أدخل على استحيـــــاء

عدد المساهمات : 22 تاريخ التسجيل : 15/10/2010

اولا سلامي واشواقى وتحياتى الملونة المعطرة لكل الاعضاء الاهل الاعزاء بهذا الصرح الانيق

ثانيا اشكر الاخ هيثم لانه دلانى - من غير قصد- الى هذا المأوى الجميل ... فالرغم من متابعتى الدقيقة لكل المنتديات النوبية ومشاركتى في بعضها الا انى لم اتشرف بالانضمام لهذا المنبر الا بعد رسالة من الاخ هيثم كما اسفلت........ ربما يرجع السبب لاندماجى القوى مع ابناء عمومتنا السكوت واهتمامى بشئونهم ولكن ذلك لن يحرمنى من حضن الحنينة المراغة بلد المنشأ والاهل االحنان ...... وبمشيئة الله سابذل كل ما في وسعي لاعوض غيابي القهرى عن منتداها واحاول ان انقل بعض المشاركات - التى اأحسبها احدثت بعض الضجة - من المنتديات الاخرى وارجو ان اوفق في اثارة مداخلاتكم وارائكم القيمة وان يصيبني رزازمن سحائبكم او طلكم خاصة مع وجود الاعضاء المميزين ولهم منى الف سلاااااااااااااااااااااام وتقدير

عدد المساهمات : 1940 تاريخ التسجيل : 20/06/2010

مرحبا بالاخت هبه عبدالقادر عثمان
واشرقت انوار المنتدي ومزيد من الاعضاء والمضي قدما للامام

إبنتنا هبه عبدالقادر عثمان
تحية طيبة لك ولزوجك الاستاذ/ احمد
يا هلا والف مرحب بيك في دراك ومشاركاتك الفاعلة باذن الله اولا دايرين نشوف صورة الامورة ربى في منتدي اطفال مراغة وثانيا عايزين ايضا نشوف الابنة هيام ومشاركاتها.
الف مراحب مرة اخرى.

الاخت هبة ..... الف مرحب بيك فى حوشكم العامر .... والجابك يجيب ناس هدية وكل الاخوات المراغاويات
الصغار والكبار

عدد المساهمات : 22 تاريخ التسجيل : 15/10/2010

أ يا بشــــــــــــــــراي ها هي سحائبكم الطيبة قد بدأت تمطرني
أحني قامتى لكل من ( طقطق ) على الكيبورد مرحبا بي وادعو الله ان اكون اضافة موجبة في المنتدى
اشكرك جزيلا عبد الرحمن نصرالدين اذ كنت اول فتح لي الباب مرحبا رغم انى لغايت هسي ما قادرة اعرفك كويس يا ريت مزيد من المعلومات
العم والخال وعشيرتنا وقبيلتنا بالمملكة بكرى حياك الله واشكرك شكرا جميلا على ترحيبك بي
اما بخصوص ( ربى ) فالبت طالعة شديييييييدة شالت جمال المحس وحلاوة الدناقلة وبقت توليفة ممتازة وقولو عينى باردة حارسل لها صورها قريبا ان شاء الله
الباشمهندس والاخ العزيز مجدي لك التحايا والتشكرات وتحياتى للاسرة

الاخت : هبة عبد القادر عثمان أسرة منتديات مراغة ترحب بك وتتنمى لك إقامة سعيده بين اخوانك واخوتك
مع تحيات اسرة منتديات مراغة .

يااااااااا هلا ومرحب بيك اختنا الغاليةهبه نورتي وشرفتي المنتدي والله ومنتظرين مشاركاتك وكتاباتك لانو قالو كتابة جد عشان كدا شمري وابدي وورينا وربنا يسهل
وتحياتنا للاسرة الكريمة

هلا بيك هبة ومراحب

وشرفتي ونورتي المنتدى

عدد المساهمات : 22 تاريخ التسجيل : 15/10/2010

شكرا شكرا شكرا شكرنااااااااااااات كتيرة جدا على الترحيب
منتداكم منور بيكم يا مشيرة القائدة
اشكرك شهاب سعيد وارجو ان تطول اقامتى وتطيب بينكم

دكتورنا الرافع راسنا د. بكرى شكرنات كتيرة ليك وارجو منك ان تهدى تحايا ملونة زى حلقات الاولمبياد للاخت العزيزة فاطمة متداخلة مع اشواق غزيرة وللكتاكيت الحلوين......... منو قال عنى كتّابة !!!!!!!!!!!!! كل الحكاية انو يدي خفيفة شوية ولا يهدأ بالى الا مع الشخبطة سواء صابت او خابت ... اذا دخلت بستان مزهر _ كبستانكم هذا- لا أهدأ الا بعد ان اأتنسم عبيره واحيانا اخذ بعض الازهار خلسة ... وإذا رأيت بركة هادئة لابد ان أرمى فيها حجرا يحركها ... ان شاء الله معكم قلبا وقالبا

عدد المساهمات : 1940 تاريخ التسجيل : 20/06/2010

سامحك الله يابنت سمبا عرفت كل الناس الا عبدالرحمن ؟؟؟؟
وصراحة لو تلاحظين بعد مداخلة الاخ بكري غيرت ردي وكان كالآتي
عفوا ان اصابك شئ من سحائبنا وطلحنا نود ان نسألك من انت ؟؟؟ وبعد مداخلة الاخ بكري سارعت الخطي للتعديل قائلا
دي مابنتنا؟؟ حتي الاخوه المعلقين لم ينتبه أحد يبدو اننا جميعا علي عجلة من امرنا علي اية حال أسألي الاخ الغالي هيثم
او الوالد عبدالقادر أمد الله في ايامه او الوالده سمبا (فاطمه) ربنا يديها الصحه والعافيه
وطبت وطابت ايامك

مرحبا بالعزيزة أم ربا
وبالتوفيق ان شاء الله

الأخ العزيز عبدو .. بس منتظرين تلفون منها عشان تعرف حاجة من الوالدة ، وبالمناسبة دي تاني طبظة منها والأولى أسال منها العزيز عبد الله حمد يحكيها ليك بالتفصيل.

والله الموفق

عدد المساهمات : 22 تاريخ التسجيل : 15/10/2010

سلام اخى عبد الرحمن ... والله لك العتبى حتى تسامحنا لانى لغايت الان ما قادرة اتذكر اسم عبد الرحمن نصر الدين .. في

بالى احتمالين انو عندك اسم (حركى ) آخر ربما كنا نناديك به سابقا والاحتمال التانى انك تكون من فئة ( العيال كبرت ) بحيث ا

نى عاصرت طفولتك وحاليا انت راجل ماشاء الله يعنى لاااااازم تذكر خالتك .... بس لو انت خال العزيزة خالدة عبد الله اكون

عرررررررررررفتك تب

اخونا وتاج راسنا ابو محمد ... نورت وشرفت وولعت سطورنا وها انت ذا تضيف لها بعض التوابل الهندية

اشكر مرورك وتحياتى للجميييييييييييييييييييييع وللعرسان على وجه الخصوص

عدد المساهمات : 1940 تاريخ التسجيل : 20/06/2010

الأعزاء شهلنجي أم ربي والحبيب هيثم
أولا الاخت هبه لك التحيه لا اسم حركي لاشئ عبدالرحمن علي اسم جدنا عبدالرحمن علي عبدالدائم وفعلا عررررفتيني تب
خال خالده عبدالله وأخ النسيم وعواطف وصبيحه وفاطمه ومن الاخوان معتصم وذوالنورين ومدثر ومالك والسماني وفعلا كما
قال دكتور بكري المنتدي وطن واقول المنتدي كيان جامع لابناء الاسره الواحده ولك التحيه مره اخري بحضورك القوي
ومواضيعك الجاده واسلوبك السلس الراقي فقط نتمني الا تكون جيه وزوغه زي كثيرين ؟؟
أخي هيثم المطبات التي حدثت لاحصر لها واظرفها كانت من الظريف استاذ ماهر مع مشيره في تقولي شنو وتقولي منو
واستمتعنا بسجالات دامت طويلا ولازلت اذكر عندما دخل الاخ محمود في ظل هذه الزوبعه وقال والله ياماهر حتي انا ماعرفتك
فجن جنون اخونا ماهر وقال والله يامحمود صورتك حلوه بالنضاره لكن نضارتك دي تشوف البعيد قبل القريب انت راميك
جمل ولاشنو ؟؟ قول يالطيف . وهذه دعوه للاخ هيثم وهبه والجميع لترتفع وتيرة الاهتمام بشجرة العائله بأرسال بقية البيانات
لتشتد عودها وتثمر باذن الواحد الاحد .

عدد المساهمات : 1064 تاريخ التسجيل : 01/09/2010

منك انتي النغمة تذخر والمعاني الحلوة تظهر ..
من سمح قولك وكلامك ومن غناك الفرحة تكتر
هبه ازيك
مرحبتين حبابك فى المنتدى والشبكه ..كنا منتظرين طلتك ومعاك اخواتك لتثرى المنتديات بقلمك وافكارك السمحه وتعضدى حواء المنتدى
كنت قد كلمت الاخ العزيز هيثم ان يدعوك انت واخواتك ويجذبكم لملتقى ابناء مراغه العامر
والحمد لله طليتى وشرفتينا وعطر كلماتك عطر المنتدى
دمتى بخير

عم عبدة دة العضو رقم 3 يشرتنك ويتعرف عليك بعد جرجرة شديدة وتجى تقول لى زيرو ود. بكرى يطنطن ..... هههههههههههه (عشان كدة انت اكتر زول ساعى فى موضوع الشجرة وحقو تدى عصمت جائزة) ....

شايف د.نضار اتبسطت شديد من مشاركات هبة الله (تعضيد حواء المنتدى ...... هههه) .... اعمل حسابك ياحوتة من منظمات حقوق المراة .... الاثنين ديل لو جوك هناك حينشفو ريقك فى المحاكم وبقوانينكم .... وحيزكرونا بى مشاكسات ومرافعات النجمة اوبرا مع اصحاب المواشى وتجار اللحوم فى اماريللو .....

ودمتم

[الاخت الصغيرة هبه ... مسكاجلو...ار مني بو...كيف حالك...how are you... وبكل لغات الدنيا مرحب بيكي
ومايسعدني انه وبعد طول غياب من المنتدي الحبيب هانذا ابدء العودة بأن ارحب بهبه وذكريات كثيرة تزحم مخيلتي بالرغم طول المدة...
مرحبتين حبابك... بس قولي يالطيف]

الاخ عبدالرحمن تحياتي..والله ضحكت لغاية ما استحيت علي روحي وملاحظ اي عضو جديد من جيل التمانينات بيدخل في حرج معاك... انا شخصيا في صفحة التعريفات كتبت اخو قدورة الاصلي ونا مش راضي...ياأخي انت برضو شوف حل
غبت ايام بسيطة وشايف كتاحة شديدة ماليه الحلة...الحكاية شنو ياجماعة؟
ياجماعة قولوا يالطيف

عدد المساهمات : 1940 تاريخ التسجيل : 20/06/2010

الأخت هبه عفوا اعزريني لارد علي الاخوان مجدي وماهر في البوست الخاص بك
ذكرت بان يكون المنتدي هادينا ووالينا ونحتاج لاعادة صياغه بشأن التعريف اخ ماهر كما ذكر مجدي مطباتي كثيره لاحصر لها
ومطبك الوحيد كان عبر (تقولي شنو وتقولي منو) وبالله عليكم كيف سنتعارف عندما نجد اعضاء يدخلون باسم (تنقل 9) ولماذا
لم تعلق اخ ماهر علي هذا الاسم الغريب العجيب اشعر بمراره وغثيان واسئ وورم بالفشفاش عندما اجد هذه المهازل ننتقد بقلب
الحريص وعين المشفق وهي دعوه للانتماء والتسامي .

