موضوع مهم من نسمة وفاء

بسم الله الرحمن الرحيم
الموضوع / للاستاذة / الغالية نسمة وهي المشرفة الاولى بهذا الشبكة لها منا الود و التقدير

موضوع للنقاش ويستوجب الصراحة والصدق لمعالجة الإشكال ..

متى اخر مره فكرت فيها بالجلوس مع أختك وتحدثت معها ؟؟
هل ستكون الاجابه..بالامس؟؟
منذ شهر
منذ سنه
لم أفعلها في حياتي ابدا ..!!!

تختلف إجابتكم .. من شخص لاخر

لكن هل سألت نفسك .. ماهي ردت فعلها لو جربت وأعطيتها جزء من وقتك
ما الاثر الذي ستتركه في قلبها ..
فجميعنا يعلم أن الأخت تحب أن يكون لها أخ ترى منه الإهتمام والعطف والحنان

فماذا لو افرحت قلب اختك وجلست وتجاذبت معها أطراف الحديث، فأنت تحكي لها قصة وهي تحكي لك ...
ربما تقول ..
مشغول
مش فاضي لها
ولو كان احد اصدقائك لقدمت له عينيك ..
إذا ماكنت فاضي لها كما تزعم .. فمن الذي سيفضى لها؟؟ لمن ستتحدث؟؟ من ستستشير؟؟ من يقدم لها النصح؟؟

أتريدها ان تبحث عن رجل اخر غيرك .. ؟؟؟

ولو بحثت ستجد !!!

نعم ستجد تلك الذئاب التي ستعطيها مالم تجده عندك

فلتحاولو جميعا أن تعطو أخواتكم شيئاً من وقتكم فهن يستحقين هذا ..

وأنتن يا بنات ما سيكون إحساسكن عندما تجدن لفتة إهتمام كهذه من إخوانكن؟

ياجماعة بي صرااااااااااااااااااااااااحة اتكلمو

انا عن نفسي حقول طواااااااااااااااااااااااااالي مع محمود بتكلم مع انو بعيد عننا
وبالجد برضو مشتاقة ليهو

اما ضحى واسراء ف بالجد لي اسبوع من اوبوي جا الخرطوم مش ماضربتا بحاول اضرب بس ما بردو ما عارفة مالم
ابوي قال مشكلة في التلفون

اما هشام ايييييييييييييييك طولتا منو شديد وبحاول معاهو تلفونو خسران برضو محمود قال لكن محمود بدينا اخبارو طوالي وهو تماااااااااااااااااااااااام

وصفوية حبيبتي معاي وقدام عيني طوالي مع انها بتشرد مني هههههههههههههههههه بتمشي لي صحباتا

اها دي انا واخواني يلا انتو الحاصل معاكم شنو

الاخت نسمة...الجلوس للونسة مع افراد العائلة الصغيرة ربما يتطلب الحضور المكاني والزماني. التلفونات احيانا تتطاقش واحيانا تختفي لفترات طويلة, والمحظوظ من يكون جنب الوالدة. اخر العنقود قدورة بشوفة يوميا في المنتدي وبتونس معاه وبشاغله ومتابعه ومطمئن عليه عبر المنتدي.. الشقيق الاكبر دياب بالرغم من تخصصه الا انه مختفي من المنتدي لمشغولياته.
ومابين قدورة ودياب، فيهم من لم يسمع بالمنتدي.
يكون افضل لو كل واحد اشرك ناسه حتي يكتمل التواصل مع الجميع

عدد المساهمات : 163 تاريخ التسجيل : 08/02/2010

والله مشيرة ما خليتي شئ اقولو الله يديد العافية ويلم الشمل

يديك العافية ود الشريف

الموضوع دا شدني شديد واتزكرتا قعدات محمود معانا واحلى شئ لما يجي يكوي
كان بنقعد كلنا جنبو وحولية ويلا نخلي يغني لحدي ما ينتهي من المكوة
صوتو سمح ما عشان اخوي

وكمان لما يحكي مواقفو في الجامعة والحلة
كان بقتلنا بالضحك اشتقنالك ياحوتة والله بالجد

ربنا يجمعك لينا في ساعة خير وعما قريب ان شاء الله

واتمنى كل كل اخ تفتكر ليهو اختو لحظات حلوة زي دي تتعلق بي الزاكرة مهما بعد

موضوع: نسائم نسمة الثلاثاء 12 أكتوبر 2010, 9:39 am

زي ما وصفتو بالضبط يا ود الشريف والله موضوع فعلا مهم شديد
ونسمة الله يديها العافية تلفت نظر الناس لاهمية التواصل بين افراد الاسرة ولا يكون البيت زي الفندق بس محل ختة رأس
وبالأخص التواصل ما بين الاولاد والبنات في البيت الواحد .. يعنو الواحد يصاحب اختو ويتونس معاها ما أمكن مش بس اوامر جيبي وختي وخلي ونواهي ..
ومحمود العمدة ضرب لنا مثلا رائعا برواية مشيرة مستغلا وقت المكوى عشان يتواصل مع اخواته
وان شاء الله نقدر كلنا نطبق الكلام دا
والموضوع دا على اهميتو ذكرني مواضيع الأخ الاصغر محمد جعفر .. وين بالله الزول دا

التحية لكل الاخوة الموجودين داخل المنتدى وخارجة ويارب يلم شمل الجميع ويقرب البعيد

عدد المساهمات : 1064 تاريخ التسجيل : 01/09/2010

ميشو دايما مواضيعك لذيذه وخفيفه ومهضومه وكبيرة المحتوى والمعنى..انا بتذكر انى رديت على موضوعك دا بى مقال طويل مشى وين الله اعلم.تعرفى اننا فى مراغه عندنا مشكلة وازمة تعامل بين الاخوات والاخوان فى البيت..وناقشت مرة النور ادريس قال لى دا راجع للتربيه والمجتمع الذكورى الشرقى..وواخرون قالوا بيخجلوا انهم يتعاملوا بى لطف مع اخواتهم خوف ان تظن دا تساهل منه واراء كتيرة سلبيه كدا وعدم قدرة على التمييز بين المعامله والصراحه واحتواء الاخر وبين التهاون والمفاهيم التانيه.اتمنى ان نسمع من الشباب حتى تتضح الرؤيه

يديك العافية يابنت العم الغالية

التواصل برضو حتى وانتي بعيدة مع الاخوان يشكل شئ جميل بينكم
كلمة مشتاقين براها ليها اثر سحري وجميل
انت كويس وناقصك شئ للاطمئنان

ولكم الود

والله مشتاقين ياهشام ومحمود وربنا يرد غربتكم يارب

» الي نسمة وفاء...تقولي شنو...تقولي منو؟
» لقاء اعضاء المنتدى
» الصداقة والسعادة قصة جميلة
» ترشيح المكرمين من ابناء مراغه؟؟؟؟؟؟
» موضوع استوقفني