شبكة مراغه الأصاله والتاريخ
للرجال فقط .... (ويمنع منعاً باتا دخول النساء) Welcom11
شبكة مراغه الأصاله والتاريخ
للرجال فقط .... (ويمنع منعاً باتا دخول النساء) Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكأحدث الصورالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 للرجال فقط .... (ويمنع منعاً باتا دخول النساء)

اذهب الى الأسفل 
+13
نضارعبدالكريم العمده
ماهر عابدين دياب
lamya
قدورة الاصلي
mahmod1980
سوسن
وصفية عيسي
الأمين الياس الأمين
مشيرة
شريف عبد المتعال
فخرالدين عثمان
شيرين
طارق عبد الوهاب أحميدى
17 مشترك
كاتب الموضوعرسالة
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالإثنين 20 يونيو 2011, 12:30 pm

جلس جزائرى حزين يحكى هذة الواقعة بأسف شديد
وبدأ يحكي لنا ما حصل على وجه الدقة وقال: ركبت الطائرة الجزائرية (الإيرباص) من الجزائر إلى مطار ( أورلي)
في باريس، وعندما كانت الطائرة تعبر فوق مدينة (مرسيليا) سمعنا صراخا وشاهدنا عراكا عند مقصورة (الكابتن)، ولكن قبل أن أصل معكم إلى النهاية، لا بد وأن أشرح لكم ملابسات تلك الفوضى.
فالحكاية وما فيها أن قائد الطائرة أثناء الرحلة قام من مكانه ليذهب إلى (التواليت)،
وكان مساعده في القيادة امرأة جزائرية، ويبدو أنها طلبت من المضيفة شيئا فلم تحضره فقامت من على كرسيها لتوبخ المضيفة، فردت عليها المضيفة بكلمات نابية وتعالت أصواتهما من بعيد، وفي هذه الأثناء خرج الكابتن من (التواليت)،
ورد بيده باب مقصورة القيادة وأغلقه، لكي لا تزعج الأصوات مساعدته، وذهب ليستطلع سبب تعالي الأصوات، وإذا به يتفاجأ أن مساعدته أمامه ولم تكن في المقصورة، فانطلق سريعا كالمعتوه على أمل أن يفتح الباب ولكن دون جدوى؛ إذ إن أبواب مقصورات الكباتن في الطائرات أصبحت بعد (11 سبتمبر)، لا تفتح إلا من الداخل خوفا من المختطفين، فما كان منه ومن المضيفين إلا أن يأخذوا (الفأس) المعلقة على باب الطائرة الخارجي، ليحطموا الباب المصفح. كانت الطائرة في هذه الأثناء تنطلق وحدها دون قائد، وأبراج المراقبة الأرضية تناديها دون جواب، واضطرت السلطات الفرنسية أن تبعث بطائرات حربية ترافقها خوفا من أن تكون هناك عملية انتحارية، ومن الممكن أن تسقطها إذا ما اقتربت من باريس.
ويمضي الأخ الجزائري قائلا: تعالى صياح الركاب وانتابهم الهلع، وعندما شاهدت أنا ومجموعة من الركاب الكابتن والمضيفين وهم يحاولون تحطيم الباب اعتقدنا جازمين أنهم إرهابيون متخفون بملابس رجال الطيران، فهجمنا عليهم واشتد العراك بيننا وبينهم، واستطاع أحدنا أن يخطف الفأس ويهرب بها إلى مؤخرة الطائرة غير أنهم لحقوا به واستردوها بالقوة، وعندما حاولت أنا أن أنتزعها ضربني أحدهم بها في وجهي وأسال دمائي، فما كان مني إلا أن أهجم على الكابتن وأطرحه أرضا وهو يصيح قائلا: أنا الكابتن أنا الكابتن، وأرد عليه أنت مجرم أنت إرهابي، وأنشبت أسناني في عضده إلى درجة أنه أخذ يصرخ من شدة الألم، غير أن أحدهم ضربني على رأسي وأغمي عليّ، واستطاعوا بعد جهد جهيد أن يحطموا الباب ويمسك الكابتن بمقود القيادة، ويتصل ببرج المراقبة ليشرح لهم ما حصل.
وعلمنا فيما بعد أنه لو لم يفتح باب المقصورة وتأخر عشر دقائق فقط، لكانت المقاتلات الحربية قد أسقطت الطائرة حسب الأوامر. والسبب في كل هذا: خناقة «سخيفة» بين امرأتين!! فعلا ...فتش عن المرأة... حتى بين السماء والأرض.
منقول من ايميلى
ي انا ظاتى عندى راى فى الموضوع دا لكن بعد تعليقكم اكيد
الرجوع الى أعلى الصفحة اذهب الى الأسفل
شيرين
 
 
شيرين


عدد المساهمات : 330
تاريخ التسجيل : 25/04/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالإثنين 20 يونيو 2011, 2:05 pm

الاخ طارق لك التحية مع ان انو حزرتنا من الدخول
واظن خوف منا [ندعوك للتسجيل في المنتدى أو التعريف بنفسك لمعاينة هذه الصورة]
تتكلموا فينا من ورانا لية ما تخليهو قدمنا

حقيقة .. البحث في هذا الموضوع ، على الرغم من أنه شيق تماما ، و مفيد ، إلا أن الغوص فيه ، سيف ذو حدين ، و خصوصا في مجتمعاتنا الشرقية (( ولا أقول مجتعمنا )) ، ..

شخصيا انا من المدافعين عن بنات جنس ككيان ، و كشخص ، و كإنسان ، و كحالة موجودة ضمن مجتمعنا بشكل خاص ، فمن الظلم بمكان أن ينظر الى المرأة على أنها ضلع قاصر في المجتمع ، أو أنها أقل شأنا من الرجل ، إن كان في حالة الذكاء الفطري ، أو المكتسب ، أو إن كان في حالة المساواة بينها و بين الرجل ...

أشير الى تاريخنا القديم و الحديث ، فالمرأة كانت سيدة في عصر ما من تاريخ البشرية ، فهي كانت السيدة و هي كانت الآمر الناهي و هي كانت سيدة البيت ،و الحاكمة ، و.. الخ الخ ، في حين أن الرجل كان وقتها هو المساعد و ليس الأساس في ذلك المجتمع ، و هي مرحلة مرت و لم تعد ..

أيضا ، أشير الى أن المرأة التي وصلت الى مراكز مرموقة في المجتمعات ، جوليا دومنا ، زنوبيا ، شجرة الدر ، كليوباترا ، بلقيس ، مدام كوري ، مي زيادة ، الخ الخ .,.. و هذا الأمر لم يكن صدفة و لم تعد ، لا بل أننا نشهد أن الأيام تثبت أن المرأة لا تقل شأنا الى الرجل بشيء ، فالاثنان يتفقان في المواصفات مع الاختلاف بشأن واحد و هو الحالة البدنية التي تختلف قطعا ولا سبيل هنا الى المقارنة ..

لكن الأهم في هذا الموضوع ، هو أن المرأة لا تكمل الرجل فقط ، و لاهو يكملها ، بل إن وجود الاثنين مهم في أي مجتمع ، فما هو نفع الرجل ، إن لم تكن المرأة بكل كينونتها و قدراتها موجودة ، و كذلك الأمر بالنسبة للمرأة أي ان الموضوع معكوس ، لذلك أرى أنه من الظلم هذه المقارنة أو النظرة الى المرأة بهذا الشكل ,..
عليك اللة حاسال سوال وانا راضية باجابتك بس تكون فيها مصداقية
هسع مافى رجال عقلهم اصغر من عقل النساء فى التعامل
وفى مجتمع هناك الصالح والطالح

أعتقد للحديث بقية


الرجوع الى أعلى الصفحة اذهب الى الأسفل
فخرالدين عثمان
 
 
فخرالدين عثمان


الموقع : الخرطوم
عدد المساهمات : 371
تاريخ التسجيل : 02/06/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالإثنين 20 يونيو 2011, 4:38 pm

إنت الشمار الليك شنو يا شيرين ما قالوا ممنوع دخول النساء!!
لكن بمناسبة دخولك أهديك قصة قصيرة كان حكاها لينا استاذ فى
المرحلة الثانوية فقال كان يوم بيدى فى محاضرة لطالبات فقام الطالبات
سألوه وقالوا ليه يقولوا المرأة ناقصة عقل ودين , المرأة شاركت وعملت
وقعدوا يعددوا فى حاجات كتيرة ونسوا إنو القال الكلام ده الرسول صلى الله عليه وسلم
فقام رد الاستاذ عليهن وقال والله فعلاً قالوا المرأة ناقصة عقل ودين لكن الكلام ده ما ليكم إنتو
الكلام ده للصحابيات هن الناقصات عقل ودين لكن إنتو لا عقل لا دين , فهنا إحتجوا الطالبات
وزعلوا من الاستاذ قام الاستاذ قال ليهم إنتو زعلانين مالكم تعرفوا إنتو حتى اللغة العربية ما راحماكم
يعنى مثلاً نحنا لامن عايزين نصف شخص بإنو عايش بنقول( الرجل حى ) و( المرأة حية ) والحية الثعبان
ولامن عايزين نقول شخص عمل حاجة صاح بنقول( الرجل مصيب ) و( المرأة مصيبة ) والمصيبة الكارثة

رايك شنو يا شيرين فى كلام الاستاذ ؟
الرجوع الى أعلى الصفحة اذهب الى الأسفل
شريف عبد المتعال
 
 
شريف عبد المتعال


الموقع : ايطاليا
عدد المساهمات : 3801
تاريخ التسجيل : 01/01/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالإثنين 20 يونيو 2011, 6:41 pm



تحياتي الاخ طارق ...


موضوعك بداء بالمشاكل مع ناس حواء ...


موضوعك ممكن نقول عليه كلام صحيح و لكن مش معقول ..

الواحد ركب طائرات كثيرة و كنا دائماً نشاهد المضيف بالشكل الحسن و الابتسامه العريضة ..

طيلة الرحلة .. و لكن قصتك هذه عملت لى تشويش و ثاني الواحد يعمل حسابه ّّ!!

و ثاني حاجة الاخت شرين ليه زعلانه كلنا مع الكلامك و المراءه هي امي و اختي و زوجتي و كلنا فى الهواء سوء بس بس بدون مجادله مع الكبتن ..
الرجوع الى أعلى الصفحة اذهب الى الأسفل
http://shareef.forumattivo.it/
مشيرة
 
 
مشيرة


الموقع : امدرمان
عدد المساهمات : 1276
تاريخ التسجيل : 27/01/2010
العمر : 36

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالإثنين 20 يونيو 2011, 6:55 pm

اصو المفروض ما يخشو غير النساء برافو عليك يا شيرين واصلو بحث
الرجوع الى أعلى الصفحة اذهب الى الأسفل
الأمين الياس الأمين
 
 
avatar


عدد المساهمات : 604
تاريخ التسجيل : 16/01/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 4:17 am

