هل هى ثقة ام غرور

لا اخفيكم تم وصفى بالغرور كثيرا من قبل اشخاص يجهلوننى تماما بينما كنت ادافع انا عن نفسى بانها ثقة بالنفس مما حدا بى للغوص بالفروقات بين هاتين الصفتين الثقة بالنفس والغرور وفى اعتقادى ان الثقة بالنفس تأتي من عوامل عدة واهمها
تكرار النجاح ، القدرة على تجاوز الصعوبات، والحكمة في التعامل..وكل دا شي ايجابي..
أما الغرور شعور بالعظمة وتوهم الكمال..فهنا يعني ان الثقة بالنفس هي تقدير للامكانيات المتوافره اماالغرور فهو عباره عن فقدان وأساءة لذلك التقدير
واحيانا تزداد درجة الثقة بالنفس ويرى صاحبها في نفسه بالقدرة على كل شي فتنقلب الى غرووور ..وهنا يقال بأن مابين الثقة بالنفس والغرور،شعره.اظن ان الثقة بالنفس مكسب لكل إنسان وفقدانها عجز روحي وضعف في الشخصية وركون لمتغيرات العصروالثقة في النفس مراحل ينبغي أن نحافظ عليها وعلى الإتزان الروولكن زيادة الثقة في النفس لا تعني الغرور دائماً
فالغرور يغلب أحياناً ذوي العقول الفارغة والقلوب الركيكة وبمعنى أصحاب الضعف الذين تتقاذفهم الأهواء وتتمايل بهم الظروف فلهم نصيب من هذا الداء ولكن لا يجيدون دائماً أداء أدوار الأنفس المغترة فضعفهم يكشف زيف تفكيرهم وركاكة قرارارتهم.
الان اطمأنت نفسى انى الى الثقة اقرب من الغرور فشكرا جميلا لابى الغالى وامى السلطانه اللذان عززا في الثقة واكحسنا تعليمى وتهذيبى
واللهم اغفر لمن وصمنى بالغرور وانا اسامحهم لوجه الله
اذن مارايك عزيزى القارئ مالفرق بين الثقة والغرور؟؟؟؟

والله الغرور والثقة الزيادة عن اللزوم مشكلة

انا ماوصفت قبل كدة بالغرور بس بعد مرات بثق في نفسي زيادة عن اللزوم لكن الحمدلله بتراجع بسرعة وبتوازن الحمدلله

ربنا يحمينا جميعا شر الغرور المهلك

ان كانت شهادتي تكفي فاني ابرئك من هذه التهمه الشينة، وحتي لو كنت مغرورة ما كل بي حقه، اليكم سادتي هذه الابيات للشاعر العظيم هاشم صديق الذي كان رمزا للتواضع في هذه القصيده، قبل الشروع في القراءة قول يالطيف;
هاشم صديق : جواب مسجل للبلد

--------------------------------------------------------------------------------

يابلد
اسمعينى وهاك كل البيعه كامله
اسمى هاشم امى امنه
ابوى ميت وكان خضرجى
ومرة صاحب قهوه فى ركن الوزارة
بيتنا طين واقع مشرم ولما حال الطين يحنن
نشقى شان يلقى الزباله
خلى القاب الجرايد
من ممثل ولا شاعر
ولاكاتب ولا ناقد
كلو زى يفط الدكاكين والمطاعم
كلو زينه وماهو شاهد
تلقى مكتوب ترزى احلام العرايس
وجوه فستان مرمى واحد
او مطعم الجنه الفريده
وجوه قدرة فول وحله
ومويه للعطشان فى قله
وزى كلام شاعر بقدر
فى بلدنا الحاله واحدة
المطار ياهو المحطه
والكوميت يوم تبقى كارو
والزمن بيروح اونطه
يابلد
هاك ايديا ووحاتك
انتى زادى وقصرى والمال والكتابه
منك اتعلمت اصبر
وكيف احس الم الغلابه
واتحدى بيك تعب الطريق
وشقا الزمان وكتين يضيق
واتملى بيك
واحس بيك
واغنى ليك من الصغر
حتى القبر
واحلف عليك ترجف عروقى من المهابه
يابلد
والله طول كل السفر
جرحك معاى صاحى وحزين
وبليون نجم بليون نجم
فى كل ليل
اسمك يشع فيهن ويبين
خاتيك فى صدرى النفس
وتحت الجلد نص القلب
جوه العروق
حاضنك ثبات
ماظن يلين
ارجف وكت تعكس
عيون كل البنات زرقة سماك
وانقز واطير
لامن رزيم كل الغنا
القاهو من طبلك غناك
والله لابدلت جلدى
قلعت شارتك فى المراقص
ولاشان رفضت وقلت لالا
رفعت راسى وقلت فارس
ولسه بقول مابستريح
لومايطل فجر الخلاص
لوبالحروف لوبالهتاف
لوبالسلام لوبالرصاص
مابستريح
لومااموت ليك وعليك
ولوما اكون منك واليك
معناى شنو؟واصبح منو؟
معقول اسيبك يابلد
زى مابتقول خدم الامير؟
معقول انا
ملعون ابو السفر السنه
لوكان يقيف بينا ويحول
اتحدى بيك كل المتاريس والكضب
وحتى الافول
وحبل الكضب زى مابنقول
دايما قصير لو حول يطول
وياالفى بلاط حاكم البلد
عايشين خدم وسط الحشم
وشايلين ختم وتصنفوا
اتغوا زيدوا وصنفوا
او زيفوا او الفوا
والحق بجى
قسما يمين والدنيا نار
ويوم الحساب غدر الخدم
زيف الحشم
ظلم الامير
نحنا النقيف ونصنفوا
بالفكر ماحقد الصغار
نحنا الشقينا عشان بلدنا
ونحنا يادنيا الكبار
يوم المجازر
مارجف رمش الشهيد
وقدام عدد كل البنادق
كانوا صادحين بالنشيد
يابلد
اسمعينى وهاك كل البيعه
اسمى هاشم
امى امنه
ابويا ميت وكان خضرجى
ومره صاحب قهوة
فى ركن الوزارة
بيتنا طين واقع مشرم
ولما حال الطين يحنن
نشقى شان يلقى الزباله
ومابهم
انتى زادى وقصرى
والمال والكتابه
منك اتعلمت اصبر
وكيف احس الم الغلابه
واتحدى بيك تعب الطريق
وشقا الزمان وكتن يضيق
واتملى بيك
واحس بيك
واغنى ليك
من الصغر
حتى القبر
واحلف عليك
ترجف عروقى من المهابه
ترجف عروقى من المهابه.......

واتملى بيك
واحس بيك
واغنى ليك
من الصغر
حتى القبر
واحلف عليك
شكرا استاذى نعم شهادتك تكفى .وشكرا لهاشم صديق الرائع التحية له وهو يجسد التواضع بكلماته الانيقه

سلامات هندسه شرفتنا بالمرور وشكرا ليك
نزير سجل ياااداااب وجاى بالكتير
انتظروا المشاكس الكبير ههههههههههههههههه
ياربى يكون؟هههههههههههه

ه
ههه
ههههههه
على قول استاذى ماهر
احيانا يضحك المرء سخرية واحيانا من شدة الالم
واحيانا بيضحك استغراب وانا ضحكى اصبح ما بيفوت ال3 ديل مؤخرا
وبرضو يقولوا مغرورة
وااااااااشرى
غايتو!!!
رحم الله المتنبئ حين قال
و من جهلت نفسه قدره *** يرى غيره منه ما لا يرى
كسرة

إذا كنت ذا رأي فكن ذا عزيمة *** فإن فساد الرأي أن تترددا

تحية الصحة والعافية / د. نضار

الثقة بالنفس مطلوبة لأنها مكمن التفوق والنجاح في كافة نواحي الحياة وبدونها يصعب تجاوز

المطبات التي تواجه اي إنسان في طريقه نحو التقدم

الغرور يهلك صاحبه ويجعل حصاد ما يتباهي به من علم وثروه ووضع إجتماعي رفيع المستوي

حباه الله سبحانه وتعالي به في مهب الريح وسيكون عرضه لفقدان كل ما جناه

قال تعالي : ( قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ

وَتَنْـزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ

عَلَى كُلِّ شَيْءٍ قَدِيرٌ ) . آل عمران 26

قال تعالي :
يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْمًا لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئًا إِنَّ وَعْدَ اللَّهِ حَقٌّ

فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ)
لقمان

33

شكرا شكرا شعبى ..رمضان وطارق تسلموا كتير على مداخلتكم الجميلة وكلماتك فى حقى يا ابن عمتى ..(الييييله يقولوا عليك متحيز عشان بنت خالو ههههههههههه) ودايما بجى جاريه برتاح فى بوستاتى من حر الايام وهجير سوء الفهم البيحصل ههههههه مع انى بقدر على المواجهة يعنى ما جبانه لكن بوازن وبشوف المصالح الجماعية على المصالح الشخصيية ودايما شعارى مافى الجبة الا الحب
شكرا انا رفعت البوست لانه بيتحدث عن صفات مهمة نعرفها ونعرف الفرق حتى لا يحدث لبس
نعم اخوانى ..من تواضع لله رفعه والاعتزاز بالنفس ضرورة لكن لا ان تاخذنا العزة بالاثم ونمشى بين الناس بخيلاء (زى الطاؤؤس)
تعرف يا طارق امس بتونس مع احد الحكماء فى الصفات والسلوك قال لى السلوك انعكاس الشخصية قلت ليهو لسان المرء بيعكس شخصه قال لى لا افعاله لا كلامه ..قال لى كمثال حال المنتديات ..بتلقى الناس كلامهم جميل ومنمق وياخذ اللب لكن هناك دائما حواشى وما بين السطور كل شخص بيحاول يجمل شخصيته بس لو حبينا نعرف الشخصية الحقيقية نعرفها من سلوكها..يعنى المغرور والواثق من نفسه واللى بتاخذه العزة بالاثم والبيحب الاستعراض والبيحب الشو ..والعايزين يلمعوا انفسهم..والانفعالين هههه زىي كدا على الجانب السلبى ..وعلى الصعيد الايجابى ..الواضحين وديل انا بحبهم جدا غير المتسرعين والكاظمين الغيظ والمحبين للخير والحادبين على العمل الجماعى والمتسامين على الهفوات الصغيرة والمتواضعيييييييييييين (زيى كدا ..هههههههه

هههههههههههههههههههه وانت واحد من قرايبى يا عمو الامين
فعلا الكلاب الميته ما بتتكلم فى موضوع الثقة والغرور لانها كلاب ميته بس نحن بنتكلم فى هذه الصفات والفوارق بينها لااننا اناس حية (مش ثعبان قصدى)
دمت بخير يا عمى الامين

هل عندك شك أنك احلى واجمل امرأة في الدنيا هل عندك شك ؟؟؟


لو صدقتي ياكي تبقي مغرورة كبيرة كمان لانو انا احلى واجمل امراة هههههههههههههههههههههههههههههههه