الاسماء المستعارة

[الاسماء المستعارة
نوه الكثير من أعضاء المنتدي بأن الأسماء المستعارة لاتشبه طبيعة المنتدي
حتي لو كانت الأسماء المستعارة شرعية ولها أسبابها، لكن أقل ما يمكن قوله
أنه جائز مع الكراهة.
ولأن الناس كلها من أصل واحد وان تشعبت الفروع لايوجد غريب بيننا, ولابد لكل أسم مستعار شخص ما في المنتدي علي علم به.
وأن علم الاسم الحقيقي لشخص مستعار حتما سيعرفه الكل.

في رأيى المتواضع هناك ثلاثة طرق لفك الالغاز...
الطريقه الأولي أن يعلم صاحب الاسم المستعار عن نفسه ويادار مادخلك شر.
او ان يعلن اي عضو يعلم عن أي متخفي ويظهره دون مشاورة أحد.

او ان تعطوني الأذن حتي استعمل السوط وكل اساليب الهجوم المباشر والغير مباشر... حتي يعلن كل متخفي نفسه كما فعلت نسمة وفاء ... وحتي يتراجع من تخول له نفسه... ويحسب ألف حساب... وألا فسيحزم حزم السلم... ويجلد جلد البعير حتي يحسب الديك حمارا
مارأي الأخوة في هذه الأقتراحات بعد تقولوا يالطيف

الخال ماهر سلامات وربنا يجيبك لينا بالسلامة
اقتراح اكثر من رائع .اولا حتي بعض الاعضاء اذا عرف نفسه يمكن ان لا يعرفه الكل فما بالك ان يكون تحت اسم متسعار
فعليك بالجلد اذا لم يعرف كل مستعار نفسه

بالمناسبة نسيم الصِبادي انا زاتي لما الحساب دا ابى يشتغل معاي

لكن مادخلت بيهو تاني ممكن يتشال برة

[b]شكرا ذنو
سجلوا عندكم ... مراغية هي ماجدة
مبروك ماجدة تم انقاذك من الجلد b

ثم اضبط واقبض الفنجري محمد بشير
ونيو مراغي لا ادري

والله نسيم الصِبا دا قديم انا اتفاجأت لما لقيتو في الاسماء المستعارة قلتا اكيد دا الحساب السويتو لانو اسم دخولي في الاسكايبي عشان كدا عرفتو وغير كدا رفض يسجل لي لانو الايميل واحد ماعرفتا نزل كيف

ونأسف للفة الراس العملتها هههههههههههههه

وجهز السوط الناس دي هسي بتظهر

][ كلام جاد

الاسم المستعار قد يشارك به شخص من خاج خارطة اهلنا بمراغة
الخطورة تكمن ان يتصرف شخص ما تصرف غير لائق باسم منتدي
مراغة
طلبت اللقاء المقترح ان يؤجل حتي يتم التعريف الكامل اكرر الكامل
حتي نتاكد من ان الكل جذوره مراغاوية
ولا رايكم شنو؟
!

الاخ ملحوظة جميلة...وانا قصدت بالجذور الرحم والنسب عمق الرحم
اكرم وانعم بالنسب...وتذكر انا عندي نسيب اهله مامن مراغة...والانفتاح
الاخير زاد الاهل

[عزيزي امجد...

اليك مقطع لود بادي
...,......

الجنيات الغابت جابت
انت الجيب بس قايلو
قميص افرنجي وكرتونات كرمله؟
لا لا وحاتك حاشا وكلا
ديل يوم عادوا
اتلافوا الجاهل بحقوق الله
ديل كم لحقوا الضايق وداووا العلة
الولد الجايب حقايب سفروا تقال
من جنس كتاب ومجلة
الحكمة النضم اياه الكان
الحكمة الولد اتوضأ وصلي
عادة البلد الدخلت فيه
سكنت مابتتخلي
نحن كمان طارينا الحلة
ودرنا الطلة
نشيله معاهم فرحة وميتة
حلات الموت كان في حمدله[/b]

زي انا مثلا هسي في داعي اغير اسمي؟؟؟؟؟؟؟؟؟ دا اتعودة عليه

وكلكم عارفني

الاخت مشيرة


الاجابة ببساطة شديدة لاء

الابنه مشيره بكل صراحه نعم ........ ماالمانع بأن تكوني مشيره محمد أحمد عبداللطيف نعم عرفناك جميعنا فقط نريدك بان تكوني قدوه ويحزو حزوك بقية الاعضاء . واقولها صراحة كاننا في نفق مظلم الي الآن بشان هذه الاسماء المستعاره والدليل الخلط الذي حدث
في موضوع مراغيه وبعد التعليق والردود اتضح بان صاحب الموضوع نيومراغي واقترح بان يتم تصويت في هذه الاشكاليه

ياعمو ماهر ماتصلح المعلومة دي لي عمو عبد الرحمن وتركب الاسم صح

مش طلعنا من نصر ابراهيم وامنه ابراهيم

والله انا بعد بديت في الشجرة عرفتا مدى قرابة الناس لينا بالجد

واسمي مشيرة عبد اللطيف محمد احمد

عفوا مشيره عبداللطيف محمد احمد يمكن هذه المره الثانيه وانا اشقلب اسمك
يكمن لانك كنت نسمه وفاء ورجعت مشيره بالعين الحمراء علي اي حال لك
العتبي حتي ترضي واكرر اسفي ورأيك شنو خليك نسمه وفاء احسن

[ البشري للجميع
بعد ان تم مداهمة اوكار اصحاب الاسماء المستعارة والمتسترين لهم والمندسين بينهم وكل المارقين والشارخين للصفوف ، وبفضل مجهودات الجلادين امثال ذو النورين وعبدالرحمن وقرشي وغيرهم ... تم معرفة غالبية الاسماء المستعارة وتعهد الجميع عدم تكرار هذه الافعال المشينة.
والله من وراء القصد
وقولوا يالطيف

[ مالك انت فوق كل القوانين،يعني الاستثناء الوحيد
وبعدين الكلمة معناها واضح

[ لاحول ولاقوة الا بالله
كنت اعتقد ان السماء المستعارة مقصورة علي عدد بسيط لكن ياعبدالرحمن
العدد الذكرتهلامهول
العجيب بعض السماء مايعة جدا وتعطيك انطباع بان صاحبه يبحث عن المعاكسة. المعاكسة بمعناه المعروف يعني المشاغلة بالواضح
والبعض اعتقد من مياعته ربما يخفيه من اسرته.
المحمدة الوحيدة انه اغلبهم اايشارك،سجل الاسم الشين وهرب ربما خجلا

كل ماأرجوه ان لايعقب اي صاحب اسم مستعار علي كتاباتي
وقولوا يالطيف

الاخت مشيرة وانت اخت اكثر من ابنة
الحمد لله علي شيئين
اولهما الاسم الاصلي وهي حكاية تحتاج منك سماية عديل
الحاجة الثانية انك عرفت صلة القرابة وشكرا لشجرة العائلة
لكن القرابة لها تبعات اولها انك تسمعي كلام قرايبك الكبار
وقولي يالطيف

أخ ماهر اطمئن مافى زور من ديل علق على كتاباتك الا بعد كده يعلقو...المنتدى ده بيحل اشكاليات بلد كامله .
وديل للأسف بيدخلو عشان يتسلو وربنا يديهم العافيه.
واحده عسوله معقول حتحل مشكله ياخى دى ذاتا مشكله.

قرشي يديك ضحكت بعد غم
التعليق المقصود طبعا للمقالات مش التعليقات الجانبية
لكن علي قولك انشاء الله المسيرة حتسير

اها لو كدا انا ما بسمع الكلام لانو لسة ماعرفتكم هههههههههههههههههههه

اقصد بسمع والله بسمع بدون السوط والجلد والله تصدق عمري ما خفت من سوط بخاف الحقنة بس وبدي الناس حقن

ويديك العافية عبد الرحمن وماهر وقرشي على المداخلات اللطيفة

والاسماء دي غريبة على الكل وفيها بنات وين هم بس

هههههههههههههههههههههه والله حاجه تحير
استاذى العزيز طول بالك..واصحاب الاسماء المستعاره وراكم والزمن طويل ..طالما انت من مراغه فلديك عائله واب كريم اما عمنا او خالنا ..اذن هل تخجل ام تستعرمن اسمك واسم ابوك...ولماذا العمل فى الخفاء هذا موقع محترم ولن يؤاخذ عليك شئ والناس كلها وااااضحه وضوح الشمس...
اما بالنسبة للادمadmine هى من كلمة adomnisterخاصة بالادارة وليس اسم مستعار
خلو مالك وشهاب والادمن هههههههههه وشوفوا بقية الجماعه ديل وكلو كوم وبونا او فيتنام دا كوم ..انا قوقلت الاسم ولقتو اسم هندى مامشروح معناه..يعنى ممكن يكون اسمها بونا م لكن اسم ابوها منو ...فيجاى؟؟؟؟؟؟؟؟وللمعلومه انا كنت سجلت فى الفيس باسم مستعار ..لفترة اسبوع فنصحنى الاخ المهندس زاهر فضل بتغير اسمى المستعار لاسمى الحقيقى وقال ليا طول ماانتى ماشه صاح لاخوف عليك ان تظهرى اسمك..فانا كنت فى يوم ما بونام..ولك فى القصة اسوة حسنه!!!!!!

الأخوة الاعزاء فى رأيى الشخصى ما مشكلة انو الواحد يستخدم اسم مستعار ... طالما تحلى بالأدب والأحترام ولم يسء لأحد والتزم بقوانين المنتدى .... لا تنظر الى من قال ولكن انظر الى ما قال
ولكم فائق الود والاحترام

يا عبد الرحمن يا خوى ركز فى موضوع الشجرة الشجرة دى عاوزنها تكبر وتثمر وخليك من استعار واعار ويعير امسك لينا فى التشجير خلى الموضوع ينجح وتبقى لينا غابة
ولك ودى

الأخ سموءل تحيه صباحيه عطره
يبدوا انك لم تتابع تعليقاتنا علي مدي الايام السابقه مالداعي لهذه الاسماء وكما ذكر
الاخ ماهر هي اسماء مايعه لاتليق ومكانة الموقع . ثانيا تحت ستار التخفي يجدون
راحتهم في الاساءه بالكلام الجارح ماذا ستفعل في هذه الحاله ؟ ثالثا كما ذكر الاخ
ذوالنورين ودكتوره نضار كلنا اهل لماذا تخفي والدك ووالدتك وحتي اسماء الاناث
طالما الكل اسره واحده ما الداعي لعدم ذكر الاسم ؟؟ وهناك سلبيات لاحصر لها
والله يااخوي ياسموءل ردك التاني وصل وانا في ايدي الماوس عشان ارسل الرد الاول وانتظرت لاري ردك التاني
وياريت تشيل هم الشجره معاي تشجيعا وموازره اذا دخلت في اي موضوع تجدي اطلب ارسال البيانات حتي في
حتي عندي موضوع الانفصال القدر المحتوم ما علاقة هذا الموضوع بالشجره حتي في موضوع اين نجوم المنتدي
ومجاهد قال الله يعينك ياعبدالرحمن في كل المواضيع ؟؟؟ ومن هنا نناشد وننشاد الشجره منار لاتجب ان تنهار ياجماعه

الاخ الاستاذ/ ماهر
كنت محقا عندما طرحته هذا الموضوع ... مادفعنى للرد اننى لاحظت
اسماء مستعارة كثيرة داخل المنتدى (بونام مراغه- كمندان -وحيد ماما ) وغيرها
فهل ياترى الاخوة بإدارة المنتدى لم يفلحو فى ان يعرضو الاسماءالحقيقية للمشاركين
ولطالما هذا المنتدى من اهدافه التعارف مابين الاخوة بمراغه بالداخل والخاررج
فلماذا ... يضع الاخوة بإدارة المنتدى اصبعهم فى اذنهم وكأن الامر لايعنيهم
فنرجو وحتى يخدم المنتدى الغرض منه نرجو ان يفصح الجميع عن اسماءهم الحقيقية
لنزداد قربا ومحبة وتعارفا .... نبنى بع مراغه الحبيبه

الاخ سيف شكرا لاهتمامك ومتابعتك لكننا لم نضع اصابعنا فى اذاننا ..وانت رايت اليوم كيف حاورت واياك المدعو سنهورى احمد سنهورى ولما لم نجد له هوية حذفناه مباشرة ووحيدة ماما تم انذارها ايضا وبونام سوف يتم حذفهم مباشرة اذا لم تتاكد هويتهم
والله من وراء القصد

الاعزاء واستاذى....حسب افادة الكمندان ..ان اسمه سنهورى احمد سنهورى مدير العلاقات العامه لشركة سوداسيرفس فتم الاتصال بالرقم حيث لم ياتينا رد واظنه رقم ثابت تابع لاحدى الاماكن ...وكان احتجاجه على الاداره وتم انذاره ثم حظره
ثم اتتنا الافادة من الاخ هانى ان الكمندان هو ابن العمة طارق عبدالوهاب على احميدى...
هسه الاسم الاجمل طارق ام كمندان وسنهورى ..حيرتنا يا اخى ..مرحب بيك وسهلا يا طارق اضافه حقيقيه للمنتدى ولمراغه لكن باسمك الحقيقى @@@@@@@@@@@@@@@@@
ياخى خوفتنا عديل كدا رابط ليك درزينة سلاح ..وخاتى عزرائيل ملك الموت ياخى ارعبتنا

الأخت الدكتوره والأخوه فى الأداره...حقيقه الاسماء المستعاره سببت بعض الأشكاليات.
فعلى حسب رأيى الشخصى اذا لم يلتزم صاحب الاسم المستعار باللوائح وجب التطبيق الفورى بالحظر.
أما من التزموا بكتابات مفيده نتمنى أن نتجاوزهم خاصه من لم يتناقشوا فى المواضيع التى تخص قريتنا ويكتبون فى الثقافه والدين والادب.
لأن الاشكاليات دائما تأتى من الاسماء المستعاره التى تناقش مشاكل قريتنا ولا تحترم أبسط المبادىء وهى تعريف نفسها وهويتها.
فكيف لا تعرف نفسك وتريد حلا لاشكاليه...لأنك وبهذه الطريقه أصبحت جزءا من المشكله وخصما على الشفافيه.

الاخ طارق ..حابتدى ليك من ورا من حيث انتهيت انا من حقى ان انشر كل ماهو غريب حتى اوضح للكل الرهق الذى نجده فى تقصى الاحقائق وحل المشاكل ..الشئ التانى لو لاحظت اسم البوست دا الاسماء المستعاره اذن انت دخلت باسم مستعار واثرت لغط نحن فى غنى عنه الشئ التالت ..انا غير مضطره للكذب انا اتصلت بهذا الرقم ادانى جرس طويييييييييييل ومافى رد ..فراسلت الرقم لزميلى ياسر ليتصل من السودان فاكد لى ان هذا رقم ثابت وان اسم الشركه دى موجوده ..يعنى اى كلمة اوردتها انا كانت صحيحه يا استاذ طارق..ولم انشر لك شئ يضرك او يسئ اليك وعندما سجلت باسمك رحبنا بك وسعدنا بك ايما سعادة وكتبت الكلام دا بشفافيه ونوع من المزاح ايضا

من كترت التساؤلات ومشاكل الاسماء المستعاره اردت اشراك الجميع فى امر يهم الكل ووحيدة ماما سجلت قبل شهور قبل ان تستفحل مشلكة الاسماء المستعاره..وتم تنبيهها وتحديد مهلة اسبوع من قبل الاداره كقرار جديد خلال هذا الاسبوع .اما اتصالى بالرقم فانا اؤكد انى اتصلت ..ولما توصلت على شخصك الكريم كان بعد سؤال هانى عليك.اما ردى عليك فلو بتتذكر رديت عليك فى الموضوع مرتين وقلت ليك عرف نفسك ..ثم ذهبت الى موضع اخر وجدتك تسائلت( مجرد سعال) فلقيت الموضوع مستفز..وفى نفس الوقت كانت مشكلة الاخ احمد خير او محمد وديدى ..فقررت شطب مشاركة اى شخص غير معروف ..منهم مشاركتك والاخ وديدى ثم قرر الاخ مدير الشبكة ان لا يسجل اى شخص مستعار..كقانون جرى العمل به فى شبكتنا من هذا الاسبوع اما الاشخاص الذين تم تسجيلهم سابقا فاعطوا مهلة 10 ايام كانذار ثم يتم الغاء اشتراكهم..والكلام دا كله مكتوب .اما وحيدة ماما فهى معروفه للاداره يعنى مافى خيار وفقوس..وانت لما رسلت رساله ارسلتها الى المدير فاحالها لى وقال قد يكون سنهورى احمد سنهورى شخص موجود وعايز يشاركنا وله الحق فقمت بالاتصال ..ولم ياتينى رد ورغم انى غير ملزمه بتاكيد ذلك لكن جوالى موجود وممكن فى سجل المكالمات يوجد رقمك وتاريخ ووقت الاتصال..ومافى شئ بينى وبينك او اى شخص شئ شخصى حتى يكون فى خيار وفقوس ..اما تلميحك بانى غير متابعه او انى امعه انى اتبعت سيف شهلى وكونت موقف بناءا على رايى شخص اخر فهذا ليس من طبعى..رحم الله امرء عرف قدر نفسه ..وفعلا المابعرفك بجهلك.. وانا متابعه وفى اول رد لى عليك قلت لك عرف نفسك
وفى الختام كلنا ابناء ادم وابن ادم خطاء..