غياب الأمبراطور

وغاب عنا راضين بقضاء الله وقدره .. آخر ملوك النوبة بل الأمبراطور
لك الله يا هرم النوبة الشامخ .. ونسأل الله أن يسكنك أعلي الجنان .. آمين
نغني اليوم عرس الفداء
ها هنا يبتسم النهر القديم
لبعانخي وتهراقا وللمهدي ولعلي عبداللطيف لعبد القادر الحبوب وللقرشي
ولحبيبنا وردي
لصمود العرس في كرري ولموت الفدائي العظيم

نذكر اليوم جميع الشهداء وكل من خط علي التاريخ سطرا بالدماء

نذكر اليوم جميع الشرفاء كل من صاح في وجه الظلم لا لا لا

نحن أبناؤك في الفرح الجميل والحزن النبيل
سنغني لك ياوطني كما غني الخليل مثلما غنت مهيرة تلهم الأجيال جيلا بعد جيل ونغني لحريق المك في قلب الدخيل
للجسارة حينما أستشهد في مدفعه عبدالفضيل تكحل اليوم مآقينا بمرواد الصلابة وبالإيمان كإيمان الصحابة
سوف نفديك دوما
نناديك هياااااما

وداعا يا الهوي الأول
وداعا يا أمير الحسن ويا إفريقي ياحر
ويا جميل ومستحيل أنساك
وداعا يا الطير المهاجر ويا عصافير الخريف
واا أسفاي وداعا يا أول غرام ويا أخضر

وداعا يا قامة يا شعبا لهبك ثوريتك يا جيل العطاء لو لحظة من وسن

وداعا يا أكتوبر الأخضر ويا راية إستغلالنا
وداعا ياشعبا تسامي ويا قمر بوبا
يبكيك وطنا البإسمك كتبنا ورطنا
ويبكوك الناس القيافة
ويبكيك طفل العالم الثالث
وتبكيك الحنية السكرة
وداعا وداعا وداعا
يا إفريقي ياحر
وداعا يابلدي يا حبوب
واليوم قست الدنيا عليا وعلي كل محبيك
أللهم أغفر له وأرحمة
وأجعل قبره روضة من رياض الجنة
تخريمة : غريبا وعجبا أن لا تنزل نعي وعزاء العملاق النوبي والسوداني ولم يبادر أحد في موقع مراغة للآن من الأعضاء !!!!

سلام اخى عثمان لقد افيته حقه من النعى باستخدامك لكلماته
ربنا بتقبله قبولا حسنا ويسكنه فسيح جناته

-------------------------------
وطنا..الباسمك كتبنا ورطنا
أحبك
مكانك صميم الفؤاد
وباسمك اغنى..وتغنى السواقى خيوط الطواقى
سلام التلاقى ودموع الفراق
واحبك ملاذ وناسك عزاز
أحبك حقيقه..وأحبك مجاز
وأحبك بتضحك وأحبك عبوس
بعزة جبالك ترك الشموس
وما بين ظلالك افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..وتشّرف غناى
بحضرة جلالك..يطيب الجلوس
مهذب أمامك يكون الكلام
لأنك..محنك
عميق الدروس مجيد المهابه ومديد القوام
شبابك..تشابك شديد الزحام
أراهم..وراهم غبار الحياه
مداين..تعاين كأمّ العروس
تهلل..تكلل جبين الإمام
رزازاً يبلل أغانى الخليل
أحبك حقيقه..وأحبك مجاز
أصدق كلامك حقيقه وبخاف
أخاف الطريق..اللى ما بودى ليك
وأعاف الصديق اللى ما بهم بيك
معاك انتظارى..ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك

الشكر لكم الأعزاء .. الأمين وسوسن
ونسأل الله العلي القدير الا يريكم بكروه في عزيز لديكم
ونأسف أخي الامين علي صوت اللوم ودون حق .. ولكني بحثت في الاجتماعي
كالعادة .. ولكن العزيزة مشيرة نقلت النعي الي المنتدي العام من غير العادة
وهذا في حد ذاته زيادة قدر ومكانة للعملاق الراحل .. ونكرر الأسف
وتحياتي لكم

اللهم ارحمه رحمه واسعه من عندكوإنت ياوردى المشاعر يالبقيت للموجه مرسى ..
كيف يقولوا عليك مفارق وإنت عايش فينا لسه
ياأعزالناس حليلك وإنت حاضن العود تغنى
وقلبى سارح فى الغناوى الطالعة منك وشايلة منى
عندك إنت الفن رسالة تزرع الأيام تمنى
... ياحبيب كل الغلابة غبت وين الليلة عنى
غبت ياالطير المهاجر وإنت لابس الشوق حراير
غبت ماشفناك بتشرب من عسل إحساسنا زاير
وإنت لودارت عليكا ياوليف عمرى الدواير
زهرة المقرن بتلبس من حروف اسمك ضفاير
ياسمح يازين حليلك فى السمح بعد السماحه
العصافير ليك تهاجر وبيك تعود أبيض جناحه
الجراح الفى قلوبنا بالنغم دوايت جراحه
ومنك اتعلمنا نغزل من دموعنا النازلة واحه
نحن ما بنمسك دموعنا لما نسمع لوبهمسه
أما نورالعين غرامنا مالو لو أهدتنا لمسه
وإنت ياوردى المشاعر ياالبقيت للموجه مرسى
كيف يقولوا عليك مفارق وإنت عايش فينا لسه
قلت أرحل وجيت رحلت ومارحل أبدآ مكانك
السحابة الفوق بتسقى وردة الأحزان عشانك
اوعى تمشى تقول مفارق إنت أسطورة زمانك
إنت ليك أنغام بتزرع فى القلوب أزهار حنانك
ربنا يرحمه ويغفر ليه

اسحق الحلنقي يرثي صديقه الفنان الراحل محمد وردي

رثاء الحلنقي للامبراطور :
العزيز ماهر أنزل الرثاء صوت وصورة جزاه الله
وهنا كتابة :
وإنت ياوردى المشاعر يالبقيت للموجه مرسى ..
كيف يقولوا عليك مفارق وإنت عايش فينا لسه
ياأعزالناس حليلك وإنت حاضن العود تغنى
وقلبى سارح فى الغناوى الطالعة منك وشايلة منى
عندك إنت الفن رسالة تزرع الأيام تمنى
... ياحبيب كل الغلابة غبت وين الليلة عنى
غبت ياالطير المهاجر وإنت لابس الشوق حراير
غبت ماشفناك بتشرب من عسل إحساسنا زاير
وإنت لودارت عليكا ياوليف عمرى الدواير
زهرة المقرن بتلبس من حروف اسمك ضفاير
ياسمح يازين حليلك فى السمح بعد السماحه
العصافير ليك تهاجر وبيك تعود أبيض جناحه
الجراح الفى قلوبنا بالنغم دوايت جراحه
ومنك اتعلمنا نغزل من دموعنا النازلة واحه
نحن ما بنمسك دموعنا لما نسمع لوبهمسه
أما نورالعين غرامنا مالو لو أهدتنا لمسه
وإنت ياوردى المشاعر ياالبقيت للموجه مرسى
كيف يقولوا عليك مفارق وإنت عايش فينا لسه
قلت أرحل وجيت رحلت ومارحل أبدآ مكانك
السحابة الفوق بتسقى وردة الأحزان عشانك
اوعى تمشى تقول مفارق إنت أسطورة زمانك
إنت ليك أنغام بتزرع فى القلوب أزهار حنانك

..... وهلا رفع راية الابداع وحملوا الفن الراقي فنانوا السودان كما حملها هو من عهد الخليل ؟؟؟