شبكة مراغه الأصاله والتاريخ
 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Welcom11
شبكة مراغه الأصاله والتاريخ
 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكأحدث الصورالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

  كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]

اذهب الى الأسفل 
+7
الباقر عكاشة
نزير العمده
saber alqadhi
قرشى شيخ ادريس
الأمين الياس الأمين
هاني 0العمدة
الجعلي
11 مشترك
كاتب الموضوعرسالة
الجعلي
 
 
الجعلي


عدد المساهمات : 299
تاريخ التسجيل : 28/02/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالإثنين 21 مارس 2011, 11:32 am

بمااننى لم اكن من رواد ذلك الذمن ولم احظى باكل تلك الفتت واللحوم الطيبه ولذا نريد خلفيه واضحه
1/لماذا كانت تذبح هذه الثيران ولماذا توفقت
الدعوه للجميع للافاده عن هذا الموضوع
الاخوه الاكارم والذين حضروا هذه الوقائع لابد من افادتنا


عدل سابقا من قبل الجعلي في الإثنين 28 مارس 2011, 4:58 am عدل 1 مرات
الرجوع الى أعلى الصفحة اذهب الى الأسفل
هاني 0العمدة
 
 
هاني 0العمدة


الموقع : مراغة
عدد المساهمات : 258
تاريخ التسجيل : 22/01/2010
العمر : 43

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالإثنين 21 مارس 2011, 1:20 pm

والل يامك زكرتنا الزمن الجميل
لكن كيف انت ما حضرت الضبايح في الكروات جنب مقابر الهواويش
نحنا حضرنا جزء منها وفي الحقيقة الزمن داك في خير وبركة كبيرة وكان المشروع
بيبنتج كل انواع الحبوب من القمح والزرة والفول والمكادة
وتقريبا كان بيمثل اقتصاد كل القري من حولنا وكانت الضبيحة دي عبارة عن كرامة او شكر
لهذه الخيرات عملا بقوله تعالي (ان شكرتم لازيدنكم)
وحقيقة مع تدهور المشروع وبعد الناس عنوا بل واستغنائهم عن المشروع ساهم في انهاء هذة العادة الجميلة
الرجوع الى أعلى الصفحة اذهب الى الأسفل
الأمين الياس الأمين
 
 
avatar


عدد المساهمات : 604
تاريخ التسجيل : 16/01/2011

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالثلاثاء 22 مارس 2011, 5:11 am

أخي الجعلي : والله ذكرتني ماضي بعيد وجميل, كرامة "ساتي شريف" كانت حولية , تجمع لها المبالغ من الأهالي هذه المبالغ كانت ثمن "التور" فقط, وما يتبع ذلك كان الملح فقط "والكل ندي" بالعربي "الكسرة المرة" , هل أكلت "الكل ندي" ياهذا؟ّ!" ... كل ست بيت تأتي بطبق كسرة, كانت الذبيحة تذبح تحت الشجرة الكبيرة , عند المقبرة وتشد القدور الكبيرة على الحجارة وتوضع فيها اللحمة "طبعا اللحمة بتكون مقطعة قطع كبيرة جدا" "هبر هبر, أو كرادم كرادم كرأس ابن آدم- زي مابقولوا اخوانا الغرابة"
والفتة كانت توضع في "الطشت" "طشت ناس زمان كان عبارة عن قعر برميل الجزولين" أو من التوتيا التقيلة للناس الميسورين, وعبوة الطشت الواحد يا دوب كان تكفي خمسة أو ستة من أطفال الزمن داك "قول ماشاء الله ما تودين في داهية".
كان يوضع "طشت الفتة" تحت الشجرة وكل واحد من الأطفال ينقض على اللحمة أولا, طبعا اللحمة حارة عشان كدة كان كل واحد ياخد القطعة أو القطعتين ويضعها في "طرفو جوة العراقي" وبعد الانتهاء من الفتة كل واحد يأخد اللحمة حقتو ويسرح, بس كان الكبار بيحرصوا أنو الأولاد ما يطلعوا باللحمة من تحت الشجرة لأنو "الصقر" كان قاعد للشفع بالمرصاد, فدائما كان تسمع كلمة "يا ولاد أدخلوا تحت الشدرة الصقر بيقلع عيونكم".
ولدنا/ هاني - محتج يقول كيف ما حضرتا دبائح الهواويش, هذه يا ابني غير تلك.. الزمن داك عبدالكريم العمدة - لسع ما اتزوج.
أما لماذا كانت تذبح: كان الناس عندهم اعتقادات ربنا يعلم بيها, عموما كان بقولوا "كرامة ترفع البلا والغلا" فعلا ما كان في بلا ولا غلا.. وأهو أرزاق.
وكان هناك أرزاق كتيرة تجي للشفع بسبب "ساتي شريف" مش بس الكرامة الفي السنة مرة واحدة .. بل كان هناك شيء اسمو "الندر" "والنورتن سق - أشرح يا قرشي - للحناكيش" وهذه شرحها يطول. ومافي إلا نقول : آهـ يا زمان أبكي واتحسر عليك .(والله المستعان).
الرجوع الى أعلى الصفحة اذهب الى الأسفل
قرشى شيخ ادريس
 
 
قرشى شيخ ادريس


الموقع : الولايات المتحده
عدد المساهمات : 974
تاريخ التسجيل : 28/03/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالثلاثاء 22 مارس 2011, 5:43 am

يالأمين ديل يشرحو ليهم شنو ولا شنو ديل خليهم فى حنكشتم دى.
ديل طبعا ماحضرو شفع قبلى وكت بقعو فى طشت الفته والناس تاكل كأن شيئا لم يحدث.
الرجوع الى أعلى الصفحة اذهب الى الأسفل
saber alqadhi
 
 
saber alqadhi


عدد المساهمات : 173
تاريخ التسجيل : 19/10/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالثلاثاء 22 مارس 2011, 2:38 pm

الاخ الجعلى لك التحيه والله موضوع جميل جدا وخاصه تحضرنى بعض المواقف الطريفه فى الحوليات والكرامات بتزكر كان عندنا حاجه اسمها حولية بنات فكى ادريس وكانت تتعمل كل سنه فى مسجد فكى ادريس وكان عمنا الذين فقير الله يرحمه ياخذ احسن صحون الفته العمرانه بالحم ويقوم يحطها فى موقع بعيد من اعين الناس ويقول دا عشاء بنات فكى ادريس وبعد ذلك يذهب نقوم نحن طبعا بلتسلل الى تلك الصحون وهاك يا ضرب وبعد ساعه يرجع عمنا الذين وياخذ الصحون وهى فاضيه وفى باله انو بنات فكى ادريس اكلوا العشاء 000 الى ان تم اكتشافنا فى مره من المرات وعينك ما تشوف الا النور جنس دقه؟؟؟؟؟؟ ومره مشيت مع تاجو فى كرامة ساتى شريف ووصلنا متاخرين يعنى خلاص حيشيلو الاكل قلت لتاجو والله مافى حل الا نشيل الفته فى جيوبنا وبالفعل عبيت الجيوب بالفته وذهبت بها وتم اكتشافى بواسطة الوالد وبرضوا هاك يا دق وخاصه انو الجلابيه كانت جديده 00000 انها صارت مجرد زكريات وشيطنة صغر
الرجوع الى أعلى الصفحة اذهب الى الأسفل
نزير العمده
 
 
avatar


عدد المساهمات : 127
تاريخ التسجيل : 13/09/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالثلاثاء 22 مارس 2011, 10:02 pm

الحبيب الجعلي موضوعك جميل جدا جدا لكن معلومه بسيطه لعمي العزيز الامين الياس انو نحن حضرنا زمن كرامه مشروع الكروات الكانو بيعملوها تحت نخل الهواويش جمب جدول العمده غرب اراضي الشيخ عبد الحميد وبتذكر جيد انو هاني بيركب وراي الحمار ومعاهو النور ادريس والزمن داك ادريس النور رئيس المشروع وكنا بنحظي با طايب اللحم والفته ومعانل مجموعه من اطفال القريه
الرجوع الى أعلى الصفحة اذهب الى الأسفل
الجعلي
 
 
الجعلي


عدد المساهمات : 299
تاريخ التسجيل : 28/02/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالأربعاء 23 مارس 2011, 5:04 am

* المك هانى نحييك على التعليق والاضافه لكننى لم اتذوق هذا الكرامات علاقتك باسره السلطان ادريس النور ولذا كنت تحظى انت بدعوه خاصه
** الاخ العزيز الامين الياس تشكر كثير على هذه المعلومات الطيبه وانت شاهد عصر على هذه الكرامات
*** قرشى ودالشيخ فعلا ناس قبلى الظلط ديل حناكيش ويدعو الحنكشه
****الذعيم صابر القاضى مشكور على الاضافه وانت ذكرت احد اعلام مراغه ولابد من توثيق صفحه له بالمنتدى عمنا المرحوم محمد الذين فقير
*****العمده النزير وين انت يارجل نحن بصدد الاتصال بالعم عابدين لاضافه معلومات عن هذا الموضوع انشاء الله
مع خالص تحياتى لكم بالتوفيق
معلومه قيل فى ذلك الذمن ان اعتراض حصل من انصار السنه ان الكرامه التى تذبح جنب الهواوييش ان تذبح للمقابر ولابد من ايقافها وقد اقترح عمنا المرحوم عابدين دياب ان تحول امم دكانه حل للمشكله
رحم الله عمنا عابدين وعمنا الذين فقير رحمه واسعه
الرجوع الى أعلى الصفحة اذهب الى الأسفل
الباقر عكاشة
 
 
الباقر عكاشة


عدد المساهمات : 198
تاريخ التسجيل : 17/05/2010
العمر : 59

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالأربعاء 23 مارس 2011, 10:34 am

الاخ الجعلى لك ودى
الكرامه ذى حوليه الختميه وبقيه الطرق الصوفيه على ذكرى مؤسسيها من الشيوخ
كرامه شيخ شريف عباره عن مهرجان وارتبط بأسماء كانو بيشرفوا عليه امثال احمد فقير
والمرحوم محمد الامين وحسن حميد الله يرحمهم ويعطى احمد فقير الصحه والعافيه طبعا انحن ما حضرنا لمن الصحن كله كان كندى ( كسره مره ) حضرنا التحت كندى وبى فوق عيش كنا بنأكل لحدى العيش فقط ونتوغل للصحن الثانى طبعا زمان كان العيش ما أقل من الطورته والجاتوه وكان بيحصل بعض المشادات بين الاعمام المزكورين والمتعلمين مثل طالب محمد على قيلتود على ان هذه العادات من الخرافات .
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar


عدد المساهمات : 1064
تاريخ التسجيل : 01/09/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالأربعاء 23 مارس 2011, 11:13 am

سلامات عبدالرحيم ..ربنا يديمك للمواضيع الدسمة والاصيله ديا
اظنه كلنا حضرنا ولغاية مواليد التسعينات هذه المناسبة واقصد بيها عزومة جوزيف واليوم التاريخى من كل عام ..وكما شرح عمو الامين والمجموعة ..ياخى دى كانت حاجة عجيبة وفيها تواصل اجتماعى عجيب..يعنى مافى زول بيتشفخر الكل بيجيب كسرة او فطيرة بياكلو فى مكان واحد وطعام واحد وبيقسموا الباقى وكل الناس تشارك ..ياسلااااااااام..صابر الله يجازى محنك ..اكرم بك وانعم من رجل اصيل وزكرياتك الشقية الحلوة...
شكرن من هنا لى الهواويش يا جعلى
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالأربعاء 23 مارس 2011, 4:05 pm


الحكاية ومافيها ياسادة وانا من كان يعشق فتت اسيادنا...ان كرامة الهواويش توقفت لفترة طويلة ثم عادت للظهور في ثمانينات القرن الماضي... ظهرت مرة ثانية باستحاء وانتهت بالمسجد الكبير.. لان البعض احتج للذبح عند المقابر...وفي جمعة سعيدة وعندما خرجنا من المسجد بالباب القبلي وجدنا صحون الفتة العصرية الخالية من الكسرة المرة في انتظارنا وهي التي لخبتت صلاتنا برائحتها المحببه.
بالمناسبة الهواويش لاعلاقة لهم بالمقابر.. الشيخ المدفون هو الفكي ابراهيم ابو دقن جد بكري عزالدين صاحب الخلوة المعروفة. وحتي اليوم هو المدفن لعائلة الشيخ



وقولوا يالطيف
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالخميس 24 مارس 2011, 6:10 am

[
color=darkblue] الاخ عبدالرحيم والمتداخلين
اتذكر كرامة ساتي شريف جيدا وقصة قرشي اضحكني وعشت بكل جواي ذلك الزمن الجميل بعيدا عن ناحية التاصيل الديني في الحل والحرم ولكنها كانت مناسبات اجتماعيه جميله ومواصلة لسرد الجميل في تلك المناسبات وانحنا صغار جابوا الطشت وزي ماقال الباقر فوق عيش البيت وتحت (الكندي) واللحم ماشاء الله الناس بداو الاكل انا لمن شفت الناس كتيره وبتتجاري دخلت بي تحت الكرعين وباقي الشغع كل منهم يحاول ان ينال قسطه فمن الطرائف حسين عمر (كتكومس) وهو صغير جدا حاول يطلع فوق الناس وفعلا طلع في ضهر اثنين والجماعه (دنقروا) لي تحت وحسين جاء (بب) واقع جو الطشت وهي طبعا مسخنه سخانه شديده الناس بالشغله ما اشتغلوا بي حسين بقوا يلزوهو يمين ويسار عشان يلقطوا اللحم وهو يتلوي جو الطشت في النهاية واحد شالوا وهدوموا كلو كسرة طلعوا بره وبدا ياكل
اما الناحيه الاجتماعيه والناحيه الشرعيه فيه فهو مقال طويل وسلس
والله من وراء القصد
ابوعزام[/color]
الرجوع الى أعلى الصفحة اذهب الى الأسفل
Abd Alftah Al Gamel
 
 
Abd Alftah Al Gamel


عدد المساهمات : 133
تاريخ التسجيل : 24/11/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالخميس 24 مارس 2011, 11:12 pm

التحية اخونا الجعلى وانت تبحث عن البركة وهى مربوطة بالزمن الجميل واصحاب ذلك الزمن ومعنى
البركة هي الزيادة والنماء ، والبركة في المال زيادته وكثرته ، وفي الدار فساحتها وسكينتها وهدوؤها ، وفي الطعام وفرته وحسنه ، وفي العيال كثرتهم وحسن أخلاقهم ، وفي الأسرة انسجامها وتفاهمها ، وفي الوقت اتساع وقضاء الحوائج فيه ، وفي الصحة تمامها وكمالها ، وفي العمر طوله وحسن العمل فيه ، وفي العلم الإحاطة والمعرفة .. فإذاً البركة هي جوامع الخير ، وكثرة النعم ، فلا غرابة بعد ذلك أن نجدنا نطلب البركة ونسعي إليها ... ولكن كيف . فلابد من الاخلاص والنية فلو بحثت عن كل تلك الاشياء لوجتها كانت متوفرة فى تلك الايام ذيادة المال وفسح الدار ووفرة الطعام وكثرة العيال واتساع الوقت والصحة
و...... ومن اكثر الاشياء الموجبة للبركة فهى الاكل الجماعى واذكر انو فى كتمار كانت الحبوبة عاشة
عبدالودؤد والحاجة غنية الله يرحمهم كانو كل فترة يجمعوا الذرة والبليلة ويركبوها فى المسجد ويجو الصغار ياكلو ويوزعوها فى البيوت.. وفى حلة فوق كذلك حبوبتنا فاطمة سيد الله يرحمها كانت تقوم بذلك
واذكر الصيحات والناس تركب البليلة وتوزعها وهى تقول كرامه كرامه كرامه ترفع البلاء وتنزل الرحمه
فهو دعاء وابتهال الى الله يتوفر فيه الايمان الكامل وهو قولُ باللسان وتصديق بالقلب وعمل بالجوارح بل هو الاحسان فدرجة الاحسان هى ما ذاد عن العباده المفروضة .... والقصص كثيرة ولكن تخرج
بعضها الى درجة الخرافات وكما ذكر اخونا صابر دولة بنات فكى ادريس جدنا كان مزوج جنية وانجب
منها بنات وهم بيحضرو فى كل مناسبات ال جميل الاعراس والبكيات وفى كل المناسبات دى بيختو
ليهم صفرهم كاملة فى الليل على جنب وبيجو الصباح يلقوها فاضية واول مرة اسمع انو ناس صابر كانوا هم البياكلوها واذكر انو لو نسوا وما ختو ليهم حقهم كانوا بيجوا يكسروا العدة ويقلبوا البيت ما
عارف ناس صابر هم نفسهم الكانوا بيكسرو العدة ولا الحاصل شنو؟؟؟ وكذلك من الاشياء الجميلة كان شيخ عيسى يخرج مع الحيران ويدور فى الحلة ويطلب الكرامة وياخذ من كل زريبة سخلة ويضبحها
وياخد الراس ويختوا فى سيخة طويلة على اكتاف الحيران تلقى السيخة مليانة رؤوس ويخلوا باقى البهيمة ويمشوا لى ناس البيت ويمشوا يركبوا الرؤوس فى قدر كبيرة ويعملوا بيها الفتت والناس كان
تقبل ذلك بطيب خاطر حتى صاحب الزريبة لو مافى ما بيشاورو.. النفوس كانت طيبة وكبيرة وواسعة
... وان كان من الصعب الرجوع الى مثل هذه الاشياء ولكن ليس من الصعب ان نتبنى فكرة انو فى الشهر مرة كل واحد يجيب عشاهو فى الجامع بعد صلاة العشاء كل واحد يخرج سفرتيين واحده
للرجال واحده للنساء وتجى الاسرة كلها النساوين والبنات الصغار بى جهة والرجال والاولاد الصغار
فى الجهه الاخرى وليس هناك شك فى حدوث البركة فى هذا الجمع وصفاء النفوس ورفع البلاء
والامراض وذيادة الرزق انشاء الله
الرجوع الى أعلى الصفحة اذهب الى الأسفل
الجعلي
 
 
الجعلي


عدد المساهمات : 299
تاريخ التسجيل : 28/02/2010

 كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] Empty
مُساهمةموضوع: رد: كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]    كرامه الشيخ ساتى شريف  وكرامه الشيخ فكى ادريس  والذبائح التى تذبح قرب جنانين الهواويش [/color] I_icon_minitimeالإثنين 28 مارس 2011, 4:54 am

الاخوه الافاضل
الباقرعكاشه /ذنوالنورين /الاستاذ ماهر/ حكيمنا عبدالفتاح
الدكتوره نضار
نشكركم جزيل الشكر على المرور ةالتعليق الرائع مع امنياتنا للجميع بالتوفيق والسداد
الرجوع الى أعلى الصفحة اذهب الى الأسفل
 
كرامه الشيخ ساتى شريف وكرامه الشيخ فكى ادريس والذبائح التى تذبح قرب جنانين الهواويش [/color]
الرجوع الى أعلى الصفحة 
صفحة 1 من اصل 1
 مواضيع مماثلة
-
»  بضاعتكم ردت إليكم يا شريف
» [color=red]مسائل هامة[/color]
» قرشي شيخ ادريس ...كاتب بالراكوبة
» شريف عبد المتعال
» حديث شريف يصف حالنا

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: