله صاحب البوست وصاحب (الجرررسه) يأخد راس النعامه اولا اقتراحك
رائع وجميل وتطور مفاجئ من الديك للنعام طيب النعام ما اكبر من الخروف علي اية حال انا
عايز فخذين النعام ده مع الصدر وانتو خدو الباقي ويديكي العافيه تكوني ماقصرتي
بس ماتغيري رايك خلال 24 ساعه زي هيثمكم ..

عدد المساهمات : 1940 تاريخ التسجيل : 20/06/2010

عودا حميدا مستطابا شيرين
وشكرا لعبق المرور بهذه الاطـــــــــــلاله ومعك الساخر الفاتح جبره الرائع الذي يتفنن في ثرد
واقع الحال في الشارع السوداني .. اولا ياشرين من المفترض مرورك بالمــــحكمه للغياب ثم
ثم الحضور هنا القوانين تغيرت .. ثرد رائع لساخر سبيل تأجير الخروف (للقندفه وسماع صوته
سبحان الله كيف كنا وكيف اصبحنا وحقيقة كما ذكر سيتخلي أغلب الناس عن الاضحيه وستكون
حاله غريبه لدي السودانيين ... وبالفعل تقالدينا حولت الاضحيه من سنه مؤكده الي حاله حتميه
ميه الميه .. للمعلوميه حضرت العيد في دول كثيره جدا .. ولم أري شعبا يجعل من الاضحيه
حاله حتميه الا الشعب السوداني ..
يبدو انك لم تلاحظي رد قريبك ماهر اعـــــــــلاه وهو يعرض خروف انجليزي بـ 225 الف
ويطلب مناديب بالخرطوم ودنقلا علي اية حال الاقتراحات كثيره .. نحن في انتظار فــــــتاوي
ولدينا اقتراحات كثيره وجابت ليها نعامه من د بائعة الكسري ونحن في انتظار ما ستسفر عنها
مقبل الايام (والجـــــــــــــرررسه) حاصله

الايطالي شايف شريف عايز يزووووغ سمعنا حينزل الخرفان الحناكيش ديل وهسي بيقول صور
بس اما الامريكي خليه لغاية قريب العيد نديك خبره ..
قال شاحدين فخذه من وصفيه قال

ياقريبي هذه مازوغة ولكن تضامن مع المواطن السوداني اى البيسط

و الخروف الايطالي الأصلي ثمنه 130 يورو + مصاريف الشحن Laughing

لو عندك النيه قدم طلبك من بدري شوية ...

و الأفضل خليك مع نعامة د.عايدة ..

و ماتنقلوا لينا الكورة فى كل البوستات خوفاً من حدوث العكس و بعدين ما بتقدرو تمسحوه About_To_Cry

الاخ شريف سلامات اود ان اقدم طلبي اليك

نحن الخروف بحوالي 280 يورو والحمد لله شوف الفرق بين الخروف البريطاني والايطالي وحتي السوداني المجرس صاحب البوست نحن نقول شنو ونعمل شنو الله يسهل بس

اتفقنا نحن مع بعض انو نشتري عجل ونضبحو نقسمو بيناتنا ونحن الحمد لله البنضحي مع بعض ما شوية مع انو في ناس زاغو ورجعوا بريطانيا لانو السنة الفاتت ضحت معانا وتقريبا عرفت سعر الخروف السنة حصل فيها زيادة فشردت من مصر

عدد المساهمات : 1940 تاريخ التسجيل : 20/06/2010

و الخروف الايطالي الأصلي ثمنه 130 يورو + مصاريف الشحن Laughing لو عندك النيه قدم طلبك من بدري شوية ...

و الأفضل خليك مع نعامة د.عايدة ..

نعم عندنا النيه .. خروف ايطالي كيف يكون ماعندنا النيه
والله ياابن عمي الحمد لله اخرت الرد شويه .. اخونا شريف لقانا (مجرسسين) قال 130 يورو
ما حسبها كويس ان السعر 280 يورو وراك وراك والعيد لازال
والجررررررسه حاصله ونعامة د عايده بالزريبه مكان الخروف

تحياتي د.بكري حقيق فكرة الأضحية الجماعية ممتازة جداً لتقليل تكلفة المصاريف و جمع عدد من الأخوان تحت سقف واحد لزيادة البركه بالأضحية و ربنا يعين الأهل بالبلاد و حتي العيد نأمل أن تجد الحكومة مخرج لهذة الأزمة ..

الخال عبد الرحمن .....

والله يسرني جداً أن اخدم أصدقائي و أهلي و ربنا يكون فى عون الأهل بالسودان شئ مؤسف للغاية بأن نكون نصدر الخراف لدول الجوار و المواطن البسيط يتفرج على للحم و أبو الأولاد شايل هم الأضحية ..

عدد المساهمات : 1940 تاريخ التسجيل : 20/06/2010

الاجـــــلاء د بابكر ... شريف

تحياتي الاخ عبدالرحمن اطمئن دى اخر الاخبار الخروف بى 400
سوداني نت - وكالات: تعقد الجمعية السودانية لحماية المستهلك اليوم ملتقى: «ماذا بعد المقاطعة؟!» لتقييم حملة مقاطعة اللحوم التي تم تنفيذها الأسبوع الماضي والخروج بتوصيات يتم تطبيقها عملياً لضمان استقرار الأسعار وذلك بمشاركة رئيس شعبة المصدرين وعدد من أصحاب الجزارات.

هذه جزء من آخر الاخبار من الاخت بايعة الكسري وهي اخبار تحمل اجمل البشريات
نأمل ان تنفذ بحزافيرها من 800 الي 400 رحمة من السماء .. وايه حكاية الاضحيه
الجماعيه دي جديده ولا ايه ؟؟؟؟؟؟؟؟؟

عدد المساهمات : 81 تاريخ التسجيل : 12/02/2011

لا حول الله ولا قوة الا بالله معقول خالو مازال ما وصلت للسعر النهائى للخروف

حسيت نفسك قام وقومت نفس خالو بكرى معاك وشريف واخت وصفية والامين الياس وباقى الاخوة الله يكون فى عونكم

بس لاازم توصلوا خالو للسعر النهائى

الاخ عبد الرحمن بالله نقول الخروف بي 800 جنيه ونقول بشريات يا حلييييييييييييييييييييييييييل السودان

والله يا عبير مش قوم نفسنا خالك دا بس نقول شو غير الحمد لله

عدد المساهمات : 1940 تاريخ التسجيل : 20/06/2010

أنت بالجد كبرت ولا ايه يا ابن عمي عايز ليك نظارة
اختنا بايعة الكسري نقلت الينا نتيجة المقاطعه والتي ادت الي تخفيض الاسعار من 800 الي
400 وكانت امنياتنا ان تتحقق وعد الحكومه وجزاري البشر واللحوم والالتزام بالتخفيض
وآخر الاخبار من دنقلا تخلي علي جنب 500 او 600 الف خاص بالخروف فقط وبعد ذلك
تشوف باقي الالتزامات

عبير من بنغازي انتم خارج هذه المعمعه ويمكن الخرفان لديكم بكوم التراب
ونوعين من الخرفان
خرفان العقيد القذافي
وخرفان المجلس الوطني

عدد المساهمات : 81 تاريخ التسجيل : 12/02/2011

والله فعلاً انحنا خارج هذه المعمعه Surprised

خلاص حنرسل ليكم خرفان من هنا بس انتو اختارو

خروف معمر القذافى ولا خروف المجلس الوطنى بس أنحنا انشاءالله حناخد خروف المجلس الوطنى أنتو حددو Question

» يا الله بلي دقو
» القلب و أحواله
» أفتحو الرابط وقولو ماشاء الله تبارك الله
» الشمائل المحمدية
» الف حمد الله على السلامة