الونسه نسوان بس

السلام عليكم شباب وشابات
ياجماعه الليله زي ما كتبنا فوق الونسه نسوان بس ونسوانا في السودان وخصوصا مراغه شفناهم وجينا شفنا نسوان امريكا
انا لاحظتا هنا في البلد الفقر دي انو النسوان اهم حاجه عندهم الرياضه الاشتراك في اماكن التدريب والجري والمشي الصباحي بيشوفو قبل الاكل
والفت نظري مالي عمر معين لحدي العندها 90 سنه نفس البرنامج وحبيت اعمل مقارنه مابين النسوان ديل ونسوانا الكسلانات
وسرحت وبديت المقارنه لقيت انو الاعمال المنزليه بتاعتنا كلها عباره عن رياضه بس ما منظمه يعني بعيد من المطبخ الاعمال الاخري
اللياسه البت تليس الحيطه لمن تسلم عليها تخربشك والعجيبه جركانت المويه يعني لو جزيف سايق دي تكون قمه الرفاهيه البت تجيب 3ادةار مويه
تديك بنيه ترمك لو بقيت اسد وحاجات كتيره ومن اهمها برضو المشي للمدرسه لي دنقلا كداري بس ما اظن منهم نسوان المنتدا دا ديل حناكيش
ما شافو اللياقه البدنيه العاليه دي ديل لو حشو ربطه برسيم بيدوخو

ههههههههههههههههههههههههههههه بالغتا
اصبر هسي يجوك ناس سوسن وليمياء ونضار يردوك ليك بدلي خخخخخخخخخخخ

يا نجم ... الشافو موضوعك لحد الآن 2

انا هعمل نايم [ندعوك للتسجيل في المنتدى أو التعريف بنفسك لمعاينة هذه الصورة] ... وانت اهرش مشيرة [ندعوك للتسجيل في المنتدى أو التعريف بنفسك لمعاينة هذه الصورة]

واسحب كلامك ... لحسن تنفجر فيك قنابل نون النسوة [ندعوك للتسجيل في المنتدى أو التعريف بنفسك لمعاينة هذه الصورة]

في كل الاتجاهات !!!!! [ندعوك للتسجيل في المنتدى أو التعريف بنفسك لمعاينة هذه الصورة]

حصل رقبتك ........

والله كل المقتربين كسلانين بس المشكله في الاقتراب عوامل الراحه هي البتهلك يعني هنا لازم يتريضو لانو الزول عرق ساي مابيعرقو الا يتريض لكن علي الاقل في السودان المشي ساي بخليك تعرق وكونك تعرق دي بركه ناس نضار ديل حناكيش ماليسو حيطه

عندي جارة عجوزة عمرها بالضبط 79 سنة وبتسوق العجلة يوميا

ده ما المشكلة يامحمود... المشكلة انها (بتقوم سداري)

وانا حبوبتي زينة فقير ماتت عن عمر يناهز ال120 سنة... ماركبت عجلة لكن حشت القش وبنت كمية من القسيبات ووسعت البهايم والدجاج والبط والبقر ... واخر ايامها اتذكر انها كانت بتشكن اللبن الفي السعن المعلق في الكشمبيل ومع كل شكة تسمع اهزوجة يالطيف....
راجع برتن قت تلنت وبتلقي حبوبان عمر 83 يتعلمن الغنا والجمباز والموسيقي وامال عريضة للمستقبل.
لكن اخوكم شاخ عند الاربعين
قولوا يالطيف

صباحكم خير كل المتداخلين واقعين استهتار فينا الموية من جوزيف كانت ايام لها ايقاع ودا تقريبا اتلاشت وهسع تشوف البنات احسن من بنات امريكا من ناحية النعومة والرشاقة والعواسة انتهت وكل شئ قديم انتهي الاخ محمود انحنا بقينا في زمن العولمة والانترنت ربنا يهديكم جميعا وبطلوا تريقة

هسع كلامكم ده مابقولوا عيه وشهد شاهدا من اهله ، لما يقولوا السودانين كسالا ماتزعلوا اهه المقارنه دى براها ما دليل اثبات.
والله اقول ليك كلام من شدة الكسل الشركه عامله لينا نادى رياضى جوا المبنى وعندنا ساعة بريك لحدى هسه تسال اى واحد يقول ليك ماشافو.
والناس البتقول بنات امريكا وبنات لندن ديل والله بى الرياضه بتاعتم دى تلقى الواحده جلد على عظم زى الكسره الناشفه .
عليكم الله كدى عاينو لامهاتنا وهم اكيد تعبو فى شغل البيت اكتر مننا حاتلقوهم لحدى هسه عندهم نعومه لوفتشهوا فى بنات العم سام بتاعينكم ديل ماتلقوها.
قال سدارى ورياضه قال

الاخ الامين لك خالص التحايا بس انا ما حنكوشة انت عارف كويس ولكن كنت بشيل الموية بالجردل بحكم قرابة البيت من الجدول يعني ما حنكوشة

الشكر كل الشكر علي الردود الراقيه والحمد لله انو نضار مافيشه
والظريف في البنات السودانيات قبل فتره بتونسو في بيت عرس هنا سالتهم انتو بتعوسو بي شنو هنا قالو بي الكريديت كارد والظريف انواع معينه جدا ونادره والتعبانه شديد تعوس بي كرت بنك اف امريكا