| أمور نسوان وبس | |
|
|
كاتب الموضوع | رسالة |
---|
فخرالدين عثمان
![](https://2img.net/r/ihimizer/img683/4451/azm1.gif)
![فخرالدين عثمان](https://i.servimg.com/u/f73/14/73/06/87/no_ava10.gif)
الموقع : الخرطوم عدد المساهمات : 371 تاريخ التسجيل : 02/06/2011
![أمور نسوان وبس Empty](https://2img.net/i/empty.gif) | موضوع: أمور نسوان وبس الإثنين 18 يوليو 2011, 3:29 pm | |
| عندما يفلح شيطان الغضب في تغييب العقل، ويذكي نار الخلاف بين اثنين وتندلع (الشكلة)، تظل هناك درجة من الوعي الداخلى يدفعنا، عندما نختلف مع الغريب لأن نضع في إعتبارنا مساحة من المراعاة، على عدم الوصول بـ(الشكلة) لنهايات اللا عودة .. ليقيننا بأنه بعد أن يهدأ الغضب ويذهب الشيطان تظل الدواخل تحمل بين طياتها الحزن وطعم الجرح وشئ من حتى. أما بين الأخوان فسرعان ما تصل (الشكلة) لقمة منحنى الغلط بأنواعه، من تلاسن وتجريح وسباب وتشابك بالأيدي والأرجل كمان، ربما لأنهم يحملون في دواخلهم يقيناً بأنهم مهما إختلفوا أو أساءوا لبعضهم البعض، فما أن يهدأ الغضب حتى يعودوا لبعضهم (زي السمن على عسل) فاهلنا بيقولوا (شكل الأخوان زي شكل المصارين في البطن) .. تغلط في بعضا وترجع. للشكل عند الأزواج (نظام براهو) .. فالنساء يملن للتنفيس عن الكبت وضغوط الحياة الزوجية بسلاح التهديد وما أن يشتعل أوار الشكلة حتى تتهور الزوجة بالقول: إنت كان راجل .. تطلقني هسي دي .. أنا تاني يوم واحد ما بقعدو معاك! تقولها وهما الاثنان على أتم يقين بأنو (ده كلام شكل ساي .. مابتقصدو) فلو تابعها الزوج في تهورها وقال: أمشي إنتي طلـ... لسقطت من طولها غائبة عن الوعي ولسان حالها يقول: إنت ما صدقتا يا سيد ؟!! على العكس من (علوية) سريعة الغضب بطبعها الحامي ونفسها القصير، كان زوجها (كامل) هادئ الطبع أميل ما يكون للبرود وعدم المبالاة، لذلك كلما تأججت نار (الشكلة) بينهما، صب عليها (كامل) الماء البارد بلا مبالاته المغيظة، مما يشعرها بالكبت فتندفع في محاولة تصعيد المشكلة، لعلها تفلح في جره معها للشكل والتنفيس عما بها ، وعندما لاحقته بكترة الكلام في ذات شكلة، فكر في الخروج من البيت هربا من النقة فلاحقته حتى الباب وهي تصيح خلفه: ما ترد على.. ما بني آدم زيك ؟ وعندما فتح الباب وخرج دون أن يلتفت إليها صاحت فيه: خليك عارف يا كامل .. لو طلعتا .. ما حا تجي تلقاني .. ترسل لي ورقتي في بيت أبوي. ما إن أغلق الباب وراءه حتى إنفجرت في البكاء، ومع إنحسار نوبة البكاء كانت قد وصلت لقناعة بأنه لا يأخذ تهديداتها على محمل الجد، لأنها دائما تهدده بترك البيت ثم لا تفعل .. إنتصبت واقفة وجمعت ثيابها وحاجياتها في (هاند باك) بسرعة .. وتركت له رسالة لطختها بدموعها تخبره فيها عن إستحالة العيش بينهما وتطلب منه الطلاق ثم وضعتها في مكان بارز على التسريحة وخرجت من البيت. ركبت الحافلة وهي تعاني من تنازع شديد طوال الطريق لبيت أهلها، فقد أحست بشئ من الندم على تهورها وخافت من تبعات تصعيد المشكلة بتدخل أسرتها في الموضوع .. سرحت مع أفكارها في محاولة لتصور ردة فعل (كامل) عندما يعود للبيت ويجدها قد نفذت تهديدها وتركته .. حدثها قلبها بأنه سوف يحزن ويكتئب لفراقها ولكن شيطانها صوّر لها سعادته الغامرة بتخلصه منها، وتراءى لها وهو يضحك سعيدا بحريته .. فرقعت بأصابعها للكمساري - عندما وصلت بأفكارها لتلك المحصلة - لكي تنزل .. وعادت بالحافلة العائدة على نفس الخط وهي تجاهد في إقناع نفسها بعدم (نخّتها) عن الزعلة، فكل الحكاية أنها تريد أن ترى ردة فعله على مغادرتها البيت عند عودته .. جلست تنتظر على نار حتى سمعت صوت مفتاحه يفتح الباب فأسرعت بالنزول للأرض وحشرت نفسها تحت السرير وإنتظرت. من مكمنها تحت السرير راقبته عندما دخل وقرأ الرسالة ثم تعالى صوته وهو يصفر ويدندن لحن أغنيته المفضلة .. قلب الرسالة بعد أن أتم قراءتها وكتب على ظهرها بضعة كلمات، ثم فتح الدولاب وأخرج ملابسه ودخل الحمام دون أن يتوقف عن الدندنة والصفارة .. ظلت في مكمنها تتقلب في نار الغيظ من لا مبالاته، وفضلت الإنتظار حتى خرج من الحمام حيث حمل الموبايل واضطجع على السرير .. سمعته يضحك وهو يضرب موعدا مع أحدهم ويدعوه لقضاء الأمسية معا ويختم مكالمته بالقول: الليلة مسجون وأنفكا .. السهرة صبّاحي .. أيوة مشت بيت أبوها .. يلا خلاص نتقابل بعد نص ساعة !! كادت تنفجر غيظا وسالت دمعاتها حتى بللت الأرضية بينما إنهمك -هو - في القشرة وكبكبة العطور وتأمل نفسه في المرآة بسعادة قبل أن يحمل مفاتيحه ويخرج. انتظرت حتى سمعت صوت إغلاقه للباب الخارجي واسرعت بالخروج من تحت السرير .. إندفعت لتحمل الرسالة وتقرأ ما كتبه على ظهرها .. فوجئت بأنه كتب ثلاث كلمات فقط: عاآآآآرفِك تحت السرير | |
|
![اذهب الى الأسفل](https://2img.net/s/t/14/25/68/i_down_arrow.gif) | |
شيرين
![](https://2img.net/r/ihimizer/img683/4451/azm1.gif)
![شيرين](https://2img.net/u/2812/10/25/84/avatars/368-93.jpg)
عدد المساهمات : 330 تاريخ التسجيل : 25/04/2011
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الإثنين 18 يوليو 2011, 5:32 pm | |
| الاخ فخ رى خليك من امور النسو والبسوى فية وخليك فى حربك اديت الخال الامين الخلا وهسع عليك اللة راجلك دا بدل يخلى البيت ويمرق ولا يكتب عارفك تحت السرير ماكان احسن يشوف المشكله ويحلة [ندعوك للتسجيل في المنتدى أو التعريف بنفسك لمعاينة هذه الصورة] انسا ن انهزامى زى ------ | |
|
![اذهب الى الأسفل](https://2img.net/s/t/14/25/68/i_down_arrow.gif) | |
وصفية عيسي
![](https://2img.net/r/ihimizer/img87/3866/azm3.gif)
![avatar](https://i.servimg.com/u/f73/14/73/06/87/no_ava10.gif)
عدد المساهمات : 719 تاريخ التسجيل : 25/05/2010
![أمور نسوان وبس Empty](https://2img.net/i/empty.gif) | |
![اذهب الى الأسفل](https://2img.net/s/t/14/25/68/i_down_arrow.gif) | |
الأمين الياس الأمين
![](https://2img.net/r/ihimizer/img87/3866/azm3.gif)
![avatar](https://i.servimg.com/u/f73/14/73/06/87/no_ava10.gif)
عدد المساهمات : 604 تاريخ التسجيل : 16/01/2011
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الثلاثاء 19 يوليو 2011, 7:35 am | |
| قال رسول الله صلى الله عليه وسلم : (استوصوا بالنساء خيرا فإنهن عوان عندكم) أي لا يملكن لأنفسهن شيئا بس يملكن طولة اللسان .. الحيلة قليلة والخشم بليلة , واعتقد هذا الرجل الذي ذكر ما انهزامي بل راجل عاقل بدل ما يجاريها ويطلقا أحسن يخلي البيت ويقول ليها (أهوون تب عليكي) وأهو أخدا على قدر عقلها (مع أنو عقلهن ما بجي إلا يسمع حرف الطاء) .. وأداها درس في الأخلاق وحسن التعامل علها تفهم وتقدر. غير أن الرسول صلى الله عليه وسلم : وصفهن بناقصات عقل ودين الله يعين الرجال ويديهم طولة البال والصبر على البلاء. والله المستعان . | |
|
![اذهب الى الأسفل](https://2img.net/s/t/14/25/68/i_down_arrow.gif) | |
شيرين
![](https://2img.net/r/ihimizer/img683/4451/azm1.gif)
![شيرين](https://2img.net/u/2812/10/25/84/avatars/368-93.jpg)
عدد المساهمات : 330 تاريخ التسجيل : 25/04/2011
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الثلاثاء 19 يوليو 2011, 9:08 am | |
| ]الاخ فخرى خلينا من امور النسون القلتو ناقصات عقل ودين والقلتو دى خت تحته خطين رائك شنو فى الجاى دا [ندعوك للتسجيل في المنتدى أو التعريف بنفسك لمعاينة هذه الصورة] رد فعل الزوج] 1) الصبح وهو رايح على شغلك وهى نايمة يتعمد اسقاط اى شيئ او خبط الباب بصوت عالى علشان تصحيها هى كمان. ولو حاولت ترجع تنام تانى قالها: مادام صحيتى حضري الفطار بقى.
2) اذا كنت بتتفرج على التلفزيون وهى عايزة تغير القناة، يقولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة.
3) يصحى يوم الجمعة بهمة ونشاط ويجهز الافطار لزوجته بس يستخدم 25 طبق واكبر كمية من الملاعق والشوك و 10 حلل من اللى عندكم فى المطبخ و 20 كوبيات لاعداد طبق بيض وسندوتش جبنة، مع مراعاة ترك اثار سمنة على الارض مع ترك التلاجة مفتوحة وقشر البيض فى الحوض.
4) فى عيد ميلادها يزينلها تورتة عيد ميلادها بخمسين شمعة ولو سألته لية خمسين رغم ان عندها 25 سنة بس ؟ يتحجج بضعف الاضاءة فى البيت وهو بيبص على النجفة اللى فيها 50 لمبة مع ابتسامة صفراء خفيفة.
5) لو عملة ريجيم يجرى على السوبر ماركت ومحلات الحلويات ويملئ التلاجة شكولاتة وحلويات وجاتوهات. ويتجول وهو مستمتع بأكل الجاتوة امامها.
6) أهم حاجه رأيك فى طبيخها لو عاملة لحمة قالها حلو اوووى الفراخ دى، ولو طبخة بامية .. جميلة اوى الملوخية دى حطة عليها اية ؟؟ ولو عملة كيكة يقولها انا بحب اشرب شاى مع البسكويت الحلو دة !!
7) لو طلبت منه تنشر الهدوم يقولها حاضر مع ابتسامة حانية وبعد ما تخلص نشر الهدوم يدخل عليها ويقولها انا نازل اجيب الهدوم اللى وقعت منى فى الشارع ولو سألته هو اية اللى وقع ؟ يذكر لها كل هدومها اللى كانت مغسولة مع فردة شراب من بتوعه، علشان متبقاش مقصودة منه !
لو هى قررت مسح الارضيات فى البيت يروح وييجى على المناطق المبلولة وتتحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية.
9) لو كانت مشغولة فى نظافة البيت او مع الاولاد وطلبت منه يغسل كوبتين الشاى بتوع الصبح الموجودين فى الحوض يرجعلها كمان دقيقة من دخولك المطبخ وهو ماسك كوبية من الاتنين وهى مكسورة ويسألها فى براءة ارمى دى فين ؟
10) وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!
| |
|
![اذهب الى الأسفل](https://2img.net/s/t/14/25/68/i_down_arrow.gif) | |
وصفية عيسي
![](https://2img.net/r/ihimizer/img87/3866/azm3.gif)
![avatar](https://i.servimg.com/u/f73/14/73/06/87/no_ava10.gif)
عدد المساهمات : 719 تاريخ التسجيل : 25/05/2010
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الثلاثاء 19 يوليو 2011, 9:49 am | |
| الاخ الامين الله يعين النساء علي بلوة الرجال الما عندهم احساس مفتكرين المراة خدامة عندهم الله يسامحكم واذا ما كان الرسول قال استوصوا بالنساء خيرا كنتم عملتم العجب والعجائب الما بتنقال الله يهديكم | |
|
![اذهب الى الأسفل](https://2img.net/s/t/14/25/68/i_down_arrow.gif) | |
فخرالدين عثمان
![](https://2img.net/r/ihimizer/img683/4451/azm1.gif)
![فخرالدين عثمان](https://i.servimg.com/u/f73/14/73/06/87/no_ava10.gif)
الموقع : الخرطوم عدد المساهمات : 371 تاريخ التسجيل : 02/06/2011
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الثلاثاء 19 يوليو 2011, 1:47 pm | |
| والله يا شيرين شايلاك الهاشمية ساااااااكت
أولاً الراجل كامل ده ما إنسان إنهزامى ولو هو كان كذلك كان طلقة من أول مرة وتانياً كلام المرأة ناقصة عقل ودين ما قلناه أنحنا ده كلام الرسول صلى الله عليه وسلّم وفيه إكرام شديد ليكم تالتاً قصة ردة الفعل من أولها كده فيها مشكلة. هو الراجل لمن صحى وبيجهز نفسه للشغل هى نوم شنو العليها ( أريتا يا يمة مرت اليابا والتابا ) ياخ دى المفروض تقيف معاه خطوة خطوة لغايت ما يطلع وحتى كمان ممكن تختار ليهو هدومو اليلبسها وتودعوا يا يمة كده وداع حاااااار غايتو جنس أمور! | |
|
![اذهب الى الأسفل](https://2img.net/s/t/14/25/68/i_down_arrow.gif) | |
فخرالدين عثمان
![](https://2img.net/r/ihimizer/img683/4451/azm1.gif)
![فخرالدين عثمان](https://i.servimg.com/u/f73/14/73/06/87/no_ava10.gif)
الموقع : الخرطوم عدد المساهمات : 371 تاريخ التسجيل : 02/06/2011
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الثلاثاء 19 يوليو 2011, 2:03 pm | |
| أختى كسارة التلج وصفية
والله أنا ما نازل غضب فى النسوان زى ما إنت قلت لكن الواجعانى المكابرة بتاعتكم دى فى حاجات كده واضحة وما دايرة ليها أى كلام وإنتو عارفنها كويّس تقوموا تنططو بيجاى وبيجاى والله أنا شايف إنو المرأة هى المفروض تكون صاحبة القدر المعلا فى البيت لأنو حقيقة هى البتدبر وهى البتربى بحكم وجودها وقربها من الأطفال وهى الممكن تخلى الراجل بل وتجبره على إحترامها وإحترام وجهات نظرها والكلام ده طبعاً ما بيجى بالهرش ولا الكوراااااك لكن بالحكمة واللين والعطف والحب والشفقة والخوف وحاجات كتييييييييييرة كده والله الرجال ديل بعد مرات ساهلين خلاص بكلمة حلوة كده يقوموا ويقعدوا ويكونوا مستعدين يجيبوا لبن الطير | |
|
![اذهب الى الأسفل](https://2img.net/s/t/14/25/68/i_down_arrow.gif) | |
وصفية عيسي
![](https://2img.net/r/ihimizer/img87/3866/azm3.gif)
![avatar](https://i.servimg.com/u/f73/14/73/06/87/no_ava10.gif)
عدد المساهمات : 719 تاريخ التسجيل : 25/05/2010
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الأربعاء 20 يوليو 2011, 6:07 am | |
| الاخ فخري الحب والشفقة والكلام الحلو انت بتتكلم عنها هي المراة ذاتها وانشاءالله ربنا يديك واحدة هنية ورضيةتحبك وتشفق عليك وتحترمك الله اميـــــــن | |
|
![اذهب الى الأسفل](https://2img.net/s/t/14/25/68/i_down_arrow.gif) | |
فخرالدين عثمان
![](https://2img.net/r/ihimizer/img683/4451/azm1.gif)
![فخرالدين عثمان](https://i.servimg.com/u/f73/14/73/06/87/no_ava10.gif)
الموقع : الخرطوم عدد المساهمات : 371 تاريخ التسجيل : 02/06/2011
![أمور نسوان وبس Empty](https://2img.net/i/empty.gif) | موضوع: رد: أمور نسوان وبس الأربعاء 20 يوليو 2011, 4:09 pm | |
| اللهم آميييييييييييييييييين وصافية لبن يا بت الخال | |
|
![اذهب الى الأسفل](https://2img.net/s/t/14/25/68/i_down_arrow.gif) | |
| أمور نسوان وبس | |
|