يا اخي حمدا لله على السلامة
كادوقلي راقت
جايي تشعللا هنا ..... عافي منك والله
.
الرجوع الى أعلى الصفحة اذهب الى الأسفل
وصفية عيسي
 
 
avatar


عدد المساهمات : 719
تاريخ التسجيل : 25/05/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 5:27 am

لك التحية الاخ طارق والف حمد الله علي السلامة اولاً وكل الاخوة المتداخلين وشنو الحكاية يا طارق داخل حامي علي بنات حواء يكون هبشتك رصاصة طائشة وشوشرت عقلك ربنا يكون في عونك والاخ فخري والاخ الامين افرحوا ليكم يوم
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 5:55 am

قبل ما ارد على اى زول مشتاقين ليك فردا فردا
[ندعوك للتسجيل في المنتدى أو التعريف بنفسك لمعاينة هذه الصورة]وقردا قردا
انا قلنتا ليكم انا عندى راى
قد اكون ضد ان المراة هى سبب كل مشكلة
واقول ليكم حسى الكابتن دا لو ما راجل ناقص دا كلو ما كان حصل
يعنى لو تاوق جو كبينة الطائرة دا كلوا ما كان حصل
اذا هو سبب المشكلة
وتانى بجى
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 6:19 am


شيرين كتب:
الاخ طارق لك التحية مع ان انو حزرتنا من الدخول
واظن خوف منا [size=21]هسع مافى رجال عقلهم اصغر من عقل النساء فى التعامل
وفى مجتمع هناك الصالح والطالح

أعتقد للحديث بقية



[size=24]
[b]ابنتنا الرائعة جدا شيرين

ارسل لك عبر هذا البوست الذى حذرت فيه من دخول النساء
وقد كان تحذيرى (شرك) لجلب اكبر عدد مهن
اصلهن بيحبو الشمار Laughing
ارسل لكى تقدير خاص ومميز
وانا اراك تدافعين عن النساء
وهن (امى واختى وزوجتى ووو
ولكن ردى ليك كتبتو والله قبل ان اقراء سؤالك
وهو ان الكابتن هو المسئول الاول عن هذة المهزلة
طيب لو النسوان ناقصات
بتدوهم مراكز حساسة زى دى ليييييه ؟؟
[/b]
الرجوع الى أعلى الصفحة اذهب الى الأسفل
سوسن
 
 
avatar


الموقع : الخرطوم
عدد المساهمات : 241
تاريخ التسجيل : 14/04/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 8:31 am

هي و هو
هي
تضع مولودها بعملية قيصرية، وبعد أسبوع، تجدها واقفة مقصوفة الظهر وهي تحمل رضيعها بيد وباليد الأخرى تقلب الطبخة، وفي الوقت نفسه تعتني بأطفالها الآخرين، تهيئهم للمدرسة، ترتب المنزل، .
هو
عند أول عطسة ايذانا ببدء نزلة برد عارضة، تجده وقد لبسه الاكتئاب، فيمتنع عن مزاولة أي نشاط،، ويأخذ اجازة مفتوحة من عمله، يطلب لنفسه وجبات خاصة، وأدوية خاصة، ومعاملة خاصة، ويتأفف ويتأوه ليلا ونهارا.
وبعد كل هذا يتهم الرجل المرأة بالدلع...!
هي
تتابع مسلسلا في التلفزيون، بينما تتصفح مجلة، وتحل واجب الحساب مع ولدها، وتناقش زوجها في العملية الانتخابية، وترد على الهاتف لتهدئ أختها التي تشاجرت مع زوجها، تؤنب ابنتها المراهقة على (طوالة لسانها)، فيما تتابع كل ما سبق بنفس التركيز.
هو
يريد أن يقرأ خبرا اعلانيا في جريدة، فيصرخ: سكووووت.... خلوني أركز
هي
تذهب لوظيفتها صباحا، تعود ظهرا لتحضر الغداء، وتذهب لاجتماع أولياء الأمور لتتحدث مع المدرس عن وضع ابنها الدراسي، تأخذ ابنتها لموعد دكتور الجلدية لحل المشكلة الأزلية (حب الشباب)، وفي طريق عودتها تمر على السوبر ماركت تحضر التموين، وبعدين تعدي علي المكوجي تشوف الهدوم ماجتش ليه، تزور أمها خطفاً، وتعود بوجه مبتسم وروح مرحة لتكمل واجباتها الزوجية.
هو
يذهب الى عمله صباحا. يعود مكفهرا غاضبا لاعنا مديره والوظيفة والمرور. يجد كل شيء جاهزا. يتغدى، ينام، يقوم ليخرج مع اصحابه , يعود متاخرا لتناول العشاء، يشاهد التلفزي ون (مركزا) على أي برنامج ينتهي بكلمة «أكاديمي». أخيرا يذهب الى فراشه وهو يقول.. «انتو مش حاسين قد ايه باتعب
هي
لا تنام قبل أن تطمئن على البيت كله، وتضع رأسها المثقل بالهموم على المخدة فتلاحقها الهواجس والمشاكل والتساؤلات: مرض الولد، دراسة البنت، موعد أسنان الزوج، ومباركة الخالة، وعزاء الجارة، , وهاطبخ ايه بكرة . وطارت النومة.
هو
ينام قبل أن تصل رأسه للمخدة. ويعلو شخيره ليوقظ أهل البيت.. وأحيانا الجيران.
ويقوم صباحا ليقول ... تعبااااااان، مانمت امبارح كويس
هي
تعيش على الخس والجزر، تواظب على الريجيم والأكل الصحي والرياضة..لا لشيء الا لتبدو جميلة .
هو
يعيش ليأكل، ينمو أفقيا.. بنسبة بروز واضحة حول محيط الكرش، مرددا ببساطة مقولة: الرجالة مش بشكلهم.


الرجوع الى أعلى الصفحة اذهب الى الأسفل
mahmod1980
 
 
mahmod1980


عدد المساهمات : 283
تاريخ التسجيل : 11/01/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 9:43 am

والله الموضوع جميل وانا قررت انو اي حته فيها مره مابمشي اعمل فيها حاجه يعني بي صحيح العباره لو المره دكتوره ماااااااااااابتعالج ولو طياره بركب الحمار اسافر بيه ولو مهندسه بشتري خيمه النسوان عزبونا بس طلعو امي واخواتي وبنات عماتي وخالاتي ههههههههههههههههه
ما عشان مثاليات لا عشان جنهم مشاكل
وتخريمه
معلمه مهمه عن ترتيب كل من علي ارض الولايات المتحده المريكيه بالاهميه والكلام دا ما هظار دا كلام جد الاول الاطفال ثم من بعدهم النساء سم من بعدهم الحيوانات الاليفه الكلب والكديس واخيرا الرجل واسالو السمؤال
وفي الاخير والاول حمدلا علي السلامه يا ود العمه
الرجوع الى أعلى الصفحة اذهب الى الأسفل
قدورة الاصلي
 
 
قدورة الاصلي


عدد المساهمات : 200
تاريخ التسجيل : 10/02/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 10:16 am

التحية للاخ طارق ولكل الرشاشات ....... لكن يا طارق يا اخوي القصة دي انا سمعتها قبل كدة..............

وين يا ربي ... كدي حاول معاي .... ايواااا بس ... عندنا كان كابتن السودان ..ما كابتن الطيارة ..... وبعدين كان راكب في طيارة ..... ومسافرين لي مباراة وبعدين قام المضيفة عجبتو .... وحاول يتشالق وبعد داك مشت كلمت ليهو كابتن الطيارة
وطلع عندو علاقة معاها ...... وعينك ما تشوف الا النور...شي سجن في المطار وقومه وقعدة وعيييييييييييك...

كدي بس انكرو الكلام دا....
...........

مقطع اخير...........
يا حاجة امنة اتصبري ..وعارف الوجع في الجوف شديد وعارفك كمان ما بتقدري ...
ومشيتي لي برج الحمام كان تلقي ليك جوزا جديد ...يمكن بعد طلع الصباح يغشاكي زولا يشتري
فتشتي جاي هبشتي جاي ..كان تلقي سكر بس محال باقي البرير الفي الحوش يا حاجة سفوهو الهلال
يا حليل صلاح وسنين صلاح يا حمامة لو تتزكري.....
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 11:11 am

فخرالدين عثمان كتب:

( الرجل حى ) و( المرأة حية ) والحية الثعبان
ولامن عايزين نقول شخص عمل حاجة صاح بنقول( الرجل مصيب ) و( المرأة مصيبة ) والمصيبة الكارثة

رايك شنو يا شيرين فى كلام الاستاذ ؟



طبعا يا فخرى
ناقصة عقل ودين دى براها دايرا ليها بوست
لكن مصيب ومصيبة دى بالغتا فيها
Laughing

هل تعلم ان سم الافعى يدخل فى كثير من العقاقير (الموضوع محول للكاترة
هل تعلم ان سم الحية به مادة اثبت العلماء انها
توقف نشاط الخلايا السرطانية
اذا حتى وهى حية مفيدة Rolling Eyes
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 11:20 am

شريف عبد المتعال كتب:

ق ...


ء ...


الواحد ركب طائرات كثيرة و كنا دائماً نشاهد المضيف بالشكل الحسن و الابتسامه العريضة ..


و..

يا شريف كيف احوالك
اقول ليك مع انى اقف فى صف المراة بصورة معلنة
ولكن تتعامل معك المضيفة لانك زبون وهذا اكل عيشها
ولكن صدقنى فى الادارة اصعب شى اثثى تدير انثى
لانهن دايما ما يحولن الامور العامة لاشياء شخصية
وهذا فى التعامل مع بعضهن فى المكاتب والمستشفيات والمصانع والطايرات
ولكن عندما يكون تعامل المراة مع رجل قد يكون هناك تغير لاسباب كثيرة
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 11:29 am

مشيرة كتب:
اصو المفروض ما يخشو غير النساء برافو عليك يا شيرين واصلو بحث
الله يخليك للمديدة الحارة
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 11:32 am

الأمين الياس الأمين كتب:


جايي تشعللا هنا ..... عافي منك والله
.


حبيبنا الامين

والله شوق بحور
ياخى نشعلل شنو مافىينا حيل زاتو
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 21 يونيو 2011, 11:41 am

وصفية عيسي كتب:
شة وشوشرت عقلك ربنا يكون في عونك والاخ فخري والاخ الامين افرحوا ليكم يوم


اختنا العزيزة وصفية
نهارك بطعم السلام والامن والرخاء
والله تقلت هذة القصة لانى عندى فيها راى وقد وضح من خلال بعض الردود
شكرا وصفية
الرجوع الى أعلى الصفحة اذهب الى الأسفل
lamya
 
 
lamya


عدد المساهمات : 43
تاريخ التسجيل : 21/04/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالأربعاء 22 يونيو 2011, 5:37 pm

حمدالله على السلامه ياطارق والله وحشتنا انا مع مشيره في المديده الحاااااااااااااااااااره
.................................................................................................
والله ياسوسن ده صح الصح ومعاكي حق في الكلام ده حقو الموضوع ده يقراه فخر الدين يابتاع المصايب انت ولا شنو ياطارق ؟؟؟؟؟؟؟؟؟
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالأربعاء 22 يونيو 2011, 8:34 pm


الاخ طارق

كنوع من فك الاشتباك (لانكم فكيتوا الاشتباك في كادقلي نرد ليكم الجميل) اروي لكم هذه الحكاية والتي كنت انا فيها شاهد عيان (بتشديد الياء) وكان بطلها مضيف سوداني رجل.

الحكاية وانا في طريقي الي السودان من لندن عن طريق القاهرة عبر سودانير...كانت تمتلك طائرة ايربص جديدة خصيصا للرحلات الطويلة...كان ذلك قبل ان يطردوا سودانير من مطارات لندن واعتقد اخر رحلة لها... من لندن الي القاهرة مضيفات جميلات ومهذبات لدرجة يصعب عليك ان تصدق انك في طائرة سودانية, وتجي المضيفة بعد ابتسامة تسل بيها روحك تسالك بانجليزية ركيكة حافظاها ... انت عاوز شنو يامستر... اي خدمات ...عصير جرايد بطانية او اي حاجة... انا تحت الخدمة. ومن جمالها وجمال صوتها يجيك احساس انه لغتها الركيكة هي الصحيحة ولغة الخواجات غلط.
لكن عند هبوط الطائرة في مطار القاهرة ... تغير اسطاف المضيفات بي مضيفين شناتن تقطع الخميرة من العيش... وفيهم واحد اصلع من قدورة ...وشلاليفه انا متاكد هو نفسه يكون شايفها بي عيونه من شدة طولها, وفيهم بنت سمينة وقصيرة , وسمنها الغير متناسق خلق تبعجات في جسمها لغاية ما بقت زي بقجة الهدوم.
المهم انه دايما سودانير بتحقر الركان السودانيين الفي القاهرة, وحقيقة هم اشكالهم احسن منها المضيفين, الواحد يكون لافي الشال حول حنكه كأنه في لوري في طريق امدرمان دنقلا, وزرارة الجلابية مفتوحة والجلابية ملبوسه ليها اسبوعين... ماشتيمة لي السودانيين ولو كانوا غلابه عادية ومافي مشكلة... لكن الواحد فيهم يجي يقعد جنبك وتحن عليه وتدخل يدك في جيبك عشان تديه قرشين , وقبل ما تطلع يدك من جيبك يبدء يحكي ليك (المعفن) القاعد جنبك انه اشتري بضاعته من القاهرة بي كم مئات من الملايين..
ده ما اصل الموضوع... اصل الموضوع انه المضيفين والمضيفات الجداد يبتدوا يغيروا طريقة تعاملهم ويفترضوا كل الناس ركبت من القاهرة الماعاجباهم... ولو سالت واحد حاجة يكشر ليك وينهرك كانك راكب حمار ابوه...وبدل ماكانوا بيقولوا ليك يامستر يقولوا ليك يازول.

والله ياسادة وانا علي مااقول شهيد..المضيف الشين ابو شلاليف كبار... اختبا وراء الستارة وخته سفه اكبر من سفة جدي المرحوم عبدالرحمن الامين... ووقف في نص الممر يمسح يدينه من اثار السفه بالطريقة المعروفة... ولانه شلاليفه كبيرة لم تستره, خاصة انا الخبير في معرفة سفافي الصعود من ايام التدريس ايام كنت اكتشف الطالب السفاف من اول نظره لي شلوفته (وكثيرا ماكنت اطنش واعمل فيها درويش ويمكن عبدالفتاح يعقوب بيتذكر لي مواقف).

اها ياجماعة... البيوقعوا الطيارة مضيفينا ولا مضيفين الطائرة الجذائرية...

الاخطر مافي شكل مضيفين الطائرة السودانية ... لانه مضيفات الطائرة الجذائرية بيحتجن بي الكلام.... لكن المضيفين الانا شفتهم لو ساكت حمرت ليه ممكن يديك بنيه يطلعك بالشباك ... ولو جماعة تدخلوا ... أو اي عنكبة شنكبة... عضلات تبش... ولا طائرة مقاتلات فرنسية ولا بطيخ

يعني الرجال برضوا ماهينين ومش الحريم بس.
استهدوا بالله وقولوا يالطيف


الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 6:00 am

سوسن كتب:
هي و هو
هي .
هو
يعيش ليأكل، ينمو أفقيا.. بنسبة بروز واضحة حول محيط الكرش، مرددا ببساطة مقولة: الرجالة مش بشكلهم.



يا سوسن كلامك صاح جداً
لكن هذة هى الفطرة التى فطر الله عزوجل عليها الذكر والانثى
واكتشف العلماء ان عقل المراة (شبكى)
بينما عقل الراجل (صندوقى)
اى ان المراة تستطيع ان تعمل اكثر من حاجة واحدة فى زمن واحد
بفضل هذة التركيبة العقلية الشبكية
بينما يحتاج الرجل ان يخرج من صندوق العمل الى صندوق البيت
تجده ينسى الاشياء لا لانه مهمل بل لانها غيرموجودة فى الصندوق المفتوح حاليا
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 6:05 am

محمود عبداللطيف كتب:
واسالو السمؤال
وفي الاخير والاول حمدلا علي السلامه يا ود العمه


والسمؤال دا ختتو مع ياتو مجموعة[ندعوك للتسجيل في المنتدى أو التعريف بنفسك لمعاينة هذه الصورة]
حوتة ياخى مشتاغين والله
الرجوع الى أعلى الصفحة اذهب الى الأسفل
سوسن
 
 
avatar


الموقع : الخرطوم
عدد المساهمات : 241
تاريخ التسجيل : 14/04/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 6:23 am

ياطارق كلامك صح من الناحيه العلميه انا مجرباها فى الشغل
كتير بكون شغاله فى الكمبيوتر وبتكلم فى التلفون وبسجل معلومه فى ورقه وبكون واحد واقف قدامى وبرد عليه وفى نفس اللحظه بكون بفكر فى الحاجه الحا اعمله بعد ما اخلص من الفى يدى كلوا ده بيكون فى لحظه واحده و بتركيز100% وبدون غلطه وكتير الواقف قدامى ده بيسالنى انتى بتعملى ده كلو مع بعض كيف ؟؟؟؟؟؟
ومرات كتيرد المدير الاجانبى ممكن يقول لى معلومه وهو ماشى بدون مايطلب ان اركز معاهو لانو واثق انى حا اكون سامعه وحا اخد المعلومه عكس المدير السودانى يطلب منى ان اكون منتبهه معاهو يا معناها انى حقرتو بدون ما ينتبه للشغل الا نا بعمل فيهو ....
عرفته المشكله وين---
وهم طبعا ما بقولوا ان عقل المراه شبكى بيقولوا عليها ام شبكه ---
زى ما مفسرين الضلع الاعوج وناقصة عقل لمصلحتهم الشخصيه ومعتبرينها ذم.

الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 6:54 am

سوسن كتب:
ياطارق كلامك صح من الناحيه العلميه انا مجرباها فى الشغل
وين---
وهم طبعا ما بقولوا ان عقل المراه شبكى بيقولوا عليها ام شبكه ---
زى ما مفسرين الضلع الاعوج وناقصة عقل لمصلحتهم الشخصيه ومعتبرينها ذم.


سوسن داير ارد عليكى ممكن تنتبهى لى وتخلى الفى ايدك دا[ندعوك للتسجيل في المنتدى أو التعريف بنفسك لمعاينة هذه الصورة]
النظرة السطحية التى ينظر بها الرجل الشرقى (عامة) للانثى
هى سبب كل المشاكل حتى الزوجية
لذا يحتاج الى وقفة كاملة لنصرة حواء الشرقية
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 7:01 am

قدورة الاصلي كتب:

عجبتو .... وحاول يتشالق وبعد داك مشت كلمت ليهو كابتن الطيارة
وطلع عندو علاقة معاها ...... وعينك ما تشوف الا النور...شي سجن في المطار وقومه وقعدة وعيييييييييييك...

كدي بس انكرو الكلام دا....ري.....


اكيد دى حمة مزملية مزمنة
تصيب البعيوات كل بداية موسم
شفاك الله اخى قدورة
لكن شاكى فى انك اصلى[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 7:09 am

lamya كتب:
حمدالله على السلامه ياطارق والله وحشتنا انا مع مشيره في المديده الحاااااااااااااااااااره
.
؟؟؟؟؟؟؟؟؟

لمياء
ربنا يقبل حمدك
عموما فى كورة بتاعت مديدة عن مشيرة ممكن تستعينى بيها[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 7:15 am

maher abdeen كتب:

, وتجي المضيفة بعد ابتسامة تسل بيها روحك تسالك بانجليزية ركيكة حافظاها ... انت عاوز شنو يامستر... اي خدمات ...عصير جرايد بطانية او اي حاجة... انا تحت الخدمة. ومن جمالها وجمال صوتها يجيك احساس انه لغتها الركيكة هي الصحيحة ولغة الخواجات غلط.




ههههههههههههههههههههههه

ههههه
ههههههه[ندعوك للتسجيل في المنتدى أو التعريف بنفسك لمعاينة هذه الصورة]
لكن يا ماهر الزول دا ما عرفتا الصعوط دا جابو من السودان ولا اشتراهو من مصر
وحسب خبرتك يا ماهر هل هو نوع جيد Laughing
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar


عدد المساهمات : 1064
تاريخ التسجيل : 01/09/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 10:10 am

نحن جينا وكيا للمابينا
قال باااااااااتا قال
بما انه عمو الامين بيقول لى دايما انك كنتى جاية ولد وبالغلط جيتى بت فاذن انا يا معشر منكم وتواجدى هنا قانونى جداا Laughing Laughing Laughing Laughing
(النظرة السطحية التى ينظر بها الرجل الشرقى (عامة) للانثى
هى سبب كل المشاكل حتى الزوجية
لذا يحتاج الى وقفة كاملة لنصرة حواء الشرقية)بسسسسسسسس الله يفتح عليك ابواب السعادة
ومنتظرة واحد يجى يقول لى المراة ان كان فاس ما بتقطع الراس Angry_3 Angry_3 Angry_3
الرجوع الى أعلى الصفحة اذهب الى الأسفل
عثمان المحسي
 
 
avatar


عدد المساهمات : 237
تاريخ التسجيل : 01/07/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالخميس 23 يونيو 2011, 10:53 am

أولا : التحية خالصة لصاحب البوست الخطير الأخ طارق عبد الوهاب
ثانيا : التحية عامة لكل المشاركين وأصحاب المداخلات الجميلة
ثالثا : بما أن الموضوع بعنوان ممنوع دخول النساء وسري جدا للرجال فقط
حبيت أزيدكم يا أخوتي مع أنني نصير المراة وفي صفهم دائما حسب تصنيف الأخ الأمين لي ..ولكن ننتهز فرصة عدم دخلوهن
عشان نوصيكم شوية بالتالي ( الموضوع أدناه )عشان ما تقعوا في شرهن .. بعيدا عن مسمي الأم فهي الجهة الوحيدة والمحظورة عندي والتي لا أذكرها الا بكل خير وأحترام وتقدير لامي أولا وجميع الأمهات والتي هن الجنة تحت أقدامهن ... حيرتكم صح ؟؟؟؟ :
تعالوا معي :-أنواعهن
النساءأربعـــــــــــــــــــــة
فامراة تدري وتدري انها تدري**فهذه مصيبة فاجتنبوها
وامراة تدري ولاتدري انها تدري**فهذه حلوة بلهاء فطاردوها
وامراة لاتدري وتدري انها لاتدري**فهذه غبية وقبيحة فاطردوها
وامراة لاتدري ولاتدري انها لاتدري**فهذه لقطة العمرفتزوجوها

والحموات أربعـــــــــــــــــــــــــــــة
فحماة تدري وتدري انها تدري**وهذه جهاز مخابرات فاحذروها
وحماة تدري ولاتدري انها تدري**وهذه قنبلة موقوتة فابطلوها
وحماة لاتدري وتدري انها لاتدري**وهذه مشروع مصيبة فاجهضوها
وحماة لاتدري ولاتدري انها لاتدري**وهذه حماة مثالية فاكرموها

الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالأحد 26 يونيو 2011, 7:27 am

نضارعبدالكريم العمده كتب:
نحن جينا وكيا للمابينا
بسسسسسسسس الله يفتح عليك ابواب السعادة
ومنتظرة واحد يجى يقول لى المراة ان كان فاس ما بتقطع الراس [ندعوك للتسجيل في المنتدى أو التعريف بنفسك لمعاينة هذه الصورة]




المراة كان فاس ما بتقطع الراس
مقولة صحيحة
لانها خُلقت لتوصل وتتواصل
ولانها خُلقت لتداوى
ولنها خُلقت لتكون اسر واجيال
فهى حتى كان بقت فاس ما بنقطع الراس
لانها ارق من ذلك
احترم هذا القول فهى كذالك
يا دكتورة اسعدنى مرورك الراقى


الرجوع الى أعلى الصفحة اذهب الى الأسفل
طارق عبد الوهاب أحميدى
 
 
طارق عبد الوهاب أحميدى


عدد المساهمات : 610
تاريخ التسجيل : 08/12/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالأحد 26 يونيو 2011, 11:20 am

عثمان المحسي كتب:

وامراة لاتدري ولاتدري انها لاتدري**فهذه لقطة العمرفتزوجوها
والحموات أربعـــــــــــــــــــــــــــــة





[ندعوك للتسجيل في المنتدى أو التعريف بنفسك لمعاينة هذه الصورة]
لكن يا عثمان كيف اجد
الزوجة المثالية والحماة المثالية
غايتو الا تكون محظوظ ساكت
[/size]
الرجوع الى أعلى الصفحة اذهب الى الأسفل
عبد الصمد عبد الحميد نورى
 
 
عبد الصمد عبد الحميد نورى


عدد المساهمات : 33
تاريخ التسجيل : 25/06/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالأحد 26 يونيو 2011, 4:28 pm

جنس قوه وش


هسع انتو مش قالوا ممنوعات

دى زاتها واحده من المصائب

ولا الممنوع مرغوب يعنى
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالأحد 26 يونيو 2011, 6:09 pm

n]طارق سلامات ياخي

تغيب تغيب وتجي يدينك مليانات حاجات

الموضوع من بدايته ليس تنافس ومقارنه فالقصه عزيزي طارق تحكمت فيهاالمقادير وحدها لتجعل ابطالها انثوات وقد كان من الممكن ان تكون رجاليه خالصه وتستمر نفس الاحداث

والمداخله الفاهمه من الاخت شيرين فتحت الباب ضلفتين لتزيد من عمق النقاش من باب (انا ماضلع اعوج !!!!!!) الا اني خشيت ان ياخذ آدم المنتدي اختي شيرين موقفك المدافع كنقطه ارتكاز وهجوم من باب (يكاد المريب ان يقول خذوني) فليست حواءنا في موقف نقص حتي تسن مفاتيح الكي بورد للرد والدفاع

ومادام الساحه مطارات ومضيفات ساكت اتذكرت نكته نقلها الصحفي محمد محمد خير علي لسان محجوب فضل ، أن عمه سافر ذات مرة على متن طائرة شامية وكان كثير الطلبات وكانت المضيفة تقابل طلباته بعبارات تنعشه من طراز (تسلم لي ها العيون.. وحنا خدامنك)، ثم عاد بالطائرة السودانية وحين طلب المضيفة قالت له (عايز شنو؟).. فقال لها (عايزك تفتحي لي الشباك دا عشان أتلب.. إنتي تسلم لي ها العيون ما أدوكم ليها)؟!

شكرا يا طروووووووووق يا عمده وبركه الجيت


عدل سابقا من قبل ياسرابراهيم في الخميس 26 يوليو 2012, 9:11 pm عدل 1 مرات
الرجوع الى أعلى الصفحة اذهب الى الأسفل
عبدالفتاح يعقوب
 
 
عبدالفتاح يعقوب


عدد المساهمات : 161
تاريخ التسجيل : 17/04/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالإثنين 27 يونيو 2011, 1:30 pm

[ندعوك للتسجيل في المنتدى أو التعريف بنفسك لمعاينة هذه الصورة]

السكر العسل الشكلاتة الشربات تبقى هذه الاشياء ذات قيمة بكل ما تحمل
من معنى وطعم ولذة متناهية ما دمنا اصحاء وفى كامل صحتنا فيحولها المرض الى بعبع فتاك يغير
نظرتنا اليها ويحول بيننا وبينها ..!!
وكذلك المراة تبقى سكر عسل شكولاتة شربات طالما ليس هناك رجل مريض ما ان تصادف رجل مريض
حتى ينعتها بكل ما هو قبيح ويقلل من شاءنها تبت يدك ايها الرجل ما اغنى عنك مالك وما كسبت من غير
وجود المراة فى حياتك (إنما النساء شقائق الرجال، ما أكرمهن إلا كريم، وما أهانهن إلا لئيم )
والتحية لك الاخ الدفعة طارق عبد الوهاب وكل من اضاف واجتهد تبقى المراة هى قلب الحياة
النابض وربيع ايامنا التى نستريح فيها ...... ولها منا كل الود والتقدير اينما كانت
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالثلاثاء 28 يونيو 2011, 9:23 am


اخونا طارق...

شهادات العزابة في الجنس الاخر تكون ناقصة ومجروحة لانها لاتعدو ان تكون مجرد نظريات قد تصيب او تخطئ مالم تصقل بالتجارب..

وهذا مجرد راي وليس تقليلا من شأن احد ما.

وقولوا يالطيف
الرجوع الى أعلى الصفحة اذهب الى الأسفل
شيرين
 
 
شيرين


عدد المساهمات : 330
تاريخ التسجيل : 25/04/2011

للرجال فقط .... (ويمنع منعاً باتا دخول النساء) Empty
مُساهمةموضوع: رد: للرجال فقط .... (ويمنع منعاً باتا دخول النساء)   للرجال فقط .... (ويمنع منعاً باتا دخول النساء) I_icon_minitimeالسبت 02 يوليو 2011, 1:43 pm

[
اها يجماعة انا جيت تانى داخلة
قوة عين مش [ندعوك للتسجيل في المنتدى أو التعريف بنفسك لمعاينة هذه الصورة]
الاخ ياسر لك التحية للدفاع المستميت عننا وانا مابدافع من باب نقص بس بنبه ما اكتر
الاخ عبد الفتاح صمتا دهرا ونطق حكما شكر على العسل والسكر والشرباتات
بس ما تكون من باب فض الاشتباكات
ياجمااااااااااااااااااااااااااااااااااااااااااااااااااااااااااااااااااااعة
شوفوا المقارنة دى وادونى رائكم

إن هذه المرأة الشفافة الرقيقة تربطها وجهات تشابه مع كأس زجاج .



بداية هذا التشابه أن هذا الكأس قوى ويتحمل ظروف كثيرة لكن بلحظة قد يكون قابل للكسر السريع ..

وهذه المرأة تجدها قويه مربيه ولكنها في لحظة من اللحظات تصيبها حالة من الضعف الشديد المؤدي للكسر .

من جهة أخرى إن هذا الكأس إن وضعت فيه عسل فأنت ستشرب العسل .
وان وضعت فيه شراب مر أو ماء عكر فأنت ستشرب المر والعكر لامحاله .
وان وضعت فيه مشروب حار فستجني الحرارة .
وبالعكس إن وضعت باردا فلك البرودة .
وكل شي تريد أن تشربه تصنعه أنت بيدك لتضعه داخل هذا الكأس ومن ثم تشربه .

ومن جهة المرأة فهي ليست ببعيد عن هذا الكأس فان أعطيتها الحلو ستجني الحلو .
وان عاملتها بالمر العكر ستجني المر العكر .
وان علمتها على الحرارة فستجني حرا قاسيا وان لا فستجني بردا .
المرأة صورة حيه للوعاء أو الكأس ما تعطيها إياه تعيده لك بنفس الصورة .

لذلك اللبيب من يضع في هذا الكأس الحلو ليشرب الحلو .

و لا تنتظر أن تشرب شرابا حلو إن وضعت في هذا الكأس المر العكر .

ايضا المرأه إذا اصابها خدش من الصعب ان تصلحه ..المرأه مخلوق رقيق .

((( !!!ولكنها تقف شامخه امام الصعاب !!! )))).

المرأه هادئه .

وتنقلب الى بركان عند غضبها .

اذا اردت ان تسعد حياتك ايها الرجل .

اسعد من تعيش معك .

في تلك اللحظه ستكون انت الامير المدلل .

وهي من تفني عمرها في خدمتك .

من الممكن ان تشعل المرأه اصابعها العشره لك شموع .
في حاله واحده فقط ؟
(((اذا احست انك تستاهل ان تحرق اصابعها من اجلك .)))

ولا يكفيها احراق الاصابع .

بل من الممكن ان تحرق عمرها من اجلك .

فقط بين لها ذلك....
:::
بوجهة نظري أرى المرأه مخلوق عظيم تضحي بحياتها من أجل من تحب

ياجماعة الموضوع دى منقول وانا نقلتو بحزافيرو بس عند تعليق

بسيط بدل يشبهوها بالكاس لضعفة حقوايشبههوها بالماس لقوتة وصلابته
كان حيكون تشبية مظبببببببببببببببببببببببوط 100%
الرجوع الى أعلى الصفحة اذهب الى الأسفل
 
للرجال فقط .... (ويمنع منعاً باتا دخول النساء)
الرجوع الى أعلى الصفحة 
صفحة 1 من اصل 1
 مواضيع مماثلة
-
» دعاء اليوم
» النساء فى افغانستان - تجنب الالغام
» أعضاء ممنوعون من دخول المنتدى الاسلامى
» Logon changer برنامج لتغيير شاشة دخول ويندوز
» ايهما زوجتك من بين هؤلاء النساء

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: