تكريم عباس واللمسات الأخيره

[color=darkred]

التحيات ليكم جميعا اخوتي الاعزاء........يا اخوانا الاهداف نبيلة ...عشان كدا الناس تتحمل بعض....والانسان اذا اتصدي للعمل العام لابد يكون مصفح...بس دا ما يمنع انو نقول موضوع التكريم دا مفروض يكون اتحسم

والله والله مفروض اتحسم....يا كرام الناس اتفقت انو تبدا بتكريم المكرم عباس.....ومعلوم انو القليل ومكرب افضل يا اخوانا...الشغل الفطير ماااسمح...ومع الهبة دي والله بنتتطلع لي فعاليات واحتفالات ترسخ في الاذهان...الارتجال ما ىمحمود....ياشباب ربنا خلق الناس مختلفين....وكل شخص عندو خيار وناسوا لبستحقو التكريم....واخونا عباس تقريبا متفق عليهو...الناس تتفق علي الاتفاق....عشان ما تحصل غباين.. ومراغة ما

ناقصة اختلاف....والله يا اخوان انا سعيد ومبهور باللمة دي ويا ريت ما تمسخ علينا...الاخوان كلهم معمرين الاثير والفضاءات ومحلقين عبر القارات....يكون همنا الهم العام....كدي نتفق انو المكرم عباس ...وبعدين كل زول يجيب الف مرشح للتكريم من كل الشرئح...ويتم طرحهم للاهالى في استبيان مبسط للاختيار... وباذن الباري ما بتحصل عوجة...ولو ربنا مد في الايام ما كل سنة في عيد كل عيد يبقي في تكريم...مع فائق محبتي

[/color]

الكلام كمل وامنعو الفارقة ذىى ماقال الجيش يامجدى انا كنته عندى راي فى التكريم
انو يكون فى عيد الاضحى لكن حتما سأِشارك بكمرتى الديجتل فقط نريد من الاخوة القائمين على امر التكريم
اشراك الجميع اقصد كل من لديه صله بالموقع وموجود بمراغه ان يكون حاضر لهذه الاجتماعات حتى بسهم فى
انجاح هذا العمل وهم كثر يعنى الكل يشارك والكل من حقهم المشاركة انتو قلتو فلان عليهو كده وفلا عليهو كده وأنا علي الكاميرا الديجتل ماأخلى لعباس ومن سيكرم معهم جنبه ينومو عليها الاخ / مجاهد واصل حماسك بس ماتدعونى للاجتماع وقت تلقانى
الاخ/محمد جعفر حرك معاك الشباب عشان البرنامج مايبقى ذى برنامج الافطار
قدورة الاصلى / الترتيب مهم ولمساتك مهمه خاصة الاخراج الرياضى
اخير الدعوة المكتوبه لابد من ان تصل لبعض الناس فى مراغه خاصة الاعيان
اقترح ان يكون هنالك فقرة للتعريف بالموقع والمنتدى
وللامام

أخ سيف لك التحيه...احيى فيك هذه الروح..أخى العزيز صدقا لكلامك اتصلت بأبوعبيدهقال لىماعندو خبر اى اجتماع.
انا حقيقه مستغرب النا معاها موبايلات ولابتوب وكل وسائل الاتصالات وماعندهم استعداد للاتصال بالناس.
ديل لو حضرو زمن المايكرفون فى حمار والبطاريه فى حمار كان سوو شنو.

الاخ قدورة شكرا على الحماس من اجل انجاح التكريم ....
انا قت هم حيجو يشاركو ماقتا جو لانو امن اتصلت على محمد جعفر قال لى غيرى انا وقدورة ومجاهد ومصطفى ماف زول جا .... يعنى انتو مفروض تدعو الناس ...

المهم دة كلو فات اوانو هسة ........... قرشى اتصل على بعضم عشان يجو الاجتماع
وانا والجعلى اتصلنا عليهم كلهم وكلهم اكدة انهم حيشاركو فى اجتماع اليوم ......... الاربعاء ونامل النجاح

الاخوة قرشى وسيف شهلى تحايا طيبة ....
ياسيف كلامك صح مامفروض ينادوك للاجتماع امن يلاقوك ............. بس الناس ديل خبرتم قليلة بالعمل العام ومعليش لو بقينا صريحين معاهم ........... بس انتو كمان مفروض تتدخلو بدون مالاتلفونات تدور من امريكا والسعودية ..... وبرضو كتر الف خير ناس الرابطة على مجهوداتهم الكبيرة ومجاهد ومحمد جعفر وقدورة ومصطفى ........ المهم كل الناس مفروض تقوم بالعمل دة من غير انتظار دعوات من رابطة الطلاب ولا غيرم ........ رغم انو التكليف جا من المنتدى بان يقوم بتنفيذ البرنامج رابطة الطلاب لكن برضو لازم الجميع يتعاونو لمصلحة البلد زى ماقال خالد بلال .........

ياريت ياالنور ماتخش تقرا التعليقات وتسكت ............ وبعدا دا كلو تاكد انك حتمشى الاجتماع وتانى ماف زول يجى الاجتماع .......

طيب باقى بكرة بس يعنى متين الدعوات تتطبع وتتوزع وباقى الترتيبات كتيرة .......

نامل فى اللحظات الباقية تضافر الجميع والا كل هذة الكتابات تصبح حروف طائرة فى الاثيرفقط ويستفيدو ناس زين وسودانى فقط
نبقى نحن بننظر ونعلق ونلك ونعجن وماف نتيجة ............. ولو عمل بسيط زى دة ما اتنفذ واى زول بقى منتظر التانى فعلى المنتدى السلام ........... ولا لازم ترجع ولا خرج ولم يعد حتى الان ..... سلام