مابين تطرف قرشى وبرود ذنورين وعقلانية العم بكرى كلمات فى حق منتدى مراغة

بعد الانتقال من مرحلة .... مطارات الوداع ضجت قدامك .. وراك بيضا وسماك غنـّاى مساحات الأسى الفى عيونّا تتفجر مدينة وناى بطاقات دعوة الرجعة ... الى مرحلة العودة الطوعية تحت شعار النزير العمدة المتوهح القا ..... الكاش يقلل النقاش .... والبيان بالعمل

وبعد انقطاع دام من ظهر 29 سبتمبر 2010 وحتى لحظة كتابة هذة الحروف ..... ونتيجة للاستفزازات الايجابية من الاخوة ..... الخلت الجعلى يرجع بعد ان وضعة قرشى فى لحظة انتظار للهروب من المعركة بعد ان هرب توامة ..... وبعد ان ثبت هذا الاستفزاز الاخ ذنورين معلقا بان هنالك لعيبة جدد على كنبة الاحتياطى ... ...و بعد موضوع سيف شهلى بضرورة التفاعل مع المنتدى الاسلامى ..... وعشان تعرفو الاستفزازات مرات ايجابية شديد .... جابت لعيبة جدد ودة مكسب كبير لعضوية المنتدى وجابت النزير العمدة وبشعارو جمعو اكثر من 3000 ريال سعودى ..... وخلتنا نبدا بالمنتدى الاسلامى ...... والحصيلة كلاتى:

1.0 عمرة جماعية للاراضى المقدسة ..... واعضاء المنتدى بالسودان فى ضيافة بكبسة رز كاااااااااااااااااربة مقدمة من المك ودالشريف وحضور بهى لابو هتون وياسر ابراهيم طة والدكتورة .... وتعيش افكار الجعلى الخلت سمعة عبدالحميد امس بالليل يسمى "البنشر" .... تجدونه فى المنتدى الاسلامى .....

2.0 مابين دكتاتورية ودالشريف ومشاريع الجعلى الهامة ..... منتدى تطوير الموقع

3.0 نساء رائدات من مراغة .... لقاءات قطاع المراة الاسرية الشهرية بالخرطوم واحدة من اليات تنفيذ برامجنا الاجتماعية .... منتدى المراة والطفل ..... ودة الحيخلى نسمة وفاء "اقصد مشيرة" تمشى تحضر وتجينا بقفة مليانة ....

4.0 مقطع فيديو حزين بعنوان باى باى فرنسا لكاس العالم 2006 وزين الدين زيدان يزرف دموع الاسى ...وخلونا نشوف دموع ياسر المرهف ...... المنتدى الرياضى

5.0 مشروع السكن الفاخر ببرج مراغة بحى يثرب بالخرطوم .... منتدى المشاريع الهامة .... ودة نتيجة لاستفزاز العم الموقر الزرناهو ليلة امس وهو يشير الى عمارة امام منزلة بان صاحب هذة العمارة يعمل بامريكا زى ناس قرشى ومحمود وسموال .... ودعونا نحلم زى ما محمد باشنتود مرة كتب فى صحيفة صوت مراغة ايام رابطة الطلاب موضوع بعنوان .... مراغة عام 2020 وامن صحى اتخلع قبل عشرة سنة ..... لكن الان جزء كبير من الحلم حققو ليهو ابوهتون ...... وللذكرى والتاريخ حننقل مراغة عام 2020 كما صاغلة الاخ الموقر محمد فى مقبل الايام .....

6.0 وبتـــــــــــور واحد لازم نحقق الحلم .... ولو كان الامر بيدى لوضعت مجموعة الـــ 18 فى لوحة شرف منتدى مراغة ... منتدى شئون مراغة .....

7.0 شكر وعرفان للرائع ابوهتون .... وكيف ان مشروع تخرج النابغة تحول الى برنامج عمل ضخم لمراغة ..... وخلانا نعرف انو ماهر عبدين ضرب كم سمكه مشويه براهو فى قاهرة المعز فى حين ان قدروة الاصلى هناك ظل يلملم ماتبقى من ذرات الرماد التى حرقت قلوبنا جميعا .....

كل هذة الحروف التى نعاهدكم بانها سوف تترجم لبيان بالعمل فى الفترة الجاية والموضوع رقم 8 ان شاء الله لحظة فرح نادرة بمراغة بعد ليلة الموتمر الجامع والانطلاقة لهيئة تطوير وتنمية مراغة ثالث ايام عيد الاضحى المبارك باذن الله ...... بعد ماسمعة عبدالحميد حكى لينا كيف ان اهالى لبب شرق ولبب غرب البيفصلم نهر النيل فقط والى فيهم ناس من سنة 1975 لم يحتضنو بعض بسبب حاجات هايفة ..... احضان خلت قميص سمعة يتبلل دموعا .... والمفاجاة الصدمتو انو نجم كل ذلك الكيان ومهندسه كان الاستاذ كمال صالح الامين متعة الله بالصحة والعافية ..... ودة الخلانا 14 يوم نعمل بصمت مع لعيبة جدد انصاص الليالى فى سبيل الوحدة الجاذبة ..... ويا انت لو عندك لعيبة جدد برضو الجعلى عندو والمستفيد الاول من سجلات الفريق بمراغة ..... وباقى دموعك الفضلت دى ياسمعة شاكر ابراهيم طة حينظف بيها شاشة كاميراتو لانو بكون اقرب زول ليك الفترة القادمة .....

محمد جعفر ..... بعد ايام من كتاباتك السابقة فى المنتدى القديم ..... لاقانى واحد من الاعمام الكبار وهو بيقرا مقالات المنتدى دى فى صمت شديد .... قال لى فى لستة مهامك السرية .... لازم تدردق لى محمد جعفر دة لبنتى الصغيرة ..... بعد ماقربت تتخرج وحتشتغل فى موسسة تعليمة كبيرة ماعندك مفر من تنفيذ رغبة العم الموقر .... ودى اعتبرا تعليمات متطرفة زى تطرف قرشى معانا ..... والخيار عندك ..... لكن الخيار الماعندك حضورك يوم الخميس القادم ممثلا للطلاب ومواصلتك فى المسيرة رغم انتقاد اخوانك فى تنوير الكيان ..... ونحن مامستعدين نخسرك يوم واحد تانى .....

لك التحية الاخ محمد ادريس النور القفلتنا فى بترينة 14 يوم وخلانا كل يومين نكتب موضوع وبقت المحصلة 7 مواضيع حيقراها قرشى على مدى21 يوم بمعدل موضوع لكل ثلاث يوم .... ودة كلو ياقرشى عشان تتعلم الصبر وترسل لدكتور كباشى شوية .... 21 يوم ريقك حينشف ياعبدالرحمن نصر وحتظل تنظف خيوط العنكبوت يومى .... وبعدا تلقو صيوانات الموتمر الجامع مدقوقة فى جنينة جوزيف واول الحضور محمد ادريس بعد ان نفض غبار سفريات توحيد مكة الذى ظل يعمل بة الجعلى وهانى مضيفين فى خدمة ركاب ضيوف الكيان القادمين من الخرطوم طيلة الرحلة ويوزع قفشاتة مابين الصغار عزام وممثلات قطاع المراة من الخرطوم وركاب العظمة العظام امثال الباقر عكاشة واستاذ مرغنى حسن .....

تحية اخرى نبعثها للاخ قرشى رغم انك مصر تزعلنى .... وبالامس قت لى كل الناس حتعلق شاكرة لو كتبت ... وعملت لى تانى غصة صغيرة ياعسق عشمانة .... ببساطة لو حتشكرونا تانى ماتقرى ولا حرف وحنشتغل بعيدا عن المنتدى للمشاريع اعلاه .... ولو ماخليت تطرفك دة حتفقد الناس .... ياخ هى دايرة تسمى نفسا عسولة وحتشتغل لمراغة انت حارقك وين ماتصبر ليها .... هسة البنية مرقت ولحد هسة ماف زول عبرا ......

ذنورين .... برودك الشديد دة وعدم ردك والعمل بحكاية الجمل ماشى والكلب ينبح ...... هو السبب الحقيقى لابتعاد الجعلى منك اليومين الفاتو ديل ..... ياخ الجعلى متاكد انو الكيان حينجح بنسبة 100% لكن بيحب الناس تهيج وتكورك فيهو ..... وكدة هو بيكون مرتاح وبيستمتع ..... ياخ ريحو ورد على ..... لو اصريت تواصل بنظرية الجمل ماشى والكلب ينبح ..... حاستاذنك بسرقة كلمة مرورك وحاتبنى الرد لانى بجد خايف عليك من عضة الكلب .... ومصل السعر جماعتك ودرو من الصيدليات وبقى زى الدولار فى السوق الاسود .....ودة من باب فقة الضرورة .... لانو فى كلاب كثيرة دربت فى خلا امدرمان ومنتظرة نقطة الصفر عشان تقرمش اى انفصالى داير يتظاهر حولين الكمبونى ...شفت الناس التحت الواطة دى بيفكرو كيف ؟؟؟؟؟ وجاهزين لاى سيناريو محتمل .... فقط الانتظار ........... وعشان كدة من الخميس القادم التوجيهات بتبقى تعليمات من رتبة لواء وماعلينا الا التنفيذ .... ومجهودك البزلتو شهور وسهرت وراهو حيترجم لبرنامج عمل ..... بس انتظر الحلومر مع ناس قرشى .....

العم بكرى جعفر ..... تاكد انو لو لا استراحتك التى منحتنى لها فى الفترة الفاتت ما تخليناو ابتعد من المنتدى من غير زعلك واللى لو كان عرفها قرشى ماكان ضيع رصيدو وحرق رزو فيها انصاص الليالى .... تاكد عمى العزيز ان التوجيهات عندما تاتى من كبارنا تنفذ كتعليمات الجيش ..... والماعندو كبير يشترى كبير ....

تحياتى ....
مجدى حسن

عدد المساهمات : 298 تاريخ التسجيل : 06/01/2010

حمدا لله علي سلامتك الاخ مجدي ونحن سعداء بعودتك قلمك الذي يعطر ارجاء شبكة مراغة هنا وهناك، افتقدناك كثيرا الفترة الماضية وحاولت اتصل بك كثيرا ولكن لم اوفق، والشكر للاخ قرشي الذي اعاد المياه الى مجاريها هناك ، وألزمني هنا بان افك حظر موضوعه " ثم ماذا بعد " ونرجو من الجميع البحث في " ثم ماذا بعد " وليس " ثم ماذا قبل " .

عدد المساهمات : 1940 تاريخ التسجيل : 20/06/2010

سعادتنا كبيره بالعوده (عشان خاطرنا ترجع ) في بوست وين الناس ساقني فضولي وحكيت رأسي وقلت يااخوانا الود حكايتو
شنو؟؟ وسألت الاخ قرشي وأتي الرد مباشرة بان كل الدلائل تشير بان الوضع تحت السيطره وقبله ابنتنا مشيره بحضورها المتميز
ورايها السديد طلبت استراحة المحارب وصفاء الذهن لابد وايضا شهاب وكنا علي علم بان فيروس الخلاف الخبيث في طريقه
الي الزوال يا اخوانا ضروري نزرع بين المواضيع والتعليقات (انتي فايروس) للوقايه من الاصابه بالفايروس وتجنب الجوء
المسموم التحيه للجميع الذين يعملون في صمت ويملكون القدره علي ادارة الازمات بطريقه تحكي روعة الابداع والتفاني
لوطن الجدود نفديك بالارواح نجود يلا ابننا مجدي بعد هذه الاستراحه رغم انف الجميع انفض عنك بقية زرات الغبار العالق
وتعال ساعد عمك في تذليل العقبه التي تسد طريق انشاء الشجره مش انت القلت الشجره منار ولن تنهار ومن كثرة الرجاءات
بارسال البيانات من الاعضاء في المواضيع التي لاتتعلق . سمعت اسم جديد عبدالرحمن شجره من الاحباء النذير العمده والسموأل
محمد يسن ومن هنا استغل بوست الحبيب العائد مجدي واطلب من بقية العوائل الاسراع لاخذ مكانها بالشجره التي ستظل ثابته
وفرعها في السماء باذن الواحد الاحد

الاخ مجدي عودا حميدا
يبدو انك عدت بقوة وبمعنويات اكبر من زمان
واتمني ان تترجم انفعالك واهتمامك بامر مراغة
الي عمل جاد ومثمر
موضوع جميل وبي لغة سهلة وحلوة
طبعا انا مابرد الا بعد الجعلي يكتب

الحمد لله وبس

عدد المساهمات : 127 تاريخ التسجيل : 13/09/2010

الصدبق مجدي حمد الله علي السلامه وبعدين اظهر لي في الفيس ضروري

عدد المساهمات : 180 تاريخ التسجيل : 08/01/2010

الاخ العزيز مجدي
حمدالله الف الف الف علي السلامه
والله حقيقه غيابك ترك تأثير واااااااضح في المنتدي
وياريت تواصل المشوار والاخ قرشي مشكووور علي
الاستفزاز الايجابي
بس في حاجتين عاوز اسألك منهم
1- دي شنو غنية ابوالسيد دي؟؟؟!!!!
حأكلم ابودقن(محمد مهدي)ذي ماقلت حتكلم لي خباب
2-دي شنو (الوحده الجاذبه)و(السيناريوهات المحتمله)
انا قلت انا بقرا لاسحاق فضل الله ولاشنو؟؟!!!
وتاااني حمد الله علي السلامه

الأخ مجدي حمدالله على السلامه
عندما دخلت المنتدى اليوم وفتحت (مواضيع منذ اخر زيارة) وجدتها كثيره جدا
فقلت في نفسي اكيد مجدي رجع
حمدالله على السلامه للمره الثانيه وانت تعود لتثري المنتدى بمواضيعك وآراءك
وتعطره بوجودك

عدد المساهمات : 283 تاريخ التسجيل : 11/01/2010

شنو يازول ماقلتا مسافر وخالينا مسافر براك لي عالم تاني مالك جاي تاني راجع يعني اسبوعين او اكثر من الغياب
لكن ماقصرتا برضو شغال وانتا زعلان مابتقصر المشكله بقت حسي مافيك في باقي الناس ديل شايف الموقع اتحرك
من امبارح تحرك اكتر من الاول لو كان الحراك في موضوعك بس ممكن نقول انو الناس فرحانين بي جيتك بس الحراك في كل المواضيع دي حاجات لازم نلتفت ليها الحاصل شنو غاب فرد من المنتدي فغاب الجميع ورجع الرجل فعاد الناس
دا شنو يعني يعني مجدي اغلا ليكم من مراغه ياخي في ناس ماعرفو مجدي الا في المنتدا دا مافهمتا الحاصل شنو انا
يعني لو قرشي زعل بعد يومين الناس برضو حيبعدو طبعا حيكون جميل حيريحنا من التبرعات عزبنا هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله اذا موقع مراغه مابمشي قدام الا بالانتقاد والمشاكل ماعندكم مشكله تب بنخلي يجري جري مابنخلي مالك زاتو
مالك الغايب مننا ورجع مع رجعت مجدي يعني شنو عشان من حلتكم ههههههههههههههههههههههههههههههههههههههههههه
معليش ياجماعه علي كلامي دا وفي الاخر اهو كلام

عدد المساهمات : 359 تاريخ التسجيل : 01/05/2010

في ايميل خاص قمت بارساله للاخوة بكري وقرشي قلت ليهم ماتهمو مجدي حيرجع يعني حيرجع وقلت ليهم ده (استراحة محارب) اما تحميل
العنوان بهذا الاسم (مابين تطرف قرشي وبرود ذوالنورين وعقلانية العم بكري كلمات في حق المنتدي) تذكرت مقوله لمعاوية بن
ابي سفيان قال لاحد امراءه (تكون انت للشدة والغلظة واكون انا للرأفة والرحمة ) وذلك من اجل ان يسوس الناس عبر الدوله
الممتده من اقصاه الي اقصاه وان الناس لايشعرون بالضيق من السياسة العامة للدوله .
اما عدم الرد للجعلي فان الصمت احيانا في معرض الحاجة الي البيان فهو كلاما وقال العرب (ان في الصمت كلاما)اولا لم اتعرف بالجعلي حقيقة الا قبل شهر ونيف تقريبا عندما حضر معك ولكل انسان فهم اداري معين
ولكن الجعلي مشروع قيادي مطلوب في اي قطاع يحقق التنمية والتطوير وماشاء الله يملك اسلوب في الحوار قل ان يوجد
وله قبول وكارزما قياديه يحترمها الجميع وطريقة في الاستقطاب والاستهداف وتزليل العوائق اول مره نعمل سويا في موضوع
التكريم ولو لا الجعلي لكان التكريم في خبر كان
اما طريقة ادارته للحوار والنقاش اعزي ذلك لانه اولا جعلي وثانيا ماتحدث بهذه الطريقة الا لمصحلة مراغة والمشروع القائم
ولكن نهمس في اذنه قليلا (بان العمل العام يحتاج لصبر طويل وحنكه في التعامل والديمقراطيه في الراي وقوة الاعتقاد في
الراي والهدف ) ولكن هذا لاينقص من قدره وليس الانسان مكتملا وكاملا فهو لله سبحانه وتعالي وينقصنا جميعا الكثير من
الصفات .
وبصراحة فان الجعلي اهم من شخصي الضعيف في الكيان لما يملك من صفات متنوعه يعني يالجعلي انا بنسحب براحه وبمشي تحت الواطه ؟؟؟؟؟ زي بقول دائما الباشمهندس مجدي
وبدل ما نعضض بعض اخير نعضي علي المشروع والهيئة والتوحد والالفة الاجتماعيه التي الفت بين قلوبنا بعد سنين من
الابتعاد والفرقة والشتات
اما بلاعبين جدد فليس اقصاء كما قال العمده الصغير ولكن لان مراغة غنيه بقياداتها ومفكرنها وربانها وشبابها وكما
قلت للاخ باقر عكاشة انو والله انحنا الان اقصد اللجنة لو مشينا حيجوا ناس اكفأ مننا واقدر من مجهوداتنا فمراغة غنيه
بانسانها ولكن لم اقصد شخص لان المسيرة والعطاء ابدا وبالتاريخ لم يتوقف علي احد ولان الخير طريقه معبد عند الله سبحانه
وتعالي لبلوغ المرام والمقصد والمنتهي ولمراغة رب يحميه ارفع راسك انت مراغاوي
ولكن ياباشمهندس لو كتاباتك وروحك بالطريقة دي يااخي عليك الله غيب ليك يومين واكتب تاني لكن ماتزيد من يومين اما الكلمات
في حقك اقول (الم تعلم بان السيف ينقص قدرة : اذا قيل ان السيف امضي من العصا)
وثانيا اظن الكلمات في حقك لايحق لان المعرف لايعرف وابلغ ما شدني في التعليقات تعليق الدكتور بكري حيث كتب
(الحمد لله وبس) والان الحمد لله وبس
نامل ان يتكاتف الجميع لمصلحة مراغة وبنفس الروح والهمة والعزيمة وتاكدوا بانه لن يؤجر احد ماديا اودنيويا بل هو دين
وضريبة مستحقه وخصما علي اشياء خاصه للانسان كثيرة وهو شرف كبير لاي انسان ان يقدم لمنطقته ومحبوبته
والله من وراء القصد
ابوعزام

عدد المساهمات : 466 تاريخ التسجيل : 24/01/2010

كلمات رائعه يا هندسه
دخلت بين السطور اقرا واستمتع وما ان امسك بطرف موضوع
متلهفا الي آخره حتي تقطع علينا متعه المواصله بموضوع آخر
مقدره عجيبه في تسلسل الاحداث وامكانيه مذهله في ترتيب
الافكار واختيار رهيب للكلمات وخليط لما حدث في المنتدي
وتطلع لما سيحدث في مقبل الايام
شكرا يا باشمهندس بي صراحه بقينا نتمني تحصل أي لمه
لابناء البلد وتكون انت حاضرا ونكون نحن حضورا عبر كلماتك
برغم المسافات ،،،،،ومطارات الوداع،،،،
تحياتي البتشبهك

الأخ العزيز جدا مجدى تحياتى وتقديرى الخاص...حقيقه كلامك ده مافى ليهو شبه الا عودتك وطلتك البهيه.
حقيقه المنتدى افتقدك....ويوم الخميس ماحنحتاج نضرب تلفون...حننتظر منك الخبر اليفين.
ونتمنى الاجتماع يقرر وبالاجماع انو الهيئه العليا دى محلها دنقلا وناس الخرطوم ماهم الا مسهلين وداعمين.
يعنى مغتربين داخليا.
دا طبعا ماكلامى أنا وبس دا كلام أخونا هيثم واللى حقيقه جاب التايهه...ووضع الحصان أمام العربه.

العزيز مالك: مشكور على التعليق لكن ياتو مياه الرجعا قرشى ... ههههههههههه .... السطر التانى مكتوب فيهو عودة طوعية ... ونسيت برضو الاجازة الادانا ليها عم بكرى ؟؟؟؟

الموقر الدكتور الفاتح : الله يسلمك من كل بلا .... وشنطتك الفى الصورة دى ماشى بيها وين ؟؟؟ ماجاى الخرطوم قريب ؟؟؟؟

الحبيب حوتة : كلامك صح غياب زول واحد ماصح يسبب غياب الاخرين او التفاعل ودة والله عيب كبير فينا .... وقرشى دة يستحيل يبعد مش لو استفزيتو لوخشيت معاهو تحدى فى انو يقع من ناطحة سحاب ولا المنتدى حتلقى المنتدى كلو بيسال له الشفا من الكسر الفى ركبتو ......... الاهم من دة كلو والفايدة الجات بعد المشاكسات انو لغة الحوار تحسا بيها بقت تتطور للموضوعية حبة من الجميع والدليل قولك بمالك ود حلتكم بدل ابو الدااااااا............. ... الدايم الله ...

عبدة شجرة: والله استمتعت امس بشجرة عصمت ربنا يديهو الصحة والعافية .... لكن تاكد لنا انو مراغة كلها محشورة فيها .... وحكايت الفايروس دى الا تفتى لينا فيها الدكتورة نون ........

المشاكس هانى: ماتنسى تجيب معاك ملوحة كتيرة من دكان الخال صابر سرور او مجيد عيسى .... ملوحة استاذة ريم دى دايرين نغير منها حبة ....

دكتور بكرى : الحمد لله على كل حال والشكر لكل الاخوان والاخوات

النزير العمدة : حاضر بس فى لاشركة الفيس محظور .... وبرجع البيت متاخر .... الا السبت او الجمعة ... مهمتك بعد الريالات تساعدنا بدخول ناس حمادة ارباب وفاطمة محمد ابراهيم وشلة الفيس لمنتدى مراغة ياعمدة ....

مجاهد : مرة عمك همزة اخو عباس تكريم لقا محمد مشغل الاستاذ / مصطفى سيد احمد والشريط كلو المراكب والبحر والنيل .... قالى يامحمد فنانك دة كان مراكبى ولا صياد قبل يغنى .... فى فترة من الفترات كنت امتلك مكتبة كاملة لودسلفاب .... بعد كلمة اسحق اليوم فى مقالو دة ما اظن اخسر الف جنية تانى فى الانتباهه

ياسر: والله بعد استمتاعنا بالحمريطى وفطقة وحزننا الشديد على اخر الاحزان ماا ظن فى زول يقدر يجاسف ويجدعك حتى مش يلحقك ....الظاهر عليك دار تبقى بنشر زى صاحبك لاسى ....

ذنورين: نعم الصمت يعبر عن 5000 كلمة ... مثل جعلى .... وقبل شوية قال لى ذنو دة على عثمان بس قت لى طيب ماترسلو لى سلفا ....

ودالشريف: فى زول زعلك برضو ولا شنو؟؟؟ .... وغيابك طال .... انت اصو بتسافر وين ؟؟؟ لو ماحكيت لينا براك بنخلى ياسر يفتك لينا ....

الاخوة الكرام : كنت متمنى زول يسال من شقق يثرب ولا دايرين تبورو بضاعتنا يامغتربين ؟؟؟ ............

قرشى ودالزينين: لو قللت من تطرفك حبة كل مرة حنحلى بيك ....صاحبك د.كباشى مبسوط شديد وبلاهى شوف لينا محمد ادريس ده وين ياخ ..........

تحياتى واشواقى ....

يا الله يا مجدي حمدلله على السلامة ولا اقوليك شي تعال وعلي الكبسة و الرز بجميع انوعها مع جميع لحومها من / المندي و المفلطح و البرياني و البخاري وشوايتي ودا يا مجدي لحوم وجميع انواع الدجاج على الفحم ومشوي وكتكوت وشواية وحجازي
ياخي و الله ليك وحشة شدددددددددددددددددددددييييييييييييييييييييييييييييددددددددددد قدر روعتك وتحياتي للاسرة الصغير وبعدين قرشي ود الشيخ انحنا ما بنفرض فيهوا ولا انت ما حنفرض فيك لانك غالى ود الغالى يا تلب ههههههههههههههههههه لانكم قلب هذا المنتدي الذي تم أنشاءه بوجودكم والف سلامه يا مدير ابو الدايمي وقول يالطييييييف
----
الاستاذ ماهر لك العتبى حتى ترضي شنوا يا استاذ جوا القاهر شكلها عجبتك ونسيتنا مره واحده كدا

ابن اخي والله ليك وحشه اكييييييييييييييييييييد

انا كنت واثق انك راجع بقوة كمان = الله يعطيك العافية= لانو نخوتك وحرصك لا مكان له الا في قلب السرب زي السمك ما ليها إلا البحر(الماء).

يمكن اختلف معاك في العنوان شوية ........ المسأالة ليست تطرف ولا برود ولاعقلانية هو ان كل واحد يحاول يعبرعما بداخلة من حماس واندفاع لخدمة هذه القرية وبنية صادقة وتجرد ونكران ذات..........وزي ما قال الاخ ذنورين..... المسألة شعرة معاوية .

الف حمدا لله على العودة في قلب السرب في هذه المرحلة الدقيقة من نمو البذرة التى بذرتموه مع الاخوان لتعهده بالرعاية والعناية لتشب على الطوق معافا قويا.

وانا مبسوط ان المناقشات والمناكفات ات اكلها/ثمارها هنالك كتابات كثيرة اكدت ثم اكدت انه لا وجود لمسبط او معوق يمكنه الوقوف امام هذه التيارالمندفع..... ان شاء الله ما حلمنا به جاي جاي في الطريق ...........واعتقد ان الحماس والحرص يتنامى يوم بعد يوم.

والله ولى التوفيق.

عدد المساهمات : 75 تاريخ التسجيل : 28/02/2010

باشا باشمهندس مجدى ما حاأقول ليك مرحب بالعودة لأنو الزول هو البرحب بالناس فى بيتو والمنتدى دا بيتك ...نعم ممكن تغيب شوية لكن تبتعد دى ماااااا أظنها تحصل لأنو الولف كتال ... لكن أقول ليك بالجد نورت المنتدى
بالمناسبة أنا زعلان منك ياخى انا عندى موضوع زى بتاع محمد حسن البرلوم كنت كتبتو لجريدة مراغة ما شايفك جبتا سيرتو مع انو انا ذاتى ما متذكر الموضوع كويس ... وحاجة تانية يا هندسة المنتدى يفتقد مساهمات محمد حسن يعنى انت ما قادر على اخوك ولا شنو ... وبعدين الدبلوماسى رضوان دا ما تشوف ليهو طريقة استفزو بأيى طريقة خليهو يديننا من الدرر بتاعتو يا واحد فيكم يلمنى فى تلفونو ... ياخى دا لو حكى ليكم بس ذكرياتو مع معتصم عبد العظيم وأيام المنطقة لحسبتوه اقتبسها من حكايات عمك الجاحظ .... عموما البيت بيتك

عدد المساهمات : 60 تاريخ التسجيل : 13/03/2010

الاخ مجدى
شايف الاخ سمؤال بيسال عن موضوعو الكتبوايام الرابطة فعلا كان تنبا بمستقبل بعض الاخوة من ضمنهم شخصك وانت صاحب مشروع كبير بس لا اذكر التفاصيل لكن المقال لو كان مرة على الاخ سمعة حيكون مذكرة بالتفصيل

اخي مجدي ده اول امتحان كان مكشوف عشان كده نجحت فيهو اعمل حسابك من المواد الجايه صعبه . مافي قرشي ولا ود الشريف
................................................................
دائما شيل معاك الاله الحاسبه عشان ماتغلط
وفي كل ماده خذ قانون ثابت العمل العام =مراغه

سموال : تحياتى واشواقى .... والله بعد كلام امجد يمكن اكون اتذكر جز من المقال الكان ضجة واتمنى انو محمد جعفر اومشيرة ينزلو المقال بتاع مراغة 2020 وبتاع سموال دة ..... واظن كل ارشيف الرابطة من جرايد وصور مناسبات السفر الجماعى والجلسات مع الاخ محمد جعفر .... ويامحمد جعفر هذا الارشيف مخزن فى رابطة مراغة بالخرطوم لمدة 7 سنوات فنتمنى منك المحافظة الشديدة عليهم وعمل نسخة الكترونية منة وارجاع الاصل للنادى فورا .............هههههههههههه

امجد عوض : ياخ يادوب معتصم وطلحة حيخشو المنتدى لو فتحت باب زى دة .... والبوست مفتوح لكل الاخوان وماداير استئذان

ياسر فقيرى: العضو الجديد المثير للجدل ..... تحية طيبة وانت تعطر المنتدى ومرحب بيك بين اخوانك والجابك يجيب بقية شلة الفيس

الاخ قرشى : انت عارفنا من امس الصباح نحن وين عشان كدة ماتقول اتاخرتو لى ..... ههههههههه

تحياتى .....

يابشمهندس هندسها ومادسها
اانقلاب محتمل مرتب من دون اعلان .منتظرين البيان
مطولين من التركين قالو بقيتو تعملو طعميه طعميه حاره بشطه .انتو قاعدين وين (تجمعات من غير اعلان )نسمها المكاشفه ود الشريف شوف لينا اسم جديد للكيان الجامع ده بقاء اافراد . انحنا شعارنا قبل ان نبدا متفقون على ان لا نتفق
سؤال . التجمعات الفرديه هو الكيان الجامع وين اعلان اجتماعات الكيان في المنتدي
بوهيات المهندس هندسا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مجموعه الفيس اندر فيس . (منتظرين المبادره وليس من فرد من جيه اعتباريه معلان) عبر المنتدي
ياجماعه خاص للاخ مجدى باشا باشا باشا مافي زول يجي يخش مع مجدي لرد فقط حصرياً

يابشمهندس هندسها ومادسها
اانقلاب محتمل مرتب من دون اعلان .منتظرين البيان
مطولين من التركين قالو بقيتو تعملو طعميه طعميه حاره بشطه .انتو قاعدين وين (تجمعات من غير اعلان )نسمها المكاشفه ود الشريف شوف لينا اسم جديد للكيان الجامع ده بقاء اافراد . انحنا شعارنا قبل ان نبدا متفقون على ان لا نتفق
سؤال . التجمعات الفرديه هو الكيان الجامع وين اعلان اجتماعات الكيان في المنتدي
بوهيات المهندس هندسا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مجموعه الفيس اندر فيس . (منتظرين المبادره وليس من فرد من جيه اعتباريه معلان) عبر المنتدي
ياجماعه خاص للاخ مجدى باشا باشا باشا مافي زول يجي يخش مع مجدي لرد فقط حصرياً

الاخ ياسر كل مايتعلق بالكيان بمنتدى المشاريع الهامة .... اعلان الاجتماعات ولقاء اعضاء المنتدى بالخرطوم فى المنتدى العام فتش كويس ..... اقترحنا انو المرات الجاية ترسل رسائل عبر الموبايل لو فى لقاءت قادمة لاعضاء المنتدى لانو فى ناس مابخشو بصورة مستمرة وفى ناس مابخشو اصلا بس بسمعو

سموال: محمد حسن موجود فتشو وين بس .... وبعدين هو بخش ومتابع كل شى بس مابعلق كتير ....يكون وائل شاغلو شوية

ياسر خليل: تحياتى وتقديرى المرة الجاية لمن تجى الملوحة جيب معاك معطر ماشفنا اى شى من حاجات دبى دى ... عربيتنا الجعلى عفنا بالملوحة .....

الاخوة الكرام وحسب وعدنا معكم .... نزلنا موضوع مابين دكتاتورية ودالشريف ومشاريع الجعلى الهامة فى منتدى تطوير الموقع فى الاسفل .... وشكرا للمتابعة ...

يا باشمهندس انا قلت ليك انت مشروع صحفى وخاصه الصحافه الاجتماعيه لكن ما بشجعك عشان ما تنشغل ونفقدك فى المنتدى وجحا اولى بلحم تورو - احبذ المشاكسات على هذه الشاكله كما اعجبنى وسرنى كثيرا مشاكسه ماهر - ومشيره ونضار واخونا محمود وطبعا ماهر فى الايام ده تحت قبضه الحكومه وربنا يفك اسرو وبحكم العلاقه سنخلى سبيله فى مقبل الايام القادمه لمغادره ارض الفراعنه اما بخصوص المؤتمر كما يحلو لنا تسميته بالعربى كده عايزين نقعد تحت الشجره بقلوب صافيه نقيه طاهره ومراغه مكسوفه للجميع ومهما علا التعليم والوظيفه المرموقه والثروه والثقافه والطرح فالقبول من عند الله تعالى وصفه مميزه ونعمه من نعم الله على عباده ولنجاح المشروع نشمر السواعد من الخلف والامام وكان الله فى عون العبد ما كان الله فى عون اخيه

الاخ الباقر مشروع صحفى دى صعبة شديد .... خاصة انو الشغلة بقى فيها قيد صحفى وفهم اخر لايتطابق معنا وهو انو مرات مرات الهدف الاساسى من الصحفى بكون تلميع شخص ولا تلميع مشروع ودة انا بنادى بعكسو تماما وانو اى حاجة تبقى تحت team work

صحيح لازم نركز على قلوب صافية تحت شجر جوزيف .... ولو حققنا 60% من التصافى فتاكدو نجاح المشروع
والقبول وعدم القبول دة فى الحاجات الشخصية (يعنى لو كان الزول داير يعرس مثلا ولا داير يخطب ولا .....)

لكن نحن لازم نستفيد من علم وثقافة وطرح وثروة ووظيفة اى فرد من مراغة لانجاح المشروع .... يعنى اعتبر الجميع بادى من الصفر وبعد سنتين اعمل تقييم .... ولا رايك شنو؟ لسبب بسيط مثلا من ناحية ثروتو لو قت قبول وماقبلو حنفقد 100 دولار ودى خسارة للمشروع بالحساب البسيط .... وتاكد اى تطرف لليمين حيقابلو تطرف للشمال ....

قبل كدا سالناك سوال فى موضوع لقاء المكاشفة .... كدى امشى اقراهو ورد عليهو فى شباب كتار فى انتظار الرد (والمساح ولا الفلاح) ههههههههههههههه ....

نعم لابد من الاستفاده سواء علم اوثروه وده شى طبيعى يا باشمهندس لكن حيانا العلم والثقافه بتكون وبالا على المنطقه اذا لم يحسنو حامليها التصرف او بخلو بعلمهم وثروتهم ما ذا نجنى من هؤلاء ؟ وقارن بين مشاريع ولجان زمان وهسه على كل المستويات والزول العندو ثروه وعلم لكن بتاع شووفونى وما خالص لوجه لوجه الله بفشل فشل زريع أخير منو زول فى المعاش وبيشارك فى المناسبات والثراء والضراء وبما تيسر - عموما ما عندنا زول عندو ثروه وكل ما ارجوه ان تكون الاعمال خالصه لوجه الله تعالى والعمل اولا وأخيرا طوعى وتكليف ومسؤوليه امام الله ولابد من دفع العمل بنيه صافيه سواء من الامام او الخلف

الاخوة الكرام
وكما وعدناكم ووعد الحر دين علية فان بقية المواضيع السبعة فى اعلى المقال تجدونها قريبا ان شاء الله
على صفحات المنتدى وكل موضوع فى مكانة حسب ماذكر واحواض الاوريق ان شاء الله تخضر تانى

عدد المساهمات : 173 تاريخ التسجيل : 19/10/2010

هندسه حمدا لله على السلامه000 والله الفتره الفاتت افتقدناك وبالدارجى كده وحشششششششتنا عديل كده اتمنى ان تكون استراحة مناضل فى سبيل رفعة الحبيبه مراغة000 التحيه لك هندسه وارجو تقبل مرورى ولك كل الود

عدد المساهمات : 610 تاريخ التسجيل : 08/12/2010

اخونا مجدى عوداً حميدا
لاستجابة للاستفزازات الايجابية لا يجيدها المكابرون ولا يستطيع معايشتها من ليس له كبير..
فبعودتك الرائعة تثبت للكل ابتعادك عن التكبر (حمانا الله واياكم منه)
وتأكد لنا ان ابناء مراغة انما يسيرهم الكبار (ونحن نعلم انهم اكثر حكمة وابلغ فى تعاملهم مع الازمات)
لذا تجدنا نرى تعليماتهم اوامر لاننا نعلم انهم تربوا على ادارة الازمات بطريقة مميزة وهذة هى بذرة من بذرات التربية الصحيحة
كن بخير وعوداً حميدا

الاخوة الاكارم ودالقاضى وطارق مشكورين على المرور ....

وحتى تكملو قراة الموضوع اعلاة فى قبلو كمية من التعليقات والمواضيع فى البوستات (ثم ماذا بعد .... التكريم ...... لحظات الفرح لحظات التكريم بشئون مراغة ..... وغيرة )

وانا نقلتو تانى فقط لتزكير أعضاء المنتدى ببقية المواضيع السبعة التى سوف ننشرها ان شاء الله قريبا وفى واحد نزل فى مواعيدو فى منتدى تطوير الموقع (اسمو مابين دكاتورية ودالشريف ومشاريع الجعلى الهامة) والبقية تاتى قريبا ان شاء الله

ودمتم لنا زخراً ..........

» مابين منتدى مراغة والفيس بوك
» من القلب لرواد منتدى مراغة
» منتدى مراغة بين الأمس واليوم ... إحصاءات
» أعضاء المنتدى على الكرسى الساخن - الكرسى رقم (2) بكرى جعفر صالح
» مابين المنتدي والـــ facebook