مقترحات لرمضان

شباب وشابات عندي عدة اقتراحات ممكن نقوم بيها في الرابطة لموضوع رمضان

وعايزة توروني الصح من الغلط واي اقتراحات جديدة من عندكم
____________________________________
اولا قلتا الجريدة تطلع في رمضان ودا رايي قلتا ليهم الجو بكون مناسب

في لمة النادي تتوزع وفي البيوت بتكون وقت قاعدة فيه الناس في البيت وبتلقاهم كلهم اهل البيت

منو تكون مريت على كل الاهل سلمت عليهم ومنو يكون الجريدة اتوزعت

_________________________________-
تانيا اقترحتا نعمل شنطة فطور للمساكين والمحتاجين في رمضان

تكون شنطة فيها كل احتياجات رمضان
ولكن المشكلة انا في الخرطوم لحدي قريب نهاية رمضان وبمشي دنقلا والشباب براهم ما حيعرفو يعملو شئ ماعرفتا اعمل شنو

فأقترحتا الاقتراح التالت ____________________

اللي هو نقوم نعمل إفطار جماعي للرجال في النادي

والحريم في المدرسة

نجيب مثلا بلح من كم بيت وبليلة من كم بيت

وبيت مسؤول عن الوجبة الفلانية

والتاني مسؤول عن العصير بس

والتالت عن القراصة بس

عشان مانتقل على الناس بي كم حاجة في بيت واحد

______________________

والرابع نجيب شيخ من برة مراغة يعمل ندوة بعد التراويح او بعدالمغرب لكن انا شايفة بعد التراويح احسن

وتكون في نفس يوم الافطار عشان الحضور يكون كبير

_______________________-

اها محتاجة اراءكم سرييييييييييييييييع عشان نبدأ الشغل ماتخزلوني وتنومو بالجد محتاجين ليكم شديد الوقت دا

برانا ماحنقدر ولا المعاي ماعندهم خبرة حيتعبوني تعب وانا عندي مشاريع برضو في الخرطوم
لإفطار المشردين

يعني وقفتكم مهمة

ولكم الود

عدد المساهمات : 1940 تاريخ التسجيل : 20/06/2010

الأخوة الكرام الافاضل
كل عام وأنتم بخير

باطلالة شهر رمضان المعظم أعاده الله علي الجميع بالخير والبركات والعــــام القادم
كل الاماني والاحلام تحققت بأذن الواحد الاحد وأيضا اطلت علينا ابنتنا نسمه وفاء بافكار
واقتراحات نيره والامل كبير بان تري النور . هذه الافكار يجب النظر اليها بعين الاعتبار
والجديه وهي أقل مايجب أن يستقبل به هذا الشهر المعظم وكل من ساهم بفكره وناقــش
وأجزل العطاء له الاجر والثواب من عند المولي الكريم لما تحملها الفكره مـــــن معاني
ساميه ونبيله وهي بسيطه في مضمونها وكبيره في معانيها . خـــــاصة انها تتضمن افكار
جديده علينا (كالفطار الجماعي بالبلد) بالمدارس اذا كنت تقصدين مــدارس مــــــراغه
هذا الجمع الروحاني سيولد نوع من الالفه والمــحبه والتسامح والتصالح نحن في اشــد
الحاجه اليها وايضا فــي مناقشه مواضيعكم المعلقه لــحد الآن والتي افتقدت الــجديه في
التنفيذ اتتكم الفرصه مواتيه للوقوف عليها . الامل معقود بالتبني والسرعه بالتنفيذد
والله لا يضيع اجر من احسن عملا

عدد المساهمات : 298 تاريخ التسجيل : 06/01/2010

التحية لكم جميعا ولنسمة وفاء ولعبد الرحمن في الحقيقة اقتراحات جميلة ومهمة جدا لما لها من نتائج ايجابية جيدة وكما قال الاخ عبدالرحمن ستولد الالفة والمحبة والتواصل،
أولا: بالنسبة للجريدة بالتأكيد فكرة جيدة انها تتطلع في اول رمضان خاصة أنو بكون هناك تجمعات كبيرة تستفيدو منها في التوزيع، لكن هذا يتوقف على امكانياتكم، بالنسبة للمواضيع وكما قال الاخ ياسر من قبل مواضيع المنتدى كثيرة جدا وممكن تاخذو منه وتكتبوها باسم صاحب الموضوع.
ثانيا: حسب رأيي بالنسبة لشنطة المحتاجين اقترح بان تكون مبالغ مالية ان أمكن لان المحتاجين للمال أحوج.
كذلك الافطار الجماعي مشروع رائع جدا ويمكن تجيب الشيخ الدكتور النور محمد احمد ليقدم محاضرة بعد الافطار لانو مواضيعه مواكبه وكلامو بسيط ما معقد ومفهوم للجميع..
نتمنى لكم التوفيق.. وكل عام وانتم بخير

سلام
هلا عم عبد الرحمن ومالك

والله يارب يقدرنا نكمل الاقتراحات دي وتشوف النور يارب

اما موضوع انو الشنطة تكون مال دي حفكر فيها لانو حتكون صعبة شوية مع الميزانية العندنا كان الشنطة أسهل لانو كنا حنشيلا من الاهالي

كل زول بتبرع بالبقدر علية والباقي نجيو نحنا لكن حنتشاور الموضوع دا

والجريدة جاري العمل عليها

الأبنة/ نسمة وفاء
لكى التحية و الاحترام و كل عامو الاهل جميعا بخير و انا نفسى اتطلع على جريدة مراغة و اكيد النسخ حتنزل على الشبكة .
وفقك الله لما فيه الخير و اقتراحاتكجميلة جدا و عين العقل و كل سنة و انتى طيبة.

» كيف نستعد لرمضان