اصحوا يا ناس

السلام عليكم اهلي الكرام الحاصل شنو اختفيتو مالكم الزمن الفات كان بس رغوه صابون وانتهت مالكم اختفيتو فجاء
هاني ماكنت مشاكس وجايط الدنيا ناس الوزاره حموك تخش النت ولا خطبتا
الجعلي ماكان العشم انتا جيت وكلنا مستنين العاصفه لكن لاشفنا عاصه ولا غبار مالك يا زول لكن برضو مستنين
الدكتوره نضار الحاصل شنو بقينا نشوفك في ردود بسيطه ومستعجله بي مجامله كدا مالك العيانين كترو كنتي منورانا
ود الشريف الحاصل شنو تجي وتختفي صورتك الحلوه اشتقنليها لو ما داير تكتب رسلينا الصوره بس عشان نعرف انتا معانا
مجدي مالك مختفي شكلك برنامج الجعلي بتاع الزوجه الثانيه كان خاشي في نفسك طرشقو ابيت تجي تاني مالك شكلك لسع زعلان انتا الصغير يا زول والصغير دايما مظلوم
محمد جعفر يازول كرهتنا بي ردودك دايرين نردليك احنا اتلحلح شويه
ياسر ابرهيم النسر الجارح شنو يازول نيرانك قلتك ما توقدا لينا شوف ليك جاز ولا بنزين استحمبيه
عوض ابراهيم يا جبهجي هههههههههههه شنو قالوليك سياسه مافي عملتا نايم
سيف الدين والله الانتخابات مسخنه والناس ديل قالو ماخلو اسم ماختو في الانتخابات لا خلو شجره ولا عكاس ولا كوره والله احنا متمنين الموتمر الوطني يفوز لكن مراغه دي دايرين ليها حسن ابراهيم ولو التاني فاز ناس مراغه ديل يكونو وهم ساي
مالك شنو مشروعك دا لسع ما انتها انتا خالينا ساي كدا بدون قبطان الكلام دا مابجي
ود كتمار صاحب اسرع الردود واقصرها انا نفسي اشوف ليك رد طويل
الخال بكري كيف اخبارك وانت الاب الروحي لهذا الموقع والاكبر سننا بيننا فهذه فرصه كي نتعلم منك جلست معك من قبل ولكن لم نتحدث تمنيت ول طال اللقاء بيننا وسوف نلتقي مره اخري باذن الله في بيت انور محمد صالح
الدكتور بكري اخبارك والله بقيت لمن اشوف اسمك اذكر برنامج صحتك
الاخوه الاعزاء اما حان لنا الوقت لبدايه العمل الجاد في هذا الموقع لخدمه مراغه