أين نجوم المنتدي؟؟؟

كيفك يامجاهد .... انا عارفك قاصد ياسر ابراهيم بس حشرت البقية من باب المجاملة .........
الجعلى فى رحلة علاج فى القاهرة ارد الله غربتة ودعواتنا ودعوات الجميع له بالشفاء ... ولغيابو غاب جنابو النزير ....

بعدين شنو قصيدة ودالامين دى ..... بعد شوية حتقول العيد الجاب الناس لينا ماجابك ........
هسة حارسل للمقداد بتاع قناة طيبة ........

ربنا يجيب الجعلي بالسلامة وبالشفاء العاجل ان شاء الله

ويرجع الباقين

انا برضو شفتا في موضوع محمود رضوان سعيد مع اني مابعرفو برضو لكن شفتا اسمو كتير لما دخلت المنتدى وهسي لقيتو قلتا الزول دا بلاهي حي هههههههههههه

غايتو كلمة ما بعرفو دي جايبة لينا الهواء ههههههههههههههه

اللهم رب الناس أذهب الباس ،أشف انت الشافي لا شفاء الا شفاؤك
عاجل الشفاء للعزيز الجعلي

ربنا يكتب سلامة ابن عمتى وربنا يخفف عنه يعطيه الصحه اللهم امين
الابن مجاهد نحن برضو مفتقدين اقلام هؤلاء بالاخص ياسر وهانى وكتاباتهم الرائعه
اتمناهم بخير ورمضان كريم

وأضيف ليهم د.بابكر عزالدين
مفترض تعملوا برنامج الناس تتفقد احوال بعض
حسي معظمنا ماكان يعرف بأمر الجعلي
ربنا يكتب ليهو الشفاء ... اللهم امين

نسأل الله الشفاء العاجل للاخ الجعلي ولكل مرضانا
لكن ياجماعة الجعلى ده منه؟ ياخوانا فهمونا ؟

يالطييييييف،كيف مابعرفه؟ غير انه قربي انت تعرف انو انا درست كل هذا الجيل،لكن الالقاب بتكون بين اولاد الدفعة بس. بعد ايام ربما اكون في القاهرة،ااء اللله اقابله، بالمناسبة ذكرني دفعتك يامجدي، وماتخجل لو اخذت ليك جلدتين، اعترف وقول يالطيف.

الأخ عبد الرحمن لك التحيه حقيقه نحن موجودين يوميا بس مشاركاتنا قلت شويه اليومين الفاتو.
تحياتنا وامانينا بالشفاء لأخونا الجعلى وأجر وعافيه انشاءالله.

لكم التحيه قرشي ود الشيخ نعم سالنا عنكم وسطوع نجمكم تلالأ في شجرة العائله لاتفتكروا بننساكم انت ومحمود
تباعدت مساهماتكم مما لفت نظرنا غيابكم في هذا الموضوع الهام لنري بصيص ضوء آت من الافق وربنا يديكم
الصحه والعافيه

يلا يامجاهد شدو حيلكم مع مالك المرحلة المقبله ستكون جمع البيانات من مجموعة عارفين تم ذكر بعضهم في الردود من اخوانا
واخواتنا منهم عبدالحفيظ محمد احمد وناصر العمده وكمال صالح وابراهيم طه وعكاشه فضل واصبح المناخ مهيا نسأل الله ان
يوفق الجميع في سعيهم واهتمامهم

[center]العزيز جدا مجاهد
شكرا جزيلا على السؤال وبس مشاغل
التحيه ليك ولاعضاء المنتدى ورمضان كريم
الجعلى ربنا يشفى اولاده ودعواتنا له بإتمام الصحه
ياهندسه تانى انشاء الله مافى غيبه

واحد من النجوم الكبااار ظهروا ...
رمضان كريم يا نجم ..
وكل سنة وانت طيب

يا خوااانا وين الوحش ...
ودالشريف

نسأل الله له عاجل الشفاء والصحة وربنا يواليه بالعافيه الاخ عبدالرحيم الجعلي
وهذا التواصل والتفقد عبر المنتدي من نعمه اننا نتواصل للصلة والقربي ونحقق كثير من امر ديننا علينا والذي افتقدناه بعامل الحراك الحياتي وسرعة الزمن والاهمال لجوانب اجتماعيه كثيرة نحمد الله عليها .
وعاجل الشفاء والصحة والعافيه يالجعلي . وانشاء الله عرفتو ياماهر (لسع ياماهر بدل ما كنت بتدي حصص امانه ناس مجاهد حيدوك حصص كتيرة وخاصة لمن يظهر زول جديد حسع بتعرف .محمد جعفر .ونسمة وفاء .ونضار العمدة . ومجاهد زاتو . ورضوان سعيد . وهاني .وصافي الدين . وكثيرين في المنتدي . الله يعينك)
قصة حلوه ياماهر( قالوا لمن حيدر نورالدين جايي السعودية اول مره فقام ادريس عبدالحليم خالو ساق ناس الجمعيه كلهم قال ليهم نمشي المطار عشان توروني ود اختي سعاد عبدالحليم ) وحيدر بيحكي القصة للان . لكن ياماهر انا برضوا من كنت في السعودية وحتي الان كثيرين في المنتدي ما قابلتهم ولكن مابعرفهم دي كتيرة شويه
ابوعزام

طيب اذا افترضناه ماخاص معناه عام وبما انه عام لازم يظهر للناس
شايل نفسك في جواك خليها تبين للناس تظهر** يالنازع فرحة والده هناك غير حس آهاتك مابتسمع
الاسماء كملت في الدنيا ؟؟؟؟

الاخ ذوالنورين، الحمد لله وجدنا وسيلة تواصل مع الاجيال القريبة والبعيدة، كنت اعتقد خطا انو انا عارف الناس كلها , لكن بعد تواصلي في هذا المنتدي الرائع, وجدت اكثر من انو انا مابعرف الناس الناس مابتعرفني...وهي حقيقة مؤسفة...لكن عسي من خلال التواصل عبر المنتدي يتم رتق حسور المعرفة والمودة والتعارف بين الاهل...ذنو قول يالطيف

لو تسمح لينا يامجاهد نقلب سؤالك من اين نجوم المنتدي ؟؟
الي اين هذا الكم الهائل من المسجلين من شهور ورصيدهم
صفر من المساهمات وهم زيادة عدد فقط وهم تركوا جانب
كبير من المنتدي في ظلام ؟؟؟

للأستاذ عبد الرحمن نصر
رقم تلاته الفنجري هو :
محمد ابن الأستاد بشير محمد
رئيس نادي الوحدة سابقا

كمال مصطفى ده ود مصطفى محمد ابراهيم (مصطفى فلاح)

محمد وديدي أعتقد انو الأمين العام لرابطة مراغة الخيرية بالخرطوم العقيد محمد وديدي

الاخ محمد جعفر كل عام وانت بخير جعلنا الله جميعا من عتقاء هذا الشهر المعظم
ونحن نتنسم نفحات العشرة الاوآخر لك الشكر والتقدير علي التوضيح ويبدو انك
ايضا مثلنا لاتعرف الكثيرين من الاعضاء لاني سألت من مجموعه كبيره ستظل
هذه معطله نعاني منها واستغربت لمحمد بشير لماذا يغيب والده وهو علم من اعلام
مراغه وترك بصمته التي لاتمحي بين اجيال واجيال البلد

ممكن ادارة الموقع تزيد في معلومات التسجيل الاسم رباعي , التلفون , ووو

اخوتى الكرام .......
والله حاجات طيبة السؤال التفقد لاحوال بعضنا البعض ....
ا انا كنت قاطع لنو فى المكتب الاسبوعين الفاتو زحمة شغل شديدة .... والــ MDSL مجاهد هرب بيهو دنقلا

امس فى حدث هذانى مشيت قبل شوية مكتب زين اشتريت واحد جديد ... الموضوع كامل فى المنتدى العام .... افطار رمضان السنوى بنادى مراغة بالخرطوم الحدث الفريد ............

بالامس تناقشنا كثيرا فى مضوع المنتدى ...... الاستاذ دياب عبدين قال انتو موعودين بمواضيع شيقة من الزمن الجميل قريبا وتحايا خاصة من العم صالح جعفر للجميع وكل الذين علقو وكتبو فى حقة بهذا المنتدى ............

تحاتى

وينك انتا يانجم ماهد ووين كل الطلبة اشتقنالكم عودو لنا

الاخوه الكرام قرشي ومحمود اين السمؤأل واين مشاركاته ومساهماته لعله بخير وعافيه

صباح الخير وجمعه مباركه للجميع
مجاهد النجم اين انت ؟؟؟؟؟؟؟