شبكة مراغه الأصاله والتاريخ
لقاء المكاشفة - اعضاء المنتدى بالخرطوم  Welcom11
شبكة مراغه الأصاله والتاريخ
لقاء المكاشفة - اعضاء المنتدى بالخرطوم  Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكLatest imagesالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 لقاء المكاشفة - اعضاء المنتدى بالخرطوم

اذهب الى الأسفل 
+10
نضارعبدالكريم العمده
قرشى شيخ ادريس
محمدادريس النور
Bakri G. Salih
dr.babikir
هاني 0العمدة
مشيرة
zonourain
الجعلي
مجدى حسن
14 مشترك
كاتب الموضوعرسالة
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 7:20 am

الزمان : 24 سبتمبر 2010 عقب صلاة المغرب
المكان : حدائق الهلتون - غرب مسجد الشهيد بالخرطوم

طبعا الاسم (لقاء المكاشفة) دة عشان ودالشريف يتبسط .... وهو فعلا كان لقاء مكاشفة

الحضور ماكان زى ما الناس متوقعة لكن حضور الاخ بكرى ادريس النور رغم جيتو فى نفس اليوم من دنقلا ودى طبعا من الغيرة على مراغة وحضور الاستاذ رمضان حسن واستاذ مرغنى حسن واسماعيل عبدالحميد تما الناقصة .... واثرى النقاش الكان موضوعى لدرجة بعيدة والحمد للة .....

طبعا بعد الاعلان الاتعمل فى المنتدى العام وتوجة الناس كان متوقع انو تكون لمة اجتماعية من غير رسميات .... لكن زى ماقلنا ذنورين والباقر مايلقو نفرين والا يغيرو ليهم مجرى ونستم للكيان والموتمر الجامع هههههههههههههه

بعد تعارف للاعضاء بالصغارسنا من مشيرة عبداللطيف - مجاهد حسن - ضحى عبداللطيف العمدة والبقية ناس بكرى ادريس ومرغنى حسن ورمضان حسن وعبدالرحيم الجعلى وهانى العمدة وهيثم عبدالقادر وذنورين نصر ومجدى حسن والباقر عكاشة ومجدى ابراهيم واسماعيل عبدالحميد ....

اابتدر النقاش الاستاذ مرغنى وتحدث عن الخلافات وتفكك مجتمع مراغة والواقع المعاش خاصة واقع التعليم المخجل ومن خلال النقاش تاكدت معلوماتنا بدخول شخص واحد للجامعة هذا العام ...وياحسرتنا وخجلتنا ...... واشاد الاستاذ مرغنى بالمنتدى والمشاركين ومن يقفون خلف الكواليس فى اخراج كل هذا المجهود الجبار والذى سوف يوتى اكلة قريبا ان شاء الله وانة على اتم الاستعداد للمساهمة والمشاركة فى اى عمل قادم ان شاء الله ....

الباقر عكاشة حكى زكرياتة الحلوة عن الانتخابات وكيف كانت مراغة موحدة ايام ترشيح العم عبدالله الطاهر والاستاذ كامل مصطفى وتذكر انشودات الشاعر كمال صالح واشعارة فى توحد كابتود واقجة الى التيتى خلف ابن المنطقة العم عبدالله ..... واشاد بالخطوات التى تمت فى الفترة السابقة من تصافى للنفوس وتناسى للمرارات والتفاعل مع المرحلة القادمة .... واكد انة يرى ان موجا قادما بقوة اسمة منتدى مراغة وانة سوف يساهم كثيرا مع الفعاليات الموجودة فى الساحة ولو تاخر احد او اتلكلك لن ينتظروه ..... وان لم تنجح الحراكات الحالية ولم تفرز نتائج مرضية فعلى العمل العام السلام ..... فاما نكون او لانكون ..... ودى طبعا رسالة وواضحة وصريحة وقوية .... لكن ياباقر فى زكرياتك دى نسيت قصة الطفل الوقف وسط الحشد الجماهيرى بتاع كامل مصطفى وكان معبا وهو لا يفقة شى عن الظيطة الحاصلة وهتف المساح ولا الفلاح ؟؟؟؟؟ وبقو الفلاليح يلقبو بالمساح لليوم... اسال العجايز لو نسيت .....

الاستاذ رمضان حسن الذى كان مبسوط لدرجة كبيرة باللقاء الودى الذى جمع الاحبة واستعرض ملخص لتجربتة الثرة فى العمل العام منذ ايام النادى ورفاقة سراج عبدالحليم وشريف برسى وبقية الكوكبة الى اخر ايامة فى اللجنة الشعبية وقال ان هذا الكيان لابد وان ياتى بقوة الشباب والطلاب ويسطصحب معة عصارة خبرات العمل العام من الشخصيات التى عملت لمراغة لفترات طويلة لانو التجارب مهمة جدا ... وركز على شريحة الطلاب والخريجين فى المرحلة القادمة لانهم مقبولين من الجميع معظمهم وبعيدين عن الصراعات .... ووصى على ضرورة بذل كل المجهودات على ان تصب فى تفعيل الموسسات والفعاليات الحالية ....وضرورة مشاركة كل الفئات ما امكن وبالاخص قطاع المراة ....

