عبدالرحمن نصرالدين
عدد المساهمات : 1940 تاريخ التسجيل : 20/06/2010
| موضوع: مرت سنين فوق السنين السبت 16 أبريل 2011, 7:31 pm | |
| اْمرك عجيب يا مغترب شايل حقايبك ماشي وين أنعل أبوك يا أغتراب؟؟؟ ما الغربة طالت يامسيكين وانت في نص الدرب والناس هناك ماشايلة هم لاهم حكومة ولا لحم سكت ليه يامغترب؟؟؟ حاول اْجب؟؟ الناس وراك دفنت اْلوف وانت جالس تنتحب الناس هناك هزمت طوابير الصفوف وازدادو نجمات في الكتوف وانت جالس زي خروف لا فيك لبن لافيك صوف شعار جميل مكتوب حروف زول مغترب انت يا اْبوي مين اللي زيك انت مازول مغترب لا ليك اْرض لا ليك راْي لا خطة اسكان لا حزب انت عندك حزب واحد اسمه حوّل اْخوك وراك راقد تعب جاك اتصال من ناس منال يا اْخوي حول وماتطول جدي الكبير عضو الكلب يا اْخوي حول في الشهر مرتين ود اللمين جاهو المقص في الكليتين خلآهو زي زول الكٍتب يا اْخوي حول وما تطول وجيب معاك طقم العشاء ودهب الكضب وانت جالس يامسيكين الغربة طالت وانت في نص الدرب مرت سنين فوق السنين لا اشتريت قطعة اْرض ولا سقفت الغرفتين والحالة طين يا اْخوي صلي ركعتين بعد الفرض يا اْخوي حول جيب قروش وخاتم الجنيه للسيدتين اْم العريس واْم العروس ولا تقول فلنفترض اْضرب خماسيك في سداسيك واْضرب الطول في العرض الغربة طالت والعيال كبرت وجالت وانت حالك يامسيكين والله تغني عن سوْالك والفكر مشغول وشايل هم عيالك وين بتقراْ والغريب كل الحكومات في البلد تنكر نضالك وحتي العيال في الجامعات يامسيكين بدل الجنيه تدفع ريالك ومهما تكتب اْو تقول هذا اختيارك لا ليك راْي ولا هناك من يرد ليك اعتبارك شد حيلك واشتغل عشرين شغل خارج مجالك شد حيلك والثغور راجاك كتيرة ست البنات صارت مديرة ولسه ما جاها العريس والبيت ملان يابا ماتخليك معصلج وانت ماتخليك عويرة وما مهم ود اللعم ومامهم من القبيلة المهم اْبقي راجل وما اْكون زولا خميلة اْلم اْقل اْمرك عجيب يامغترب ؟؟ جيت شباب تلبس خفيف حتي في عز البرد بعد السنين الجلود اتكرمشت واْصبحت ودعم القرد وآخر المطاف السنين صارت عجاف شالوك مقفل في طرد وآخر المطاف السنين صارت عجاف شالوك مقفل في طرد. | |
|
وصفية عيسي
عدد المساهمات : 719 تاريخ التسجيل : 25/05/2010
| موضوع: مرت سنين فوق السنين الأربعاء 20 أبريل 2011, 6:45 am | |
| تسلم الاخ عبد الرحمن كلماتك رائعات مثل روعتك والله يكون في عونك يا مغتربين ويرد غربتكم سالمين والقصيدة محزنة | |
|
عبدالرحمن نصرالدين
عدد المساهمات : 1940 تاريخ التسجيل : 20/06/2010
| موضوع: رد: مرت سنين فوق السنين الخميس 28 أبريل 2011, 9:33 pm | |
| التحيه لك الاخت وصفيه علي مرورك الكريم من اين لنا قناعة التخلي عن الغربه ... والبلاد طارده .. | |
|
فاروق الطاهر فضل
عدد المساهمات : 4 تاريخ التسجيل : 11/01/2011
| |
عبدالرحمن نصرالدين
عدد المساهمات : 1940 تاريخ التسجيل : 20/06/2010
| موضوع: رد: مرت سنين فوق السنين الأحد 01 مايو 2011, 3:56 pm | |
| الله يطوحك يافاروق انت واصحابك التلاته اسحق ويسن السجمان وأنا اشك في عزومتكم التعبانه والعدس والفول فول رحلة سيد احمد عبدالرازق ونورالدين ابراهيم في قعب اللقيه كان احسن من عزومتكم دي
الله يخلصنا من الغربه دي شوفوا لينا حل ياعالم
| |
|
منال نورالدين
عدد المساهمات : 9 تاريخ التسجيل : 17/01/2011
| موضوع: رد: مرت سنين فوق السنين الثلاثاء 24 مايو 2011, 9:58 am | |
| انت يا أخ عبدالرحمن بالجد الغربة اسرت عليك لدرجة بقيت تنسى الناس ياخي اسال اصغر زول عندكم السماني اخوك عشان يعرفك عني | |
|
عبدالكريم سعيد
عدد المساهمات : 174 تاريخ التسجيل : 13/10/2010
| موضوع: رد: مرت سنين فوق السنين الثلاثاء 24 مايو 2011, 5:56 pm | |
| السلام عليكم يا ودالعم انت ابدعتنا بل القصيده الجميله ديه وين انت من زمان المفروض كان تدين دا من بدرى الان نحن المغتربين محتاجين زى كده شكرا ياودالعم وكثر منها | |
|
عبدالرحمن نصرالدين
عدد المساهمات : 1940 تاريخ التسجيل : 20/06/2010
| موضوع: رد: مرت سنين فوق السنين الإثنين 08 أغسطس 2011, 10:12 pm | |
| أهدي القصيده للاخوه عوض بشير وعثمان هولاكو ان كنا مبسوطين من الغربه هذه القصيده انزلتها في 16\4
| |
|