شبكة مراغه الأصاله والتاريخ
بيت البكاء فى المجتمع السودانى Welcom11
شبكة مراغه الأصاله والتاريخ
بيت البكاء فى المجتمع السودانى Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 بيت البكاء فى المجتمع السودانى

اذهب الى الأسفل 
4 مشترك
كاتب الموضوعرسالة
نضارالعمده
 
 
نضارالعمده

عدد المساهمات : 295
تاريخ التسجيل : 17/01/2010

بيت البكاء فى المجتمع السودانى Empty
مُساهمةموضوع: بيت البكاء فى المجتمع السودانى   بيت البكاء فى المجتمع السودانى I_icon_minitimeالأحد 29 أغسطس 2010, 4:31 pm

ملاح قرع وبامية مفروكة و كسرة و صحن سلطة و (ملاحة) ... ده كان الاكل في بيوت البكا قبل ان يصبح (البكاء ذاتو) مظهر اجتماعي ونوع من انواع (الفشخرة) بعد ان اجتاحت البلد اعداد مهولة من (المليارديرات الجدد) اصبحت تؤثر سلوكيا على بقية الطبقات الاخرى حتى صارت (الفاتحة) هي الفرق الوحيد بين الاتراح والافراح!
عندما توفي رجل الاعمال (حسن يورو) قامت اسرته بفتح ابواب (الفيلا) الفاخرة لافواج المعزين علاوة على (صيوان ) ضخم نصب بطول الشارع العريض مزود بعدد مهول من مكيفات الهواء تغطي ارضيته (السجاد) لزوم (عدم الغبار وكده)!
عند موعد الغداء انتشر افراد يرتدون زيا موحدا يحملون (صواني الاكل) النيكل الناصعة التى ترتاح بداخلها اطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية الباااااااااااااردة!
في صالون النساء جلست سوسو (في الاصل ست البنات قبل ان يصبح حسن يورو رجل اعمال) جلست على سرير خشبي مستورد عليه ملاية قطيفة تتلقى التعازي من جاراتها وصويحباتها اللواتي جئن وهن في كامل زينتهن (ناقشات) الحنة الما خمج يرتدين ثياب (الشيفون) المطرزة و الشباشب ذات الكعب (البلية) تمتلئ اياديهن و رقابهن بآخر صيحات سوق الدهب في (دبي) وبقية العواصم الخليجية!
- كلمتي (عوضية ردحى)؟
همست (سوسو) لجارتها وصديقتها (نوسة) والتى مالت قريبا منها وهي تجيبها:
- والله (عوضية ردحى) دى قالو عندها مناسبة بكاء في (مدني) سافرت مشت ليها, قمت مشيت لى (هاجر حى ووب) قالو ليا عندها ارتباط خارجي في (دبي) في واحد من ناس الجالية مات هناك اها في الاخير مشيت كلمت ليكي (حنان سكليب) لقينا ما عندها ارتباط ووقعت مع مديرا اعمالا! واديتو مليون عربون مقدم.
- وشالت منك البيانات!

- اديتا ليها كووولها .. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) واشترى ليهم كم (لاعب)؟ وعربيتوالراكبا نوعا شنو؟ وموبايلو الشايلو موديلو كم؟

انتهت مجموعات النساء من تناول طعام الغداء الفندقي (الما خمج) ثم جئن لهن بالتحلية (باسطة وبسبوسة وكنافة وعين جمل وام علي) شئ باللوز وشئ بالجوز وشئ يالما بعرفو شنو داااك وبعد ان (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجنبة) التى تفوح من (فناجينها) رائحة (المستكا)..
وفجأة دخلت الى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشي خلفها ستة (شابات آخريات) من نفس الشاكلة يرتدون زيا موحدا وهن يرفعن اياديهن عاليا في حركات متتابعة ويصحن بصوت كالجرس يشق عنان السماء:
وووب ووووب وووووووووووووووووووووووووووووووووووووب ..
ثم تبدأ (حنان سكليب) فى السكلى و(الوصف) وهن يرددن خلفها:
ووووب عليا والله ليا يا حسن يورو يا البتدى البتدورو والما بتدورو
ووووب عليا والله يا صغير وجاهل يا البتجيب القروش بالساهل
يا ود امي.. هئ ئ ئ ئ ..
الكورس: وووب ...وووب...ووووووووووووووب
الليلة ياحليك يازين الرجال يا ملك الدولار يا البتستر الحال
الليلة يا حليلك يا البتشيل من البنوك وتشتت قبال ما يلحقوك
يا ود امي.. هيء يء يء يء ..
الكورس: وووب ... وووب ...وووووووووووب
الليلة وينك انتا يا الاسبليت هبوبك والهمر ركوبك
الليلة وينك انتا يا البنيت المقصورة وركبت النافورة
الليلة وينك انتا يا اب جيوب منفخة وأب عربية مصفحة
يا ود أمي.. هيء يء يء يء ...
الكورس: وووب ...وووب...ووووووووووووب
يا حليلك الليلة يا البتفك الصعيبة ويا البتسجل اللعيبة
يا حليلك الليلة يا جوكى البنوك يا التهريبك بالسنبوك
يا ود امي.. هيء يء يء يء ..
الكورس: وووب ... وووب ...ووووووووووووب
ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأيديهن ليبدين زينتهن (دهب دبي وكده) ...
وووووووووووب وب وب وووووب ثم يتوقفن فى لحظة واحدة بأشارة من (حنان سكليب)! التى تجلس على كرسي وتتناول علبة مناديل الورق وتخرج منديلهن تمسح بهما حبات العرق التى تساقطت بفعل المجهود رغم برودة التكييف ثم تلتفت الى النسوة اللواتى كن فى الصالون يتابعون (فاصل السكليب) قائلة:
قبلكن وحدكن.. جنس بخلكن عليكن .. أول مرة أمشى ليا (بيت بكا) ما ينقطوا ليا فيهو!!


منقول
الرجوع الى أعلى الصفحة اذهب الى الأسفل
وصفية عيسي
 
 
avatar

عدد المساهمات : 719
تاريخ التسجيل : 25/05/2010

بيت البكاء فى المجتمع السودانى Empty
مُساهمةموضوع: بيت البكاء في المجتمع السوداني    بيت البكاء فى المجتمع السودانى I_icon_minitimeالخميس 16 ديسمبر 2010, 7:01 am

شكراً الاخت نضار علي هذا الموضوع القيم واوافقك الراي في ان بيت البكاء اصبح ونسة وضحك وكلام فاضي مجرد ما الواحد يموت الناس بقت تفكر في الاكل والجبنة يعني مافي موضوع غير الاكل والجبنة ومافي زول يفكر في ناس بيت البكاء وما بيراعوا شعورن من ناحية انهم متاثرين ومافي زول يفكر يشيل فاتحة علي روح الفقيد وياريت الناس تنظر في هذه المشكلة التيعمت مجتمعنا وربنا يوفق الجميع الي فعل الخير0
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar

عدد المساهمات : 1064
تاريخ التسجيل : 01/09/2010

بيت البكاء فى المجتمع السودانى Empty
مُساهمةموضوع: رد: بيت البكاء فى المجتمع السودانى   بيت البكاء فى المجتمع السودانى I_icon_minitimeالجمعة 17 ديسمبر 2010, 10:37 am

تسلم اختى وصفيه على المرور والراى السديد..ونحن بيقع على عاتقنا توعيه الناسء امهاتنا واخواتنا وانفسنا
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar

عدد المساهمات : 1064
تاريخ التسجيل : 01/09/2010

بيت البكاء فى المجتمع السودانى Empty
مُساهمةموضوع: رد: بيت البكاء فى المجتمع السودانى   بيت البكاء فى المجتمع السودانى I_icon_minitimeالإثنين 11 أبريل 2011, 9:52 am

رايكم شنو انقل الموضوع دا الى المظاهر السالبة والغى البوست دا؟
الرجوع الى أعلى الصفحة اذهب الى الأسفل
شريف عبد المتعال
 
 
شريف عبد المتعال

الموقع : ايطاليا
عدد المساهمات : 3799
تاريخ التسجيل : 01/01/2011

بيت البكاء فى المجتمع السودانى Empty
مُساهمةموضوع: رد: بيت البكاء فى المجتمع السودانى   بيت البكاء فى المجتمع السودانى I_icon_minitimeالإثنين 11 أبريل 2011, 8:49 pm

تحياتي د. نضار الموضوع لا يحتاج الى نقل فقط يحتاج الى قراء و متابعين انا شخصياً رغم وجود هذا البوست لم افتحة بكل صدق من قبل لكثرة المواضيع بالمنتدي و اذكر يوجد مداخلة من الاخ هيثم شهلي بتاريخ 23/12/2010 فى المنتدي الثقافي بعنوان من أداب المنتديات هذا الموضوع المهم جدأ للاسف يوجد اربعة ردود من أصل 105 مائه و خمسة مرور على الموضوع و كان من المفترض ان يكون مثبت بالصفحة الرئيسية لو العضو ما قراءة ما يدخل المنتدي كل يوم ... خلية فى مكانه فقط اختاري اسماء عجيبة لمواضيعك لانها اصبحت هي الدافع لدخول كثير من المارين ...!!!


آما عن موضوع البكاء فى المجتمع السوداني حقيقة الكلام مابينتهي فيه و كما جاء فى موضوعك المظاهر هى المسيطرة على الوضع و الله أنا شخصياً فى وفاه المرحوم والدي ما كان ينقصنا الا الفنان و الساون ؟؟؟؟؟؟؟؟؟؟؟


طبعاً درست فى المدارس المصرية بالخرطوم وكان 90% من الاصدقاء اولاد العز ناس باب و ماما و يوم مشيت عزاء بالصدفه مع صديق لى فى العمارت و ما احكي ليك الخلاصة الأكل كان دسم و الأظرف فى الموضوع صديقي ما بيعرف صله المرحوم به تحديداً فقط قريب ابوي!!!!!


من فوائد القراءة فتق اللسان، وتنمية العقل، وصفاء الخاطر،

وإزالة الهم ،  والاستفادة من التجارب، واكتساب الفضائل.

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://shareef.forumattivo.it/
نضارعبدالكريم العمده
 
 
avatar

عدد المساهمات : 1064
تاريخ التسجيل : 01/09/2010

بيت البكاء فى المجتمع السودانى Empty
مُساهمةموضوع: رد: بيت البكاء فى المجتمع السودانى   بيت البكاء فى المجتمع السودانى I_icon_minitimeالثلاثاء 12 أبريل 2011, 7:39 am

شكرا شريف تعرف دى واحدة من اهم المظاهر السالبة العايزة اناقشها وفعلا الموضوع عايز وقفه عنده وحيكون من خلال الطرح القدمه الصحفى القدير اسماعيل عبدالحميد عن مجاورة صويان البكاء صيوان العرس وعدم تقدير بعضنا بعض واندثار الترابط فى الحزن وحنخش لنتناول بيت البكاء والحركات اللى بتحصل فيه والعادات الظهرت فيه لتصحصح المسار
تسلم شريفنا
الرجوع الى أعلى الصفحة اذهب الى الأسفل
 
بيت البكاء فى المجتمع السودانى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم المرأة والأسرة والطفل -
انتقل الى: