موقع مراغه علي وشك الفشل والانهيار

السلام عليكم الاخوه الكرم
انا اتاسف اليكم جميعا لاختياري هذا العنوان المحبط ولكن سادتي هذه هي الحقيقه لقد بدا الاخ مالك بانشاء موقع مراغه قبل عده سنوات ولكن في المره الاولي لم ينجح الموقع ولكن لم يياس واقامه من جديد وحقق نجاح لم اضعه فقد تجمع فيه نخبه من شيب وشباب مراغه ونسائها ايضا
ولكن اني اري الخلافات قد ذادت في المرحله الاخيره والشي الغريب انو الحاجات المختلفين فيها في كيف نخدم مراغه انا اريد ان اخدم مراغه وانت تريد وكل منا له تفكيره واقتراحاته
فبدايه الموضوع التكريم الاخ مجدي ماكرم عباس الموقع هو الجاب فكره تكريم عباس ومجدي وغيرو كتار ساعدو في نجاح التكريم ومافي حاجه خاليه من الاخطاء واي حاجه حنعملها حيكون فيها اخطاء ممكن نجاهد في تقليلها او تجنب الاخطاء الفادحه منها ولكن ستظل الاخطاء
كتب الاخ قرشي عنوان يعرف انه متلهف لخدمه مراغه فيقول فيه(ثم ماذا بعد هذا)البعدو شنو يا جماعه مادايرين نقيف دايرين نستمر في خدمه مراغه
وماكان بيكب العنوان دا لو انو الناس الحولو متخازلين كتبو واختارو لانو شايف ناس حولو دايرن يخدمو ويقدمو لي مراغه
لكن لقيت انو الناس بعدو عن عنوان الموضوع بعد شديد جدا ادي انو الاخ مجدي قال انا داير اخلي المنتدي دا تخلي لي شنو انتا مازول بتخدم مراغه عشان الناس يقولو مجدي شغال انتا لو انتقدوك دا ماكويس معناه انتا شغال مافي ناس كتير في مراغه لي ما انتقدوهم لانهم لا بجدعو ولا بجيبو الحجار
الناس يكون عندها روح رياضه عشان مراغه
وبعدين الانتقاد في العمل العام في احنا ايام الطلبه ناس النادي ماطلعونا صعاليق ماعندنا اهل وناس الكروات حاربونا عشان نزلنا موضوع عن الكروات
عشان تعرف انو اهالي مراغه في حاجات بتهمهم اكتر من الكروات والنادي قابلنا الاستازه الفاضله مديره مدرسه البنات وتافقنا معاها علي اصلاح
عدد ثلاثه فصول صيانه كامله وزاع الخبر في مراغه وتناسي الناس الكروات والمشاكل الحاصله
فاحنا دايرين نصلح مراغه سبب كل الخلافات التكريم ومن يستحق التكريم
هل نكرم العم ادريس النور علي خدماته الي مراغه ام نكرم فتحي شيخ ادريس لمشاريعه التي قدمها الي مراغه ان اولا نكرم عبدالله محمد صالح ام نبدا بتكريم المزارعين واي نوعيه من المزارعين المزارعين الذين يزرعون مزارعهم ام المزارعين الذين خدمو المنطقه مثل الخال فؤاد عبده شوده
ام نبدا بالمدرسين واولهم ذلك الرجل الذي تخرج من اعرق جامعات السودان واول دفعها ورفض ان يكون في اي مكان غير مدرسه مراغه الابتدائيه وهو نجم الدين يس ام نبدا بتكريم رجال العمل العام وهم يستحقون التكريم لان اصعب الاشياء هي العمل العام كما ترون الان وعلي راسهم كما اعرف عبد الرحيم احمد بلال وعشمان سروره وكثير غيرهم وهل حال مراغه اليوم هل يصلح لتكريم احد نحن نواجه اصعب منعطفات مراغه
لقد اصبحنا علي اي لسان في مدينه دنقلا وحديث للتريقه الزول مضروب من مراغه زول في القسم ضارب ومعتدي من مراغه اصبح من المجازه ان تمشي في سوق دنقلا لكي لاتسمع كلمه هنا او هناك يجب علينا اصلاح كل هذا تكريم عباس وانا لا اعترض عليه فهو شي وانتها وكانت له محاسن
بالتقريب تكلفته كانت مابين الخمس مليون جنيه واذا اردنا ان نكرم كل من يستحق التكريم نريد 100مليون واكثر اريد ان نبتعد عن التكريمات ونعمل اشياء لكي يذكرنا بها الاجيال القادمه ويكرمونا من اجلها اشياء ملموسه وكما قال قرشي ثم ماذا بعد هذا المركز الصحي المدارس نبني النادي ثم نكرم من بداخله وفي النهايه شكرا لكم اخوتي فل نقف سويا كي لا يفشل صرحنا هذا

الأخ العزيز محمود...اتفق معك فى كثير من النقاط.
أولها حرصك الشديد على قريتنا الحبيبه.
ثانيا يجب أن نتحمل النقد مهما كان قاسيا لأننا حقيقه لا نستطيع أن نحدد للناس ماذا يقولون بل هم الذين يحددوا ذلك.
حقيقه أهدافنا كبيره وآمالنا عريضه لتحقيقها نحتاج لكثير من الصبر.
أما التكريم أخى العزيز...أن المنتدى دخل فى التزام ووعد لايستطيع الاخلال به.
فنتيجه لضيق ذات اليد فقد تم تأجيل تكريم القطاع العام الى عيد الأضحى.
ولكن على حسب رأيى الشخصى يمكن حصره فى الآتى
تكريم جيل الأباء المؤسسين من مواليد 1930الى 1950وهؤلاء عملوا فى فترة السبعينات والثمانينات والتسعينات.
وهذه تعتبر فترة العهد الذهبى للعمل العام.
أما الشباب الذين عملوا معهم فى هذه الفتره يكرموا لاحقا.
قطاع المعلمين ويتم تحديد الفتره من 1960 الى 1980 فمن عملوا فى هذه الفتره يتم تكريمهم والبقيه لاحقا.
أما القطاع الرياضى فيتم تكريم الذين سقطوا سهوا من التكريم السابق.

السلام عليكم كيف الاخبار الاخ قرشي
مافهمتا كلامك منو الوعتوهم بالتكريم ديل ومنو الوعد انا بعرف انو الحاجات البتتقال في المنتدا والاقتراحات البينزلا المشاركين بتكون اقتراحات قابله للتنفيز او لا وانا ماقلتليك مانكرم الناس العملو في خدمه مراغه انا قلتا انو دا ماوقت تكريم وبعدين يعني شنو لو كرمناهم ولا ما كرمناهم هم اساسا ماعملو العملو عشان يتكرمو عملو عشان مراغه ولو عملو عشان يجرو وراء تكريمهم تبقي مصيبه وداير ليهم اصلاح زي الناس البيحرقو في جناين مراغه وبيقتلو وبيضربو المشكله انو الحاجات الاحنا قعدين نكرم عشان عملوها بقت تتلاشا وبعدين في حاجات اهم من التكريم الدوره الرمضانيه وقفت عشان ناس الكهربا قطعو الكهربا لعدم الدفع النادي بقا خرابه ومحل مناسب عشان يسكرو فيه المدارس جدرانا دايره تقع وحيطها مشققه
يعني حنجيب فتحي شيخ ادريس واسره عبدالله محمد صالح عشان نقوليهم مشكورين علي المدارس البنيتوها وبقت خرابات حاليا
غايتو لي كل زول راي وفي الاخر الزول بيمشي بي راي المجموعه لانو ماممكن اكون انا صح ومراغه كلها غلط
وبالتوفيق مادام في خدمه مراغه

بالجد يامحمود لا تعليق ودا الحاصل

ودا مسبب غيابنا عن المنتدى لانو بقى بدل ما يشرح الصدر يوتر الواحد للاسف

والله بي كل صراحه الموقع بقا كئيب ودا كلو ماعشان اي حاجه لانو النقد بقا مابناء الزول بقى ينقد عشان داير ينقد ماعشان مراغه
ومشاريع تتقدم لي قدام وفي ناس جايين عشان يرجعونا لي ورا في الكثير من رواد الموقع انسحبو بي هدوء من الموقع
عشان في يوم من الايام مايجي زول يرجمهم بدون سبب يعني ايه في غلط حصل دا اذا حصل خطاء اساسا ويعني شنو زول ما اتكرم وانا بطلب من اداره موقع مراغه ومتمثلين في الجه الفنيه للموقع وهم الاخ مالك نصر الدين وشهاب ود الشريف سحب اي موضوع او تعليق غير لائق ويمس اي واحد من رواد المنتداء وتحذيره ممانسب منه واذا اعاد الكره تسحب منه العضويه ويحظر من المنتداء والكتابه في المنتدا
احنا في المنتداء هذا عباره عن شباب وشابات من منطقه واحده تجمعنا القرابه والنسب والجيره في مكان جغرافي محددا الاركان
متطوعين غير مرغمين لخدمه مراغه عشان كدا النقد الكتير ما بكون مجدي لاننا بكل بساطه متطوعين في ناس كتار في مراغه
مالي ومال مراغه وناس مراغه ومدارس مراغه انا علي بي بيتنا واسرتنا وبس احنا دايرين نخدم ياتجو تنضمو لينا وتشاركونا الراي وتشاركو معانا يا تنسونا وتوفرو القروش البتدفعوها لدخول النت والنقد في حاجه تانيه مفيده ليكم
ونداء اخير لاعضاء المنتدا دعونا ننسي ما حدث بيننا من خلافات ودعنا نواصل من اجل مراغه

أخى العزيز محمود...أرفع درجة التفاؤل شويه.

ربنا يصبر القوم على ما ابتلاهم

ويارب مراغة فوق زي ماقلنا بي همة الرجال

وننسى الفات ونبدا كويس

بسم الله الرحمن الرحيم اخي محمود لا فض فوك حقيقة اري ورأيي الشخصي انو موضوع التكريم وما شابه لا بد ان يتلاشي نهائيا في الوقت الحالي ولا نريد جدال فيه ما حدث قد حدث ولابد ان نتناسا ما بنا من خلافات وان نتفرغ لمراغة فقط وهنالك سؤال ما هي مراغة اهي مكمنة في تكريم الاشخاص الموجودين بها فقط ام هنالك صرح لا بد من بناه اقصد اعادة تشيد وصيانة المدارس والجامع والنادي فكما ذكرت تكلفة التكريم بلغت ما يقارب الخمسة مليون !!!!!!! اليست كافية لترميم المدارس والمسجد والنادي وبعدين الواحد لو عندو غرفة داخل منزله بحاول يعيد ترميمها في كل مناسبة وتغيير لون حائطها رغم عدم دخول كل الناس في هذه الغرفة فهي تعتبر لشخصه فقط ولاهله وما بالك بمدرسة بتعلم جيل باكمله فمنهم من يصير طبيبا ومنهم من يصير عالما ومنهم من يصيرمهندسا اليست تستحق التكريم فبماذا نكرمها بالمحافظة عليها والعمل علي اظهارها بالمظهر اللائق فلا ندفن رؤوسنا في الرمال وبعدين في ايه يعني دايرين تعملو لاجل مراغة اوكي العمل موجود ولكن كيف التنفيذ ومن اين نبدأ اقول لكم ان اردتم ان تعملو سويا وتكون هنالك وحدة عن حق وعمل فالنتناسي جميعا ما بنا من خلافات وان نعمل دون الرجوع الي القيل والقال وبعدين عن جد اري عدم وحدتكم وعشان نكون عمليين اقترح ان تقومو بصيانة المدرسة اولا ومن ثم النادي الذي اعتبره غير موجود من اساسه ومن ثم ان يكون هنالك مشروع استثماري ذو عائد يرجع للمنطقة باكملها وتتوالي المشاريع حسب الاقتراحات ونكون بالفعل قد اكرمنا اهل مراغة جميعا بانشاءاتكم التي ستعم الجميع ( الهي تكي اخضر كرو ) وبعدين هنالك نقطة اريد ان انوه بها الجميع ما موقع السياسة من الاعراب في مراغة وما دخل السياسة في اننا دايرين نصلح مراغة وما دخل السياسة في اننا دايرين نشيد مدرسة ام نادي بمجهودات ابناؤها اعتقد انها لا اساس لها فالسياسة لها طابع خاص وطابع عام لما نخلط الامور ببعضها وهذه هي مشكلتنا الاساسية اختلاط الامور ورأيي الشخصي ان العمل الذي قام به مالك في انشاء هذا المنتدي لتوحيد كلمة الجميع قد يذهب سدي مش عشان انا اري كذا ولكن لانو ده الحاصل شي محبط رغم تفاعلي في بادئ الامر عند دخولي هذا المنتدي بتاريخ 2010/9/10م يعني لي بالضبط معكم 24 يوم وعن جد كنت مجتهد بان ارفع لكم كل جديد ليس لاعطائي شي بالمقابل ولا ليقولو علي شاطر شاطر ولكن هذتني الحميه والغيرة وحاولت اجود بما لدي من افكار يمكن ان يستفاد منها فان لم تكن الان فربما بعد حين واري نفسي لم افعل شيئا وعجزت عن تقديم اي شئ ووقفت صامت اتفرج وادخل المنتدي كل يوم لاري ماذا يحدث وكنت لست ادري ماذا افعل وفجأة وجدت موضوع الاخ محمود وعنوانه الذي بدأ به فوجدت كلماته هي التي كنت ابحث عنها هو ذا القول السديد ولا اريد ان يقال اجامل في شي فانا عمري لم اعرف المجاملة ولكن عن جد لو اتمسكتم بكلامه ستكونون بالفعل تريدون العمل جنبا الي جنب وغير ذلك للدنيا السلام ولكم مني فائق التقدير والاحترام واعزروني لو كانت هنالك كلمات غير لائقة ولكني كنت اكتب واراكم جميعا امامي فنجرفت بكلماتي لعلي اصل الي المغذي الذي ارمي اليه فهلا عزرتموني جميعا ووفقنا الله واياكم لما فيه خير هذه البلدة الطيب اهلهاوجعلكم من الذين يسمعون القول ويتبعون احسنه واعانكم الله عليه جميعا ولكم مني كل الشكر والتقدير(( وصلي علي النبي )) .

الأخ العزيز شاكر...تحياتى وتقديرى الخاص حقيقه أحترم طرحك ورأيك.
وأختلف معك فى جزئيه بسيطه وهى أنه مهما حدث من خلاف أو أخذ وعطاء.
لابد أن نصبر على ذلك ولابد أن نتقبل طرح الآخرين والتعامل معه بصوره تجود العمل وتحقق الأهداف.
ليس التكريم وحده ولكن يجب أن نتوقع أن النقاش والجدال لابد منه فى أى موضوع مطروح.
فنتمنى أن النقاش مهما كانت حدته لا يجب أن يحبطنا ويجعلنا نبتعد عن أدوارنا وأنشطتنا فهذه هى الخطوره .
فلنعمل جميعا مهما كانت الظروف ولنجتهد جميعا مهما كانت المعوقات.
ولذلك أخى العزيز يجب ان تعود وأنت أكثر همه ونشاط حتى نستمتع ب(حوارات) الذى بدأ حقيقه قويا.
والشغل لى مراغه يجب انو يكون زى الجيش والبوليس مافيهو اضراب.

والله دا كلام جميل جدا منكم والله ياشاكر كلنا احبطنا من الحصل لكن اتاكد انو حاجه بسيطه بتفرتك الناس وحاجه بسيطه برضو بتلم الناس لانو الناس مهما كترت بيناتهم الخصومات لكن برضو الغيره لي مراغه في وانا ارجو منك اخي شاكر ان تجمع الناس مره اخره ان تنزل اللقاءات العندك فيديو وتواصل في برنامج حوارات

سلامات للجميع وتحايا عطرة

ويتم التريب الان لاستقبال الطلاب الجدد

واحلى منتدى واحلى ناس

الاخ حوتة تاكد انو بدام انت وسموال العمدة حيين ترزقون لن ينهار .... وقريبا الجميع سوف يستظل فى شجرة العائلة

الاخ محمود لك التحية زى ما قال اخونا قرشى كون متفائل مراغة فى حدقات العيون صدقنى الكل سوف يكرم بدوره من اكبرهم الى اصغرهم طال مايوجد نفس فى اهل مراغة بس نبقى منكم الهمه والبركة فى اهلنا فى مراغة كافة ولك كل الود والتقدير اخوك صابر القاضى

الأخ العزيز محمود أستأذنك لأرحب بأخ عزيز مسكون بحب مراغه وأهلها..الأخ صابر القاضى.
فله منى كل التقدير والاحترام.

عذرا محمود يا عمده
عايز ارحب بالاخ العزيز والصديق القديم
صابر دوله الف مرحب
سنواااااااااااااااااات يا اخونا

الاخ محمود لك التحيه استميحك عزرا لاشكر اخى الاكبر بكرى جعفر لحفاوة الترحيب وهذا ليس بغريب على اخونا بكرى اخى بكرى اولا اهنيك وجميع الاخوة فى المنتدى بهذا الانجاز الاكثر من رائع مزيدا من التقدم باذن الله تاكد اخى بكرى نحن معكم فى السرا والضرا لاجل مراغة واهل مراغة لك كل الود والتقدير ودمتم اخوك الاصغر صابر القاضى واشنطن

][الاخ محمود يبدو ان الكل في انتظار تعليقك الاخير
وهل نبرة التشاؤم تغيرت ام الامور في ظنك كما هي؟
لغة الحوار لغة حضارية وثبت فعاليتها في حل المشاكل
والحمد لله المنتدي مكان جيد لنتحاور مهما اختلفت الاراء
ياراجل قول يالطيف]

لقد كنت اعلم انها كبوه وسوف ننظلق بعدها الي الامام لاني وجدت فيكم كما قال عماد العمده رجال يكرمون ضيفهم قبل انزال رحله
ويجودو والمقام جليل
نرحب بالاخوه الافاضل ونشكرهم علي المرور ونرحب بالاخ العزيز الذي لم اره من قبل طالما سمعت به ومن الاصدقاء الاعزاء مجدي وحيدر ابراهيم
لقد اتا ردي متاخرا جدا لان فعلا كنت قد نسيت هذا المقال الذي كتبته من اندهاشي للانطلاق المدهش للمنتدي والمشاركات التي اصبحت تتزايد يوم من يوم ونسال الله ان يوفقكم بما فيه صلاحكم وصلاح قريتنا