| طلب تعيين السيد ماهر عابدين مستشارا لرئيس الجمهورية | |
|
+6رمضان عثمان قرشى شيخ ادريس بايعة الكسره منير على طه شريف عبد المتعال ماهر عابدين دياب 10 مشترك |
كاتب الموضوع | رسالة |
---|
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: طلب تعيين السيد ماهر عابدين مستشارا لرئيس الجمهورية الجمعة 02 ديسمبر 2011, 12:13 pm | |
| الاعلام السوداني مشغول هذه الايام بتعيين السيدين نجلي السيد الصادق المهدي والسيد محمد عثمان الميرغني كمستشارين لرئيس الجمهورية. ابن الصادق المهدي ضابط سابق بالقوات المسلحة وعين مرة اخري بقدرة قادر في رتبة اعلي من رتبة زملاؤه المهمشين. اما نجل السيد محمد عثمان الميرغني فهو من مولايد 1973 ودرس بروضة دار الحنان بالخرطوم اثنين ودرس بالمدرسة المصرية بالخرطوم ولم يغادر حوش المدرسة من الابتدائي حتي الثانوي وسافر بعدها الي لندن مع والده ليدرس فلسفة في احدي الجامعات البريطانية ثم يعين مستشارا لرئيس الجمهورية. انتهي الخبر
طيب ياجماعة الخير... انا ماهر عابدين دياب... درست بمدرسة مراغة الابتدائيية والنميري المتوسطة ودنقلا الثانوية وجامعة القران الكريم... ثم ختمت مسيرة حياتي الاكاديمية ببريطانيا كدارس للاقتصاد والعلوم السياسية... كنت اركب الحمار للوصول الي المدرسة ثم تطرت الامور عندما اشترينا انا وشقيقي عامر عجلة لنستعملها سويا. للحصول علي العجلة كنا نلقط البلح لنبيعه في سوق دنقلا , وانشانا صندوق ادخار هو عبارة عن درج المدرسة بعد ان اشتريت طبلة مسوجرة من المال العام , يعني اصلح حتي لوزارة المالية. في دنقلا الثانوية كنت اشارك في لجنة الطعام احيانا ومعارضة لجنة الطعام ثانية والدخول في اتحاد الطلاب احيانا ومشاكستها احيانا. وكنت من قياديي مظاهرة شهيرة واضراب عن الطعام بدنقلا الثانوية عندما وجدنا الفول علي الصفرة ولم نجد الساردين, حيث جرت العادة وقتها ان يكون الفطور عدس وطحنية يوم وفول وساردين يوم اخر. وجود الفول حفيان بدون الساردين كان جريمة لايغتفر لها, لذلك باركت بشدة عندما وضع الصديق والزميل عبدالرحمن حسن عبدالحميد الصابون في حلة الحليب التي كنا نعتبرها حق من حقوقنا الغير مهضومة. يعني زول ثوري وانفع كمان زعيم معارضة. المستشاران الجديدان هما ابنا الصادق المهدي والميرغني... لكن انا كمان ابوي برضوا المرحوم الحاج عابدين... لايملك صرايات ومغفلين يستعبدهم, لكنه كان يومن بالقناعة والرضا ويؤمن بان الناس قد ولدتهم امهاتهم احرارا, يؤثر نفسه علي الغير فيما عنده ولا يفترض نفسه وليا علي اموال وعقول الاخرين.
انا لم ادرس بروضة الحنان بالخرطوم اثنين ولم ادرس كل مراحلي بالمدارس المصرية التي يعتبر مرتاديها ناجحون حتي ان لم يحضروا الدرس او الامتحان حتي. انما تنقلت مابين استاذ صبري وكامل مصطفي والنور محمد احمد كل في مرحلته. لازلت احمل ع وملا تبقي شبر في جسدي والا فيه ضربة صوط النيم او علامة لحبل الفلقه او طعنة شوك او جرح لقطعة زجاج او طعنة لجضلة فول او ضربة عكاز في شكلة بعد المدرسة او في بيت حفلة.
لم اخذ قرشا واحدا هو ملك للشعب السوداني... دفعت الضرائب بالعملات الصعبة... علي الاقل عرقت اكثر من الحنكوش ولد الميرغني والذي لم يعمل الا كمستشار لوالده كما ارادوا ان يزينوه... انا ايضا عملت كمستشار لوالدي رحمه الله... حيث كنت اسقي البقر والغنم والحمير واحش البرسيم وارفع الحيضان وارويه بالموية من زمان الساقية حتي وابور الكهرباء حديثا.
سيدي الرئيس عمر البشير: وانا واحد من هذا الشعب المغلوب علي امره... استحق هذه الوظيفة... خاصة انها وظيفة بلا وظائف والراتب والمستحقات تملا الكروش. اعدك سيدي الرئيس بانني لن اكنكش في هذه الوظيفة كما يكنكش وزراءك ومستشاروك امثال صديقك عبدالرحيم حسين وبكري حسن صالح وغيرهم... واعدك بانني ساكون عفيف اللسان لا كما مستشارك سليط اللسان نافع المانافع... ولن اهرب لاحمل السلاح كما فعل كبير مستشاريك الدارفوري بتاع اتفافية ابوجا. لكنني سالزم الصمت عما تفعلون واضع لاصق صناعة يابانية علي فمي واكون كمن لاشاف لاسمع. سيدي الرئيس: لافرق بين ود ابو الديب واولاد الصادق المهدي ومحمد عثمان الميرغني... ربما اكون قدمت لوطني اكثر منهما مجتمعين... ولد الصادق المهدي هرب متخفيا مع والده في جنح الظلام وربما كانا يلبسان عبايات نسائية. وعندما وصلا الي اسمره زعم والده بان ابنه كان قائد عملية الهروب. اراد ان يكبر صورة ابنه كذبا ليعده لهذا اليوم. وانا سافرت عينك ياتاحجر عمرة وزوغة وكسبت من عرقي لا من عرق جماعة سيدي..
انا ايضا في اربعينات العمر- عمر النبوة- يعني اكثر رشدا وخبرة من الوليد بتاع روضة الحنان... عملت في وزارة التربية والتعليم سنين عددا... غادرت بعدها هربا من المضايقات وحكم علي ان لا اري الوطن الا اسابيع قليلة كل شهر لاعود بعدها الي غربتي حاملا الاسي والشوق والحنين لاعيش بهما الي عام قادم.
سيدي الرئيس:
بعد كل هذا الضنك والعناء الا يحق لي ان اعود لاجلس في قصركم المكندش مستشارا لا شغلة لامشغلة؟ خاصة وان اهلي بمراغة لم يكن منهم وزيرا او مستشارا. دعني سيدي الرئيس ان ادخل في قائمة غينيس للارقام القياسية كاول مراغاوي يدخل القصر كمستشار
سيدي الرئيس:
سارد الجميل للوطن الذي تعلمنا فيه بالمجان وعولجنا في مستشفياته بالمجان في الازمان الغابرة. شربنا حليب البودرة صباح ومساء في الداخليات مجانا... اكلنا الفول والعدس والفاصوليا والبراطيش مجانا... لم نكن نشتري الكتب والكراسات والحبر, كنا نتلقاها مجانا من الدولة. الا يحق لجيلي ان يهنا باحد افراده مستشارا في القصر الجمهوري؟
الاخوة في المنتدي... المرجو ان تنقلوا عني هذا الطلب (طلب وظيفة كمستشار لرئيس الجمهورية) للسيد الرئيس وساكون ممتنا لكم جميعا الاخوة اعضاء المؤتمر الوطني بالمنتدي...قبول هذا الطلب يعني التزامي بان اربط لساني ولايعني انتمائي للمؤتمر الوطني (هو يعني اولاد الميرغني والصادق كنو مؤتمر وطني؟) . لكني اتعهد بان اترك الجميع في حاله
سيدي الرئيس... اتقدم اليكم بطلبي هذا راجيا منكم النظر فيه بعين الاعتبار ولانامت اعين الجبناء والعزة للسودان
ماهر عابدين لندن
| |
|
| |
شريف عبد المتعال
الموقع : ايطاليا عدد المساهمات : 3801 تاريخ التسجيل : 01/01/2011
| |
| |
منير على طه
الموقع : السودان عدد المساهمات : 707 تاريخ التسجيل : 06/09/2010
| موضوع: رد: طلب تعيين السيد ماهر عابدين مستشارا لرئيس الجمهورية الجمعة 02 ديسمبر 2011, 1:00 pm | |
| | |
|
| |
شريف عبد المتعال
الموقع : ايطاليا عدد المساهمات : 3801 تاريخ التسجيل : 01/01/2011
| |
| |
بايعة الكسره
الموقع : khartoum عدد المساهمات : 749 تاريخ التسجيل : 16/03/2011
| موضوع: رد: طلب تعيين السيد ماهر عابدين مستشارا لرئيس الجمهورية السبت 03 ديسمبر 2011, 4:26 pm | |
| | |
|
| |
شريف عبد المتعال
الموقع : ايطاليا عدد المساهمات : 3801 تاريخ التسجيل : 01/01/2011
| |
| |
قرشى شيخ ادريس
الموقع : الولايات المتحده عدد المساهمات : 974 تاريخ التسجيل : 28/03/2010
| موضوع: رد: طلب تعيين السيد ماهر عابدين مستشارا لرئيس الجمهورية السبت 03 ديسمبر 2011, 7:42 pm | |
| تستحقها أخى وصديقى العزيز ماهر لأنك معطون بتراب هذا البلد اذا كان من لايعلم الفرق بين النيل الازرق والأبيض وبين كردفان شمالها وجنوبها قد نالها فما المانع | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية السبت 03 ديسمبر 2011, 8:22 pm | |
| العزيز منير
الشيخ احمد علي الامام عفيف اللسان واليد... ولامي نفسه وربما لاينافق باسم الدين لكنه عين ايضا ضمن كوكبة المستشارين جون قرنق عارض وحارب وعين نائب اول لرئيس الجمهورية وبعدين مابيقولوا الكراسي دوارة... عاوزنها تدور في اتجاهنا وتحن علينا شوية الثورة وانت محبط فيها ولا اي امل لك فيها حتي تشاؤمك وصل للوظيفة التي احلم بها
علي العموم لو اجتهدت معاي لنيل الوظيفة... حابسطك حتي تتفاءل وتري الحمار براق وتغني للشباب السوداني كان بينهم عبدالله بن عمر وعبدالرحمن بن ابي بكر واسامة بن زيد وتغني للدنيا ليل نهار .. وتفتخر بانك سوداني
قول يالطيف وباركها | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية السبت 03 ديسمبر 2011, 8:49 pm | |
| العزيز شريف انا علي علم بانك (كنت) من حناكيش المدارس المصرية والمدارس الليبية... لكنك تبت واستغفرت واخشوشنت لدرجة انك كنت معلم بناء يشار له بالبنان وكنت راجل البيت بعدوفاة الوالد رحمه الله وحملت المسؤولية صغيرا يافعا والسقالات وحيوط الحاج يوسف (المايله) والاعمدة (المشقوقة) تشهد لك نصلف العيش منير وبائعة الكسرة ارسلوا اشارات تخويف...لكن انا او الوظيفة الجديدة... اكون مستشار للرئيس او لا اكون بعدين هو انا قبلت ان اكون مستشار للرئيس بكل تواضع... الرئيس مايقبل لحمة والله وحكاية قول يالطيف
| |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية السبت 03 ديسمبر 2011, 8:59 pm | |
| الي بائعة القراصة
لو كنت انا الدب ... الدب رمز للقوة والندرة , يعني حاكون القوي الامين... ومستشار من نوع نادر كندرة الدببه
ولو كنت انا النمر... النمر رمز للقوة وتحين الفرص ليجهز علي الفريسة وانا قوتي تكمن في عدم الخوف وفي وجود ناس المنتدي خلفي وهي فرصة لان عدد المستشارين لانهائي عند السيد الرئيس ولو جات الثورة ستضيع الفرصة
اذن يجب علي ان انقض علي الفريسة (اقصد الفرصة) بس عاوزين التاييد منكم
قولوا يالطيف | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية السبت 03 ديسمبر 2011, 9:28 pm | |
| العزيز الصديق والزميل قرشلو
عندما اراد الاعلام السوداني ان ينشر خبر تعيين المساعد ولد سيدي الكبير... لم يجدوا له اي صورة ولم يتحصل الاعلام علي اي سيرة ذاتية وعندما تم الاتصال بمكتب الختمية كانت المعلومة الوحيدة انه مدير مكتب والده, وهي بالطبع تلفيقة ومخارجة, وقال المكتب بان السيد ولد ابوه درس في جامعة بريطانية دون الاشارة الي اسم الجامعة, وهو امر غير طبيعي. بريطانيا بها الاف الجامعات, وسهل جدا ان تصل الطلبة السودانيون بالمملكة. سالت عنه طوب الارض ولم اجد من يتعرف عليه, ولم يسمع به احد حتي. علي الاقل لو قلت ماهر عابدين ربما تجد من سمع بالاسم, وانا بالامس كنت في اجتماع مع مجلس اللوردات وقبلها كانت لي جلسة مع مجلس العموم البريطاني وطلبت الملكة مقابلتي الاسبوع القادم لكن مدير مكتبي ابلغها بمشغولياتنا. ولو اي واحد عمل قوقلنق حيلقي اسمنا بمنتدي مراغة واليوتيوب والفيس والتيوتر ومن يقرء الجرايد سيجد مقالاتنا بالاندبندنت والتايمز والصندي والنيويورك تايمز وخلافها... والمتابع للسي ان ان والجذيرة والبيبيسي والقناة السودانية سيشاهد طلعتنا البهية نعمل شنو تاني اكتر من كده؟ شكرا علي التشجيع والمؤازرة وساكون خير ممثل لجيلكم المغلوب علي امره
قول يالطيف
| |
|
| |
رمضان عثمان
الموقع : الخرطوم عدد المساهمات : 743 تاريخ التسجيل : 11/04/2011 العمر : 46
| موضوع: رد: طلب تعيين السيد ماهر عابدين مستشارا لرئيس الجمهورية الأحد 04 ديسمبر 2011, 5:48 am | |
| أكيد الرد حيكون :
يحفظ الطلب | |
|
| |
عبدالرحمن نصرالدين
عدد المساهمات : 1940 تاريخ التسجيل : 20/06/2010
| موضوع: رد: طلب تعيين السيد ماهر عابدين مستشارا لرئيس الجمهورية الإثنين 05 ديسمبر 2011, 5:59 pm | |
| من مراغه سلام ... اعزائي لعلكم بخير
بعيدا عن تشائمات الاخ منير وموقفه السلبي من طلب الترشح .. نقف مساندين وداعمين توجهك لتقديم هذا الترشح ونعلم بأنك الاجدر من هؤلاء الحناكيش .. ونسأل سيادة الرئيس في ماذا يود استشارة هؤلاء ؟؟؟ وايضا نوجه لك اللوم والعتب لانك تهربت من الوعود البراقه ..وهذه الوعود هي التي تقود للفوز بالمنصب ولابد ان تكون هذه الوعود علي مستوي رفيع كالمنصب فمثلا لانريد كهربة مشاريع ولا خلافه .. وبالتأكيد فهمت قصدنا وحجم مطالبنا ولايفوتنا ان ننوه علي ان سيادة الرئيس بهذه التعينات او هذه الخطربات يريد ان يتقي شر المعارضه ويكمم افوائهم بلاصق من النوع الالماني كما ذكرت لزوم السفسفه وملء الكروش .. اخير سيادة المستشار وفقك الله لما فيه الخير وتعظيم سلااااااااام
| |
|
| |
منير على طه
الموقع : السودان عدد المساهمات : 707 تاريخ التسجيل : 06/09/2010
| موضوع: رد: طلب تعيين السيد ماهر عابدين مستشارا لرئيس الجمهورية الثلاثاء 06 ديسمبر 2011, 3:54 am | |
| | |
|
| |
ياسرابراهيم
عدد المساهمات : 466 تاريخ التسجيل : 24/01/2010
| موضوع: رد: طلب تعيين السيد ماهر عابدين مستشارا لرئيس الجمهورية الثلاثاء 06 ديسمبر 2011, 10:27 am | |
| استاذ ماهر بعيدا عن الامنيات والاحلام وبعيدا جدا عن جديه هذه الرغبه من الهزار الا اني استمتعت جدا برسالتك للسيد الرئيس وانت تفصل حالك صفحه صفحه لتكون سيرتك مكشوفه في العراء والفضاء فليس لديك ما تخفيه . متعتي يا سيدي في انك قدمت نفسك للجميع وليس لك حائط تتكئ عليه سوي سيرتك وتعليمك والبيت الكبير فلا حزب ولا نفوذ ولا تكيه ولا انصار متعتي يا سيدي انك شرحت حالنا واحوالنا لدرجه البكاء لتجعلنا نأسي علي انفسنا ونقول(بلاهي نحنا مبهدلين قدر ده وما عارفين) اما عن فرصه ترشيحك لهذا المنصب ومساندتي لك فانا لا ارجو لك هذا المآل وهذا الكرسي الذي لا تشبهه ولا يشبهك لذلك اعذرني يا سيدي اذا نزلت انتخابات وكان رمز حملتك الانتخابيه الحمامه فاني اضع صوتي لرمز،، الصبره ،، وما ذلك الا محبه لك وان كان من فائده لرسالتك ان وقعت بين يدي الرئيس انها اخطت له طريق وعنوان عريض يقول كيف تختار مساعديك شكرا استاذ/ ويمكن ان اعود | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية الأربعاء 07 ديسمبر 2011, 2:10 am | |
| الاخوة منير ورمضان عدد المساعدين والمستشارين للسيد الرئيس وصلوا ١٤ حتي ابان, وكلام من تحت تحت هناك سبعة في الطريق بعد ايام. وكلها لتسويات او ترضيات يعني ناس وراهم ضهر عديل كده...وانتم ضهري وسندي في هذا الامر, طريقتكم الانهزامية محبطة وحتطير الوظيفة الجاهزة... خلوا ضهركم قوي شوية...ولاضهركم بس ضهر مونة؟ خلوكم واسطة خير وقولوا يالطيف | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية الأربعاء 07 ديسمبر 2011, 2:24 am | |
| العزيز الغالي الذي افتقدنا قلمه وتوجهاته لاسابيع عددا طبعا المقصود عبدالرحمن نصرالدين لاغير ولو كنت عارف الموضوع ده بيجيبك كنت شركت ليك بيه من زماااان ولكني كرجل استغلالي انتهز فرصة وجودك بمراغة لتعرض موضوع ترشيح نفسي للمنصب للسادة اعضاء اللجنة الشعبية بمراغة- ان بقي منهم واحد- والسادة اعضاء الهيئة واتحاد المراة ونادي الوحدة واتحاد البنايين ومصليي مسجد النور وحمزة عثمان علوبة ومسكة شودنتود وابراهيم صالح وسيف اليزل احمد برسي لتوسط لرئاسة الجمهورية لنظر في الطلب. ونقول يالطيف
| |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية الأربعاء 07 ديسمبر 2011, 5:03 pm | |
| الرائع دوما ياسر
كان كاتب الطلب في النسخة الاصلية قبل التعديل مواطن سوداني... لكن لاسباب غير معروفة تطاولت علي المواطن السوداني متجنيا عليه عندما كتبت اسمي فاليسامحني المواطن السوداني الفضل علي حسن سلوكة... لكن عذائي انني اوهم نفسي بانني ممثل شرعي له في هذا الطلب بالذات... وبما ان الناس ليسوا علي قلب رجل واحد, مثلت دور العفيف العاقل والذي تعب من ضنك الحياة واراد لنفسه وظيفة تريحه واهله من مصاريف المعايش الصعبة لانه دفع الفاتورة الباهظة الثمن طوال عمره. وبعدين الحكاية بقت تقسيم الكعكة للعائد والمحارب والمزعق في شكل تراضيات , والبيفتح خشمه تتسد بي اي مسمي وظيفي, سمه ماشئت مساعد او مستشار لرئيس الجمهورية. وبعدين سيدنا الرئيس عاوزلو مستشار ولا مساعد؟ ما القرارات بتطلع ساخنة علي الهواء الطلق علي حسب درجة الانفعال ولم يقدم واحد استقالته او يحتج. يؤيد المستشارين القرار ويدافعون عنه, وعندما يكتشف سيدي الرئيس خطا القرار ويتراجع يدافعون عن شجاعته. ده اذا كان اصلا واحد من المستشارين عندهم صوت وهم قلة المسموح لهم بالكلام امثال مصطفي عثمان ونافع وابراهيم احمد عمر وغازي. المشكله ان هناك من لم يذهب حتي الي مكتبه في القصر (من منازلهم) امثال دز الصادق الهادي, ومن لايعرف هو شايت لي وين؟ امثال عبدالله مسار وفريدة محمد ابراهيم , ومن ومن لايعرف المسمي الوظيفي له مثل رجاء حسن خليفة التي دائما ما (تخلط) دون اي خجل او مراعاة للعيب بين مستشارية شئون المرءة للحذب وللبلد كله. وغايتو انا لو قدر لي نيل هذا المنصب الرفيع الذي استحقه سوف الزم مكتبي ولن احاول ان اجتهد لعمل خطة عمل حتي لايكون مصيري كمصير مستشار الامن القومي السابق (قوش) والذي حاول ان يعمل فيها مجتهد وصاحب عرق حتي وجد نفسه فسي الشارع (اقصد مكتب اخر). بيني وبينك ياياسر انا حاعمل غتيت ومجنون والبد في المكتب ستة شهور حتي يغفل السيد الرئيس ويعتقد بسذاجتي, ثم انتفض بعدها بعد ان اثبت اقدامي لاظهر اجندتي الخفية لانهض بالاقتصاد واعمل علي المصالحة الوطنية وقلع جذور الفساد والعمل علي حماية البلد من الانشطارات الاميبية, وبعدها ليسود مناخ دديمقراطي ينعم بالتعددية وقبول الاخر وتاصيل قيم الوطنية التي اختفت بيننا. واهم مستجد ساعد عليااصرارنا هو دخول العيال اولاد اسيادنا... خاصة الوليد بتاع روضة الحنان الذي انتقل من قصر والده في الخرطوم الي قصر والده الاخر في لندن . طبعا انت بتسال ... وده دخله في الموضوع شنو؟
الاجابه لانه وليد صغيروني وناعم وامرد , انا خايف عليه من (صقور) الموتمر الوطني المابيخافوا الله. وممكن يعملوا اي حاجه في الولد وياخوي سمعة بلدنا فوق كل شئ... يعني دخولي في مستشارية الرئاسة نخوة وشهامة عدييييييييييييييييييييييييييييييل. شن قولكم في النخوة ده؟ لذلك انا املي كبير في اصحاب الهمة والنخوة والشهامة (ما عدا الجعلية) يصوتوا لي بس للسبب ده حتي لو كانوا موتمرجية. الكلام كتير والاسباب منطقية واملنا في الله وفيكم كبير... بس حلفتك بالرسول تجي تاني بي جاي تاني
قولوا يالطيف
.
بس اوعك تكلم زول عزيزي ياسر حتي لاينكشف امري
| |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية الأربعاء 07 ديسمبر 2011, 5:08 pm | |
|
حلااااتو
الفاتح جبرا
طقس من الطقوس اليومية التى إعتدت عليها منذ سنوات لا أعرف كم عددها .. أن أقوم بعد توصيل الأولاد للمدارس أن أغشى
(كشك الجرائد) أشتري صحيفتين سياسيتين .. ما أن أدخل إلي المنزل حتى أتوجه (للراكوبة) التى تفتح علي المطبخ حيث أضع الصحيفتين على أحد الأسرة وأدلف إلى المطبخ لأصنع كوب قهوتى الصباحية !
أثناء وجودى بالمطبخ كانت جارتنا الحاجة (صفية) التى درجت علي شرب القهوة الصباحية أحيناً معي تتصفح الصحيفتين .. تنظر إلى (الصور) إذ أنها أمية (جيل ما قبل المدارس) ، ما أن حملت فنجانى القهوة ووضعته بيننا على التربيزة الحديدية وجلست علي السرير حتى خاطبتنى (الحاجة صفية) قائلة وهى تشير إلي صورة بالصفحة الأولى :
- حلااااااتو يا ولدي .. ده منو ؟
أمسكت منها الصحيفة ونظرت إلى الصورة
- ده يا حاجة مساعد رئيس الجمهورية الجديد !
- لكن ما حلااااتو .. لكن يا ولدي ما سغيروني بقى للمساعدة متين ؟
- يا حاجه ما تحكيها شديد ما أى زول يساعد وخلاص
- أها ووليدى ده بيساعد الرئيس في شنو؟
هنا (بينى وبينكم) ما عرفتا أقول ليها شنو فقلت لها عشان أمشى الموضوع :
- ما ا أصلو يا حاجه الرئيس بيكون عاوز ليهو مساعد يساعدو وكده !
يبدو أن الحاجه (مصحصحة) بعد أن (ظبطت راسا) برشفة من فنجان القهوة إذ ردت عليا (على طول) :
أنا عارفه الزول مهما كانت وظيفتو بيحتاج للمساعدة .. لكن سؤالى ليك بيساعد الرئيس في شنو ؟ يلز ليهو العربية أكان وقفت ؟
- يا حاجه بتبالغي في عربية رئيس بتقيف كمان لمن يلزوها ؟
- (تنظر إلى الصورة) : حلاااااتو .. لكن طيب بيساعدو في شنو ؟
- والله يا حاجه أنا لو أعرف أقول ع طول زى ما قال عادل إمام .. لكن والله ما عارف !
- حلاااتو .. والله من وشو الناير ده .. وش صلاح ده ح يساعد الرئيس والبلد دى ح تمشى لى قدام !
- (فى حزن ضاحك) : تمشى وين ! ؟
- والله يا ولدى باين عليهو وش خير .. شوف براااك كان البلد دى ما إتصلحت !
- تتصلح ؟ والله بالطريقه دى ياها الماشة الخور عدييييييل !
- قول بسم الله يا ولدي ... خور شنو؟ حلااااتو .. شوف الدم في عروقو باين !
- ما لازم الدم في عروقوا يكون باين .. هو قاعد معانا في الشمش السخنة دى ؟
- أجى يا ود أمى هو ما سوداني .. هو ما مننا ؟
- من ناحية سودانس يا حاجة فهو سوداني ومننا لكن من (الروضة) وتانى ما رجع البلد دى ، كدى خليهو يودهو الثورة الحارة 79 ويقولو ليهو أرجع براك .. كان جا راجع بيتهم تاني يلومونى !
- يعني شنو ما بعرف (الثورات)؟
- لا يا حاجة بيعرفا كويس .. وكمان كل (ثورة) لمن يطلع مظاهرة بيدوهو كم سوط في ضهرو .. والبنبان بيدخل في عيونو !
- حلااااتو .. هسه وش الصلاح ده وش سيطان وحراسات وبنبان !
- (مسترسلة) أوعا بيكون بيوزع منشورات ؟
- لا بيوزع (الراتب) !
- شغال صراف يعنى ؟
- صراف شنو يا حاجه ! الجنا ده مما الله خلقو ما إتوظف ! ودى أول وظيفة ليهو !
- حلاااتو يا ولدي هو ذاااتو بقى للتوظيف بتين ؟
- والله يا حاجه كلامك صاح .. دفعتوا لسه طايرين !
- حلاااتو .. والله أنا قلبي رادو مما شفتو .. إن شاء الله يترقي ويوصل أعلي المرتب !
- يترقي وين يا حاجة .. القدامو هي بس ترقية وااااحده .. من مساعد يبقى (ياى) !!
كسرة :
سأل أحدهم (ماون) : يا مازن إنتا بتعمل شنو ؟ فأجابه مازن : قاعد أنوم بالنهار وإشتغل بالليل ! ثم سال أخوه (حمادة) : وإنتا يا حمادة قاعد تعمل شنو ؟ فأجابه أنا بنوم بالليل وبالصباح بشتغل مع مازن !!
مبروك للشعب الفضل بتعيين (حمادة) مساعداً للرئيس !
| |
|
| |
شريف عبد المتعال
الموقع : ايطاليا عدد المساهمات : 3801 تاريخ التسجيل : 01/01/2011
| |
| |
saber alqadhi
عدد المساهمات : 173 تاريخ التسجيل : 19/10/2010
| موضوع: رد: طلب تعيين السيد ماهر عابدين مستشارا لرئيس الجمهورية السبت 17 ديسمبر 2011, 8:01 pm | |
| سوف يتم عرض الطلب على مكتب رئيس الجمهوريه فى الاسابيع القادمه عبر بعض الوسطات ولكى لا تيأس سوف يمر الخطاب بعدة جهات من اصغر مكتب الى ان يصل الى يد الرئيس .... وعندما يصل الى يد الرئيس سوف تكون المفاجاه .... لقد زال حكم الانقاز وحينها سوف يعتزر البشير .... بهذه العباره ليس حاكما للسودان حتى يتم تعينك .... | |
|
| |
بايعة الكسره
الموقع : khartoum عدد المساهمات : 749 تاريخ التسجيل : 16/03/2011
| موضوع: رد: طلب تعيين السيد ماهر عابدين مستشارا لرئيس الجمهورية السبت 17 ديسمبر 2011, 8:25 pm | |
| تحياتي ههههههههههه بالتاكيد ياسيادة المستشار انت الدب والحكومة هى النمر وهى وراك وراك حتى لو وقعت للموت تظل تطاردك وفى امان الله | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية الأحد 18 ديسمبر 2011, 11:01 am | |
| | |
|
| |
الباقر عكاشة
عدد المساهمات : 198 تاريخ التسجيل : 17/05/2010 العمر : 59
| موضوع: رد: طلب تعيين السيد ماهر عابدين مستشارا لرئيس الجمهورية الخميس 19 يناير 2012, 1:47 pm | |
| الاخ ماهر والمتداخلين لكم خاص التحيايا بعد غيبه بسبب المشاغل عليك متابعه الاتى لتصل لحلمك حضورك الى البلاد والبحث عن موطىء قدم فى احدى الغابات انشاء يكون غابه ابو الدايمى واذا وجدتها محجوزه بالكامل التوجه مباشره الى جبال السكوت والمحس. تبدأ اولا بقطع طريق دنقلا حلفا تبدأ مباشره لكسب الزمن بأستقطاب الباحثين عن الذهب بجرعات قليله وما حيصدقو يلقو حاجه ذى ده لحاله اليأس تقوم بمهاجمه اهلى عبرى من دون اى اصابات . تتصل بقناه الجزيره للتصعيد الاعلامى شكوى لحقوق الانسان بحاله جرائم القتل والاباده من دون أغتصاب. تعين الاخ عامر قائد ميدانى وتفتح مكتب متابعه بلندن للدعم المالى والمعنوى والتدريب. بعد تازم الموق تجرى مفاوضات وترفع السقف بتعينك نائب لرئيس الجمهوريه واعضاء المنتدى ولاه لاربعه ولايات وكذلك تحظى بالمعتمدين على فقط اتبع تلك الاجراءات لتكون من اصحاب الحظوه على أن تكون اداره المفاوضات بمراغه داخل الطاحونه وتحت مراقبه بريطانيه | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: طلب تعيين السيد ماهر عابدين مستشارا لرئيس الجمهورية الثلاثاء 24 يناير 2012, 2:38 am | |
| العزيز الباقر
للاسف اسهل واقصر الطرق الي القصر ملئ برائحة الدماء واشواك الخيانة والتجرد من الانسانية وهذا الطريق تكون فيه انت اما قاتل او مقتول...وكل الحالتين تسيل فيها الدماء البشرية. ولان تجربة خليل لم يجف فيها الدماء, ولاننا من نسل من علموا الانسانية اقدم حضارة علي وجه الارض. سنكونوا ناس حضاريين ونطالب بالتغيير السلمي اما بالثورة او بالحيلة. دعينا للثورة حتي بحت اصواتنا, وقبل ان يدخل الياس قلوبنا سنحاول الحيلة بالطلبات والمذكرات عساها ان تنجح. معاوية بن ابي سفيان اصبح خليفة المسلمين ليتوارثها اولاده بالحيلة والدهاء قبل السيف.
قول يالطيف
| |
|
| |
| طلب تعيين السيد ماهر عابدين مستشارا لرئيس الجمهورية | |
|