الحياه في امريكا

السلام عليكم ورحمته وبركاته
يا جماعه سمعنا منكم كتير الليله تعال نتكلم عن الحياه في امريكا واهو في النهايه كلام طبعا انا بحب الناس واللمه ما اقول كدا عشان انا زول يعني مكتمل لا لكن انا بحب اللمه لاني انا بحب القريق في الزول والضحك ولمن كنت ركب الطياره وجاي البلد دي حسيت انو اي حاجه حلوه بحبها انتهت
لكن طبعا لانو الله بحبني بدل ما امشي لي امريكا جيت امبده مدينه يقطن فيها 5000سوداني يعني عادي تلقا الزول سايق العربيه وهو لابس العراقي وجاي من الصلاه اول يوم وصلت فيه اخوي هشام استقبلني في المطار ووداني ماقدونلز اكلتا بيرقر انا قلت انو الاكل هنا بس كدا حسيت انو دا تاني حلم في حياتي اتدمر اكل مافي معقول فول مافي اعيش كيف انا طيب لكن لقيت انو الحاجات دي كلها اتلاشت بعد يومين ترفع القشه تلقا سوداني طبعا ما حقول حجر لانو نادر هنا والفول في اي حته في ناشف تشدو او جاهز للاكل حسيت انو الابتسامه رجعت لي تاني فعلا انو الشعب السوداني مافي ذيو في الفرح تلقا الناس وفي الكره تلقا الناس قبل يومين كان في زول عيان هنا المستشفي دا مليان لي اخرو الدكاتره مستغربين دا شنو دا لمن طردو الناس
في الفطور في اي حته تلقي فطور جماعي وعينك ما تشوف العجب جميع انواع القراريص والعصيده اي حاجه تتخيلا في السودان مافي هنا في الزول المشتاق لي الملوحه يجي هنا بلقاها ياخي الفزوعات هنا في دا كلام دا زغنا من دوله عوض ونزار خليل لقينا الفزوعات برضوا هنا
دي حياتنا في امريكا يا جماعه ودا حال السودانيين في اي مكان

ياحوتة احبطتنا شنو فزع وملوحة
علي فكرة امس فطرنا بالكداد في بيتكم

لك التحيه الاخ محمود وهذا الوجه المشرق للسودانيين عامه والدناقله خاصه صراحة عندما نقلت لي حياتكم
واللمه والقراريص بالدردشه هالني ماسمعت منك لاني كنت متخيل خلاف ماذكرته سنظل ابدا متمسكين
بعاداتنا وتقاليدنا السمحه ولن تفارقنا القراصه والملوحه اين ماذهبنا ولو اننا مالاقنها في السعوديه

الفول بالقدرة ..
ناس الكمية ولا النوعية ...

أخ محمود تحيه طيبه...معقول يامحمود الحياه فى أمريكا والغرب عموما اختصرتو فى صحن فول وقراصة ملوحه .

يا محمود خالك ده تعب فى ليبيا خلونا نجوا عندكم ونثقفوا ثقافة غربية......كل سنة و انت بالف خير يا ود اختى.

الاخ محمود كل عام وانتم بخير وعيد مبارك عليكم
لاحظت بان الاخوه ماهر عابدين وقرشي ود الشيخ انتقدوك باسهابك بالحديث عن القراريص والاكل لذا اقترح
عليك تجعل الحياة في امريكا عدة حلقات وتدخل بعد ذلك عن الحضارة والثقافه الغربيه ودور المنظمات طبعا
الحديث يطول ويطول وياريت تكتب عن هذ القسيس المتعجرف في كلفورنيا تقريبا وعقد العزم وفي مؤتمر
صحفي لاحراق المصحف الشريف في 11 سبتمبر
ودمت

[ الله ينور عليك ياود الشيخ، وده المطلوب. يعني لو مر مرور علي الصفحة الاولي من الواشنتن بوست او النيويورك تايمز حيلقي كل الاراء

دا كلام فارغ ودا ريدنيق ما عندو موضوع كنيستو كلها فيها 30نفر الاعلام كبرو وبعدين كل الاحزاب رافضه الحرق
والكنقرس علي لسان وزيره الخارجيه رفضو كل الكلام دا والظريف انو القانون الامريكي مابقدر يعاقب علي حاجه ذي دي لانو ماعندهم ماده في القانون تعاقب علي حاجه ذي دي والاظرف انو الحجه الوحيده الممكن يتعاقب عليها لو حرق المصحف في محل عام ممكن يتعاقب والشرطه تلقي القبض عليه ولكن الشي المضحك انهم بعد القبض عليه لن يستطيعو ان يعاقبوه اكثر من غرامه
قدرها 30دولار دا كلام يا قرشي وسمؤال فرحان قاعد هنا
وهناك معلومه عن الاحكام القضائيه في امريكا في حاله السرقه بالاكراه ويسمي الربري تعاقب بالسجن 20 عاما وفي اخر حادثه طريفه انه تم القبض علي مجرم له 8حوادث ربري فحكم عليه بي 200سنه سجن يعني جدول ضرب 20في 8 والظريف وانه في السجن تهجم علي بعض المساجين فاخذ 8سنه اضافيه فاصبح المجموع 208سنه
واخر الاخبار ان القسيس تراجع من حرق المصحف في عده لقاءات صباح اليوم
وبعدين يا جماعه المجوس والنجسه يحرقون المصحف كل يوم ما المهم الورق والحبر المهم عمق الاسلام في قلوبنا

برافو محمود ، نريد المزيد

سلامات محمود شايفة العيشة عجبتك هناك وخليتنا ههههههههههه

مشتاقين اولا وتانيا كل سنة وانت الحب والخوة جواك دايمة

وتالتا يارب نعمة دايمة عليك وعلى كل مغترب

يا محمود يا اخوى الكلام دا فى امريكا الجنوبية ولا شنو ليت امريكا كانت بهذه البساطة لما اشتعل الرأس منى شيبا وهن العظم منى وأضحى النوم رفاهية ... والوجبتان ترف ليس من قلة الاكل لكن لعزة الوقت ... أخى محمود عد الى أمريكا نحن فى انتظارك

محمود كلام سمؤال شككنا انتا وين ياولد هههههههههههههههه