رجعنالك

رجعنالك
وجينا ,,,,,,,,,
وكيف نرفض رجوع القمرة لي وطن القماري

ابتعدنا قليلا لظروف العمل لكن ملاحظه انو الجميع في حاله كسل ما عدا مشاركات بعض الإخوان منهم الكبار /بكري جعفر والباقر محمد ابوزيد والاخوان وشهاب والفنجري وزمزم بعد التعديل والدكتورة والعمده واسامه
سألنا عن الجميع بعضهم قالوا في امتحانات نسأل الله لهم التوفيق لكن وين الناس الكانو ماليييييين المنتدي وجابو لينا حاله اشبه بالحول لاننا ما قدرنا متابعه كل الكتابات ما عايزييين كده
ارجعوا تااااني ونورو منتداكم

مشكور كتييييييييييير يا ابن عمتي
والمنتدي المظله التي نلتقي بها بكل الاحباب
ولما يكون الغياب هو عنوان المنتدي يعني ذلك
انو المظله بقت رقراق

هاني العمده
تراحيبك بينا قمه الروعه وتخلينا نسن كل مفتاح في الكي بورد
ونكتب للوطن الصغير
شكرا كتييير
وربنا يخلي نيم العمد دائما اخضر

ما
أجمل عودة القماري وبلبلنا يشدو طربا
بأجمل مواضيع المنتدي
فلك التحية أخي ياسر
ويا مرحب بيك
الفنجري

الاخ الفنجري (محمد بشير)
مرحب بيك يا دفعه وعاطر التحايا والسلامات
تختفي فترة وتظهر
قراءت توقيعك بخصوص تردي الاحوال في مؤسسات البلد
مدارس/مركز صحي/نادي وتعليقك ان هذه الاماكن لا تشبهنا في محلو
شكرا علي المرور والتحيه

ابن خالي الغالي الف حمد لله علي السلامة وعودا حميدا انشاءالله
وراجين احواضك واوريقك وابداعاتك الرائعة كروعتك
ويا خوي ما تبعد تاني كلنا عندنا ظروف عمل وامتحانات لكن المنتدي خليها واحدة من الحاجات دي برضو
انا مثلا عندي امتحانات بعد شهر (دعواتكم وانتو قريبين من الكعبة)لكن كل يوم نص ساعة ما كتيرة علي منتداي
وعودا حميييييييييييييييدا

الاخ والصديق ياسر اولا حمد لله على السلامه وحشتنا يا راجل بس انا عارف سبب الانقطاع نتمنى ان تواصل بنفس الهمه والنشاط لانو المرحله الجايه تطلب وقفة الجميع على العموم الف سلامه لك ولاهلك ولنا عوده

بسم الله الرحمن الرحيم
ياسر ابراهيم طه ومحمد بشير وبكرى عزالدين والله الواحد زى البشاهد فى برامج اسماء فى حياتنا
كنتم ومازلتم وستظلون اسماء فى حياتنا الى ما شاء الله بارك الله فى عودتك ياخى مع انو انا ما عارف
انت وين كنت ولا انا وين كنت المهم ليك وحشة والله والاخوان
اما الاخوان هانى العمده وشهاب والنور ادريس ومجدى والدكتورة نضار ديل طبعا نعرفهم لكن من بعيد فهم تابعين لبرامج استار
اكاديمى فهم نجوم فى حياتنا ودايماً كلماء نظرنا الى اعلى وجدانهم كل واحد ببريقه الخاص فمنهم زحل والثرياء
والمريخ طبعا الدكتورة هى البدر نورها ضارب فى المنتدى كلو والله والواحد زى اللافى جوه مراغة وما شى فى الشوارع كل ما يدخل ركن من المنتدى يلقى واحد من الاصحاب
ويقف ويسلم ويهنى ويبارك ويعيد ويشاور هذه هى فكرة المنتديات بارك الله فى العولمة وانشاء يكون فى تطور جديد
فى النت الواحد يجى يتعشى معاكم فى الفيس ويشرب شاى فى المنتدى وقهوة فى الشبكة يعنى ما يكون ونسة ناشفة كده
ولكم منى كل لود والتقدير

أحبائي الكرام لكم شكري وتقديري
وكل عام وانتم بخير وربنا يحقق الاماني ويجمعنا بيكم في اسعد اللحظات
د. بكري
العاقبة لي اولادكم اولآ ولينا ثانيا وأطمئن الجماعة خارج تغطية التقنيية ومن أجل ذلك تجدني اول المحاربين لمشروع فتح مركز تدريب حاسوب بمراغة مع إنهم خرجيين حاسوب لكن الهواء بجينا من دخول النت مراغة ونحنا بنلعب من المكاتب بس وناس الجعلي عاوزين يجيبوا لينا الهواء هههههههههههههههههههه .
بالمناسبة العريس بالقاهرة وحتي اليوم لم يتصل علينا وفي حالة اتصالة سوف اوافيك برقمه .
الاخ . عبد الفتاح لك شكري
مع انك همست في اذن عمر الجزلي باستضافتنا في اسماء في حياتنا في الفضائية وطبعا معروف انو اي واحد بتقدم معاهو حلقات في هذا البرنامج بكون فاضل ليهو يوم ولا يوميين يعني يا بكري وياسر نجهز حالناهههههههههههههه ومن الطرائف قالوا المرحوم الفاضل سعيد كان زايق من عمر الجزلي والاسبوع السجل معاهو البرنامج اتلحس

اووووووووووو اخونا فتاح يعقوب نورت وشرفت المنتدي والله وينك ووين اراضيك ليك وحشة والله انت في ياتو بلد وعامل شنو واخبارك وحوالك ورينا اخبارك وطمنا عليك
الاخ محمد بشير يا خوي الخواف ربا عيالو هههههههه انت اعملو مركز الحاسوب في مراغة وبعدين نحن نبضل نكتب الحاجات دي في المنتدي.و انت اسالني تلفون منعم وانا ممكن اديهو ليك لاني قريب ليه جدا

الاخ الاستاز ماهر0000 طبعا ده الاخ عبد الفتاح يعقوب خضر عمو حمد خضر 000 وصلاح خضر طبعا كسبناه فى التسجيلات الاخيره بعد صراع مرير من بعض المنتديات حقيقه الرجل غنى عن التعريف ونحن نطلق عليه 000000 الحكيم ولك خالص الود

مرحبا بالعزيز ياسر
ووجودك بالمنتدي يسعدنا اجمعين
ومشاركاتك لها وقع خاص ومحبب
وعبرك نحيي الأخ العزيز فتاح يعقوب الرجل الأنيق من زمااان -قبال عشرين سنة او اكتر-
ولو الصورة دي في الرياض فهو اضافة بحق لناس السعودية كلهم
ولك اخي فتاح تحيات وأشواق
وزي ما قلت انو المنتدى دا سهل لينا كتير للتواصل بيناتنا وللتعارف ولمآرب أخرى من أجل مراغة
ودمتم بخير

عبدالرحمن نصرالدين كتب:

لازلت مبتعدا الحبيب ياسر ود الشيخ ومن معك في هذا البوست ..

عبدالرحمن/الحبيب

أحاول وانا جادي معالجة البعد عن المنتدي و الكسل عن الكتابة بكل أشكالها ,
مشكله البلد دي بتاخد منك اكبر حيز من الوكت وتتركك تلهث ورا الباقي
لكنها تبقى مجرد أسباب .. وكثيرا ما نحاول ان نوقع خلف بوستات الاحباب
حتي ولو بالعباره الغياذه (تقبل مروري المتواضع) ولكنا نقول في انفسنا ان الاحباب يستحقون
منا اكثر من تلك العباره
شكرا ابومحمد لاصرارك علي عوده الناس للحوش وسنعود حتما يا سيدي

مرحبا بعودتك ومزيد من التقدم عبر البوستات

ومالو حتى العبارة الغيازة اعلاه بتحسسنا بوجودكم وتفاعلكم

الحبيب ياسر ود الشيخ .. تعرف الكلمه الغياذه (تقبل مروري) هذه الايام
محل ترحاب من الجميع .. عارف ليه ...لانها علي الاقل تحسسنا بوجود الاحباب حوالينا .. لان الصمت
لايحتمل صراحة ولاتحس من خلاله بأن احبابك قريبين منك .. لهذه الاسباب ياود الشيخ مرحب بيك
وكل الغائبين بالكلمة الغياذه خلف بوستات الاحباب ..سنشتم من خلالها رائحتكم العطرة ونقول الجماعه قريبين
الحمد لله