شبكة مراغه الأصاله والتاريخ
ايهما زوجتك من بين هؤلاء النساء Welcom11
شبكة مراغه الأصاله والتاريخ
ايهما زوجتك من بين هؤلاء النساء Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 ايهما زوجتك من بين هؤلاء النساء

اذهب الى الأسفل 
5 مشترك
كاتب الموضوعرسالة
سيف شهلى
 
 
سيف شهلى


عدد المساهمات : 435
تاريخ التسجيل : 11/01/2010

ايهما زوجتك من بين هؤلاء النساء Empty
مُساهمةموضوع: ايهما زوجتك من بين هؤلاء النساء   ايهما زوجتك من بين هؤلاء النساء I_icon_minitimeالسبت 13 نوفمبر 2010, 7:41 pm

إن بقيت بخيت.. ربنا يديك.. مرا هدية ورضية.. السماحة ما ضروري لانو بعد شوية ما حتكون سمحة.. حتكون عادية.. نصيحة لك.. النسوان البقولن ديل أوعك تعرس واحدة فيهن:

الفنانة.. والحنانة.. والحردانة.. المدرسة.. والمدبرسة.. والمفلسة.. النوامة.. والحوامة.. واللوامة.. البوبارة.. والكوبارة.. والخبارة.. الممحوقة.. واللايوقة.

طيب اجي أوريك ليه؟!

الفنانة:

حتمرق معاها وتقعد تحوم، في الحفلات، وتشوف كرسي قدام وتقعد فيهو، شايل عكازك وسكينك في ضراعك، وعينك عليها، إن راجل بشر ساكت.. تتحنفش وتقوم إلا يهجروك اتنين على الكرسي، وتجو نص الليل راجعين أهلكم والنهار كلو نايمين.

الحنانة:

طول النهار برا البيت، تحنن في نسوان الرجال، وهي كرعيها يكونن ما شافن حنة ليهن سنتين، والنهار كلو انت تحاحي في الشفع ما يلمسوا الصبغة.

الحردانة:

دي حتكرهك حياتك، أقل كلمة، تتقنع بي توبها وتجري بيت ناس أبوها، وتلحقها أنت وتلقى أبوها، تقعد في طرف العنقريب، تطقطق في اصابعيك، ومدنقر في الواطا، وداير تراضيها ترجع البيت، لكن أحسن حل لك يا تسكنو مع ناس أبوها يا تجيب ناس أبوها عندكم.. عشان توفر المشاوير والجري.

المدرسة:

أول حاجة دي ما بتقدر تفرق بينك وبين الطلبة، وحتقعد تعيد وتكرر في الكلام مليون مرة، زي برنامج من الأمس الفي تلفزيون السودان، وممكن جداً تسرح وتقول لك فاهم يا شاطر؟!.

المدبرسة:

تلقاها طوالي زهجانة، وشايلة أخلاقها في طرف نخرتها، وأن كلكلتها ما تضحك، في النهاية حتوديك التجاني الماحي، نزيل اكتئاب.

المفلسة:

ما دايرة أي شرح

النوامة:

تجي من الشغل نص النهار وزهجان، تلقاها تانية المخدة وخاتة ايدها تحتها، وتشخر، وريالتها سايلة، وحالتها بالبلا، وتكره اليوم الفكرت أنت فيهو في العرس.

الحوامة:

طول اليوم فوق كرعيها، في الحلة من بيت لبيت، وتدخل البيت قبل ما انت تجي من الشغل بخمس دقائق، وتجري تولع النار، وتطبخ لك القطر قام، وأول ما ينتهي الغدا تدخل في سفنجتها استعداداً لرحلة جديدة.

اللوامة:

دا نوع مزعج جداً، لو جبت سيرة أخوك ساكت تفتح فيهو، الله يسألني سنتنا ديك وقت انت خليتنا بلا قروش وسافرت، يدخل ويمرق علينا مدلدل ايديهو، كيس موز ساكت ما بيجي شايلو، ولو جبت سيرة أمك هي والله امك دي اصلها ما بتريدني، من تشوفني تزعل والنيران تنطلق فيها، وتمد قدومها ووليداتي ديل السلام يا الله ويا أمين تسلم عليهم.

البوبارة:

دي تحملك فوق طاقتك تشريك الما بينشري، وجبت ناس في البيت، تجري على علبة الدهب وتتعنكش كلها من رأسها لكرعيها، وتقعد تنضم بايديها وكرعيها ورقبتها واضنيها، عشان توري الدهب.

الكوبارة:

دي تكبر أي موضوع، وتسوي ليهو توم وشمار، وتقول لك ناس القبور دقو الطنبور، لو شافع من شفعك عتر ووقع، تصرخ وتخت ايديها في نص رأسها، وبطول حسها ووووووووووووب علي ووووووووووب علي، ماااااااااات.. ماااااااااااات، يسمعوها في الشارع، والغريبة لو أنت كنت نايم وسمعتها، تقوم ومخلوع، وتمرق من الأوضة لحدي نص الصالة، أما لو كان عندك قلب مرضان اللحظة ديك من المهد إلى اللحد.

الخبارة:

البي تدور الخبار.. لو في نضم تلقاها سكتت الشفع، ونهرتهم عشان تسمع، الجيران مالهم بيهرجو وصوتهم عالي، ولو كنت بتكوي ليك في هدوم قطع شك قميص.. والا جلابية حيكون في عداد ضحايا الحريق، وممكن الملاح يحرق وممكن الجردل يكون في الماسورة يتملي والبيت يغرق من الفيضان، وحرمكم المصون واقفة فاتحة خشمها وتتصنت للجيران.



الممحوقة:

دي إن جبت دكان كامل وختيتو لها في البيت تكملوا في يومين، تصوطو كلو فوق تحت، لكن ممكن توديها لأصحابك الزعلان منهم لو عندهم مناسبة تطبخ لهم عشان لما المناسبة تنتهي يشحدو وانت تنبسط.

اللايوقة:

دي حكاية تانية.. تمسك في موضوع يحلك منو الجليل الرحيم.. يا .. دا.. هوي يا دا.. الليلة يا يمة.. طرشت؟!، وقدر ما تطنش هي مصرة، وممكن تجي جنبك وتخجك خجة جامدة عشان تنتبه.. للنقة.
الرجوع الى أعلى الصفحة اذهب الى الأسفل
مشيرة
 
 
مشيرة


الموقع : امدرمان
عدد المساهمات : 1276
تاريخ التسجيل : 27/01/2010
العمر : 35

ايهما زوجتك من بين هؤلاء النساء Empty
مُساهمةموضوع: رد: ايهما زوجتك من بين هؤلاء النساء   ايهما زوجتك من بين هؤلاء النساء I_icon_minitimeالسبت 13 نوفمبر 2010, 9:43 pm

كدي ورينا انتا زوجتك ياتا في ديل نستفتح بيك ههههههههههههه
الرجوع الى أعلى الصفحة اذهب الى الأسفل
صفاء العمدة
 
 
avatar


عدد المساهمات : 163
تاريخ التسجيل : 08/02/2010

ايهما زوجتك من بين هؤلاء النساء Empty
مُساهمةموضوع: رد: ايهما زوجتك من بين هؤلاء النساء   ايهما زوجتك من بين هؤلاء النساء I_icon_minitimeالإثنين 15 نوفمبر 2010, 6:45 pm

يعني ماف غير ديل الله يعين الي ح يختار
الرجوع الى أعلى الصفحة اذهب الى الأسفل
dr.babikir
 
 
dr.babikir


الموقع : السودان
عدد المساهمات : 780
تاريخ التسجيل : 13/02/2010

ايهما زوجتك من بين هؤلاء النساء Empty
مُساهمةموضوع: رد: ايهما زوجتك من بين هؤلاء النساء   ايهما زوجتك من بين هؤلاء النساء I_icon_minitimeالثلاثاء 16 نوفمبر 2010, 9:40 am

اولا كل سنة وانتم بالف خير وربنا بحقق كل الاماني الممكنة وبعض المستحبلة
والله يا سيفو الواحد طول جدا ضحك بالصورة دي لكن يا سيفو ما بنلقي واحدة برة الحاجات القلتها دي .انا مثلا واحد من الناس ديل وهي مدرسة
لكن الحمد لله لس ما وصلنا مرحلة فاهم ياااااااا شاطر يمكن لانها بعدت من التدريس والواحد يقول الحمد لله ههههههههه
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

ايهما زوجتك من بين هؤلاء النساء Empty
مُساهمةموضوع: رد: ايهما زوجتك من بين هؤلاء النساء   ايهما زوجتك من بين هؤلاء النساء I_icon_minitimeالأحد 21 نوفمبر 2010, 6:25 pm

ا

اجمل النساء من جمعت كل تلك الصفات مجتمعة

لااعتقد ان امرءة سودانية جايه من بيت ابوها تخلوا من واحدة علي الاقل من هذه الصفات

ا ان ادعت اي واحدة انها تخلوا من صفة من هذه الصفات تكون ما سودانية

وياجماعة شن طعم الحريم بدون الصفات الشينة ده؟

يااخوانا قولوا يالطيف
الرجوع الى أعلى الصفحة اذهب الى الأسفل
 
ايهما زوجتك من بين هؤلاء النساء
الرجوع الى أعلى الصفحة 
صفحة 1 من اصل 1
 مواضيع مماثلة
-
» النساء فى افغانستان - تجنب الالغام
» ايهما افضل الحب قبل الزواج ام بعده
» لو كان الأمر بيدى لأخترت هؤلاء من بين المرشحين للتكريم
» اجمل النساء
»  ما معني النساء ناقصات عقل ودين ؟؟

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: