سلسه الحرائق بمراغه

عدد المساهمات : 299 تاريخ التسجيل : 28/02/2010

بتاريخ 28/9/2010 التهمت السنه النيران جنينه المرحوم عبد الحميد لتعلن حرق اكثر من 40نخله بركاوى والموسف فى القضيه ان العمل تم بفعل فاعل وفور وقوع الحادث هبت فرق من الدفاع المدنى للسيطره على الحريق ولم تفلح فى اخماض الحريق الابعد ساعات متاخره من ليله امس نسال ان يلهمنا الصبر على هذه المصيبه والحمد الجاتك فى مالك سامحتك ولكننا لانبكى الحريق بل على التصرفات البشعه لانه قبل يومين ايضا حرقت جنينه عابدين دياب بالكامل وايضا بفعل فاعل . فهذه دعوه للجميع بان يجدوا حل لمثل هذه التصرفات الجائره .واخر دعوانا ان الحمد لله رب العالمين,,,,

عدد المساهمات : 200 تاريخ التسجيل : 10/02/2010

والله يا الجعلي كفارة وربنا يعوضكم خير انشاء الله . اذن اصبحت القضية عامة .

وتحولت الي ظاهرة . نرجو التكاتف لنصل الي حل .

عدد المساهمات : 53 تاريخ التسجيل : 11/01/2010

الاخ الجعلى ربنا يعوضكم خيرا
اقول ليك اخى المشكله هى ما عدد النخلات المشكله اول ناس قدوره والثانى انتو الثالث منو دى المهم
واقول ليك ربنا ستر اول امس لو كان فى هواء كان مراغه بأكملها اتحرقة .......
لاكين اقول ليك شى مهم انو فاعل الحريق هو من ضمن الناس الذين ساهموووو فى خمد الحريق دى
شى واضح لانو لايوجد اي سبب لشتعال النار فى المنطقه الا توجد اي كمينه ولا اثر نضافة ارض
ربنا يهون انتقلنا من ثقافة القتل الى الحرق ولا ندري الى اين سنصل

[/font]

عدد المساهمات : 359 تاريخ التسجيل : 01/05/2010

قدورة والاسرة الجعلي والاسرة
نسال الله السلامة وربنا يطرح في زارعي النخيل المغفرة والرحمة ونسال الله ان لايكون بفعل فاعل واذا احب الله العبد ابتلاه ونساله سبحانه وتعالي ان يخفف عنكم بقدر ضرركم ويبدلكم خيرا منه في الدنيا والاخره وان ينعم عليكم برحمته للاحياء والاموات
والله من وراء القصد
ابوعزام

عدد المساهمات : 1940 تاريخ التسجيل : 20/06/2010

بسم الله الرحمن الرحيم مالذي يحدث يااخوانا ؟؟؟؟؟؟
سترك وعفوك ورضاك يارب
الجمت السنتنا من الحديث

عدد المساهمات : 180 تاريخ التسجيل : 08/01/2010

الاخ الجعلي
كفاره وربنا يعوضكم خير إن شاء الله
والله حيقيقه ظواهر سيئه حريق للنخل
واسامه نور الدين بقول انو الطلبه بتعاطو
التمباك داخل سور المدرسه ووووووو
الله المستعان

عدد المساهمات : 466 تاريخ التسجيل : 24/01/2010

ربنا يخلف ليكم خيرا منها يا الجعلي
ولا نقول الا ما يرضي الله لا حوله ولا قوه الا بالله
نحنه ماشين لي وين يا ناس ؟؟؟؟؟؟؟؟؟؟؟؟؟؟؟؟؟؟؟؟

عدد المساهمات : 1064 تاريخ التسجيل : 01/09/2010

انا لله وانا اليه راجعون
لا حول ولاقوة الا بالله والله حاجة تحير ..هل دخلت العصابات وشلليات العمل المنظم الاجراميه القريه ؟؟؟؟
ثم ماذا بعد هذا؟؟والىاين نحن ماشين؟؟؟ارجو قيام المؤتمر الجامع سريع والتصدى لهذه المشاكل قبل ان يستشيرى شرها
ربنا يعوضكم خير اخى عبدالرحيم

عدد المساهمات : 12 تاريخ التسجيل : 05/06/2010

لاحول ولا قوة الابالله ربنا يهدى حال مراغة
ويعوض ال عبد الحميد خيرى كل خير
بنتمنى تكون فى حلول سريعة وجزرية للبيحصل فى مراغة ودا ما بيحصل الابتكاتف اهلها وتعاونهم

الأخ الجعلى....أبدلكم الله خيرا منها.
حقيقه هذه أشياء ومخزيه ودخيله اذا كانت بفعل فاعلونتمنى أن يكون غير ذلك.

