حلو الجلاكسي الفاخر

المقادير ( الكمية تكفي لطبق بايركس صغير ، للأحجام الكبيرة ضاعفي)
نحتاج إلى:
الطبقة الأولى:
كيك شوكولاته ( أنا استخدمت الباوند كيك الجاهز وهو مصور سترونه لاحقاً)
الطبقة الثانية:
4حبات كيري
علبة قشطة
كأس بسكويت مطحون
الطبقة الثالثة بالأعلى:
3جالكسي السادة
نصف علبة قشطة
الطريقة:
نفتفت الكيك في الطبق ومن ثم نضغط عليه باليد حتى يتماسك
الآن نحضر الطبقة الثانية بخلط الكيري مع القشطة والبسكويت المطحون
ونضع المزيج فوق طبقة الكيك
الآن نقوم بإذابة الجالكسي في حمام مائي وعند ذوبانها نضيف القشطة ونمزج جيداً
ومن ثم نصب خليط الكاكاو السائل في الطبق وهو حار
نضع الخليط في الثلاجة حتى يتماسك أخرجيه وقطعيـه وقدميه للضيوف

وألف هنا وعافية على قلوبكم

كتر خيرك اختى العزيزة ماجدة وانا من محبى الحلويات عموما ....
ياريت تفتشى لينا برضو الكريم كرملة .... غايتو ناس البيت بجيدو عملها وامن اكون عذابى بمشى ليها نمرة 2 وفى محلات مشهورة هناك ........ لكن يمكن مقاديرك الحتجيبيها حتكون افضللا ولا فيها تجديد ....

تحياتى .. مجدى حسن

كيف الاخبار بت العم اخبارك مالك مطولا مننا كيف الاخوان والاعمام ان شاء الله في صحه وعافيه
ومشكورين علي التحليه لكن ماتوصفي لينا حاجه ناكلا وبعدين نحلي الكلام دا مابجي احنا عزابه
ومعزبين بالاكل وزهجنا من الفاست فود ويا مجدي جيلاكسي شنو ونمره اتنين شنو يا ابو الدايمي ياساكنين قبلي الجدول حليل التحليه لمن كانت مديده بقيتو تاكلو جيلاكسي
ماتزعل يامجدي انتا بقيت جنك زعل ومشاكل وتقول لي الدكتوره التاج اخبارو كيف

تشكرات للاخوان مجدي ومجاهد وسلام خاص جدا للاخ محمود بامريكا ووعد نواصل الحلو وانشاءالله ايامكم كلها حلوة بيكم وحارسل ليك الكريم كرامل انشاءالله يامجدي ودمتم..

سلامات ماجدة تسلم الايادي

اخبارك ايه مشتاقين عديل

اهليييييييييييييييييييييييييييييين يامشيرة والله بالاكتر كيف اخواتك كلهم انشاءالله تمام انا زعلانة منكم لانكم ماجيتوني في بيتي

اهليييين ماجدة والله مشتاقيييييييييين موت اخبارك اية ومشكورة علي التحلية الجميلة دي
ونحن ثالث يوم العيد جينا جبرة بس اتصلنا عليك مابتردي عشان نعرف المكان ما لقيتي منننا رسالة واتصال

لا ماجاتني اي مكالمة

يابت تلقى كالعادة غيرت شريحة