ادعو لنا ربنا يفرجها

بسم الله الرحمن الرحيم

كل عام والجميع بألف خير انشاءالله ينعاد عليكم شهر رمضان المبارك بالصحة والعافية

بشكر الاخ شريف على سؤالك علينا فنحنو الحمدلله كويسين وجميع السودانين المتواجدين هنا بخير

الا وفاة عبد الفتاح يونس كان صدمه قوية على الشعب الله يرحمه ويغفر له بعد وفاته كتائب الطاغية دحروا الثوار 20 كيلو للوراء فى البريقه لأنه كتيبة

الصاعقة كتيبة عبد الفتاح انسحب بعد تم استدعاء عبد الفتاح لبنغازى ’ بس الله يستر ربنا يفرجها على الشعب الليبيى ويفك كربتهم ويكون شهر رمضان المبارك

نهاية الطاغية مدمر وعياله ما تنسو دعواتكم

الحمد لله انك والاهل بخير وده المهم
والاهم انك راسلتينا بي نفسك
اما الجماعة خلوهم في حالهم وانتو ختوا بالكم لي انفسكم
وربنا معاكم... سبق ان اطمانينا عليكم في التلفزيون السوداني

ربنا يحفظكم
بس كتروا من قولة يالطيف

تحياتي بنت الخالة الغالية ...

والله مشتاق للجلوس معكم جميعاً و الحمد لله انكم بخير و عال العال و يؤسفني ما حل ببنغازي و ليبيا عامه لانها جزء كبير من زكرياتي و ربنا يفرج عليكم جميعاً و تعود الاحوال كما كانت و تحياتي للعم عبد الفتاح و كل من بطرفكم بدون فرز..

و اذا عندكم فرصة للانترنيت ما تبخلوا علينا بأخباركم ..

بسم الله الرحمن الرحيم

بشكر الاخ ماهر كيف نخليهم فى حالهم وانحنا جزء لا يتجزء منهم ومش عشرة سنة ولا اثنين ولا عشرة بس ربنا يفرجها عليهم ويفك كربتهم والحمدلله لله انحنا السودانين بنفتخر اننا شعب فى الحلوه والمره مع اخوانا المسلمين وبنصونو العشرة

بشكر الاخ شريف والف مبروك على البيبى الجديد انشاءالله يتربا فى عزكم والاخ شريف اكثر واحد عارف انى معظم الشعب الليبيى مسالم

وبشكرك اختى وصفية يا رب يفرجه عليهم وعلى جميع المسلمين

وبشكر الاخ طارق على مرورك

حمدلله بسلمتكم وربى يحفظكم ودعواتنا معاكم
رمضان كريم

بشكر اخ قرشى على مرورك

خالو عبد الرحيم واولاده نزلو السودان نهائى فى الكلاكله ايام الاحداث وبالنسبة لخواض هو فى السودان ومعاه ولده مصطفى

وعمو جلال حامد الله يرحمه ويغفر ليه اتوفى الشهر الفات فى السودان وميسرة واولاده كانو فى السودان وتوا رادين لبنغازى عن طريق طبرق

وبابا وعفرا فى السودان يا شريف وماما بتسلم عليك كثير وبتبارك ليك المولود الجديد

الله يسلمك اختى نضار وشكر على مرورك وبشكر الاخ رمضان

وبالنسبة لعمو عبد الظاهر ومحمد وفراس ونسرين وريهان ويامن بخير كويسين

وخالتو منى واحمد ربنا يوصلهم بالسلامه وانحنا على علم انهم فى طريقهم الى هنا

تسلمي أختي عبير و الله يديكم العافيه ..

و رمضان كريم ...

الخال عبد الرحمن نصر الدين من رد عبير ..


طلعت انت خارج الشبكة ... رمضان كريم

والله لاخارج الشبكه لاحاجه .. طيب ماقلنا ليك داوم بكل جديد .. عشان احوال البلد بقينا ماعارفين مين قاعد مين مسافر .. عشان كده عايزين عبير كل يوم تدينا اخبار

المراسل من البعد ما يستطيع نقل الصورة كما هي لذلك المهمة كلفت الاخت عبير ...

وانا انشاءالله حابقى قدر المهمة خالو وشريف كونو هانين

بحب بطمن الاخ رمضان اليوم وصلت خالتو منى واحمد ابنها وعمو ميسرة واولاده الى بنغازى

الاخ رمضان خالتو منى بتسلم عليكم وبلغتها سلامك

وشكر الاخ هيثم على مرورك وسلامى لخالتو مريم وعمومحى الدين ورشا ورباب ورندة وايوب وبشير وسلامى لخالتو سمبا

شكرا يا اخ فخرالدين على مرورك

وشنو الزنقه الحمراء دا قصدك شنو زنقه زنقه ودار دار ما تخلينى أعبى خالتو منى ضدك انت عارفها كويس

بالنسبه لخالتو منى الله بصعوبة دخلوا ليبيا من الحدود المصرية الليبية اجراءات صعبة وخاصة بعد وفاة عبد الفتاح يونس

وهيا والله ما ناسياكم بس الاتصال هنا بالثريا وفيه صعوبة مازال بيحلوا فى مشكلة الاتصال الخارجى والحبايب انتو الاهل والله

وبالنسبة لريهان فى طرابلس كويسه وتوا حاجزه فى باخرة الصليب الاحمر عن طريقهم حتجى بنغازى انشاءالله لانهم متفاهمين مع مدمر القذافى وعياله

خالو موت عبد الفتاح يونس الايطالين ما ليهم دخل بموتو ولا حتى اللجان الثورية وللأسف طلعوا

ناس ليهم راس وذيل يبوا يحولو عبد الفتاح من طريقهم لانه شخصيتو قوية وهو فاهمهم والقتلوا ليهم تار قديم معاهه ايام

معمر ناس معارضين كانو خارج البلد فى التسعينات كانو عندهم جمعات وتوا هما الردوا هنا وكونو كتائب بأسم كتيبة ؟؟؟؟ انحنا عارفين الموضوع والقصة وضح الرؤية عندنا بس حساس شوية انى اكتبو بس والله متحسفين عليه

والضرب والقتل والموت بطريقه بشعه مازال مستمر والله العظيم بيجونى حالات بس ما لينا الا غير الدعاء وربنا يفرجها

عليهم ويفك كربتهم وعلى جميع اخوانا المسلمين

حمدالله على سلامة الاخ عادل الفاضل هما كمان كانو فى حالة خطرة بقدرة إلاهية نجوا

فخرالدين وصلته سلامك لخالتو منى وبتسلم عليك وقالت ليك انت شغال فى المطار ليه ما تتصل بيا المفروض كل يوم تتصل وقالت ليك أسيا أتصلت لعند توا ثلاثة مرات

هههههه شنو يعنى يا فخرالدين زنقة زنقة ودار دار رقعتو بعمة عمة

وشن قصدك هو رمضان على رمضان غير أحسن ليك ما تخلينى أخلى خالتو منى ترجع تجيك فى السودان

وبلغتها حليفتك وانك اتصلته وقالت انها مشتاق ليكم ومشتاق للمناقره معاكم

بنت اختي الغالية جدا جدا عبير كل عام وانتم بالف خير
والف حمد لله علي السلامة مع انها متاخرة لكن متابعين اخباركم وانا كنت في السودان وعفراء كويسة وكانت بطمنا عليكم وكيف الاخت عواطف انا لي اكتر من ......سنة ما شفتها والله مشتاق ليها جدا جدا خالص تحياتي لها

الاخت عبير
تحياتي وانت تطمنين الجميع عليكم وعلي الاهل بليبيا

نرجو من المولي ان يحفظكم وجميع السودانيون بليبيا

اكون شاكرة جدا اذا وافيتني باخبار اختي الهام عبدالكريم زوجة عادل عبد القادر (مقاصر) وهم بمدينة سرت واخبارهم مقطوعة
ونشكر المنتدي لاهتماماته

زوجة ماهر عابدين

لك وحشة خالو بكرى واحشنا والله وانت بألف خير انشاءالله ينعاد عيكم بالصحة والعافية وسلامى لفاطمة والعيال

وماما مشتاقه ليك اكثر والله وقالت انها ما حقتك الا وانت فى الثانوى

ربنا يجمع شملنا فى بلدنا

لك التحية اختى زوجة ماهر انشاءاالله تكونى بخير

اما بالنسبة لجميع السودانين فى سرت بأنهم بخير وبصحة جيدة وداخل سرت هادئين ولكن ما ما فيش حد يدخل ولا يخرج منه إلا ايام الاحداث جات باخرة عن طريق الصليب مع السودان اجلت اى أجنبى عاوز يخرج من سرت ومصراته والمناطق الغربية المحاصرة

و اتصال من الجهة الغربية مفصول الا بالثريا فقط بس انشاءالله لى صديقه محسية قاعده فى سرت انشاءالله حأول اتصل بيها

واديها اسم اختك وزوجها اخد اخبارها , باهى انت يا زوجة ماهر ما عندك رقم تلفونها من قبل اذا عندك رقم تلفون حأوريك الطريقه

البتتصلى بيها من الخارج

نداااااااااااااااااااااااااااااااااااااااااااااااااء فخرالدين

خالتو منى بتسأل عليك ومقلقه قالت انك اتصلته بفراس بس الخط ما علق معاك

وحابه تتطمن عليك شن صار انت هنا ام فى السودان لانه قالو الرقم الاتصلت بيه عند فراس طلع عندهم داخلى ؟؟؟؟؟؟

لك الشكر والتقدير للأخت زوجة ماهر عابدين فأنا سألت اخت لى فى سرت فهى محسية متواجده هناك

عن اختك الهام وزوجها فهى لم تعرفهم ولكن طمنتنى بأن جميع أخوانا السودانين المتواجدين فى سرت فهم بخير وبصحة جيده

انشاءالله واذا وصلنى اى معلومه عليها فسوف أوافيك والمهم إنك لا تقلقى