كلمات في حق الشباب

اخوتي اعضاء المنتدي
وانا اطلع علي مواضيع هذا المنتدي عادت بي الذاكرة للوراء كثيرا وسالت نفسي
ماذا قدمنا لامنا مراغة تلك الام الحنون التي ضمتنا في مرتع صبانا واحلي ايام الطفولة
حقيقة يكسونا الخجل من تقصيرنا تجاهها ويعتصر القلب الم في عدم وفائنا لها
آن الاوان ان نعترف نحن جيل الاربعينيات والجيل الذي سبقنا(الخمسينيات) لم نقدم لمدينتا شئ
ملموس ذو فائدة رغم الدين يطوق عاتقنا
وبامقابل لابد من كلمات في حق هذا الجيل الذي استطاع ان يفجر كل ابداعاتة
ويقدم عصارة جهده في خدمة منطقته
كنا من علي البعد نتابع الترابط الاجتماعي الفريد لهؤلاء الشباب مع نظرات تخطلتها
قليل من( الغيرة )
وهاهي مراغة تجني ثمار تكافل وترابط شبابها بهذاالحراك المفيد لنا جميعا
والان تاتينا الفرصة طواعية لنقدم لمراغة ماعجزنا عنة سابقا
فاذكركم اخوتي ونفسي بان لاتفوتنا هذة المشاركة الفعالة في اعادة بناء مدينتنا
ولا نلقي علي هؤلاء الشاب المسؤلية كاملة ونصبح (فراجة)
حقيقة يعجز اللسان عن شكرهم ونسال اللة ان يجعل ذلك في ميزان حسناتهم
ونسالة الا يفرق شملهم ويجمعهم علي فعل الخيرات
للة دركم شباب مراغة
ودمتم

الاخ وديدى والاخ باقر هذا هو المطلوب بالضبط (ولا شنو ياقرشى) ؟؟؟ التالف والتسامح والحب وكلنا اسرة واحدة وحوش واحد
ومن هنا نحيطك علما سعادة العقيد بانة فى القريب العاجل سوف تكون هناك جلسة اسرية لكل اعضاء المنتدى بالخرطوم
جارى الترتيب لها ومن ثم اطلاق الاعلان عبر المنتدى ونادى مراغة والرسائل لكل اعضاء المنتدى بالخرطوم وباكتمال العدد 200 عضو .... ومن هنا نطالبك بحضور الترابط الاجتماعى لهولا الشباب وبالمناسبة فى كمية من الملوحة قادمة فى السكة
ولا شنو يا شباب ؟

لكن كونك تقولى جيل الاربعيات دى بالغت فيها ياخ ماهر نحن عارفين تاريخ ميلادو وعبدالله حمد شاهد وتجى تقولى لينا جيل الاربعيات وباقر يتبسط انا اقترح انك تسمى جيل البطولات هههههههههههههه

تحياتى .........

الغالي مجدي
شكرا علي المرور
ياخي صدقني جيل العقد الرابع وماتحبطنا اكتر من كدة مع السنة الجديدة برانا
بدينا نتحسس خطي السنين
بعدين عشان اريحك اكتر انا وماهروعبداللة اوراس(ابو النسب)
مواليد1966 لكن ناس الباقر اكبر بي سنتين
بس الباقر مايتهور ويبقي ذي الكاشف مع الفلاتية
ويسب لي وتبقي انت السبب يامجدي

الأخ العزيز وديدى عبد الوهاب .....الآن نستطيع أن نقول أننا جميعا أصبحت وجهتنا واحده وهدفنا واحد.
وهى خدمة قريتنا الحبيبه والتى ما أختلفنا وتجادلنا الا من أجلها .
فانضمام أخوتنا وأحبتنا لخدمتها يفرحنا والأبتعاد عنها يحبطنا.
نتمنى من الكل أن يضع بصماته فكل فرد وكل أخ نحن نحتاجه.

شكرا قرشي علي مرورك
واكيد نحن اسرة واحدة واشقاء
مايجمعنا اكثر من مايفرقنا
علينا ان نعمل سويا ونصبح خداما لحبيبتنا مراغة
دمتم

سعاده العقيد وديدى
اسعد الله ايامك ايامك
حقيقه نحن نختلف معك فيما ذهبت اليه ولولاكم لما كان هؤلاء الشباب واننا نظرنا بام اعيننا انجازاتكم يوم الجميعيه العموميه للجمعيه الخيريه للترابط بين الفئات العمريه المختلفه وان لمشروع جميل ونامل منكم تعميم الفكره الى الجميع حتى لايكون محصور فى عدد معين من الناس ورغم اننى لست عضوا فى الجميعيه ولكن بمبادره كريمه من الاخوه بالجمعيه حضرت وتناولت مهكم الخروف المدنقل والشيه ولكن الاخ حسن المحامى افسد على الوجبه وقال لى انت يالجعلى العزمك منو فالرجاء محاسبته لانه محسوب على الصندوق الخيرى بتصرفه هذا . ونامل منكم تدريبه واعانته حتى يدخل الشبكه لانه خارج الشبكه
ولك تحياتى ياسعاده العقيد ومذيدا من التقدم

رفيق درب الصبا ماهر
رغم ان السوط وصلك لكن احسب انك دفعت قليل
من الضريبة في مهنة التدريس ورغم انها (مدفوعة الاجر)
وهاهم تلاميذك امس يتلالؤا داخل المنتدي كالنجوم
بس قول يالطيف وفك المحنة
وصراحة كان اخير صورة الشبل بدل الصلعة والمحنة
العزيز عبدالرحيم الجعلي
تحياتي
استاذ حسن ماعارف الدعوة موجه ليك من جهات عليا
ولن يمر الامر بدون استيضاح
وحبابك في كل اجتماع

سعادتو هل يمكن ان تقدم لك استرحام قبل الاستيضاح (باركوها باركوها وماف داعى حسن على دة والله بسطنى جد بكلامو دة ههههههه (وهو من باب خفة دمو الشديدة) والجعلى حسابو مع ناس قهوة ماجد هناك وهنا عسير لانو بعد ماضرب الشية كلمنا ولانو عارفنا بنجى بدون عازومة كلمنا بعد ما رجع وهو مادار يبعد من الشية دى رغم داء الملوك .....

يعني يامجدي الجعلي عمل خيانات
اذن قبلنا استرحامك تجاه الافكاتوحسن
مع ارسال اشارات انزار متقطعة لاصحاب (القاوت )
بعدم تكرار الحضور

سلااااامات اخونا وديدي
يعني انتبهت لكل الاخوه و ماانتبهت لصوره قدر الداهيه ولابس قميص كبدي شوطي شوطي
وثمانيه اسطر باللون الزيتي ليكون واضحا والخط كبير (جامبو) لولا اكتب في بوست الاخ
وديدي عبدالوهاب لقلت ربما قادتني قدماي أوحظي العاثر الي المكان الخطأ
زي الواحد تقول ليه السلام عليكم يديك قفاه ولا رايك شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عزيزنا الغالي عبدالرحمن
تحياتي واشواقي
صدقني عند مروري علي المواضيع المطروحة بالمنتدي اكون حريص جدا في الاطلاع
علي كتاباتك وتعليقاتك لانها صراحة تحمل مدلولات قيمة ولا ابالغ ان قلت احيانا ابني
عليها تعليقي
قبل يومين رديت عليك في احدي المواضيع لكن ذهبت وين لا ادري اسال اخوك مالك !!!!
واذكر اننا تقابلنا في المطار قبل سنين ......... وبالمناسبة انا كنت بالدمام قيل شهور
وماعارفك مقيم بها
ويبدو ان الجفا حاصل في الشرقية يعني ماذي ناس الرياض
للتواصل
عماد عبدالوهاب 0561850411
صديق حسن 0560679188
لك ودي

االاخ وديدي........والله لقد هدهدتني هذه المساجلات (الحنينه)بينك وبين هذا الجيل الفولاذي وهذت مشاعري تلك الصوره العجيبه التي ابدع في تصويرهاالاخ عبدالرحمن وهو يعيد مشاهد قديمه من مراغه ويهديهالهذا الجيل..واعجبني اخي وديدي ان يتناغم مجدي والجعلي معكم بهذه الطريقه الحلوه..خاصة وانني اخذت ميثاق من الاخ العزيز محمدعلي بخيت بان يكتب لنا جميعا عن(تواصل الاجيال)في مراغه...وهاهي الاجيال تتواصل وتتداخل بالشكل الامثل...وانا شخصيا كنت عاتب علي جيل وديدي وعبدالله حمد وجمال محمديس..وهوالجيل الذي حمل اللواء من جيل(عبدالواحد وحسين صافي الدين وعبدالغفارالعمده وعثمان عبدالحي وفضل الطاهروبقية العقدالفريد)وكنت اقول لنفسي دوما لقد هرب كل هؤلاء وتركوا (محمدمحجوب وصالح دول وعبدالعزيزالشيخ ) وكل الزكريات الجميله من خلفهم...كنت عاكف علي كتابة بوست اجتماعي بعنوان(ليه زمان اديتنا ريدك.....وجيت حرمتنا تاني ودك؟؟؟؟)واراحني هذاالبوست من عنت الكتابه...................الاخ عبدالرحمن ليه ما كتبت لينا عن ريحة نوار الفول والنمته وريحة البرسيم (المسقي دابو) وانت نازل حلة تحت...عشان تجيب لينا الجعلي البلد..................وللا اقول ليك الجعلي ده بجي يكاوش ساديب البلح ويمشي لكن المره دي حانشرك ليه بحسن علي....................فكره كويسه دي

اخي الرائع اسماعيل
شكرا علي مرورك وكلماتك الانيقة
بس صراحة نحن ماهربنا لكن ظروف الحياة
شكرا يااستاذ

سيادةالعقيد حقوقي :لك التجلة والتقدير اولا احي فيك روح الاصالة والعراقة والعودة للجذور ومرتع صباك بين اهلك واحبائك .كل له ذكريات ولكن هذه المتني اكثر لانني لم احظي بهذا القدر من الالفة رغم انني من مواليد هذه الرقعة الحنينة