رمضان شرف حبابو

سلامات اهلي واحبابي

رمضان خلاص بدق ابوبن نفتح ليهو ولا شنو

الزعلان يسامح والغلطان يرجع يصلح غلطو

والسارق ربنا يجيرو ويسامحو ويهدية ويصلح نفسو

والبعيد ربنا معاه وقلوبنا اكيد معاه

ورمضان انا بقول رمضان الجمعة الحلوة

ابوي بي برة مع الرجال ناس جدي عبدالعظيم محمد صالح وفيصل عبد العظيم وعمي عبدالكريم والعبيدنجي
وناس كمال صالح والاهل الكرام وناس بحري ناس عمو ادريس وحسن ابراهيم شايل الصينة جايبة

والتراويح والصلاة الجماعية مع انو عندي بعض الملاحظات واله على صلاة التراويح بالذات

اولا الاطفال والونسة والوقفة الغلط في الصلاة وتحاول توجه ينهروك ومايسمعو ليك الكبار

تحاول تكتم في حنانك وتمشي وتجي راجع تاني يصدوك
اولادنا وشباب المستقبل الصلاة تكون شغالة وهم كتشينة في النادي

مش في النادي بس لا برة النادي قدام دكان خالد بتونسو والله والصلاة شغالة ربنا يهديكم

نحسن اعمالنا يا اخوانا في رمضان

واحلى شئ مأكولاتنا
الحلو مر والكركدي والعرديب والقراصة والدمعة والويكة والزبادي والشوربة طبعا اهم شئ شوربة قبل الافطار قالو في صحة الصائم مهمة شديد والروب (الزبادي بالجزر والعجور والفلفل والتوم حاجة روعة)

انا جعتا من هسي هههههههههههههه

رمضان كريم وتصومو وتفطرو على خير

زحو التفل دا من هنا هههههههههههههههههه

تسلم محمد جعفر منور ورفعتو راسنا يديكم العافية يارب

العزيزه اللذيذه مشيرة الصغيرة عمرا الكبيرة فهما
سلمت يداك وسلم قلمك نزف حبرك ..رمضان كريم وعلى كل اهلنا بمراغه
وصاياك كبيرة فى معناها وبالذات التسامح اذ لايصح الصيام والقلب والنفس ممتلئة ضغائن و
خلافات الاخوان والاهل ..نعوذ بالله من شر النفوس وخبائثها ونستعين بالله فى كل شئ
من هذا المنبر الحر النظيف ولاجلك قلمك النظيف ومن اجل نفوسنا النظيفه ..اقول لكل اهل المنتدى كل سنة وانتو طيبين رمضان كريم الغادى والدانى القريب والبعيد
كل الاخوة الاعزاء على راسهم مجدى وياسر والاخ عبد الرحمن نصرالدين..وعبدالرحيم الجعلى والعم بكرى والنخبة الممتازه على راسهم هيثم ومالك وشهاب وعمى العزيز عادل الفاضل وجمال سعيد والعزيز زو القلم المتفرد هانى والنور ..والغلباوى الذى افتقده محمود ابن عمى وجميع من لم استحضرهم هنا ..سلام ودعوة محبة وتسامح..
ومن هنا اسامح كل من ظلمنى او تحدث فى حقى بما لايليق..او كان بيننا سؤ فهم ...او من ادعى عليا يوما او كذب فيى يوما ..اسامحهم لوجه الله
تسموا وهاكم يدى بيضاء من غير سؤ

تسلمي ياعسل

وانا بسامحك لانك ماغلطي فيني ههههههههههه

ويارب يقدرنا نكمل البرنامج

فقط أكتب طرف الآية وهو يأتي لك بها كاملة
أشر بالماوس على الاية المطلوبة وسوف يظهر تفسيرها مباشرة
تفسير للقرآن بجميع كتب التفسير
قرآن يترجم لجميع لغات العالم
قراءة القرآن الكريم بقائمة لعدة مشايخ
رابـــط المــــوقع

[ندعوك للتسجيل في المنتدى أو التعريف بنفسك لمعاينة هذا الرابط]


مُهَنْدِس جَمَال مَحْمُوْد

مشكووووووووووووووور هيثم والله برنامج حلو شديد يديك العافية

مساء الخير شباب لم يسعفني الحظ للمرور هنا ولم الحظ رمضان حبابو الا اليوم . خص الله هذا الشهر المعظم وجعل اوله رحمه واوسطه
مغفره وآخره عتق من النار وجسد فيه روح المحبه والتسامح والتراحم كل الاكلات المذكوره لم نراها بعيونا خاصة القراصه والحلومر
والابريق واللمه والفطور في الشارع . واليوم بقناة الجزيره رأيت استطلاع لاهل الجزيره بالسودان كما ذكر مراسل الجزيره قطاع طرق
من نوع آخر في قريه من القري شبابها يوقفون كل السيارات الماره بالقوه للفطور وهذه ستظل من عاداتنا السمحه نتمني ان لاتزول
مع مرور الايام عفوا مشيره علي الرد وان جاء متاخرا لك العتبي . اختنا الفاضله دكتوره نضار لك التحيه علي هذه العيديه الرمضانيه
لكل الاعضاء . اتوافقين بأن سوء التفاهم يحدث داخل البيت الواحد والاسرة الواحده وتمضي الاحوال بكل هدوء واريحيه والنفوس صافيه
اما من يتحدث بما لايليق ومن وراء الظهور فهؤلاء قال الله تعالي في حقهم (ايحب احدكم ان ياكل لحم اخيه ميتا فكرهتموه )صدق الله
العظيم فهؤلاء هم المنافقون والعياذ بالله فكل صفه سيئه تنسب اليهم وأقول رحم الله أمرئ عرف قدر نفسه سيري فعين الله ترعاك

ودمتم بحاضرة منتصف الشهر المعظم

هلا وحبابك ياعم عبد الرحمن والعفو تجي وقت تحب

البيت بيتك

ورمضان يجمعنا بي خيرو يارب

[b]
جملة تدعو للقهقهة......

حاول تكتم في حنانك وتمشي وتجي راجع تاني يصدوك

جملة تدعوا للبكاء حقيقة خاصة المغتربين في الدول البعيدة, الناس الماشافوا اكلات سودانية سنين وسنين......

واحلى شئ مأكولاتنا
الحلو مر والكركدي والعرديب والقراصة والدمعة والويكة والزبادي والشوربة طبعا اهم شئ شوربة قبل الافطار قالو في صحة الصائم مهمة شديد والروب (الزبادي بالجزر والعجور والفلفل والتوم حاجة روعة)