شبكة مراغه الأصاله والتاريخ
حوار بين مقترب وامه Welcom11
شبكة مراغه الأصاله والتاريخ
حوار بين مقترب وامه Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 حوار بين مقترب وامه

اذهب الى الأسفل 
كاتب الموضوعرسالة
شهاب سعيد
 
 
شهاب سعيد

الموقع : المملكة العربية السعودية
عدد المساهمات : 755
تاريخ التسجيل : 08/01/2010

حوار بين مقترب وامه Empty
مُساهمةموضوع: حوار بين مقترب وامه   حوار بين مقترب وامه I_icon_minitimeالإثنين 13 سبتمبر 2010, 2:50 pm

ماندشة: يمة كيف حالك ... أنا ماندشة

2. الأم : ماندشة ؟ حبيبي ود أمي .. من أمبارح قلبي مطمن .. إنت جيت الخرتوم؟
3. ماندشة : لا يمة .. أنا بتكلم من جدة
4. الأم : إنت زي الواقف جنبي
5. ماندشة : أنا بعيد بس زي القاعدة جنبي
6.الأم : أنا مرضي بقى كتير ما تخليني أمرض أكتر من كدة ...تعال لي حالا لو إنت وصلت الخرتوم
7. ماندشة : أحلف ليك بالله أنا لسع في جدة .. جنبي قاعد شهاب واساتاذ ماهر ومالك نصر الدين و وقرشي ود الشيخ وسمؤال ود ياسين العمده وعمنا بكري جعفر وبهناك بستحمه محمود ود فردوس ونزير ود حميده كان مقيل معاي وطلع هسي وبكره معزومين عند ناس نفسية بت
حميده على قراصة بى ويكة .. كلهم قاعدين .. تتكلمي معاهم ؟؟؟
8. الأم : ود أمي .. تعال كفاية
9. ماندشة : ما بقدر أقول ليكي لا .. بس أبوي الغرقان في الديون .. و بيتنا ال في الخرتوم لسع ما تميناهو .. و أخواني و إخواتي ال لسع بيتعلموا .. دة كلو نعمل ليهو شنو ؟
10. الأم : الله في يا ولدي .. تلاتة سنين ما شفتك ... لما أموت حتجي تبكيني ؟؟؟
11. ماندشة : هنا الشغل بقى زي المشق .. قليل جدا ... شهر في و شهر مافي
12.الأم : تقدر تجيبني عمرة و لا زيارة ولا حج؟
13 . ماندشة : كدة النشوف لو لقيت زول يديني سلفة حأرسل ليك عشان تجي
14. الأم : إنت حتسدد ديونك ولا ديون أبوك؟ أقول ليك الجد ؟ إنت لو ولدي تعال راجع


شوفى الزمن يا يمه
ساقنى بعيد خلاص
دردرنى
واتغربت
واتبهدلت
ورينى الخلاص
ساقنى القدر منك بعيد
جرعني كأس

يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك
فى دروب الشوق كتل
محروم من الحب والمحنه
وراك همل

يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن
وافكارى فيهو .. بيرتعن
دمعاتى شانو .. بينزلن


واتذكرك يا يمه
فى الدغش النسايمو يهبهبن
قايمى الصباح متكفلتى
شايلى الحليلى على المراح
والساعة ديك يادبو ديكنا بدا الصياح
والطير صغارو يغردن .جبتى اللبن بانشراح

واتذكرك يا يمه
ساعة الهجير صالاكى نار الدواكى
عُستيلنا الفطير
رشيتى قلتى اكلوهو خير
واتذكرك يا يمه
يا بسمة الطفل الغرير
وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى يحوم
,اهتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو زال

واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أوارو بيشتعل
كان ظنى فيهو يكون خمد
واتذكرك يا يمه
والناس قالو قايمين البلد
رصو الهديمات ..عدلوا
ركبوا اللوارى وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك
وان شاء الله عندك يوصلوا
يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنان
وانا حالى يشهدبو الزمان
يا يمه رسلى لى عفوك
ينجينى من جور الزمان
يا يمه
رسلى لى عفوك
ينجينى من جور الزمان
منظر ردودكم يا حولين ويلا
الرجوع الى أعلى الصفحة اذهب الى الأسفل
مشيرة
 
 
مشيرة

الموقع : امدرمان
عدد المساهمات : 1276
تاريخ التسجيل : 27/01/2010
العمر : 34

حوار بين مقترب وامه Empty
مُساهمةموضوع: رد: حوار بين مقترب وامه   حوار بين مقترب وامه I_icon_minitimeالجمعة 17 سبتمبر 2010, 9:53 pm

يارب يرد غربتكم بالسلامة


وكلم محمود يطلع من الحمام جلدو اتسلخ خلاص ما حيبقى ابيض لو مشى وين دااك ههههههههههههه
الرجوع الى أعلى الصفحة اذهب الى الأسفل
وصفية عيسي
 
 
avatar

عدد المساهمات : 719
تاريخ التسجيل : 25/05/2010

حوار بين مقترب وامه Empty
مُساهمةموضوع: حوار بين مقترب وامه   حوار بين مقترب وامه I_icon_minitimeالثلاثاء 21 ديسمبر 2010, 6:53 am

كلام حلو جميل ورائــــــــــــــــــــــع ومؤثر وربنا يعينكم علي الغربة بس انتوا يا مقتربين بخلة يعني عشان ما نطلب منكم شئ
تورونا حالكم ولا شنو الحكاية انحنا ناس البلد قلبنا قوي من المغتربين ولو عايزين ملوحة او كداد حنرسل ليكم ما حنبقي بخلة زيكم وربنا يديكم الصحة والعافية لكل مهاجر في بلاد الغربة
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب

الموقع : لندن
عدد المساهمات : 2905
تاريخ التسجيل : 02/05/2010

حوار بين مقترب وامه Empty
مُساهمةموضوع: رد: حوار بين مقترب وامه   حوار بين مقترب وامه I_icon_minitimeالخميس 23 ديسمبر 2010, 2:23 pm


عافي منك ... وراضي عنك... سو رضايا
عافي منك وراضي عنك سو رضايا ..
ما بيخيب الرضى والدك يا جنايا ..
أنت من يا دوب صغير من زمان دائماً معايا ..
أنت ديمة أمامي ساير ما بخليك بي قفايا ..
ما بتغيب من عيني لحظة ولا حصل سبتك وراي ..
لامن الله يشيل أمانتو أنا ببقى خصاك بالرعايا ..
يرعاك البيرعى وليا بيل يبرد حشايا ..
أصلك انت هدية منو بيك اجزل عطاي ..
انت واحد مالو تاني رحمة في آخر صبايا
.. أنت لما خلاص كبرت دار تسيبني أعيش براي..
ا دار تفارقني تهاجر والحزن يصبح جزايا ..
كيف يهون لك تحزن أمك عشان تحقق ليك غاية ..
كان مهاجر عشان علاجي بلقى في شوفتك دوايا ..
لو كان عشان تسقينا مالك نحن بي حنك روايا ..
لو عشان كرعينا راحل نحن بي بعدك حفايا ..
لو كان مهاجر عشان تعرس خير أبوك مالي التكايا ..
خيرو وافر أبوك يحمدو مراحو مليان بالسعايا ..
وبالقروش الجيب مجكن و لسه برضو الجايه جايا ..
أصلي منك ما بقصر بحفر أديك المعايا ..
إن كان دا كلو كمان شوية بتلقى في دهبي الكفاية
.. أصلي من سويتها ناذراها تبقى لي أيام قسايا ..
داخرها للزمن البعاكس لسعادتك يا حشايا ..
إنت من شبيت صغير راسي ما بتحتاج وصايا ..
ما حصل خيبت ظني وما فشل بين غنايا ..
لا تسيب أمك تهاجر يمه محتاجة الحماية ..
.
لا تسيبني وراك ترحل انت ياهو ضلي ضرايا ..
انت فوق الحوبة مقنع أنت للمكشوف غطايا ..
دايرك تبقى جنبي في فرحي وبلايا ..
إن كان كحيت اتبنك وأقسم لك غطايا ..
داير أقضي عميري جنبك أصلو قارب للنهاية ..
خايفه كان تسافر ترجع تلقى فاضي البيت بلايا ..
حينها ما تنفع قروشك وما تجيب لك أم سوايا ..
ماني عارفه سبب رحيل يا وليدي شنو الحكايا ..
إلا تبقى براك شايف في فراق الوالدة غاية ..
ما بعاتبك ما بلومك ولو رحلت بلقى في قساك عزايا ..
على حجر دايماً قليبك وقلبي كلو عليك جنايا ...
عافي منك راضي عنك ســـــو رضـايا .
الرجوع الى أعلى الصفحة اذهب الى الأسفل
بايعة الكسره
 
 
بايعة الكسره

الموقع : khartoum
عدد المساهمات : 749
تاريخ التسجيل : 16/03/2011

حوار بين مقترب وامه Empty
مُساهمةموضوع: كل سنه وانتي طيبه ام ماندشه   حوار بين مقترب وامه I_icon_minitimeالجمعة 25 مارس 2011, 1:42 pm

ماندشه:كدي النشوف زول يسلفني لكن مااظن القي والله احنا تامنها بالصبر ساكت ياحجه وعزايم الحجه نفيسه.
الام :طيب ياولدي ماياها القراصه بالويكه دي ماتيجي تاكلها مع اخوانك وبكت الام ثم انشدت تقول:-
لـيه يا ماندشه خليت عشك

بـاريت الـغربة الـبتغشك

فـارقـت مراغه الـبتريدك

بـالصندل كـانت بـترشك

لـيه يا ماندشه سبت ديارك

ومـشيت خـليتهم سـمارك

دي الـغربة الـحتت نوارك

مـا تـسيبها تـقلل مقدارك

دا الـبعد الحاصل كان منك

ليه ترمي اللوم على اقدارك

لـيه يا ماندشه خليت ناسك

ومـشيت لـلناس الماناسك

انـت المعروف بين جلاسك

مـعروف بي رقة احساسك

ليه تنسى عيون النيل والليل

والـريد الـحابس انـفاسك

لـيه يـا ماندشه بعدك طول

ومـا عـاد تغريدك زي أول

انـا عارفاهو حنينك ما تحول

عـشق الأوطـان ما بتاول

اصلو الانسان ما بكون انسان

لـو بنسى قديم زمنو الاول
الرجوع الى أعلى الصفحة اذهب الى الأسفل
 
حوار بين مقترب وامه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم المغتربين -
انتقل الى: