هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إدارة شبكة ومنتديات مراغه :ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم
شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.
موضوع: إنت مـــــالك ومــــالوا الأربعاء 01 يونيو 2011, 6:28 pm
بسم الله والصلاة والسلام على اشرف خلق الله سيدنا محمد (ص) وعلى صحبه ومن والاه في غمرة الاحداث وفي زحمة الحياة ومع كثرة المعايش والانشغال بها ظهرت بعض العادات السالبة ، بل والسيئة في مجتمع المسلمين وهي ( انت مالك ومالوا) ( غردك بيه شنو) ( تفتح خشمك هسي ، تسمع مليون كلمة فـــــارغة)
والأدهى والأمر ان تلك الجمل انطلقت من داخل الاسر الكبيرة ومن بعد ذلك خرجت الى الشارع ( أي الجيران وأقارب الجيران والاسواق – أي اماكن العمل عامةً). لماذا؟ أولاً: احترام الكبار للصغار تهشم تماماً ، أما اذا طلعت برة حدّث ولا حرج مافي اي نوع من الاحترام. مثال: انت اليوم اذا ما لقيت احترام في بيتكم ولا من اهلك اكيد لما تطلع برة حتضرب الناس بالجزمة. لان الزول البرة دة ما بعني ليك اي حاجة ألا من قلّ منهم. ثانياً: الفضـــــــــــائيــــــــــــــات والحريات البتحصل فيها برضوا ليها دور كبير جدا جدا. يعني عندك اي زول في بيتهم في ديجيتال - لكن تعال ادخل؟؟ 90% أفلام ومسلسلات ( Melody aflam – MBC Acion – MBC Drama – MBC 2 – Rotana Cenima ) دي القنوات المحببة بالنسبة للعامّة. تلقاه قاعد يحضر الحاجة ويجي يرفع ليك نخرتوا في السماء ، داير يعيش على كيفوا ، داير يلحق الموضة ويمشي معاها ، ودة ياهوا الزول البقول ليك ( انت مالك ومالوا). وفي ناس بتحضر القنوات دي ولا أي شي بحصل في الاسرة. بعدين اذا الناس كلها بقت تتابع القنوات الدينية باستمرار اكيد بحصل تقويم ومحبة . ما معناه تحضر مواد اسلامية بس. في برامج كثيرة ممكن ترفه بيها عن نفسك في قنوات ثقافية في قنوات كتيرة جدا ممكن نستفيد منها. مثال: هسي أطلع الشارع!! بتلقى أطفـــــــــــــــــــــال بتشاكلوا ، امسكهم اجلدهم ، والله تسمع مليون كلمة فارغة – دة اذا ما جلدوك انت زاااااااااااااااااتك. قريبتك تلقاها لابسة لبس كعب ، بتقدر تسألها؟ واذا سألتها!! واحد من اتنين – اذا ردت ليك هي وقالت ليك انت مالك ومالي ، شوية الموضوع بكون ارحم. أمّا اذا مشت وكلمت ناس بيتهم! !!!!!!!!!!!!!!!!! يا ويلك!!!!!!!!!!!!!!!!!. والله يا جماعة في حاجات كتيرة تشيّب الراس ، انا ما داير أطول عليكم.
بس في عادات لازم تُبــــــتر. نبداها من داخل أسرنا في الأول. والكلام دة اذا قلنا يتعالج من قِبل الشباب أو من الجيل البعد الشباب ، يمكن تكون نسبة النجاح 25%. ولكن آبائنا وأمهاتنا اذا عزموا ان يبتروا تلك العادة الشنيعة ، صدقوني سوف ترتفع النسبة الى 100% ، ويرجع الحال زي زمان ، زمن الطيبة والانسانية. وربنا يهون ونلقى عزم على الموضوع دة
اللهم حبب الايمان في قلوينا واجعل المحبة دائما بيننا وابعد الشيطان عنا يا ارحم الراحمين. وصلي اللهم وبارك على حبيبنا المصطفى وسلّم تسليما كثير.
ماهر عابدين دياب
الموقع : لندنعدد المساهمات : 2905تاريخ التسجيل : 02/05/2010
عزيزي محمود... نعم التربية هي مفتاح حسن الخلق... واشارة في شارع الاسلام انت مالك ومالو؟ بتجي من ان فاقد الشئ لايعطيه...الوصية لها ظروفها ووقتها المناسب ومكانها المناسب... وعندما يتفوه بالوصية الغير قادر علي ان يكون قدوة يكون الرد دائما... انت مالك ومالي..مال ولدي...مال بنتي...الخ. اما الذي يحترم نفسه... حتما سيحترمه الاخرين بالسمع والطاعة.. ارجوك ماتقول لي انت مالك ومالي لو قلت ليك قول يالطيف
شريف عبد المتعال
الموقع : ايطالياعدد المساهمات : 3801تاريخ التسجيل : 01/01/2011
انتوا عارفين ( انت مالك ومالوا) بعد ما كتبت هذا الموضوع . ناقشتوا مع بعض شباب الحي وبعض الاقارب. فكنت نسبة رفض الموضوع من اصلا 80%
معناه دي مشكلة كبيرو جدا جدا لكن الواحد برضوا يحاول بقدر الامكان وربنا يهون
لكن تلك الجملة تؤدي الى هاوية فجائية ومضارها كثيرة منها قطيعة صلة الارحام عدم الاحترام الحقد والحسد المحبة نفسي نفسي ربنا يقدرنا وصلى اللهم وبارك على سيدنا محمد (ص) وسلم تسليما كثيرا
الأربعاء 01 يونيو 2011, 6:28 pm
