عندما يصبح المنتدي وطنا

أسعد الله أوقاتكم بكـل خيرٍ .
الكثيرٍ منـا وٍفي حيـاتـه الأنترنتية ( ان جـاز هذا التعبير )
مــرّ بعـدة منتديـات سواء كـان :
متفرج أو مشـارك ..
ولدى الأغلبيـة مشـاركـات كثيرٍة
في منتديـات مختلفــة ..
وتلك حريـّة شخصيـة ..
ولكن ! !!!
أن نجد منتدي يضم بداخله كوكبـة مـن الأحبـة
أمر غير عـادي ..
هنـا يصبح المنتــدى بحجـم ..
" وطن "..

عندمـا تشـارك في منتـدى وإحسـاسك الداخلي يصوّر لك
أنّ الأسمـاء والشخصيات رسخت في حيـاتك كـواقع ...
هنـا يصبح المنتــدى بحجـم .. " وطن "..

عندمـا تشـارك وٍأنت تتخيل أنّ حديثك له مبـاشر . ..
وتتوقع وتنتظر ردّة فعل الجميع..
[ لأنكـ تعرف الكل كمانفسك ]
[ وترتسم تلك الإبتسـامـة على مُحيـاك ]...
هنـا يصبح المنتــدى بحجـم ..." وطن "..

عنــدمـا يكون المنتـــدى هو أوّل مـاتراه عينـاك في عـالم النـت
( ( لأنـه بكل بسـاطـة هو صفحتك الأولى ) )
هنـا يصبح المنتـــدى بحجم .. " وطن "..

عنـدمـا تأتي للمنتــدى
بكل شوووق وولـه
وتشـاهـد من ردّ على موضوعـك
من الأخوان والاخوات
لترسم الدهشـة بـ أسلوب شيّق وممتع
( ربمـا يكون عكس ما توقعـت )
(وربما يكون أحسن مما توقعت)
هنـا يصبح المنتــدى بحجــم .. " وطن "..

عنـدمـا يكون للكتابة بهـذا المنتــدى طـابع الأخوّة الصـادقة
والنيـة الصـافية النـابعـة
من قلوب طـاهرٍة ..
هنـا يصبح المنتــدى بحجــم .. " وطن " ..

عندما تشعر بالضيق فتهرع إلى النت
لتفتح صفحة من صفحات المنتدى
وتطالع وتتفاعل وتخرج من همومك
وكأنك وجدت عالما آخر
هنـا يصبح المنتــدى بحجــم .. " وطن "..

عندما تعارضك مشكلة تحتار في حلّها
فتنظر يمينا ويسارا
لا تجد من تبث له وتشتكي له
لاتجد من ترينه جديرا بنصحك
ثم وإذا بك تلجأ إلى اهلك واخوانك في المنتدي
لتطرح عليهم شكواك
فتتهاطل عليك النصائح
كلام يمسّ القلب ويُطمئن النفس
تلامس فيه صدقا في النصح والقول
هنـا يصبح المنتــدى بحجــم .. " وطن "..

عندما

وعندما...

ثمة أيضا يصبح المنتــدى بحجــم .. " وطن "..
همســـة
في عالم العولمة والأنترنت كثير منا يجد فعلاً أنّ

( ( ( منتدي مراغة ) ) )

هذا الصرح الغالي

أ صبح يمثّل له وطنا

( نحبه ونعشقه)

فمعا من اجل تطويره وتطوير قريتنا الحبيبة مراغة

عدد المساهمات : 1940 تاريخ التسجيل : 20/06/2010

بالفعل دكتور بابكر عندما يصبح المنتدي وطن وملاذ وتفريغ هموم واستراحه
وشجره وارفة الظلال تستظل تحتها اوفيت وماقصرت وبالفعل عندما تواجهك
مشكله او استفسار يمكنك ان تستعين بالاحبه والاهل ويكفي دكتور بابكر تعرفنا
علي كم هائل من الاهل والاحباب وهذا التواصل بين ابناء الوطن الواحد في
شتي بقاع الارض في دقائق معدوده اصبح واقعا بعد ان كان حلما

والله يادكتور بكرى فعلا عبرت عما بدواخلنا ..... لو قلت ليك حاجة ماحتصدق لاول مرة عبده شجرة دة يعرف انو انا تزوجت ورزقت طفلا بحمد الله من خلال هذا المنتدى وهو جارنا حيطة بالحيطة ومغترب طول عمرو .... معليش ياعبدة لشر المدسوس دة ....

عدد المساهمات : 1940 تاريخ التسجيل : 20/06/2010

صراحه يامجدي كلامك مظبوط مائه بالمائه وايضا اكون صريح معاك اكتر. عرفتك عن قرب بالمنتدي زي ماعارف نحن
طفشانين من متين مرحلة الاساس ماحضرتها بس قالوا عنك كنت عاقل من صغير . ونسات مافي كوره مافي فليع الدوم
من ساتي شريف مافي اعراس مافي شلليات مافي اجتماعياتك زيرو هكذا سمعت وياريت تظهر في موضوعك الشيق الذي
ولد ميتا باستثاء المقابله مع هيثم شهلي واذا قدمت نفسك سنهريك بالاسئله ودعني اوجه سوالا لماذا اوقفت فكرتك الرائعه
وطبت وطابت ايامك

عدد المساهمات : 75 تاريخ التسجيل : 28/02/2010

ألأخ الدكتور الراقى بكرى كما قال الباشمهندس مجدى لقد عبرت عما يجول بالخواطر ... فكنت ناطقا رسمى بأسمها
ويصبح هذا الوطن جميلا ورائعا بسكانه من الاعضاء الاجلاء الرائعين الطيبين كما روعة الحبيبة مراغة هذا المنتدى الوطن اللذى وحدنا فى خدمة مراغة واللذى اسهم كثيرا فى ان نتواصل بأهلنا وأحباءنا ومعارفنا وخفف عنا الكثير من عناء الغربة ورهقها ... نعم انه وطن جميل ورائع بك وبامثالك ... ودام الجميع فى رعاية الله وحفظه

الاخ عبدة:اجتماعياتى زيرو .... لحد ما صح (ودى لوسمع بيها النزير العمدة بيستمتع وبيكتب حاجات) .... لكن كدى اسال رفقائى فى رابطة طلاب مراغة من بداياتى فى الجامعة والى الان عن اجتماعياتى ؟؟؟ .... وقبل الرابطة سموال دة كان بيرسلو د.حسن ابراهيم للجرايد ويجى يقعد جنبى فى الكشك جنب الجزارة فى سوق دنقلا ويقرا المواضيع والاعمدة المهمة ويودى الجريدة للدكتور وعندها الاخبار الطازجة كلها تكون قدمت ...... دوم ساتى شريف ياخ لحدى ماكنا بنخزنو وكنا بنلقطو فى شكل فريق عمل ورئيس الشلة كان الاخت وصال جزولى (صدق او لاتصدق) .... الكورة مرة وعمرى حوالى 15 سنة التاج السمين كسرنى فى ركبتى وكنا نلعب محل المسيد الحالى لدرجة 3 يوم نمسدا بموية الملح ومنها كرهت حتى لعب الشفع ..لكن كورة السلة كنت شفت فيها فى مدرسة دنقلا الثانوية ...... لكن صراحة انا كنت كيشة شديد فى كرة القدم والتاج دة ماكان بيقدر ليهو الا النزير محمد نور ... ومالك كان اسمو بن سنان (بن سنان دة بطل مشهور فى مسلسل من مسلسلات رمضان)... طبعا زكربات ابوالدايمى دى هسة بتهيج العمد البقينا ننافسم فى الزكريات حتى ؟؟؟؟ ههههههههههههه
.الفكرة بتاعت الكرسى الساخن ...مازالت قائمة لكن فى رمضان الظروف كان صعبة شوية .... وعلى وعدنا والضيف القادم عم بكرى جعفر .... بس فى طلب سرى لقرشى انا فهمتو بدون مايصرح بيهو انو المنتدى كلو ماينضم الا فى الهيئة والموتمر الجامع لحدى العيد ....

د.بكرى: سالت عمنا عطا محمد لطيف قبل ايام رايو شنو فى منتدى مراغة .... قال لى : انا مشيت لى سعادتو وديدى فى مكتبو فى الشرطة لقا فاتح موقع مراغة .... مشى لعبدالرحمن تبد فى مكتبو فى شركة المرسيدس فى المنطقة لقا فاتح مراغة .... مشى لزول ثالث فى الخرطوم لقى فاتح موقع مراغة .... مشيت البيت انا زاتى فتحتو .....

لاقيت لاول مرة فى حياتى الاخ الامين الياس الامين فى اجازتو للخرطوم فى شارع الصحافة بالصدفة فقال لى شكرا لمنتدى مراغة الخلانا نتعرف على الاخوان وعليك انت بالذات ..... فشكرا لهذا التواصل

عدد المساهمات : 22 تاريخ التسجيل : 15/10/2010

سلمت يداك د. بكرى
وفعلاً هو ما ذهبت اليه فعلا تحس بان هناك ما يخصك في هذا الفضاء الاسفيري الممتد ويملؤك فخرا ان اسماء اصحابك او جيرانك تزين البوستات فتحلق طربا ان مراغة السغنونة دي قاعدة حيطة بالحيطة جمب ناس ((ياهو وهوتميل ))الكبااااااااااار ديل ........ وكمان نجد موجز الانباء في المنتدى الاجتماعى لنشارك أهلنا في الافراح والاحزان

والله لقد غمرتنى الفرحة عندما وجدت الموقع بهذه الصورة البهية والديكور الجميل والستائر الزرقاء النظيفة

أدامكم الله فخرا لنا وارجو الله الا يقربنا اي مرض لعين من تلك الامراض التى تصيب بعض المنتديات سواء كان مرض بشري او مرض فيروسى

اولا شكرا للمرور
يا مجدي مافي داعي تبرهن لعبدو عكس الحاجات القالة لانو عبدو قال قبل كدا انا صفر كبييييييييير في الحاجات دي
وهو فترة اغترابو اكتر من وجودو في السودان عشان كدا ما عارف حاجة
وما حاجةغريبة عليه انو يكون ما عارفك انك عرست وهو كويس انو اتذكرك ههههههههههه

الاخ سموأل والاخت هبه شكرا للمرور
وبالجد المنتدي ما قصر معانا والله لانو عرف ناس كتاااااااار علي بعض
وفي ناس انا عرفتهم في المنتدي انهم من مراغة ولكن لس ما لاقيتم يعني اسماء بس
الكلام دا ما ليكم طبعا لانو انا بعرفكم من بدري شديد وانشاءالله ما تصيبنا الحاجات القلتيها دي

دكتور بكرى ...... ماتكون اخدتا القصة بجدية شديد .... اصو عم عبدة دة مرات هو ومشيرة بيتفقو يشرتنو البوست مش يجرجرو ويتبادلو الدردشة الحلوة وهسة هو امن فقد مشيرة لقانى اقرب زول ..... ههههههههه واغتراب شنو ياخ دة عارف امس صبيحة فطرت بشنو بواسطة الـــ CIA بتاعو (طلحة) عبر المسنجر والاسكايبى وحاجة جديدة كدة نكتا ليهم ابوهتون

ياخوانا لام اكول وين ؟؟؟؟؟؟؟؟ لام اكول دة هو الشخصية الوحيدة الى توصلت ليها امريكا انو حيدير الجنوب فى المستقبل

شكرا يا دكتور
كلامك في محلو ... والله يديك العافية
والشكر موصول للأخوان مالك وشهاب على مجهوداتهم الكبيرة على هذا الانجاز الجميل

بالفعل اصبح المنتدي وطنا
واصبح اول نقطة في النت نهرول الها
كلما تذكر البلد والأهل نهرب الي المنتدي
عشقناه حتي الثمالة
حتي خفنا علي انفسنا من الهيام
ومن الغرق

سلام من الله عليكم ورحمته وبركاته
قرأت وعيناى تملؤها الدموع الذكريات التى كتبها الاخ مجدى والمشاكسات وبراءة الطفولة وتذكرت كل ماحرمت منه وحسدتكم على كل ذكرى ولحظة جميله عشتوها بين الأهل والأقارب.
وأكذب لو قلت لكم أن لا أفتقد ماتحكونه فقد نشأة بعيدا مقطع الجزور وجل ذكريات هى مع جنسيات أخرى فيها الجيد وفيها الطالح .
ولكنى نشأة دون أى مخزون عاطفى تجاه الأهل والأقارب ولازلت أحس بالغربه حتى بين الأهل والأقارب الأن وكل أحاديثى هى فى مواضيع عامه وجافه لأنه حقيقة لايوجد بينى وبين معظمكم ماقد أستطيع تذكره معه ونرسم الإبتسامة على شفاهنا.
غريب اليد واللسان وغريب الفكر والتطلعات شاذ التصرفات بالنسبة لمعظمكم.
المنتدى بالنسبة لكم قد يكون بمثابة وطن ولكنه بالنسبة لى هوية وإنتماء
بالنسبة لى هو قطعة من أرض مراغه أمشى عليها وأقبل صفحاته كما يقبل العائد للوطن بعد غربه طويله تراب وطنه ويحمد الرحمن على عودته .
بالنسبة لى العائلة و الأهل والأقارب وكل ماهو جميل من مشاعر التى حرمت منها ولسنين عديدة.

محبتى وتقديرى وإحترامى لكم جميعا وربنا يعيد كل من تغرب لأهله وأصحابه غانما سالما.
تقبلو مرورى ودمتم بود.

عدد المساهمات : 719 تاريخ التسجيل : 25/05/2010

لك الشكر الاخ ماهر وانت تعيد لنا المواضيع الجميلة لكي نحس بالامان والسلام وترجع الامل من جديد وتلم الشمل والمنتدي فعلا هي الوطن اليجمعنا كلنا علي حوشه الكبير اما بالنسبة للاخ منير بنرسل لك كرت دعوة لكي تحضر الي البلد وتعيش لحظات جميلة في حضن الاهل وياريت يكون في عيد الاضحي لكي تحظي بلمة الاهل ودمتم في امان الله

[ندعوك للتسجيل في المنتدى أو التعريف بنفسك لمعاينة هذه الصورة]

شكر يا دكتور علي المقال والبوست
ووضعت النقطت غلى الحرف بصدق وموضوعية
‏ واجمل مافيه اعاد المهندس مجديوعقبال للبقية
وبالمناسبة سوف اعيد اليوم للكرسي بريقه ورونقه ‏ مع الاعتذار علي التاحير
والله المستعان ودمتم في حفظ المجيد

عذر يا دكتور لقد فاتني اضافة
قبل المنتدى كنا نحمل الوطن في دواخلنا تاريخا
واليوم اضيف لنا جغرافيا البلد ويا لها من اضافة
تستحق ان نتداعي جميعا لاستثمارة ونسامى فوق الجرحات
ونجعله استكمالا للكمال.

واكرر لشخصكم الكريم تقديري

شكرا يا دكتور
وكلام في محلو
والمنتدى حقق التواصل الجميل والتعارف المطلوب
وجدد معاني الانتماء للوطن مراغة
وقد عبرت باصدق الكلمات عما يعنيه المنتدى لاعضائه الكرام
فلك التحية والشكر
ودمتم بخير
وحفظ الله الوطن

عدد المساهمات : 81 تاريخ التسجيل : 12/02/2011

يسلم يدك خالو بكرى والله على موضوعك الجميل وموضوعك جا فى الصميم وبالذات انحنا الفى الغربة ما بنصدق نلقى منتدى متجمع فيه جميع والأحباب ونعرف اخبار البلد ونطمن على الاهل

ولك التحية والود

» مابين المنتدي والـــ facebook
» أين نجوم المنتدي؟؟؟
» مواضيع المنتدي الحالية
» الحوارات بين اعضاء المنتدي
» هل غربت شمس المنتدي بعد ان طوي المسافات وتخطي الحدود ؟؟؟؟