الكهرباء قطعت

عدد المساهمات : 200 تاريخ التسجيل : 10/02/2010

قبل يومين وانا اداعب الكيبورد قطعت الكهرباء في عز سخانة الصيام .....طوالي اتزكرتة (تمبيسا) ... ما عارف ليه..هناك مثل...........

دارفوري يقول( غلط ويووو يجيبو حمار اكوو) ..............ويوو هذه تعني الاسد .... اكوو بمعني الكي او المعاقبة ......

بمعني اذا غلط الاسد يعاقب الحمار ولا يعاقب الاسد (حصانة دبلوماسية) ...... وفي احد القبائل الجنوبية كان اذا اخطأ السلطان يحضرو واحدا من افراد القبيلة ليعاقب بدلا منه......

وهنا عندنا الكهرباء لو قطعت ساكت بي سبب ولا بدونة الناس طوالي الله يقطع رقبة تمبيسا ......وتمبيسا اذا اتصلت عليهو في اي وكت بي مشكلة كهرباء ما يتأخر ولا ثانية....

وصاحبنا ما عندو اي ذنب سوى انو شغال في الكهرباء ويخدم بأخلاص ............ هل انت مستعد لتخدم اهل منطقتك بصدق مثل تمبيسا....في اي موقع من المواقع ...

الكهرباء قطعت...الله يقطع رقبة مدير الكهرباء...ويسلم تمبيسة
والموية لو قطعت نقول الله يقطع رقبة ابراهيم صالح... وابراهيم صالح هو من المؤسسين للموية...واشهد انه كان من الذين يتفانون في خدمة اهاليهم...وذلك ليس بغريب فهو ابن صالح الامين (لمن يعرف) وقد كان المرحوم من المؤسسين للتعاون والمسجد الكبير وعمل كثيرا باللجان العامة الخدمية لمراغة... واخوه (اخو ابراهيم) هو الاستاذ كمال صالح (نسال الله له الشفاء والعافية) وهو غني عن التعريف.
اما اليوم لاادري لمن تؤول ادارة المياه حتي نقول (الله يقطع رقبته)؟
اما في نادي الوحدة...اي غلب كنا نسب (عباس يافكك...عباس الله لاعبسك)..وكان الرجل من حبه للمزاح يجاوب بنفس الروح المرحه رغم الم الهزيمة... وعباس شكره اهل المنتدي كثيرا...ربنا يمد في ايامه.

اما اليوم اي هزيمة...سنقول بملئ افواهنا... الله لاكسبك ياقدورة...الله يحرقك ياصابر حسين...بالرغم من تقصيرنا الشديد تجاه الفريق وبالرغم من علمنا بتضحيات هؤلاء في زمن اصبحنا نبحث عن اجذاء من الثانية لنعمل فيها لتوفير الرغيف لنظل احياء.

تمبيسا (الله يقطع رقبته) ماعنده ذنب لقطوعات الكهرباء التعسفية...لكنه حيطه مايله حتي ننفس مابدواخلنا من غضب تجاه المسؤول وليس تمبيسة المسكين. هو يعلم انه ليس المقصود وياخذ الموضوع ايزي. اما المسؤول فهو رجل المؤتمر الوطني غالبا في اي مرفق حكومي (الله يقطع ضنبه) . والتعرض للمسؤول الحكومي بالشتم معناه مضايقات في معيشتك ومعيشة اولادك ومستقبلك الوظيفي.

تلك نماذج من الذين خدموا منطقتهم بصدق. اما عن نفسي نامل ان تتاح لي الفرصه المناسبة.

ونقول يالطيف

عدد المساهمات : 60 تاريخ التسجيل : 10/01/2010

هههههههههههههههههههههههههههههههههههه

قدورة الله يبارك فيك اضحكتنا في هذا الصباح

ومن مثل هذه النوادر تلفزيون دنقلا وقبل الرسيفرات الله لا بارك فيها

كان سراج المحسي مسئول عنه بيحكي هو نفسه قاعد مع اولاده في البيت التلفزيون قطع الشفع بي صوت واحد الله يقطع رقبتك يا سراج

