الفكره تتجلي فيها الحس الوطني والانتماء

[ندعوك للتسجيل في المنتدى أو التعريف بنفسك لمعاينة هذه الصورة]

هذه القافله مسيره الي احد المناطق بالمحس
عن طريق زميل دراسه وصديق عزيز اشتركت في احد المنتديات للتواصل مع الزملاء واذهلني افكار هؤلاء
مع موطنهم هذا الشخص متواجد بالخرطوم ونظموا هذه القافله الي بلدهم بالمحس .. القافله هي في الاساس دعم لانسان
المنطقه وتضم دكاتره ومعلمين ودعويين ورياضيين .. انا هنا لا انشد التقليد ولكني اتساءل اين انسان المنطقه اذا كان في
الخرطوم أو غربة الشتات .من مثل هذه الافكار وهذا الانتماء وهذا الترابط الذي يدل علي صلة الارحام والتواصل
الذي نحن في امس الحاجه اليه من اجل انسان المنطقه .. والمحرك الاساسي لهذه القافله هم رابطة طلاب المنطقه

والله عمل عظيم انا محتار الزمن دا وين رابطة ابناء مراغه بالجامعات؟؟؟؟
ولا ياربي مافي جامعات الزمن دا ياخي زمان الرابطه كانت زي النحله
مع عدم توفر الامكانات لاكين الناس كان بتبزل مجهود كويس .يعني مثال
زمان لو داير تدعو لي اجتماع بس الا تطلع (الاوار) لانو لا في تلفونات
ولافي فيس بوك ولا في اسكايبي ولاغيرو وبعد دا كلو الاجتماع مابغيب منو
زول الامين الاجتماعي يمشي للناس واحد واحد ويدعوهم رغم بعد المسافات
مره بالمواصلات مره بالكداري المهم لازم يصل الناس هسه ممكن
تدعو الناس لي اجتماع وانت راقد في البيت وكمان ممكن تحضر الاجتماع برضو انت راقد
في البيت سبحان الله ...ياجماعه نحن الآن في نعمه والله بالمقارنه لي ايام الشلهته الزمان بس ماعارف الحاصل شنو..
الاخ عبد الرحمن جزاك الله خير بتحاول في كل مره تبعث الهمه في الناس لكن يبدو لاحياة لمن تنادي

ماء شاء الله حب الأوطان تغني له العديد من الشعراء

الاعــــــــــــــــزاء ماهر وياسر وشريف
بالله عليكم الناقصنا شنو ؟؟؟ عشان ننفذ مثل هذه الافكار
ونصف مراغه بالخرطوم والدار موجود والكفاءات والعقول بالله عليكم نتخيل قافله زي دي مدعومه من ابناء البلد والاغتراب
وهذه القافله وصلت مراغه .. تعالوا نتخيل السرور والسعاده والهناء في قلوب الصغار والكبار.. كما تفضل اخونا ياسر
(الاوار) كان يلم كل الناس وسبحان الله والمنادي راكب ليه حمار ولا برجليه بس الناس كانت قلوبهم صافيه ونظيفه وصله
الرحم كانت من اولوياتهم ياساتر من الزمن ده ... الحديث يطول اخي ياسر عن الرابطه ودور الرابطه . واول موضوع
دخلت بيه منتديات مراغه كان (تعقيب علي رابطة الطلاب وما المطلوب) .. وسنظل نسال دائما الحاصل شنو ..؟؟؟
والله زي كلام ماهر حتي الصوره دي تثلج الصدر وهم يستعدوا للانطلاق
هذه القافله ستمر قبل مراغه بعدة امتار او بالاحري كبري السليم تخيلوا

مثل هذة المواضيع تحتاج الي مداخلة من الاخوة بالخرطوم المتواجدين بالجمعية لطرح الأفكار و تترجم

عبر هذا المنتدي و من ثم الشباب المهاجر يدعم الفكرة بالتنفيذ التفؤل موجود عسي ان يحضر أحد هولاء

كلامك عين العقل مديرنا شريف .. الخطوه الاولي والمبادره والانطلاقه يجب تبدأ كما تفضلت
من هناااااااك وخاصة مراغه تملك دار الشهيد علي مختاروماشاء الله لدينا اعضاء زي مابيقول المثل السوري (ياجبل
مايهزك ريح) ثم تتطور بمجهود ابناء المنطقه لتصل المغتربين .. بالمناسبه مثل هذه القوافل لاتحتاج الي المال الكثير
اذا اخذنا مثالا اذا لديك عدد من الدكاتره تحتاج الي بعض المعينات للمركز لان الدكتور بالتاكيد لديه معدات كقياسات الضغط
والسكري وماشابه ذلك .. وبالنسبه للرياضيين عدد من الملابس للفريق او عدد من الكور ..
مجموعه مثقفه للندوات .. شيوخ دعوييين .. تحتاج الي بعض المواد التموينيه للتوزيع
.. وبالتأكيد لديكم آراء افضل مني ومقتراحات افضل مني .. دون اغفال الجانب المعنوي والنفسي للاهل
والفكره قطعا مصيرها النجاح لان يد الله فوق يد الجماعه

هذا الاقتراح هو ديدنكم يا ابناء مراغه
موضوع البعوض والذباب معاناة وبلاء وكارثه ومصيبه حلت بالبلد وسبب الامراض .. الاطفال ما لاقيه النوم ومحاولات الحكومه متواضعه لاترقي الي ان تقتل كم بعوضه بالعدد .. والكارثه كبيره ... يلا ياشباب
ندعم هذا الاقتراح بشده .. ونضع الخطط والتدابير ..لنبدأ الاتصالات بيننا .. عبر المواقع
هناك اشياء يجب ان نفكر فيها مثل (كساء اطفال اليتيم) والفقراء وما اكثرهم .. ولديناء الذكاة .. والله اذا كل منا
دفع ذكاة الفطر سيكفي لدعم هذه القافله .. وسنتصل بالدكتور بابكر لينسق معنا ومزيد من الاقتراحات .. ومزيد من التواصل
ومامن خير تجدوه عند الله هو خير واعظم اجرا
والنتيجه سترونها بانفسكم .. والله ولي التوفيق والسداد
الاخ ياسر فؤاد من الخرطوم يمكن ان يبدأ اتصالاته بذنورين وابايزيد وميسره للتنسيق معا
والدعوه لاجتماع عاجل بالدار ليضع النقاط علي الحروف والتنسيق معنا

الموضوع أخذ طابع الجدية و نحن مع الأغلبية الجادة لآتمام العمل و يمكن هذة مناسبة لعودة ذوالنورين و الشباب الغائب من زمن .


تجولت فى ملتقي ابناء مراغة و عائلة عبد الدائم لم اجد الموضوع ثبت الموضوع بالصفحات المشرف عليها الخال عبد الرحمن .

يمكن ان ننشر تفاصيل المشروع الحلم في القروبات اذا سميناه بالحلم .. لان اصغر المواضيع عندنا احلام يمكن النشر بعد ان تتضح
ملامح الاتفاق هنااااا بالمنتدي نأمل مواصله الاخوان ماهر وياسر لمزيد من التنسيق
اقترح تسليم الاشراف العام (واداره الفكره ) للاخ ماهر
وللأخ ياسر فؤاد من الخرطوم او دنقــــــــــــــــلا

نحن جاهزين
بس بعد كده بنحتاج حبتين من الآراء الفنيه
من اهل الاختصاص وهم دكاترتنا الكرام
عشان يورونا من وين نبدأ ... الاخ قدوره
عابدين ادري بي احتياجات المنطقه ..
الكلام اعلاه يتم بعد اكتمال الترتيبات
الاداريه و(الماديه) .. دا رايي .. الراي
الاخير متروك للاستاذ ماهر

التقيت بالاخ قدوره وطرحت ليه البرنامج ورحب بالفكره
وقال جاهز للتنفيذ وقال الشغل دا دايما بقوموا بيهو طلبة
الطب لانو الدكاتره بكونوا مشغولين شديد وقال انو حيخطر
الطلبه في عدد من الجامعات للتنفيذ وانا اقترحت ليهو ان
يكونوا اصلا من الشماليه للاستفاده من عطلة العيد في القافلة
وزيارة اهلهم .. نحن الدكاتره عندنا في دنقلا برضو عندنا ما شويه
برضو ممكن نستعين بيهم
والله يوفق،،

موفق الحبيب ياسر

[ندعوك للتسجيل في المنتدى أو التعريف بنفسك لمعاينة هذه الصورة]

وصـــــــــــول القافله وفرحة الاهالي
نحن لم ولن نصل بفكرنا وارتقاءنا كهؤلاء الذين سيروا هذه القافله الي بلدهم .. وبالفعل وصلت القافله
وكنت متابع لاري هذا الالتفاف الالتقاء الجميل وهذه الفكره التي نجحت 100% بمجهود وعزم واراده