عدد المساهمات : 15 تاريخ التسجيل : 26/09/2010

الاخ الجعلي كفارة وربنا يعوضكم والجاتك في مالك سامحتك
واتمني انو الظاهرة دي تختفي وما تكون بفعل فاعل

لا حول ولا قوة الا بالله كفارة والله يا الجعلي والجاتك في مالك سامحتك
شنو الحكاية والله حرام يا جماعة البيحصل في مراغة دا شنو شوفو حل للموضوع دا لانو دا ممكن يودي لحاجات اكعب من كدا بكتييييييييير والله وربنا يستر

عدد المساهمات : 60 تاريخ التسجيل : 10/01/2010

ألأخ . الجعلي
ربنا يعوضكم خيرا منها ونسأل الله السلامة للجميع

عدد المساهمات : 299 تاريخ التسجيل : 28/02/2010

رغم واقع الحريق والاسى الذى اصابنا الا ان وقفتكم معنا اثجلت صدورنا فباسم الاسره نشكركم جمعيا ونشكر الذين قاموا باطفاء الحريق ونشكر كل الاهل بمراغه وتحيه خاصه الى :1/قدوره2/عوض ابراهيم 3/ذنوالنورين4/عبد الرحمن نصرالدين5/مجاهد6/ياسر ابراهيم7/الدكتوره نضار 8/الدكتور بكرى عذالدين9/هناء 10/قرشى 11/محمد ادريس 12/محمد بشير
ونسال الله الايريكم مكروه فى عزيز لديكم
ولكم تحياتى

الاخ : الجعلي لك الود و التقدير
والف حمد لله علي السلامة ما دام الاسرة الكريمة و العائلة بالف خير وربنا يعوض الجميع

الاخوة : الاماجد بالكيان الجامع لكم الود و التقدير .
حدثني محمود العمده بطريقة جيدة وممتازة وعرض بان يقومو الاخوة بالكيان الجامع بان يكون هناك برنامج اسمة (التاديب)
وهذا البرنامج كالتالي ان يعرض من ضمن برامج الكيان في عيد الاضحي و الاتفاق و الترابط بين كل من الاخوة .
1- امير محمد طة يتراسهم جميعاً
2- شهاب نور الدين
3- مالك عبد العظيم
4- محجوب محمد طه
5- امجد عوض
وكل من له صلة بحكومة الولية الشمالية محافظة دنقلا .
ان يتكاتفوا ويترابطوا ويوفرون الحماية الكافية لمواطني مراغة مع الاتفاق وشروط مع الاخ / مدير شرطة محلية دنقلا
وتوفير دوريات مكثفة داخل الحي والتكثيف الدوري محل تواجد الشباب وهي كاتالي .
أ- توفير دوريات مكثفة داخل مراغة
ب- العقاب من غير رحمة او تاثير على مركتب الجريمة
ج _ فضح مرتكب الجريمة داخل وخارج المنضقة وهذا يكون عظاء وعبره لغيره.
د- عرض الجريمة المرتكبة لولي الامر او والدة و الالتزام من والده بالحضور او يعاقب والده او ولى امره حتي يكون عظة وعبرة
لباقي ولى الامور من غير رحمة او تاثير .
هـ - على هذه المجموعة ان تنفز هذا الاحكام او الشروط التى يقومون بهاء من غير اي تاثير ولا رحمة .
ر- التكاتف المادي و الدعم اذا لزم الامر من كل ابناء المنطقة في انجاح هذا المشروع .
ع - علي الاخوة الذين يقودون الدوريات التعامل من غير رحمة او تاثير مع مرتكب الجريمة واذا تعاملوا معهم برحمة او شفقة
يعاقبون ساقين الدوريات على ما فعلوه مع مرتكب الجريمة .
ونرجوا من الاخوة فى الكيان الجامع عرض هذا المشروع للاخوة المذكورين اعلاهم حتى يصل لهم العلم وخدمة منطقتهم
و التخلى عن اي صلة قرابة و التعامل معهم بقسوة فى حين ارتكاب الجريمة و المصلحة العامة فوق كل شي .
وهذا و الله الموفق
وننتظر ردودكم واراكم في هذا المشروع قبل قيام الكيان الجامع
مع تحيات اخوكم / شهاب سعيد شريف

الأخ/ الجعلي

الف كفارة .......ونسال الله ان يبدلكم خيرا منها..... يكشف الستر عن هذا الفاعل الشرير ،الجبان ،الفاقد لادني مقومات الانسانية والضمير .

اعتقد ان الحل يمكن في تعاون الجميع بالقرية الصغار قبل الكبار لتحديد الفاعل لهذه الجريمة النكراء ويتم التشهير به ليعيش منبوذا ومقاطعا من الجميع لينال وبال امره.

ونقترح تحديد جائزة مالية مقدرة يساهم فيه الجميع يقدم للشخص الذي يساعد في الوصول لهذا لمجرم الذي لايستيحق العيش بيننا اطلاقا.

عدد المساهمات : 75 تاريخ التسجيل : 28/02/2010

ابن عمتى الجعلى الف كفارة ليكم ولينا والجاتك فى مالك سامحتك وربنا يخلف ليكم ويعوضكم عنها حديقة فى الجنة وأتمنى من كل قلبى الا يكون هذا الحريق بفعل فاعل وان كان كذلك فالامر جد خطير ويحتاج الى وقفة والى تكاتف الجهود لمعرفة الجانى اولا ولمنع تكرار هذه الاحداث ثانيا التى لاتشبه مراغة وتزرع الشكوك والفتن بين الناس فلنتكاتف جميعا من اجل ايقاف حريق الضمائر وخراب الاخلاق انما الامم الاخلاق ما بقيت .. فأن هم ذهبت اخلاقهم ذهبو وكان الله فى عون الجميع

عدد المساهمات : 75 تاريخ التسجيل : 28/02/2010

الاخ ودالشريف سلامات وانت تحمل هموم الوطن الصغير مراغة من على البعد وكثر الله من امثالك اخى الاصغر اظنك قاصد عاطف عبد العظيم العمدة او مالك جمال يسن .. عارفك بتكون سهيت بس عشان الناس ما تتلخبط ولك ودى وفائق احترامى

الاخ الاكبر / سمؤل محمد ياسين لك الود و التقدير
لك كل الشكر و التقدير علي تصحيح الخطاء الاملاءي واعزرنا على الكتابة السريعة و القلق الحاصل معانا و الله الواحد بقى يفكر تفكير ما طبيعي ودا كلو لانجاح كل مشروع يقوم فى مراغة وزي ما كبارنا حملوا الهم و الهموم ونفزوا العمل العام في القرية ونجحوا فى العمل
وزي ما انت عارف الكبر حصل معاهم ورفعوا اياديهم وقالوا انحنا ولدنا رجال لذا نترك لهم حمل الهم شوية وزي ما قال
الزبير رحمة الله علية الرجل جمل شيلى واظن كبارنا مسكوا فى الكلام دا وقالوا جبنا رجال وحملناهم المسؤولية وانحنا طلعنا شباب
من غير اي فايده وخزلنا كبارنا ولم نحقق لهم سوا المشاكل و القلق ونحن بدل نرمي قدام بدانا فى الكلام من دون عمل وانا ما اقول
انوا الكلام و الراي و الراي الاخر هو كلام ساكت لكن الكلام لما يطول يبقى كلام ما عندوا اي فايده وهذا هو سبب الاخطاء فى الكاتبة
و المشغولية الزايده فى العمل و الله المستعان وربنا يجعلنا من الصادقين فى القول و الحكمة و الاعتراف بالاخطاء و الاستفاده منها
وتنفيز ما يلزم علينا ولك العتبى حتى ترضي ولبقية العقد الفريد اعضاء منتديات مراغة الاصالة و التاريخ

كفاره لاسرتي الجعلي وقدوره الاصلي وربنا يعوضكم
وفكره ممتازة ياود الشريف وانشالله تتنفذ وكلنا ثقه في مجهودات ابناء مراغة الذكرتهم

ربنا يخلف ليكم خيرا منها يا الجعلي
وهذه ظاهر جديده علي مراغه
ربنا يستر

عدد المساهمات : 43 تاريخ التسجيل : 15/01/2010

لا حول ولا قوة الا بالله انا لله وانا اليه راجعون
الاخ الجعلي والله شيئ مؤسف ومحزن جدا هذه الحرائق ولازم تناقش هذه المواضيع في المؤتمر ولازم نجد حل
لانو ترك الحبل علي القارب بهذه ليس من مصلحة البلد اطلاقا. وربنا يعوض الجميع انشاء الله ويجعله في ميزان الحسنات
واتمني الا اسمع حريق تاني الا حريق المك نمر في القصص فقط والله المستعان

عدد المساهمات : 127 تاريخ التسجيل : 13/09/2010

الاخ الريس الجعلي لكم يحزنني ماحدث ونسال الله ان يعوضكم خير

ربنا يعوضكم يارب

عدد المساهمات : 299 تاريخ التسجيل : 28/02/2010

شكرا احبتى
1/بكرى جعفر 2/السمول 3/ودالشريف 4/عبدالله شرف الدين 5/الباقر ابوزيد 6/نزير العمده 7/مشيره
شكرا جزيلا لكم وعلى اهتمامكم بالقضيه .
اخى ودالشريف هذه الخطه التى قلتها لو نفذت على الولايه لاعادت توازنها ,,لك احتلرامى ..

» سلسله الحرائق بمراغه
» تخفيف الزواج بمراغه