عدد المساهمات : 719 تاريخ التسجيل : 25/05/2010

لك التحية الاخ قدورة وجميع الاخوة المتداخلين

في واحد سالوه انت شغال وين قال انا شغال في الناس البيقولوا لية الله يقطع رقبتم

عدد المساهمات : 435 تاريخ التسجيل : 11/01/2010

الاخ / قددوره لك التحية

واحد رباطابى معزوم عشاء مع واحد
صاحبو مشى لقى الكهرباء قاطعة قعدو يتونسو مسااااافة الرباطابى جاع جوعه
شديدة قال لى صاحبو ياخى الزمن فات وانا جيعان ياخى طلع لينا العشاء دا،
صاحبو قال ليه ياخى العشاء ما بطلع الا الكهرباء تجى.... الرباطابى قال لى
اصلو دا عشاء ولا شريط فيديو

فحقيقة اخى قدورة تمبيسه لو كان حاضر فى ذلك اليوم لنجد الرباطابى ده لما مشهود للاخ تمبيسه فى سرعة معالجته لامور الكهرباء فى منطقتنا!!

عدد المساهمات : 200 تاريخ التسجيل : 10/02/2010

التحية لكل الردود الجميلة ............ لم يجاوب احد علي السؤال هل انت مستعد لأن تخدم اهل منطقتك من موقع عملك........اوقعه ليكم ........

مثلا هولاكو اصبح الحيطة المايلة في المنسقية اي زول عندو مشكلة في الخدمة الوطنية هولاكو جاهز للخدمة............ ضباط الشرطة عندنا كلهم بواسطة اللواء عطا تم قبولهم في الكلية..........

سيف الدين عبد الرحمن ومحمد بشير موجودين في التأمين الصحي لسه ما شفنا حاجه..... الامير محمد طه في الجيش...انت يازول البتقرا دا مستعد تساعد ناس المنطقة من موقع عملك بي شنو...

.

ما دايرين قروش بس الزول اليجيك من اهل منطقتك تقوم علي حيلك وتخدمو .......... مش وحاتك خاتي رجل فوق رجل تقول ليهو الموضوع دا الا ترجع تمضي عند فلان وتجيني....... هل انت مستعد لان تصبح محل تمبيسا.......... ... ....

عدد المساهمات : 173 تاريخ التسجيل : 19/10/2010

قدوره شكرا على السؤال الجميل .. ما ظنيت انو احد حيجاوب بالنفى الكل يبقى يخدم منطقته بالغالى والنفيس بس كيف نقدر نوصل ليهم الشى المطلوب من كل واحد فيهم يعنى انا مثلا كمغترب اذا طلب منى اى شى لخدمة المنطقه لن اتردد ابدا .... لك التحيه .. ولى تمبيسا

عدد المساهمات : 719 تاريخ التسجيل : 25/05/2010

لو في اليد حيلة ما بتقصر الاخ قدورة

عدد المساهمات : 435 تاريخ التسجيل : 11/01/2010

الاخ/ قدوره
لاأظن هنالك شخص من مراغه لايخدم مراغه وربنا يقدرنا جميعا خدمة اهلنا الطيبين
هنالك اشياء كثيرة من خلال موقع عملى فى الـتأمين قدمتها على للبعض من الاهل ولا داعى نفصل
فى ماهي هذه الاشياء لكي لا يخصم من العداد (الاجر) ولا أظن ان هنالك شخص سيقول ليك
أنا عملته كدا وكدا.... ربنا يجيب الفيهو الخير

ونحن بدورنا نوجه السؤال لصاحب المقال.... انت قدمت شنو لي ناس مراغة من موقعك?....وناوي تقدم شنو كخطة مستقبلية?

وبالطبع السؤال موجه لجميع

عدد المساهمات : 200 تاريخ التسجيل : 10/02/2010

......... تحياتي ......... اخ سيف انا لا اقصد التعداد بغرض المن.حاشانا لله .....

.......خدمة مراغة فرض عين علي الجميع....................ولكن اعرف اناس من مراغة في مواقع مميزة ..............لا يقدمون لها شيئا

اخ ماهر .. الفات خلي خلينا في الجديد............دايرين نعمل مشروع افطار طلاب الاساس.....علي وزن افطار الصائم.......... يعني يفطرو مجاني او سندوتشي مدعوم....... او يتعمل كافتريا في المدرسة تحت اشراف المنتدي .......

سلاماات للجميع وك الود
ربنا يجعلكم زخرا لمراغة دوما
في جميع مواقعكم

» مركز مراغه لخمات بيع الكهرباء