إعتذار واجب .......

[b]
الاخوة الاعزاء فى منتدى مراغة (الاصالة و التاريخ)
السلام عليكم ورحمة الله تعالى وبركاتة ....

الاخوة الكرام اعتذر بشدة لسبب الغياب المتكرر .... لعدة اسباب .... اهمها زحمة الشغل (طبعا فى ناس ماحيصدقو وفى ناس حيقولو ما كلنا مشغولين المهم الحمد للة على كل حال) ..... وسبب اخر هو رسالة بياناتك الكرهت قدورة الاصلى وزعلتو شديد ومشكور الاخ منير عالجة لينا قبل 3 ايام والحمد لله ...

اما الذين وصفونا بالهاربين فنسال الله لهم الهداية والغفران .... ونسال الله ان يثبتنا واياكم اكثر من اجل مراغة .... فى المنتدى وخارجة ....

والذين وصفونا بالمتمردين .... ربما يكونو اتو بهذا الوصف حسب تحليلهم لبعض المواقف .... لكن فى نظرى التمرد الحقيقى لا ياتى الا بحمل السلاح .... فلن نحمل سلاحا فى وجهة اخوتنا مهم حصل
ولا نتفق مع الذين يتمردون بهذة الطريقة لابراز عضلاتهم ليوكدو انهم موجودون ولابد من سماع صوتهم .... عموما هذة تتعارض وتحمل الراى الاخر وتحمل الاخر نفسة بكل مايحمل من صفات ....

اما الاخرون الذين سعو للدعوة لمجلس حكماء فوالله مشكورين ولكن زمنهم وجهدهم ومالهم نحن فى اشد الحوجة الية والبلد والحياة مابتتعطل بسبب غياب فرد مهما كان هذا الفرد ومقامة .... ومن اجل هذا ناديت مرار وتكرار ببناء فرق عمل مترابطة ومتجانسة .... حتى لا نحس بالفارق ....
وبعدين يا ودالقاضى نحن ناقصين مبادرات ومجالس كفانا دارفور واليمن و ....... عموما اخجلتنا ....

[[b]b]إتكاة على حوض الوريق:

قرشى ودالشيخ: سلامات ياعسق عشمانة والله الشوق باسفيكى .... د.كباشى من ديك وعيييييييييييييك ....

ياسر ابرهيم طة: شكرا على التواصل المستمر وربنا يديم الود .... ولى يومين بقلب المنتدى ومجتهد اقراء كل ماكتب لكن تعبت والله والمحصلة وجودك ضعيف مقارنة بالكم الهائل ...

الجعلى: ياريتنى لو اقدر اقول فيك الكلام الما انكتب .....

شريف عبدالمتعال: ليكم وحشة شديدة والله وياريت تشاركونا فى جلسة الجمعة بالنادى ان شاء الله عبر النت !!!!!!! ولو فى طريقة رسل لينا بيتزاااااااااااااا

شهاب شريف: الف حمد الله على السلامة ...... وربنا يجبر كسرك .... لكن لو ماكان اتجرست كان نزلنا تفاصيل الحادث فى المنتدى ..... عشان مايجى عبدة نصر ويزور الحقائق وينقل شى ماصحيح (هو ماشايف مراسلين الــ BBC ديل بشتغلو بمهنية كيف) قال موتر قال .... وين فى موتر فى السعودية ..... كلامك دة قولو لزول ماعندو حديدة ههههههههههه

سمعة: اكتر مايعجبنى فى مقالات فى الصحف واخرها (صوت مراغة) واقعيتك الشديدة وبعدك عن التنظير ومحاولة ربط الحاضر بالماضى وحبك الشديد للموروث الطيب لاهلنا ...

سعادتو عطا: حد يقدر يزعل منك برضو ؟؟؟؟؟ يازعيم حلة بحرى الجدول ..... اقصد بحرى الزلط
ههههههه اليومين دى بقت بحرى النفق (بس مشكلتو نفق مابمرر لورى على محمد احمد) وفى ناس بيضطرو يمشو براس الرجاء الصالح (بالبان جديد) ..... وبعدا دا كلو نفق ماتمر فيهو عربية كارو وراس البصل برة الحوض بجنيه ونص وغرب النفق بى 6 جنية .... تناقضات عجيبة الله غالب ....... ليتنى دعيت (بضم الدال) للقاء منزل عباس محمد عباس لطالبت الضيف بالسماح للكارو بان تمر تمنية للاقتصاد المحلى ......... عووووووووك يا خبراء الاقتصاد ..... واهم عامل فى السوق الترحيل وهو يمثل 20 الى 25 % من سعر السلعة فما بالك بحفرنا ورمالنا !!!!!!!!

جمال الوالى: تحية مباركة للمهندس شعبان على جهدة المتواصل من اجل مراغة .... ولك الشكر على تفقد اخوالنا باستمرار .....

العم كمال صباحى: مازال ملف الكوكاشين فى الطريق اليكم ..... وقدر ماتحملونا من مسوليات برضو نحن بنحول ليكم المابنقدر عليهو .... وربنا يوفق الجميع ....

ذنورين نصر الدين: شنو يعنى رافعنا لينا القزاز كدة (طيب لو القزاز دة بقا اوتوماتيك حتعمل لينا شنو؟؟؟؟) .... رميت طوبتنا ولا شنو ؟؟؟؟ وماشاء الله قربت تنافس ترباس فى عمتك ويوم داك وانت متحكر فى الصفوف الامامية فى الموتمرالوطنى قطاع الشمال فى تلفزيون السودان وفى نشرة الاخبار قلت لمجاهد شوفتا لازم تمشى سوق ليبيا تشترى ليك عمة ههههههههه ..... ياخ نحن ممكن ندردقك لليوم داك ..... وبدل لقاء الاستاذ .... يبقى لقاء الماجد ذنو .... ونجيب شاكر من دنقلا يصور لقاء نائب الدائرة المجاهد ذوالنورين باهلة وعشيرتة .... لكن بشرط اولا تعتذر لتقصيرك الفترة السابقة كما يقولون وتلتزم تشغل لينا 10 خريجين كل سنة و ومن الان تسعى معانا فى تكملة توسعة مسيد المرحوم حاج نصرالدين من الطوب للاباريق و تجبر نفسك تقعد فى بيوت المناسبات 1/2 ساعة بدل 5 دقائق ........ وعندها تاكد باننا سوف نتبنى هذة الدردقة والاخ الجعلى سوف يكون مدير الحملة الانتخابية بدنقلا ومنتدى مراغة سوف يكون الراعى الاعلامى لتدشين حملتك الانتخابية وبياناتك .... لكن قبل نهاية الدورة الحساب ولد لمطالبنا والتزاماتنا ..... اها ياناس المنتدى عرفتو ماهرون لى ملقب الزول دة بالمجاهد رغم انة لم يذهب الجنوب مجاهدًا ..... ربما ذهب لافغانستان ولا ندرى !!!!

ماهر: والله مشتاقين وكنا مقلقين بيكم ايام الثورة المصرية ..... لكن الحمد لله قدورة طمنا ....

منير طة: ربنا يعينك على هذا العمل الشاق .... بس ياريت تشيل العلامات الباليمين دى لانها تزهج فى الكتابة ومشكور جدا ومعك المربع .....

شاكرون: سلامات ومشكور جدا على الفيديوهات بس والله بيشاهدوها المغتربين بس وصعب شديد تنزل عندنا ماعارف لية ؟؟؟؟ المهم لقاء النادى الكاكيرا جاهزة ولو موافق على راى ماهر التزكرة برضو حتجهز ههههههههه .....

د.نضار: والله ماقصرت فى تطوير هذا الموقع وجرجرة نون النسوة وماشاء الله ربنا يزيد ويبارك

جنابو صهيب: والله فرحتنا شديد بتفاعلك مع الاخوان ومقترحاتك واراءك الجرئه .... بس ياخ دة كلو هين العرس ماقرب ؟؟؟؟؟

مراغة: معظم مشاكلنا اننا نتمسك بصغائر الامور ونترك الكبار .... ونحب المجاملة اكثر من اللازم حتى لو على حساب اى شى اخر .....

هيئة تنمية مراغة: مازال السوال يتكرر فى كل المحافل .... الجديد شنو ؟؟؟

سيف شهلى: الاخبار والصحة لعلها تمام .... الجديد شنو ؟؟؟؟

قدورة ونادى الوحدة: كم سعدنا بتجديد الدماء وتهانينا بالادارة الجديدة خاصة العلاقات العامة ....
وعبدالسلام دة امسكو فيهو قوى ........

الباقر ابوزيد: الف مبروك العرس وربنا يسعدهم ويفرح جميع الاهل

د.بكرى عزالدين: ياخ دى قراية اكتر من اللازم زاتو .... كفايا ياخ ... دى حالة اخير منها العرس !!!!!!

صابر القاضى وحكيم مراغة: والله مشتاقين شديد بس حقو توفرو زمنك فى الفيس بوك وتدوهو لمنتدى مراغة .....

الاعضاء الجدد (الشاعر محمد يعقوب/عبير/شذى عطا/صهيب/ سوسن/بائعة الكسرة/سناء/ناهد/مدثر/محمود السمين وكل الاحباب) بزيارتكم وبمشاركاتكم بيتنا نور فالف مرحب وقبيل كوركنا وقلنا عووووووووك قبل الامين اوراس بانو نعمل احتفال باكتمال الاعضاء 200 عضوء لكن لا حياة لمن تعوعى .....

سعادتو وديدى وعثمان عبدالرحيم: سلامات وتحايا عطرة و ماتفتكرو انو جلسة الجمعة بالنادى حتنسينا لقاء مزرعة باسقات (شرق النيل) .... دة التزام ونحن فى رقبتكم الرعاية على الاخ وديدى والترتيب على الاخ عثمان ولا شنو يالجعلى ؟؟؟؟ ونحن والاستاذ حسن عليهو بالعصير ....

عبدة نصر: ياخ عزبتنا ياخلف اللللللللللللللللللللللله .... صاحبك جمال عمل فينى عملية مابتتحكى فى الامارت اسالو ؟؟؟؟؟ وماتجى تحكيها هنا .... سفيرنا فى الصومال قال لى خالو دة شيال حال !!!!!!!!

الباقر عكاشة: الف مبروك المولودة الجديدة وربنا يجعلها من المجاهدات .... وبعدين ياخ المشهد السياسى دة ماعندو نهاية الحلقة رقم 6 ولسا ساقيتك دى مدورة ....

بوست لقاء اهل مراغة بالاستاذ بلال عثمان: الم تسمع ياذنورين وعمنا عباس بثورة الشباب وثورة الفيس بوك ولقاءكم لم يضم اى شاب من مراغة .... وتهرينى اكتر ياذنو امن اقول ليك منو حضر من الشباب تقول لى الباقر عكاشة .... طيب محمد جعفر دة كنا حنطالب بلال بعمل محل ايسكريم وحلاوة قطن ليهو ....

بوست أين هارون: فى هوامش بوست موتمر هيئة مراغة من زاوية اخرى (منتدى المشاريع الهامة) زكرت (ناس كابتود: مافى طريقة تتبرعو لكيان مراغة بشى من الـــ 177 مليون بتاعتكم رابع يوم العيد ؟؟؟؟)
ماف زول علق عليها !!!!!!!! لكن شايف بوست ماهر دة ماشاء الله شحم لكن يا النزير العمدة فى سبيل اهدافنا حقو نمرر الحاجات الماعندها قيمة .... يعنى شنو لو جو افتتحو وسرقو جهدنا المهم المدرسة تتصان وتصل مرحلة منو اليفتتحها .... ومامهم سرقة المجهودات الناس وعت وعارفا الجعلى دفع كم مليم وزوغبير زاغ من الكشف وعارفين كل صغيرة وكبيرة وصدقنى حبوباتنا عارفين التفاصيل دى قبل الشباب الواعى .... ياخ ان شاء الله يجى د.نافع يفتتح وان شاء الله يقولو الموتمر الوطنى هو صاحب كل هذا الانجاز مافرقت المهم انو العمل يكتمل .... ياعمدة خليك عندك نظرة كبيرة وبعد نظر زى العمدة الكبير وماتنفعل ساى .... هسة انا لو خيرونى قالو لى ناس ذنو ديل (اقصد الكيزان) يتبرعو ب 50 مليون للهيئة بشرط ينزلو التبرع دة فى صحيفة الرائد ولا الانتباها باسم طوالى بوافق بخشمى المليان وبقوليهم شكرا ليكم وبصفق ليهم كمان بس كيييييييييف هم يتبرعو لينا ....

بوست موتمر الاستثمار: دى يالنور دايرة ليها بوست جديد ..... لكن س سوال: راعى الموتمر مش كان الدكتور عبدالرحمن الخضر ؟؟؟ طيب كيب سعادتو يكتب بان المنطقة الجنوبية غير مهتمة بامر الاستثمار والخضر من عمق المنطقة الجنوبية بكل ماتحمل كلمة عمق من معانى !!!!!!!!!

منظمة الامل: نناشدكم بالتبرع لتوسعة مسجد الرحمة بمراغة (مسجد المرحوم الحاج نصر) بما تجود بة اياديكم ونسال الله ان يجعلة فى ميزان حسناتكم ويوفقكم لعمل الخيرات .....

رابطة طلاب مراغة: صح النوم !!!!!!!!!!

محمد جعفر: مقالك بصوت مراغة قراءة عمنا وحكيمنا فى مكتبة 3 مرات وكل مرة يحلل ويفكر ماذا جرى ؟؟؟؟؟ نامل فى اجابات لهذا العم يوم لقاء النادى الجمعة القادمة ....

مشيرة: مشكورة جدا على الاصدارة الرائعة من صوت مراغة ولك العتبى حتى ترضى فى زعلك مننا .... فقط هناك اصوات تنادى بانك اصبحت دكتاتورية ولم تشاركى رابطة الطلاب فى الاصدارة .... تساولات اجاباتها لابد من عكسها فى لقاء النادى ايضاء ....

هانى العمدة: نحن ماصدقنا انو سافرت السعودية قالو جاى صحى ؟؟؟؟؟؟؟؟؟؟ هههههههههههه وهههههههه دى عشان نضار ماتجينى ناطة .... ياخ الزول امن يمشى السعودية اول شى بيمشى الحرم ..... كتر خير المك بيطمنا عليكم .....

ايمن محمد يس: كل ما اتزكرك اتامل واتخيل منظرنا فى المعاش (لو فى العمر باقى) ونحن ندير مفتاح الراديو لسماع موجز النشرة .... ياخ نحن فى اشد الحوجة لريعان شبابك دة .... وكفاية كفاية كفاية ........

بكرى جعفر: تحية خاصة عبرك لكل المغتربين وصدقنى كنت فى حالة اغماء تام واشتكيت لياسر ابراهيم وقرشى لكن تلفونك طلعنى من الحالة ديك الى الحالة الطبيعية .... وبعدين ياخ انا غيرت اسمك فى الموبايل ب (حكومة2) !!!!!!! طبعا فى ناس حفارين حيقولو (حكومة1) منو طيب ؟

العم صالح جعفر: تحية خاصة وقبيل كنا مطيعين شديد لكن بعد ما وصفونا بالتمرد ماعندك حل معنا كل الكنت مانعنا منو حتلقاهو فى منتدى مراغة وحنشكرك يعنى حنشكرك .... رايك شنو فى مفاجاتنا ليك يوم الجمعة نامل بان لاتحرجنا ونستعين بالعم بكرى فى اقناعك .... !!!!!

الامين أوراس: لك الشكر والتقدير على التواصل وتفقدك لاحبابك وربنا يديم المودة والرحمة بيننا ونهديك السطور اعلاة .... رايك اية فى التحلية دى ؟؟؟

[/b]

[/b][/b]

مرحبتين ياقريبي و الله مشتاقين و فقدناكم و الحمد لله العودة و ان شاء الله سنكون معكم بقلوبنا لان الجمعه للاسف شغال ما ممكن التواصل حتي بالنيت و أملاً مراجعه البريد الخاص و البتزا بأكلها ليكم بالانابه .... مرحب بيك ..

عدد المساهمات : 299 تاريخ التسجيل : 28/02/2010

الباشمهندس /مجدى
عودا حميداوالعود اخضر نورت المنتدى
الشوت بالبارد ده شنوا طيب

دكتاتورية وماشاركت الرابطة في الاصدارة دي عجبتني شديد

وصراحة لا تعليق

عودا حميد مجدي ومنور المنتدى

حبيبنا مجدي...الحمد لله عودتك للمنتدي...مكانك ظل شاغر ولم يستطع احدنا ملؤه...
في غيابك ظهر كثير من الاعضاء الجدد

ابدا بعد ماتقول يالطيف

عدد المساهمات : 359 تاريخ التسجيل : 01/05/2010

الباشمهندس الحاج \............... باشنتود لك التحيات الزاكيات
لم نمل ونشك ونعتقد (وهلمجره) لابتعادك لاسباب اخري دون ماعهدناك به وربنا يثبت اجرك في عملك واخلاصك
والله من وراء القصد
ابوعزام

عدد المساهمات : 11 تاريخ التسجيل : 01/11/2010

الباشمهندس/مجدى
والله أنت مذاكر كويس جدا ومتابع لكل الاحوال والاجتماعياتبالخرطوم ومراغه بس فاتت عليك حاجه مهمه وهى مؤتمر تطوير الشمالية وإنعقد وانت خارج السودان فراعى المؤتمر كان:
الاستاذ: على عثمان محمد طه
نائب رئيس الجمهورية وهو من المنطقه الجنوبيه وبسبب عدم حضوره لاستلام توصيات هذا المؤتمر تقدم الدكتور حربى نائب الوالى بإستقالته.........
لانه جرى ولهث لمقابلته بالمكتب والمنزل فلم ينجح فى ذلك(فلذا هذا التنويه)
فلك الشكر والتقدير وارجو مراجعة المقال بالشبكة او جريدة مراغة............

الف مرررررررررررررررررراحب
والله ليك ياراجل وحشة شدددددددددددددددددددددددددددددددديدة
ولا شك الكل فرحين بعودتكم النهائيييييييييييييييييييييية لداركم (عودة بدون خروج)
وزي ما قال سعادة اللواء انكم الحمد لله قمت بمراجعة ومذاكرة طيبة للملفات الماضية .
ان شاء الله اجد متسع من الوقت لكي اعود للبوست الكرسي شئ من حرارتة
تتناسب مع حرارة عودتكم الميمونة واستفيد من حرارة الاجواء.

ونهدي للجميع كلمات هذه الأغنية الاتية:
غيب وتعال..تعال وتعال
غيب وتعال تلاقينا انحنا يانا انحنا يانا انحنا
ما غيرتنا ظروف ولاهزتنا محنة
كم بعنا في الغرام واشترينا
غير هواك ماربحنا
ياحبابنا وشياينا وربابنا وياسمحنا
غيب وتعال تلقانا بنفس الايادي
الراجفة مشتاقة في ساعة سلامك
تلقانا بنفس القلوب الطيبة
ديمة ديمة تطرب من كلامك
تلقانا بنفس المشاعر الطيبة
ديمة ديمة تطرب من كلامك
تلقانا بنفس القلوب
الياما حزنت لما فقدت ابتسامتك
والله بعدك ياغالي
لاغنينا لا انشرحنا

غيب وتعال
تعالنا وتعالنا وتعالنا وتعالنا وتعالنا وتعالنا.......
تعالنا يا انبل عواطف طافت الدار الحزينة
تعال لنفوسنا
انت يامنبع عذابة وانت مصدر اليمة
تعال ليالينا البواكي
الكانت بتطرب يازين
يوم تجينا يالخطي الواعدة ورزينة
لا لقيناك وفرحنا
لا نسيناك واسترحنا
لا لقيناك وفرحنا
لا نسيناك واسترحنا
انت لا تغيب تاني

عدد المساهمات : 173 تاريخ التسجيل : 19/10/2010

هندسه الف حمد الله على السلامه لم نفقد الامل يوما بانك سوف تعود والحمد لله على العوده ما زال لدينا الكثير والكثير لنقدمه لاهلنا فى مراغة وهذا العمل لم يتم الا بتضافر الجهود نتمنى ان تكون عوده قويه ودفعه للامام مرحب بك اخى الحبيب مجدى

عدد المساهمات : 604 تاريخ التسجيل : 16/01/2011

لا إله إلا الله محمدا رسول الله.
يااخي ما سليت روحنا.
حمدا لله على السلامة .. والله بعد ما كتبتا (حرف الألف) عايز أقول (....) ربنا ستر.

عدد المساهمات : 1064 تاريخ التسجيل : 01/09/2010

سلامات مجدى
بعد ترحيب عمنا بكرى الجميل كمل كلامنا
والحمدلله انه اتصالى عليك ووعدك لى بالرجوع لم يذهب سدى وونسة الفيس عبرصالون اخوانا لم يضيع هباءا..حمدلله بالسلامة
منوررررررررررررررررررر

شريف : ان شاء الله ماتفقد عزيز ...

الجعلى: ماف شوت ولا بارد ولاحار نحن واضحين وضوح الشمس لكن انتو تنادو بالديمقراطية وانتم فى اشد الحاجة اليها ........ اقل نقد الدنيا تقوم وماتقعد ...... ولو تازم الامر ينقل البوست اويسحب الفيديو او يبتر ويشوهة .... ولو دة ماحاصل وزاد الازمة يهرب العضو او يتمرد هههههههه .... لو كمان بقى تقدمى شوية يقول اها انا شوكة حوت ..... نسال الله ان يوسع الصدور ويفهم المقصود الظاهرى دون التعمق فى التحيلات والتاملات .... ونسال الله ان نستفيد من زيت الحوت ونبعد من شوكو .......

مشيرة: منورة انت بروبك دة .... دة اعلان لخريج يطلب عملا ....

عزيزنا ماهر: والله مشتاقين وقاعد اتقطع من شدة الضحك من سخريتك فى المنتدى لاسياسى لكن ياخ ماتسوى المديدة الحارة هههههههههههههه .....

ذنو: لك التحيات المباركات ياقائد الركب وكبير المجاهدين لكن ماتزوق من الشروط

سعادتو عطا: تحية طيبة ... ولا ينقصنا سوا مشاهدتكم الغالية ... انا كنت متابع بدقة لمجريات هذا الموتمر وحضرت الجلسة التمهيدية (بمكتب تنسيق الولاية بالخرطوم) وموقع الموتمر فى النت ... وكتبت بعض الملاحظات والمقترحات وسلمتها مشكور للاخ النور (الوجية) وحكاية الخضر دى مقتبسة من مقالك .... ربما انت قصدت الرعاية المعنوية للموتمر وانا قصدت الرعاية المادية لانك زكرت فى مقالك بان الخضرهو الذى دفع كل تكاليف ومنصرفات الموتمر وانا فى وجهة نظرى دى اهم من المعنوية .... وكلو خير بس اريتو التوصيات تتنفذ .... لكن بروف حربى دة مالو زعول كدة عشان على عثمان ماجا يستقيل .... ربما هنالك اسباب اخرى غير معروفة لدينا !!!!

العم بكرى: شكرا على ابيات الشعر الرائعة والكرسى فى انتظارك لانو الصف طويل فى زول فى الانتظار ....

ودالقاضى: شكرا على التفاعل المستمر لكن زيرك عجيييييييب ....

الامين اوراس: الحمد للة الماقتا ....

نضار العمدة: الحمد لله كيف الاهل كلهم ......... ووين صاحبتك هبة عبدالقادر .... يا اخونا امرقونا من حكاية دخلت نملة وخرجت نملتين دى !!!!!!!!!

باشمهندس مجدى تحياتى وتقديرى....كنت أود أن اكون من أول المستقبلين ولكن أصحاب الواجب والفضل سبقونا.
نسأل الله أن نستفيد من الحوت ونبعد من شوكو.
دا معناهو هانى يرجع .
دا معناهو سيف ماقصر.
دا معناهو شاكر أبدع .
دا معناهو حتى هارون ممكن نستفيد منو وليه لا.
دا معناهو الرأى الطالح يحارب بالرأى الآخرالصالح طالما حق الرد مكفول للجميع.

عدد المساهمات : 1064 تاريخ التسجيل : 01/09/2010

هبه فى اجازة وضوع وما اظن من غاب عن المنتدى غاب لتقصير مننا .شكرا قرشى انت قلت الخلاصه ..من اراد المشاركة واثراء ساحة المنتدى فاهلا وسهلا به لان هذا واجب علينا وواجب على كل فرد فى مراغة ومن اراد ان يتغيب عنا لاسبابه الشخصية ولظروفه فلا نملك الا الامنيات له بالخير وان نفتقده ونفتقد مشاركاته لكننا لا نجبر احد وكما ذكر سيف شهلى المنتدى دا ما حق زول ولا حكر ولا ملك لشخص ونحن فقط ادارة كلفنا بتنسيق وتسهيل الامور
والله الموفق
تسلموا جميعا

قرشى : كلهم حيرجعو وماف زول مقصر والشاكر الابداع زااااااتو

نضار: الف سلامة وكفارة .... والف حمد الله على سلامة هبة وماف تقصير منكم بقدر ماهو جهد متواصل من اجلنا لكن انا سالتك كصديقة عزيزة عليها وليس كادارية مفروض عليك ترجعى اى هارب او متمرد ...

ولكم مودتى ....

الف سلامة على الباشمهندس / مجدو باشنتود .
وحكاية الموتر دي ( موجودة ) لقيت واحد من الجماعة وقلت ليهو كدى جيب سحبه ورحت فيها

» رسالة إعتذار
» المجامله ... واجب العزاء