صديقي عبدالرحمن
عندما وجدت بعض الاسماء من النوع الذي يجرح الوضوء ... اثرت ان لافتش عنها
وعندما تاتيني هي احس بانتفاخ في الركب وتورم خلف الرببة مع احمرار في الاذنبن
عفوا هاله
بس قولي يالطيف

عدد المساهمات : 22 تاريخ التسجيل : 15/10/2010

أولا اعتذر عن الغيبة رغم انى وعدت بالاقامة الدااااااائمة لكن انتقلنا الى سكن جديد وفي زمة الرحيل فقدت ( الكونكتر ) والحمد لله عثرت عليه من شوية وطوالى جيتكم نووووووووووووووش

والله لقد زاد حيائي وفخرى في نفس الوقت وانا افاجأ بهذا القدر المقدر من المرحبين وباذن الله

سوف احط رحالى كلها هنا وتكون مراغة هي محطة النهاية بدل الحوامة بين المنتديات الاخرى
.
.. اخى عبد الرحمن اخيييييرا وقعت ليا بعد زيارتى لمنتدى الاطفال وعرفت انك زوج
ا
لاخت اشراقة وبعد ربطت الافكار التايهة عرفتك والله اااااااااسفة جدا يا عبدو وتحياتى ليكى

ولاخواتك واخوانك المنورين المنتدى وقول لخالدة (( وين عشرة الايام )) و اكثر ما اسعدنى هو ان
ا
جد هذا الوجه المشرق الجميل النضر ..دكتورتنا وحبيبتنا نضار اهلا بيكى والله ليكم وحشة قدر
ا
لكتلة وشكرا على كلماتك في حقى وان شاء الله (( نكيد)) العوازل ونعضد حضور المرأة
ا
لمراغية في المنتدى عشان نغيظ العنصر الرجالي الذي أراه اكتسحنا حتى الان في عدد الاعضاء

وعدد المواضيع يللا نشد الهمة يا بنات ونساء المنتدى (( الكلام ليك يا مجدى )) .......
ا
ستاذي ومعلمى الفاضل ماهر الماهر لكى تحياتى وسلامى ممزوجين بالشكر الوفيييييير ..

واصدقك القول ان مرحلة مراغة المتوسطة كانت من اجمل واندى المراحل الدراسية رغم انك

كنت (( دقّاق جدا )) .... سلامي للاخت سماح والكتاكيت الصغار واشكرك بكل لغات العالم

عدد المساهمات : 1064 تاريخ التسجيل : 01/09/2010

وخرجتى على استحياء وقلنا اتاخرتى لظروف الوضوع ربنا يحفظك بس طلى علينا ومعاك بقية العقد الفريد

عدد المساهمات : 610 تاريخ التسجيل : 08/12/2010

قلم بطعم الشهد يسطر بعض الحروف هنا
على منبر (مراغة) التى لا تستحق الا الشهد منا
ان تدخلى على استحياء يجعلنا ندخل ونحن اكثر استحياء
فنحن ما زلنا رغم هموم الزمن وتكدر الاجواء تـأثرنا الكلمة الصادقة الطيبة
هبة اقعدى عافية بنيتى ونسعد ان لك اقامة معنا هنا فى هذا المنبر

عدد المساهمات : 1940 تاريخ التسجيل : 20/06/2010

ادخل دون استحياء المبدع طارق
والجميع بانتظارك

في انتظار رجوعك للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

» .أدخل ( كل يوم ) وأدعو لوالديك..افلا يستحقان منك الدعاء