الصمت يعبر عن 5000 كلمة

الصمت يعبر عن خمس الف كلمة حسب رواية الجعلى رغم انو تانى يوم مشينا فتشنا معظم
كتب الامثال ولم نجد انة انجليزى كما قال العزيز

وياريت زول يلقى ويورينا المرجع ولا الكتاب الهو لقطو منو ...

المهم كانت هذة المداخلة من الريس بتاع الرابطة فى احدى الاجتماعات بدار ابنا مراغة بالخرطوم
عندما كان الكل فى حالة ضجيج ونقاش حاد ومداخلات ... فسرح الريس ووجد احدى الاخوات فى حالة
صمت مريب وكان الحاصل لايعنيها وقال مثلو الانجليزى وطلع الكل من جو النقاش الى جو ضحك بدون وساطات ومقدمات

دة زول داهية طبعا وعشان كدة بنقول لمحمد جعفر يخلى مستشار للرابطة.

الزكريات الحلوة لن تندثر بمرور الايام ولن تزول زغم المشغوليات والزحمة
ياريت الشباب يزكرونا بى زكريات الرابطة والعمل الجماعى مش عشان الناس يقولو الجعلى ولا النور عملو بل عشان ندى دافع للشباب الجداد

واتزكر عاطف عكاشة وهو يدير برنامج الترحيل الجماعى بعد العيد وزحمة البصات
والناس يدخلو الواسطات عشان يديهم مقعد ويركب ولد فى السطوح
وهو يقول انساك منهم ديل .... وقصة الاقجاوى ياعاطف مازالت فى الزاكرة
دة كلو عشان يريح اخوانو الطلاب من غير عمولات ولا نسبة من قيمة التزكرة

يعنى للة وفى اللة ومن اجل مراغة

فى انتظار زكربات الطيارة الطالب استاذ مزمل عثمان الكبتن انو ينزلا فى النادى الساعة 2 ليلا
ويالنور وين محضر الرابطة .... وياريت تنزل لينا من حاجات

الموضوع القادم باسم التصور العام للامانة الاجتماعية للرابطة 2002

شكرا للجميع

مجدى

دايما بننتظر المزيد منكم

عدد المساهمات : 148 تاريخ التسجيل : 26/01/2010

[ندعوك للتسجيل في المنتدى أو التعريف بنفسك لمعاينة هذه الصورة]

عدد المساهمات : 299 تاريخ التسجيل : 28/02/2010

والله ياهندسه الصمت يمكن يعبر عن اكثر من ذلك وكما قيل فى الصمت كلام

لكن الكلام دا كان خروج من مازق حقيقى
تحياتى لك

ما يابشمهندس مهما كاان الجعلى ده كان رئيسك فى يوم من الايام ياخى أديه حقو

تفتشليهو من القديم الزول ده كان قصدو يحبب الحنس ده لرابطة وكلو

فى مصلحتكم شفتى الزول ده كان بيخدم ناس الرابطة كيف اتفق معاك انو الترحيل

الجماعى كان فيهو تجاوزات لمصلحة الجنس الناعم

شكرا على الرد وهو مازال حكيمنا وكبيرنا
وبنرجع لى وقت الشدة

بس ماكان المقصود من برنامج الترحيل الجنس الاخر ولا يحزنون كان مقصود
ناس المنطقة كلهم يتلمو فى بص واحد مش يحشو معانا ناس السوق الشعبى
دى لازم تفهما ومنظم البرنامج كان عاطف مش الجعلى

وعموما الموضوع دة كلو يدل على انو الجعلى زول حكيم وبعرف يتخارج من المطبات
وعشان ناس محمد جعفر يتعلمو من خبراتو
بالمناسبة وين الزول دة اختفى؟؟ ولا فى امتحانات؟؟؟

حاجة خاصة ليك ياهانى
ماتحاول تلعب على كل الحبال اركز......
وبعدين فى زول استنجد بيك ماتبقى قدر حسن الظن دة
مش قت عمدة ..

ياوجيه انا الزول دة ماحخلي زول يهاجمو تاني انا لازم اكتب للناس ديل عن

تاريخ الزول دة عشان يعملو حسابهم

الاخ سمعة وبما اننا اديناك فرصة كافية للاطلاع على القديم فى هذا المنتدى فياريت تنزل لينا زكريات الطيارة النزلت فى مزمل عثمان سعيد اليوم داك فى نادى مراغة والموقف التانى بتاع يمكن قماااااااااااااار وصاحبك ياسر فواد والموقف الثالث بتاع ربنا يولى من يصلح كل ماتتزكر حاجة نزلا ولو غلبك تتزكر فحنجيبك فى الكرسى الساخن وماعندك مفر تزوغ هناك

عدد المساهمات : 65 تاريخ التسجيل : 30/11/2010

عثمان مصطفي قال زكرياتنا مهما كانت...برضو ترديدا بيالم,,,لكن بالتاكيد هو الالم اللذيذ...والشفيع وودالقرشى صدحو بالزكريات صادقه ونبيله ومهما تجافينا بنقول حليلا...وياباشمهندس الزكريات باقيه وخالده لكن حليلنا نحن؛؛؛فوالله زكرياتنا ونحن (طلبه) لاتحدها حدود وانا بوعدك اني حاارجع بيك لايام الصفاء بس هسي خليني ازكر الناس (بغطسة مزمل) في( بلاعة)نادي الشرطه بري في ليلة زفاف الدكتور اشرف دياب وكيف معتصم عبدالعظيم كان شامت عليه.؟عموما ياهندسه لوحاولت تتزكر وتعيدالماضي من اول......بتلقي الزمن غير ملامحنا ونحن بقينا مانحن,,,,وعلي فكره لما الجعلي (نجر)مثلو الشهيرانا نطيت وقلت ده مثل انجليزي وعومت الحكايه لانو كان معانا فطاحله من الطلبه والطالبات والمثل(المنجور ده)خلاني انسب للجعلي (خذعبلات عمر عثمان) والله ايام يازماااان ....ببكي واتحسرعليك...ومابقول للفتناه كاااااان,,,,,

» فوائد الصمت
» عود نفسك على الصبر فهو مفتاح النجاح
» كلمة شكر للقاضي
» أصل كلمة دنقلا ،،،،،،،،
» مامعنى كلمة زول؟