الاستاذ بكرى ادريس رحب مجددا بفكرة الكيان وقال المختصر المفيد وذكر بانهم فى مراغة سوف يكونون على قلب رجل واحد لانجاح المرحلة القادمة وانهم جاهزون لتنفيذ اى برنامج تتفق وتتشاور علية المجموعات الحالية من خريجين ومنتدى ورابطة طلاب ورابطة خيرية بالخرطوم ..... وقال لابد من الاستفادة من خبرات الموهلين الموجودين فى الخرطوم والخارج .... ولابد من رصد وعمل احصائيات واضحة ودراسالت علمية وتخطيط سليم...

تحدثت عن رويتى للاوضاع من خلال برنامج التكريم والجمعية العمومية لرابطة مراغة بالخرطوم التى تمت قبل فترة ومايدرو عموما من افكار واراء مصرح بها وغير مصرح بة ونبهت بان ثقافة الزعيم القديم مازالت متواجدة بين كل القطاعات وهى مشكلة عامة وكيف ان المثقفين اصبحو جزء من الصراع للاسف الشديد .... وان لم نتنازل ونتعاهد على ان نكون على قلب رجل واحد لن ننفذ اى شى وكلو سوف يكون تنظير واوراق عمل تقدم ولمة وكاميرات وكتابات ليس الا ..... ولابد من اصطصاب الشباب والخريجين فى تنفيذ وتجهيزات الموتمر الجامع من الان وعمل جدول اولوييات واااااااااااضح .... وحشد وتخطيط مكثق للاموال حتى ترى مشاريعنا النور ..... واقترحت ان تكون هناك فرق عمل لكل ملف من زوى الاختصاص كما زكر الاخ بكرى .... ويبدا الاعلام من الان والحشد والدعوات لكل الاعيان وسكان الخرطوم الكبار لحضور الموتمر الجامع ....

ذنورين وزع الفرص لكل الحضور ولحظة انقطاعى عن الجلسة لانشاغلى بتلفون الاخ قرشى رجعت فاذا بكلام الجعلى قد انتهى وياريت الجعلى ينزل لينا هو قال شنو لانو ذنورين قطعا معاى وقال كما كت .....الله يجازى محنك يامهندس الكيان ..... ههههههههههه ....

هانى العمدة تحدث حديث العارف بتفاصيل ومالات المستقبل .... وقال انو التكريم والحراك العملو فى مراغة كان لفتة رائعة وعمل اعلام ضخم للمنتدى رغم مايحوية من سلبيات .... وذكر بانهم مع الاخوة الذين حضرو من الخرطوم بزلو قصارى جهدهم حتى يصل الجميع لتصافى وتصالح حتى يتناسو مرارت الانتخابات .... ولخص هانى المشكلة فى انها مشكلة تعليم وفاقد تربوى ليس الا ....

مجاهد تحدث عن شريحة الطلاب ولابد من تحريكهم وتفعيلهم فى المرحلة القادمة واكد انهم على اتم الاستعداد للعمل لكن تنقصهم الخبرة اللازمة ....

مشيرة تحدثت عن التواصل والتعارف وكيف انهم شريحة كبيرة من الطلاب والشباب لايعرفون بعضهم البعض ولابد من حراك اجتماعى ضخم حتى يكون احدى ركائز النجاح للمشاريع المستقبلية .... واكد الجميع على ضرورة قطاع المراة فى المستقبل .....

اسماعيل عبدالحميد كان حضورا زاهيا لهذة الليلة وتحسر وبكى ماضى الوحدة والشباب وزكر بانة كان فى وسط تفاصيل عرس الاخ رمضان لكن الاخ رمضان وللفراغ الحصل لم يسمع بزواجة الا بعد حين من الدهر واتجرس عديل يعنى مافضل الايبكى من مايدور بين الشباب والفرقة والشتات .... وقال ان ارجاع الامور كما كانت تحتاج وقفت الجميع خاصة المهمشين والذين يحلقون خارج السرب وضرب امثلة بالشخصيات الغير ظاهرة للاعلام والمنتدى .....

هيثم عبدالقادر تحدث بعلمية وموضوعية ادهشت الجعلى .... وكيف انهم فقدو هذا الكادر طيلة الفترة السابقة .... وقالى الجعلى بان هذا الكادر قادم بقوة .... تحدث هيثم عن ضرورة الاحصاء والفاقد التربوى والتعليم والررابط الاجتماعية وضرورة مشاركة كافة الاشكال والالوان ....

بعد التعليقات والمناقشات اقترح الاخ هيثم عمل اضافات للجنة التسيير الحالية بضم ملفات او لجان كالاتى :
1. التعليم وطالب بان يتولى الاخ هانى التنسيق لهذا الملف مع زوى الاختصاص
2. نادى الوحدة --- لجنة تسييرة الحالية
3. الشئون الاجتماعية والظواهر السالبة .... الاخ عبدالرحيم الجعلى
4. المشاريع .... مجدى حسن
5. التصالح وراب الصدع .... الاخ الباقر عكاشة
6. المراءة .... مشيرة عبداللطيف
7. الحشد الاعلامى والتغطية الشاملة .... اسماعيل عبدالحميد


وان وتستعجل هذة الملفات من الان وتنسق مع الاخوة فى لجنة التسيير فى مراغة قبل عيد الاضحى حتى تكون اوراق العمل والخطط والمشاكل والحلول جاهزة وماعلى الموتمر القادم الا الحذف والاضافة والتعديل وبعدها تصبح خطة مستقبلية ثابتة .....

بعدها اقترحت ان تكون هذة الملفات عبارة عن فريق عمل بالتشاور مع كل الجهات المعنية من حيث الخبرة والتخصص حتى نصل لخلاصة مثمرة .... واقترحت ان يكون هيثم هو الكنترول والمنسق لكل هذة الملفات زان يكون ذنورين هو المشرف العام لكل هذا الحراك .... وامن الحضور على فكرة هيثم وتعليقى ... وقال ذنورين انة يرى ان يوجل هذا الامر لحين التفصيل اكثر فى الامر الاجتماع القادم الجمعة القادمة باذن الله ....

الساعة عملت 11 ليلا ::::: ورفعت الجلسة وبعدها استمرت 20 دقيقة بطريقة الشلليات والتعليقات الساخرة والمضحكة .... المهم كانت ليلة عامرة يامغتربين .....

على الهامش:

الباقر عكاشة : هدوء غير عادى هذة المرة .... رغم جرجرة هانى ليهو ودحرجتو ... لكن صدقونى دة الهدو الذى يسبق العاصفة ... انا بعرف الرياح القادمة كويس ....

ذنورين : فى اخر الجلسة ظل يشيل طاقيو ويختها عدة مرات ويعدل نظارتو لمن شفقت عليهو وقت لى مالك الموية كسر منك ولا شنو تلفونيا فى السكة ..... ابو عزام الراجييك كتر استحمل ساكت ....

الجعلى : ظل يستمع فى صمت ودهشة لحديث الاخ هيثم ..وكانة يقول دعونى امتع نفسى بالدهشة .. والله ياهيثم الجعلى لو ختاك فى راسو شيل شيلك ....

مجاهد : تحسر على انة اول مرة يتعرف ويلاقى الاستاذ ومربى الاجيال مرغنى حسن واستمتع بحديثة ....

بكرى ادريس : كان فاكهة الجلسة ..... وسدا حضور النزير للتكريم من الخرطوم .... ولا استطيع الا ان اقول ستظل فى الابداع دوما لافتات من بريق .... حتى تعود للازهار رائحة الرحيق .... فشكرا الاخ الموقر بكرى على الحضور الانيق ....

رمضان حسن : اعتذرت لة امام الملا عن تقصيرى فى تواصلى معة .... ومتعنى بسردو لطلاب وخريجى جامعة الخرطوم ابان فترتة ودراستتو وكيف انة تعرف على طالب مراغة النجيب بمعهد الكليات التكنلوجية العم فاروق الطاهر .... ودغدغتنى بزكريات جامعة الخرطوم .... استاذ رمضان اهلنا العرب بقولو الزول بحدثو غرضو .... دحين اغراضنا كتيرة عندك وبالواضضضضضح دايرين نكسر ليك تلج عديل كدة .... شن قولك ؟؟؟؟؟

مجدى ابراهيم: كان ممثلا قويا لشباب الحلة البحرى وسعدنا بمشاركتة

هيثم عبدالقادر : الامال كتيرة معولة على علميتك وافكارك النيرة ياريت تنخرط بنسبة 100% وتتعلم على السهر .... خاصة بعد لقاء الصراحة الامس دة ..... وزكرتنى موقف لطلحة عبداللة العمدة يوم جايين فى الخريف من بيتكم فى ابوادم بعدما ضربنا شاى المغرب والضريسة خشت لى فى رجلو فى السهلة ديك ..... قال لكين خالتى سمبة دى ما مراة حديدية .... يعنى انت زول حديدى وراضع لبن امك ولازم مراغة تستفيد منك بكفاءة مية المية مش 30% الحالية ....

مرغنى حسن : والله حضورك ومشاركتك كان ليها اثر عظيم جدا .... وكملت الصورة الاسرية الرائعة لكن ماقدرت تحسم الجدل الظل طيلة الجلسة الاكبر سنا الباقر ولا رمضان حسن ؟؟؟.... فى دى الحقنا ياعبدالرحمن نصر الحقنا سرررررريع .....

الضفاضع : حكيت لجزء من الحضور قصة ماهر بتاعت غغغغغاغغغا غغغغغغغا هو وعبدالرحمن نصر .... فقالو ليكم غغغغ غاغاغاغاغااا ..... ههههههه ......


مشيرة وضحى : الثنائى الرائع الذى زاد المكان القا .... حضوركم كان بمثابة حضور كل بنات البلد فى نظر الحضور الامس وديل العمد واصلهم وتفاعلم مع الجميع ....

هانى العمدة: مالقيت فرصة فينى وباقر ما اداك فرقة ..... ونورت الجلسة باسلوبك السائر... وكنا متوقعنك تجى ببدلة وكرفتة لكن خزلتنا هههههههههههه

اسماعيل عبدالحميد : قال عن المنتدى: يولمنى ان اغرد خارج هذا السرب الجميل ..... فانا والله اعيش غربة موحشة بل اشبة ذاتى بسمكة وهى خارج الماء ..... وربنا يسهل امر اسهامنا معكم ..... لكن اخر دعوة فى قولك دة دة بيعنى لى شى واحد انو انت مازلت فى حيرة من المشاركة .... وانا بعرفك لو جيت حتصوطا وناس امريكا حيعرفو بادق التفاصيل قبل ناس مراغة .... ياخ تعال بالعندك وشاكر وسيفو بيتمو الباقى بالكاميرا ..... واصلو امجد قادم قادم من حلفا .وبصات توحيد مكة الجعلى بيحشد فيها مكن هسة عشان تنقل ناس الخرطوم ما الدولارات موجودة ... هههههههههه .... وسمعا ختما بانو اجمل مافى الجلسة الصلح الذى تم بين الهندى ومسار وقال ليك ياودالشريف خلى الحافلات الكبيرة البتشيل ناس مراغة واقفة فى الشارع العام ماتدخلا الزقاقات ..... ....

تحياتى وتقديرى
مجدى حسن باشنتود


[ندعوك للتسجيل في المنتدى أو التعريف بنفسك لمعاينة هذا الرابط]


عدل سابقا من قبل مجدى حسن في الأحد 26 سبتمبر 2010, 7:59 am عدل 2 مرات
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 7:29 am

الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 7:32 am

[ندعوك للتسجيل في المنتدى أو التعريف بنفسك لمعاينة هذا الرابط]


الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 7:33 am

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
الجعلي
 
 
الجعلي


عدد المساهمات : 299
تاريخ التسجيل : 28/02/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 8:30 am

شكرا الباشمهندس مجدى حسن على هذه التغطيه الشامله والرائعه
حقيفه الجلسه كانت ممتعه جدا واجمل مافيها تمازج الاجيال مابين ضحى صاحبه العشرين ربيعا وميرغنى حسن صاحب االستين ربيعا فهذه كلها بركات المنتدى والتحيه اولاوالقائمين على امر المنتدى اخونا بكرى ومالك ودالشريف نامل منكم المذيد فى الاخراج لان المنتدى اصبح هو كيان مراغه الجامع وسر نجاح المشاريع والجاسه كانت مثمره جدا خرجنا بها باوراق عمل لثانى ايام عيد الاضحى ....رغم تقرب الاعمار مابينى وبين هيثم وذوالذنورين ماكنا نجلس سويا فى اى مكان وعندما نتقابل فى اى مكان يكون القاء مجرد سلام ولكنا جميعا عقد العزم للعمل سويا من اجل مراغه وان يكون شعار العمل من اجل مصلحه مراغه وبدات التبرعات بالجلسه والتزمنا جميعا بمبلغ 100جنيه لكل فرد فينا وهذه بدايه لعمل يكون حصاده فى العيد بنادى الوحده الرياضى وبحمد الله انتظموا الساده ادارى نادى الوحده العمل بتوصليات والكهرباء والصيانه والترميم وهم الان فى حركه دؤبه جدا ونامل المذيد حتى يكون النادى هو متنفس الاهل بالمنطقه بدلامن .... وكذلك نقترح بان يكون بالنادى مركز كمبوترلكى يخدم قطاع الشباب بالمنطقه..وللحقيقه والتاريخ انتظمت هذه الايام موجه قويه من الاخوه فى دفع العمل العام ويوم الجمعه عقب الفطور هنالك جلسه مابين الطلاب والخريجين وقياله بالنادىمراغه بالخرطوم وبالمساء ايضا جلسه مع اداره النادى لامر الكيان وبرنامج العيد ونامل من الجميع صالح الدعوات بالتوفيق والسداد
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 8:31 am

الاخ مجدي تفصيل وافي شافي كافي وصور مختارة ومنتقاه لكن نعيب عليك من المفترض تذكر محمد لانو اول الحاضرين ومن صحي وقام من النوم انحنا صحينا وبدينا نتكلم دي شكوي جاهزه ونقاطه مضمونه وهو من القادمين بقوة باذن الله وعشان تعرفوا محمد ده منو؟؟؟؟ هو جدوا حسن محمد علي ؟؟؟

والله من وراء القصد
ابوعزام
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 8:39 am

مساهمات الامس :

1.0 الباقر عكاشة 100 جنية
2.0 رمضان حسن احمد 100 جنية
3.0 عبدالرحيم الجعلى 100 جنية
4.0 ذنورين نصر الدين 100 جنية
5.0 مجدى حسن محمد 100 جنية

وشكرا .....
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 9:02 am

هيثم عبدالقادر 100 جنيه
والكان حاضر الجدو حسن محمد علي نتمني ان يعلن لينا تبرعوا وهو من ابناء مراغة المخلصين ؟؟؟؟؟؟؟؟


ابوعزام
الرجوع الى أعلى الصفحة اذهب الى الأسفل
مشيرة
 
 
مشيرة


الموقع : امدرمان
عدد المساهمات : 1276
تاريخ التسجيل : 27/01/2010
العمر : 35

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 9:42 am

والله كلام جميل وبما انو مجدي النزلو معناتو هيثم ما لحق ينزل سريع

وهنيئا لنا ولكم الجلسة وان شاء الله جمعة خير

واما عن المية بتاعتي ههههههههههههههههه محمود عندكم اتصرفو معاة وضحى نخليها 50 مامشكلة هههههههههههههه
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 9:57 am

ياذنورين محمد مجدى قال ليك انا متبرع بـــ 20 جنية ....... يلا اسال عزام سررررررررررررررريع ؟؟؟؟
الرجوع الى أعلى الصفحة اذهب الى الأسفل
هاني 0العمدة
 
 
هاني 0العمدة


الموقع : مراغة
عدد المساهمات : 258
تاريخ التسجيل : 22/01/2010
العمر : 41

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 11:44 am

الاخ مجدي تحية طيبة
اولا نحييك علي العمل الرائع دة والتوثيق للجلسة الجميلة وحقيقة طرح الناس
كان موضوعي ومناقشة الشباب للقضايا ايضا كنت بموضوعية ومعرفة خصوصا
بوجود بكري ادريس ورمضان حسن باعتبارهم اصحاب تجربة في العمل العام
وبةجود استاذ مرغني بي تجربة التربوية وايضا الباقر عكاشة المنفعل بقضايا مراغة
والشاب المثقف الواعي هيثم عبد القادر ونحن سعيدين بالعمل معاهوا كمنسق ومشرف للجنة
التسيرية وانشاء الله وجودو كوجه جديد علي راس اللجنة سوف يسعد الجميع وهو محل اتفاق
وايضا الاخ ذو النورين الذي استمع جيدا ولخص الجلسة والمبدع
سمعة شرف الجلسة وابدع وامتع وايضا الاخ الجعلي وهو يتحث بحكمة ودراية
كعادته والاخ مجدي ابراهيم والاخت مشيرة ومجاهد وضحي
ونجم الجلسة محمد مجدي ( ابو الدايمي الصغير)كلهم شرفو القعدة
واتنمني ان تتواصل الجلسات حتي نضع رؤية جيدة للكيان

تحريمة...الاخ قرشي عشانك انت ونضار وبعض الاخوة
خليت مجدي بعد ما استجار بيكم ههههههههههههههه
الرجوع الى أعلى الصفحة اذهب الى الأسفل
هاني 0العمدة
 
 
هاني 0العمدة


الموقع : مراغة
عدد المساهمات : 258
تاريخ التسجيل : 22/01/2010
العمر : 41

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 11:46 am

ايضا اتبرع بمبلغ (100)جنيه
الرجوع الى أعلى الصفحة اذهب الى الأسفل
dr.babikir
 
 
dr.babikir


الموقع : السودان
عدد المساهمات : 780
تاريخ التسجيل : 13/02/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 12:31 pm

بارك الله فيك اخي مجدي علي هذا السرد الوافي الراقي الذي ربطنا بكم وبمراغة وبالاخوة الكرام الذين تهمهم مراغة وياريت تدوم هذه المحبة ونكون مجتمعين دايما وربنا يقدر الكل علي رفعة مراغة وهذا هو الاهم
الرجوع الى أعلى الصفحة اذهب الى الأسفل
Bakri G. Salih
 
 
Bakri G. Salih


الموقع : السعودية/الرياض
عدد المساهمات : 447
تاريخ التسجيل : 09/01/2010
العمر : 67

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 2:55 pm

اعزائي الاماجد

لك التحية والود عاطرا شذيا

بارك الله في جمعكم الطيب المبارك وانتم ترفعون القواعد وتخطون باحرف من نور اللمسات الاساسية لنهضة تنموية عملاقة ستعم باذن الواحد الاحد كافة جوانب الحياة في موطننا الصغير وارساء دعائم الوحدة والتأخي والتصالح والتسامح فإلى الامام .....ادام اله عزكم ووفق جمعكم.

فمن من المؤكد وجود ملفات متخصصة في كل امر يسهل من عملية المتابعة ويسارع بالتنفيذ وفق روؤى محددة يتفق عليها الجميع.

وقد فطنتم ايها الجمع الكريم من اجتماعكم الاول لاهمية توفر الدعم المادي بجانب الدعم المعنوي مما يؤكد جدية الطرح وتوفر العزيمة فكان تدفق تبرعاتكم سلسالا حتى من صغار القوم وطلابنا عطاءا متدفقا..... واجزم ان الذي يدخل هذا البوست لا سبيل له من الخروج وإلا وقد نفض الكيس لكونه يمثل بداية عرس مراغة وخت المعلوم......فهاكم منى 500 ريال سعودي افتتاح لتبرعات اخوانا في السعودية والبقية تأتي.

وللاوطان في دم كل حر** يد سلف ودين مستحق
الرجوع الى أعلى الصفحة اذهب الى الأسفل
محمدادريس النور
 
 
avatar


عدد المساهمات : 15
تاريخ التسجيل : 26/09/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 6:19 pm

الاخوة الاعزاء
اطلعت علي المنتدي وتاسفت لعدم حضوري ولكن اوعدكم
ان اكون حاضرا في كل نشاطات المنتدي القادمة
والله جلسة جميلة وبداية جميلة واتمني ان تترجم الي اعمال
خاصة وان مراغة اصبحت بها مشاكل كبيرة وتتطلب من الجميع
التكاتف
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 6:50 pm

الاخ محمد ادريس اضافة حقيقية للمنتدي ومن الثروات المدفونه في باطن الارض اعني الافكار والتلاحم والتجارب وقد صقلته الايام والسنين في العطاء والهم القومي الكبير والله مرحب بيك وفعلا تاخرت كثيرا نامل منك ان تكتب وتشارك برايك ولو كنت في طريقك لمصر انشاء الله في حلفا واكيد سيستفيد الجميع من الاخ محمد ادريس ومن تجاربة واراءة التي ستضيف لنا قوة ومنعه ولم تكن بعيدا عن الحراك الموجود فقد تحدثنا كثيرا في مواضيع تهم القرية
بس يامحمد ادريس يقولوا ثروة في باطن الارض ويشيلوا اجهزتهم ويجروا وراك
ومراحب مرة اخري
والله من وراء القصد

ابوعزام
الرجوع الى أعلى الصفحة اذهب الى الأسفل
قرشى شيخ ادريس
 
 
قرشى شيخ ادريس


الموقع : الولايات المتحده
عدد المساهمات : 974
تاريخ التسجيل : 28/03/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 6:58 pm

الأخوه الأعزاء ادخلتم الفرحه فى قلوبنا فلكم التحيه والتقدير ...الأخوه هنا فى أمريكا عند وعدهم بالدعم والمسانده.
وشايف ناس السعوديه افتتحوا تبرعاتهم بواسطة الأخ بكرى والدكتوره نضار والبقيه قادمون والاخوه فى مصر وليبيا ولهم التقدير.
بقى الأخوه فى الأمارات نريد أن نسمع منهم.
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar


عدد المساهمات : 1064
تاريخ التسجيل : 01/09/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 8:32 pm

ياسلام عليك يا سلام الاخ مجدى
التحية لك وانت خليتنا نحضر الجلسه بتجسيدك الرائع الان تنفست الصعداء وانه العمل ابتداء بروح طيبه وبى ناس مسئولين ونخبه جميله .انا ظللت اتابع سردك بذات اندهاشة الجعلى وكنت عطشانه ورويت بالجو الجميل الفرائحى ..شهيتنا نكون معاكم وان لاحظت غياب العنصر النسائى كان من المفترض ان يصطحب هيثم اخواته ومشيرة بقية العقد الفريد ووين ماجده عبدالكريم وزوجها؟؟وليه ياهانى ما اخطرت الاخت الدكتوره نواهل ؟
والله اجمل شئ انكم يا مجدى وهانى رميتو وراكم القديم واتكاتفتوا ودى حاجه جميله ..انكم تسمعوا كلام كباركم انما هومن الاخلاق الحميده والادب واحترام التجارب والخبره من سبقوكم...والى نهضة مراغه والارتقاء بى انسانها ..توزيع المهام جميل جدا واحشدوا معاكم اكبر عدد من الشباب والشابات
ودمتم ودامت افراحكم ولقاءاتكم الجميله
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأحد 26 سبتمبر 2010, 9:49 pm

سردك رائع مجدي فقط نقطتين
الاولي ياريت تذكروا الجعلي باسمه
الثتنية ماوريتنا ترامس الشاي والكبابي الجميلة ده من وين؟
الرجوع الى أعلى الصفحة اذهب الى الأسفل
محمد بشير
 
 
محمد بشير


عدد المساهمات : 60
تاريخ التسجيل : 10/01/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالإثنين 27 سبتمبر 2010, 6:48 am

جلسة جميلة وتشكر علي التغطية الرائعة يا هندسة
ارجو أن تكون شبه دورية بأوجه جديدة لتلاقح الافكار وفي إطار ثم ماذا بعد بعيدآ عن البكاء علي الاطلال
ودمتم سالمين
محمد بشير
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالإثنين 27 سبتمبر 2010, 7:40 am


الاخوة الاعزاء مشكورين على المرور والتعليقات... والحمد للة الناس تعاهدت انها تبقى على قلب رجل واحد .... ولازم ولازم كل الخارجين عن السرب يشاركو .... شباب .... مراه ..طلاب .... الاعمام الكبار والخبرات منهم

محمد ادريس النور : الف مرحب بيك يا محمد ادريس فى ديوانكم العامر .... ومن الجمعة الجاية دايرين مشاركات
طوالى وياريت تجيب معاك اخرون .....

استاذ ماهر: الجعلى هو عبدالرحيم عبدالحميد خيرى (لكن لو ماقت الجعلى ماف زول بعرفو) .... وقصة الجعلى كاملة فى المنتدى الاجتماعى فى بوست تهنئة بالجعلى الصغير .... وترامس القهوة كان من مشيرة بس ماكان بسكر كان ببلح رطب جديد من مراغة .... والشاى والبسكويت من ام محمد مجدى (سعاد) ...

محمد بشير : اوجزت واختصرت ثم ماذا بعد ؟؟؟؟؟ بيان بالعمل بس والف مبروك الفوز على ارتدى امس وقدورة مشكور سمعنا الهتافات ....

العم بكرى :والله اخجلتنى بتبرعاتك السخية المتواصلة وربنا يثبت الاجر ..... بالامس استلمت مبلغ مليون جنية بالقديم وحولتها للجنة تسيير نادى الوحدة بمراغة .... ودمتم ....

د. نضار : ومنكم نستزيد .... ياريت تشجعى لينا اخواتك والشابات وقطاع المراة عموما من على البعد خاصة ناس الفيس بوك ....

قرشى : مشتاقين .... د. كباشى (عبيد شيخ ادريس) لحدى هسة ماخشى سجل فى المنتدى ..... فى انتظار علقة منك ....

ذنورين : محمد مجدى مازال فى انتظار عزام .... وبقول ليك لحدى بكرة لو ماردا عليهو بيفتش روضتو وين براهو .... دى طبعا مبسوط منها ياسر ابراهيم للحد البعيد ....

هانى: انقلاب 180 درجة هههههه .....بس سعادتو عطا زعلان منك بشدة كيف ماترسل ليهو دعوة للقاء دة .... وياريت اللقاءات تبقى دورية وفى مكان معروف والدعوة تكون عبر رسالة بالموبايل للناس المابخشو الموقع بصورة دورية لانو د.كباشى برضو رسل صوت لوم لعدم وصول الدعوة الية ....

الجعلى : ماوريتنا انت كنت بتقول شنو فى اللقاء ....

تحياتى





الرجوع الى أعلى الصفحة اذهب الى الأسفل
مجاهد باشنتود
 
 
مجاهد باشنتود


عدد المساهمات : 180
تاريخ التسجيل : 08/01/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالإثنين 27 سبتمبر 2010, 4:57 pm

الاخ مجدي مشكووور علي التفاصيل الشافية والكافية
لكل مادار في ذلك اللقاء الممتع
وياريت ياريت يكون بصورة دورية
عشان الناس تكون في تواصل دائم

ويالجعلي منتظرين المفاجأة القلتها لي
يوم الجمعة ان شاء الله في النادي
والله الموفق
الرجوع الى أعلى الصفحة اذهب الى الأسفل
سيف شهلى
 
 
سيف شهلى


عدد المساهمات : 435
تاريخ التسجيل : 11/01/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالإثنين 27 سبتمبر 2010, 5:29 pm

شكرا يامجدى على هذا السرد الجميل المتسلسل لما حدث وكأنى كنت حضور لتلك الليلة
ولكن مثل هذه اللقاءات نريدها ان تتم هنا بدنقلا ودنقلاايضا بها عضوية فى المنتدى ومن حقها ان
تشارك الرأي ولابد من ان تعيروهم الاهتمام فهم كثر واحسب ان رأيهم سوف يفيد فى قادمات
الايام وسوف تكون لهم حوجه ولابد ان تضعوهم فى الصورة عشان بعدين مايبقى الناس تشاتر
ذي برنامج تكريم عباس..... واحسب ان يكون هنالك شخص يكلف بمثل هذه الاعمال واقترح محمد بشير
بأن يتولى هذا الامر ...........
اخيرا يامجدى ولا نقوم نعمل انفصال
الرجوع الى أعلى الصفحة اذهب الى الأسفل
مجاهد باشنتود
 
 
مجاهد باشنتود


عدد المساهمات : 180
تاريخ التسجيل : 08/01/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالإثنين 27 سبتمبر 2010, 5:49 pm

الاخ سيف
قول يالطيف وطول بالك انفصال شنو ياخ
مثل هذه اللقاءت لوبقت في دنقلا طبعا اكيد
بتكون حاجة جميله
وياريت مالك وود الشريف يحددو موعد
كل اسبوع مثلا يلتقي فية كل الاعضاء في غرفه
الدردشة (مراغة - الخرطوم - وكل المغتربين)
والله الموفق
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالثلاثاء 28 سبتمبر 2010, 10:02 am

الاخ مجاهد و سيف شهلى مشكور على التعليق وياريت قريتو قبل اهاتفك .....
طوالى ترتبو للقاءات الزى دى لانها مفيدة شديدة وياريت تكون سريع ....وواللقاء الاتعمل لناس الخرطوم مامعناهو ناس دنقلا مايعملو .....

اما بخصوص اللجان والملفات فانا طالب الاخوة انو بدل فرد واحد تبقى مجموعة او فريق عمل لو قريت تعليقى على اقتراح هيثم ..... عشان نتائج الفريق مازى نتائج الفرد مهما بلغ من تاهيل .... والراى النهائى للشورى والاتفاق ....

فى لجنة تسيير اتكونت فى دنقلا وفى الخرطوم برضو وياريت ذنورين يكتب لينا منو اعضاءها .... صراحة اول مرة اسمع بي لجنة دنقلا فى نهاية اللقاء وطالبنا بانو يدخلو فيها خريجين واضافة شخصيتين شباب ....

الاخ ذنورين : ياريت توضح لجنة تسيير الخرطوم ولجنة تسيير دنقلا والاسماء الوردت فى الاجتماعات ... ويكون ترتيب واضح وكل الخطوات البتم تنقل فى المنتدى عشان الناس كلها تكون عارفة البيحصل شنو .... صراحة لحدى اللحظة دى انا برضو مارعافم عملو شنو ناس دنقلا ..... وكل نشاطات الكيان يكون عندها رابط وبوست واضح فى المنتدى لانو الشبكة الرئسية ماكل الناس بيخشو .... عشان مايعملو ليك انفصال .... وتبقى فى استفتاء بدل كيان ... سلام
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

لقاء المكاشفة - اعضاء المنتدى بالخرطوم  Empty
مُساهمةموضوع: رد: لقاء المكاشفة - اعضاء المنتدى بالخرطوم    لقاء المكاشفة - اعضاء المنتدى بالخرطوم  I_icon_minitimeالأربعاء 29 سبتمبر 2010, 12:29 pm

الاخوة المعلقين
نحي ونكبر فيكم الروح الوثابه وانتم تكتبون من اجل الخاص والمخصوص والاخص مراغة الحبيبه وانها لمسئولية عظيمة انتم قدها وقديدها وتدعون لترابط فوق هذا الترابط الذي نشاهده من اخوة صادقة ولوم وعتاب علي اي لحظة بعد وجفوة بينكم وتريدونها علاقات اجتماعية صادقة وصافيه ونابعة من وجدان يملؤة الحب والاخلاص والايثار من اخ لاخيه نامل ان يسود هذا الاخاء وهذا التصافي فيما بين الجميع لنعطي اروع الامثال لغيرنا ( من غيرنا يعطي لهذا الشعب معني ان يعيش وينتصر)
ومن هذا المنطلق وبعد نقاش مع بعض الاخوه نرجوا من الاخ والقائد محمد بشير محمد بشيرو رغما عن مشغولياته ومهامه الجسام ان يقود الكتيبة اهل المنتدي في مراغة وان يعقدوا لقاء جامع يتفاكرون ويتحاورون ويتناقشون في امور كثيرة هم ادري بها منا وان يصلوا الي توصيات تعينا في لم الشمل ومقترحات تعيد لنا صياغة المشروع ولاشك ان اهل المنتدي بدنقلا لديهم الكثير وخاصة انهم شاهدي العصر وشهادتهم سيفيد الجميع ومقترحاتهم ستجد الاذن الصاغيه
اخي محمد بشير بعد استئذان ادارة الشبكة والمنتدي توافق الجميع في تكليفكم باجراء اتصالاتكم وتحديد موعد قريب في المكان المناسب الذي ترونه وعمل لقاء باسم المنتدي ولكم الحرية باضافة اشخاص ترونه ومن ثم توثيق الامر بالصور والتعليق
اما بخصوص لجنة دنقلا فتم تحديد الاساتذه كمال صالح الامين مبارك محمد علي الصادق عبدالله وهنا بالخرطوم عبدالرحمن عوض والباقر عكاشة وديدي عبدالوهاب عبدالرحيم الجعلي هيثم عبدالقادر مجدي حسن النزير محمد نور عثمان عبدالرحيم ذوالنورين نصرالدين وسافر دياب عابدين دياب
اما بخصوص الترتيبات في دنقلا فقد تم طرح مجموعة نيره من الاسماء وتوافق معظم الحاضرين عليهم ولكن ارجأ ذلك الي اجتماع الجمعه القادم باذن الله وبعض المقترحات التي قدمها الحضور يوم اللقاء الاجتماعي سوف يتم تداولها بطريقة شورية وديمقراطية لياخذ الطابع الرسمي والملزم والجاد ويكون مدون عبر الاجندة والمقترحات التي تفضي الي التوصيات الملزمة ويصبح بعد ذلك قرارا ملزما باعمال الشوري باذن الله .
والله من وراء القصد

ابوعزام
الرجوع الى أعلى الصفحة اذهب الى الأسفل
 
لقاء المكاشفة - اعضاء المنتدى بالخرطوم
الرجوع الى أعلى الصفحة 
صفحة 1 من اصل 1
 مواضيع مماثلة
-
» لقاء اعضاء المنتدى
» اهداء خاص الى اعضاء المنتدى
» هل تعلم لماذا يطلق علينا اعضاء المنتدى؟؟؟
» ثلاثة اعضاء معنا احذروا منهم
» ماذا فعل المشرف العام بعد وفاة احد اعضاء المنتدي ؟!!!!!

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: