شبكة مراغه الأصاله والتاريخ
السماني  Welcom11
شبكة مراغه الأصاله والتاريخ
السماني  Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 السماني

اذهب الى الأسفل 
+8
مجدى حسن
قرشى شيخ ادريس
عادل الفاضل
مالك نصرالدين
zonourain
مجاهد باشنتود
هيثم شهلي
ياسرابراهيم
12 مشترك
كاتب الموضوعرسالة
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: السماني    السماني  I_icon_minitimeالخميس 08 يوليو 2010, 2:29 pm

والحمار الأبيض يمتلئ زهوا وهو يرفع انفه نحو السماء سعيدا بتلك الصحبه والشيخ يقول والصبي خلفه يستمع وأحيانا تأخذ الصحبي غفوه والشيخ يلكز حماره ليعود الصبي يستمع
والرحله تأخذنا يا أحبتي الي عالم آخر أحس صادقا إني لا استطيع أن الملم كل جوانبه ولعلي أشير إشارات هنا وهناك تعبّد طريق هذه الكلمات لتطرد الحيره والدهشه من بين ثناياها 0
والحمار وكأنه يدرك انه مبني متحرك لمؤسسه تعليميه متكامله فهو لا يستعجل في العدو جيه وذهابا وإنما يمشي علي مهل حتي ترسخ المعلومه في رأس الصبي المسكون بحب المعرفه
والشيخ والصبي وحمارهما يرتقون برحلتهم هذه ما بين رب العباد والعباد فهم يدركون الصلاه حاضره في المسجد والشيخ بعد أن يفرغ من صلاته وأوراده يعاود المرضي في بيوتهم يخفف بعض آلامهم والصبي رديفه يستمع ويستمتع بهذه الرحله اليوميه وينهل من ذلك المنبع الخصيب وتختزن مشاهد الرحله في رأس الصبي ولعله يتذكر بعد تلك السنوات كل ذلك وكيف أثمرت رحلته اليوميه مع والده الشيخ وكيف استوعب الدرس جيدا ما بين الحرص علي صلاته في المسجد ومعاوده الناس وهو ينظر الي نفسه الآن يعتلي منبر الجمعه يخطب في الناس مذكرهم بنعم الله عليهم ويتقدم الصفوف بالمسيد يصلي بهم الصلاه الراتبه
ولأنه اخذ منهج الاستقامه نظريا وعمليا فوق الحمار الابيض في وقت كانت البراءة تكسوه لم يترك جانبا لظروف الحياه وتعقيداتها ان تلين له جانب وأنا يا أحبتي لا ادعي كثير معرفه ولكني مولع بترديد حديث للحبيب المصطفي (ص) قال فيه(رب أشعث اغبر ذي طمرين تنبؤ عنه أعين الناس لو اقسم علي الله لأبره) والحديث بروعته وشموله كأنه مفصّل علي الصبي فعلامات الصلاح والتقوي تشع منه والطيبه والعفويه والوجه الضحوك وآثار الخشونه والغبره ترسم أخاديدها علي يديه ورجليه من اثر الوضؤ علي الوضؤ
والطرفه تحضرني يوما بالمسجد العتيق وكان ان فرقنا من صلاه العشاء واتجه الشيخ كعادته لمعاوده احد المرضي وترك الصبي انتظارا وكنت والعزيز سيف اليزل نجلس بعد الصلاه نتسامر والصبي يحوم حولنا وشئ ما يشغل باله والوقت يتأخر والشيخ لا يأتي والقلق يستبد بالصبي ولعله خشي ان يعود الي البيت وحيدا في ذلك الظلام وعندما أعيته الحيله اقترب منا قائلا (سيفو انت ما ماشي علي قبلي ؟؟) وسيفو بسخريته اللاذعه يرد ( لا أنا بايت هنا )0
ولان الأمور كلها عنده محكومه بضميره ومحسومه عنده وصدي صوت الشيخ يأتيه مع كل خطوه يخطوها كان حتي لهوه مع أقرانه محكوم ومحسوم بمكان ووقت لا يتعداه
وتأخذه أقداره الي ميدان الوحده لاعبا ولا أبالي ان قلت إنني عندما رايته أحسست أن البركات تنزلت في ذلك المكان ،،،
ويذكر الجميع يوما بإستاد دنقلا والحكم واللعيبه داخل الميدان وفريق الوحده ناقص احد لاعبيه والحسرة والمغصه تقتلنا ونحن بالمدرجات والجميع ينظر إلي البعيد فإذا غبار يتصاعد والسماني علي عجلته (قايم سداري) من الحله حتي الإستاد ليلحق بالفريق ويلبي الواجب 0
السماني يا إخوتي مثالا يستحق منا كل التقدير والإعجاب في زمن تداعت فيه الدنيا علي الكبير والصغير رغم ذلك مازالت نفسه نقيه وقدماه تعرف موقع خطواتها جيدا لأنه غصن ندي من تلك الشجرة الكبيرة
اللهم يا أكرم الأكرمين اغفر وارحم الشيخ وبارك لنا في الصبي
[/
right][/b]
الرجوع الى أعلى الصفحة اذهب الى الأسفل
هيثم شهلي
 
 
هيثم شهلي


عدد المساهمات : 599
تاريخ التسجيل : 27/01/2010
العمر : 50

السماني  Empty
مُساهمةموضوع: يا سلام   السماني  I_icon_minitimeالإثنين 12 يوليو 2010, 9:21 am


يا ياسر
والله الموضوع سمح سماحة
وقلمك يأسرنا بجد
اللهم ارحم الشيخ نصر الدين وبارك له في ذريته أجمعين
كلما نظرت للشيخ السماني اتذكر الله وحديث رسولنا الكريم صلى الله عليه وعلى آله وسلم تسليما ( وشاب نشأ في عابدة ربه.. و رجل قلبه معلق بالمساجد ..) وكما يدخل سيدنا أبوبكر من أبوابها كلها نرجو أن يدخلها السماني كذلك
ونسأل الله الوهاب أن يحفظ لنا السماني ويبارك فيه ويكتر من امثاله

شكرا ياسر على البيان الجميل
ودمتم بخير وعافية
وتحياتي لك وللأسرة الكريمة
الرجوع الى أعلى الصفحة اذهب الى الأسفل
مجاهد باشنتود
 
 
مجاهد باشنتود


عدد المساهمات : 180
تاريخ التسجيل : 08/01/2010

السماني  Empty
مُساهمةموضوع: رد: السماني    السماني  I_icon_minitimeالإثنين 12 يوليو 2010, 4:25 pm

تسلم ابوحباب علي الدرر الرائعة في حق الشيخ سماني
حقيقة سماني نموزج فريد في نوعة ودا اقل شي يمكن ان يقال في حقة
بارك الله فيك وياريت قلمك دا تاني مايجف لانو الفترة الفاتت شايفك مختفي
بالمناسبة في الاجتماع الفات بتاع الرابطه انا ومهند عبدالله الطاهر قاعدين
جا الريس محمد جعفر قال انا ماعارف ناس المنتدي ديل مالهن مع ابوالديمي
قال الكتابات كلها بقت عن ابوالدايمي قلت لي انا ماحأجاوب وبحول السوأل لي ياسر مباشرة
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالثلاثاء 13 يوليو 2010, 7:03 am

هيثم الاخ العزيز كتير تحايانا اليك والاسره الكريمه
شكرا للاشاده والمرور وعندما تحتفي كلماتنا بالشيخ السماني
تحتاج الي توقيعكم حتي تكتمل اللوحه وياخذ منا السماني الدرجه الكامله
وتوقعتك اول الحاضرين حتي قبل ناس ابوالدايمي
لمعرفتي انك دائما تحتفي بمثل السماني وامثاله وتفرد لهم مقعدا بجوارك
كتر خيرك كتير


باشمهندس مجاهد
الف مرحب
تظهر وتختفي في ظروف ظاهره
واجابه لسؤال محمد جعفر ليه ابوالدايمي
لانو ابوالدايمي ديل ناس اصيليين وغالين
ويكفي انو فيهم ابو وضاح الغالي وهندسه مجدي ومجاهد
والسماني وعباس والخاله مناره وووووو
ياخي يكفيهم شيخ نصر الدين وشيخ رضوان حجازي لهم المغفره والرحمه
تاني اقول ليك شنو !!!!
ياخي ياخي يكفي ابو الدايمي انو الناطق الرسمي فيهم عوض حجازي
وهم صابرين ومحتسبين
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

السماني  Empty
مُساهمةموضوع: رد: السماني    السماني  I_icon_minitimeالثلاثاء 13 يوليو 2010, 7:20 am

الاخ / ياسر (ابوحباب)
اولا مبروووك للاخ المناضل عوض الكريم ابراهيم طه (جدو)
رغما عن حديثي قد يكون فيه جرح وذاتيه وابتعادا عن الموضوع فصراحة اقولها انك غلط كبير تقرأ (اقتصاد) وقصدي واضح (وعفواً) وقبل ان تنتقدني بان الكتابة موهبه وتذكر امثله لدارسي الاقتصاد وميولهم الادبية برضوا اقول (غلط تقرأ اقتصاد ) وعذري للاخ هيثم ومحمد باشا وهم يعرفون قصدي
الاخ ياسر ابراهيم رغما عن سردك الجميل الانيق والمموسق والكلمات و المفردات المنتقاه باسلوب وعبارات بديعيه وبلاغيه يخرج القارئ الي عوالم الدهشة والحيرة في التناول في شكل قصة تراجيديه وتكامليه فان المفرده منها تتضمن في دواخلها كلمات ومقالات وان ربطك لتفاصيل المقال دون ذكر موضوع المقال يجعل القارئ يتلهف لنهاية المقال وفي نفس اللحظة يتمني ان لاياتي نهاية المقال لكي لاينتهي
ابوحباب لعل الحديث عن الشيخ نصرالدين والصبي السماني واتحدث عنهما بعيدا عن اي علاقة لكي لايخدش حديثي بحكم الرابط والعلاقة وكلنا كما قال المرحوم عكاشة عثمان ان مراغة اسرة وعيله واحدة وقد ذكرت امثله ونماذج كثيرة للشيخ اما الشيخ نصرالدين رحمه الله اذكر لك قصه واحدة وصغيرة يكفي عن الكثير فقد جاءته فرصه انتداب الي قطر فىبداية الثمانينات وكان الاختيار له شخصيا فرض الشيخ نصرالدين العرض وكان معه كل اسرة مراغة عدا بنته الصغيرة انذاك صبيحة وكانت قصدها ان تغير حل الاسرة ويغترب لغترة قصيرة وكان سبب رفض الوالد هو (يابتي انا نمشي ونخلي العيانين لي منو) ومر الزمن وتنازل الشيخ لشخص اسمه عبدالحميد البكري واغترب ورجع وعند مرور صبيحة بت الشيخ مع والدها اشارت صبيحة الي بيت المتنازل له عبدالحميد البكري شوف ياابوي بيت داك والعربات الواقفين ديل فما علي الشيخ الا ان قال (يابتي ده بيت الدنيا والعربات زينته) والكثير يعرفون عنه الكثير اكثر منا جميعا اما بخصوص الشيخ السماني لعلي اجد ان الاخوة زملاء السماني واصدقائة يعرفون عنه الكثير لاننا بعيدا عنه كثيرا وقد سمعت الكثير عن ذلك والقصص عنه كثير وساذكر لكم قصص صغيرة لاحقا وبعد ان نسمع من زملائة
الاخ ياسر يجب ان تتحفنا بعاراتك الجميله علي الدوام
والله من وراء القصد
ابوعزام
الرجوع الى أعلى الصفحة اذهب الى الأسفل
مالك نصرالدين
 
 
مالك نصرالدين


عدد المساهمات : 298
تاريخ التسجيل : 06/01/2010

السماني  Empty
مُساهمةموضوع: رد: السماني    السماني  I_icon_minitimeالثلاثاء 13 يوليو 2010, 7:45 am

السلام عليكم.. لك التحية الاخ ياسر وانت تعطي كل زي حق حقه..
بعض القصص عن الشيخ السماني:
عندما كان صغير كان يقوم من النوم الصباح بدري وطوالي يمشي يقيف يصلي الصبح وعندما نسأله انت ما اتوضيت يقول أنا محافظ على وضوء العشاء..
ثانيا في الشتاء في شدة البرد كان يتوضأ اربعة الى خمسة مرات بدون ما يدفي الموية ونسألة عن السبب يقول انا شكيت في الوضوء نقول ليه ده من الشيطان عشان يعذبك في البرد ده لكنو مابسمع كلامنا لكن بعد مده من الزمن بقى عادي.
تفكيره مختلف عنا تماما، بعد التخرج من الجامعة أقول ليه حضر دراسات عليا أو اشتغل في اي وظيفة يقول لي لا عاوز اقرأ علوم شرعية بس وللان بقرأ في العلوم الشرعية.
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالثلاثاء 13 يوليو 2010, 3:29 pm

الأخ ذنورين
(نمشي ونخلي العيانين لي منو) هي سر هذه الرحله الطويله
كنت دائما علي قناعه ان المداواة والطب ليس تخصصات ودراسات فقط
وإنما يقين بالله وخبره ودراية بالنفس البشريه وأوجاعها وذلك ما كان يملكه الشيخ
عليه الرحمه
اما عن الصبي فهو اهل لكل خير وهو احلي بكثير من كلماتنا
اما عن اختيار تخصص الدراسه فهذه الكلمات لو خرجت من البلد لصارت مثل
عربي جوبا وانما البلد وناسها من يلهمونا لنسجل بعض اشراقاتهم
ونحن نختار شخصيات تجلس دائما في المقاعد الخلفيه فلا تصلها فلاش الكاميرات
رغم أنهم أحق الناس بكل المقاعد وكل الكاميرات والصبي من هؤلاء


باشمهندس مالك
لعل الله سبحانه ادخر للبلد مثل السماني حتي تتنزل البركات علي أهلها
كنت دائما التقيه واستحلفه بالدعاء واحكي له حكاوي عوض حجازي ولا اخرج منه بسوي ضحكاته التي لا تنتهي
الرجوع الى أعلى الصفحة اذهب الى الأسفل
عادل الفاضل
 
 
عادل الفاضل


الموقع : maragaarea.com
عدد المساهمات : 310
تاريخ التسجيل : 03/02/2010
العمر : 52

السماني  Empty
مُساهمةموضوع: رد: السماني    السماني  I_icon_minitimeالثلاثاء 13 يوليو 2010, 8:32 pm

بارك الله للشيخ السمانى و يجعله الله غدوة لجيله..
الرجوع الى أعلى الصفحة اذهب الى الأسفل
قرشى شيخ ادريس
 
 
قرشى شيخ ادريس


الموقع : الولايات المتحده
عدد المساهمات : 974
تاريخ التسجيل : 28/03/2010

السماني  Empty
مُساهمةموضوع: رد: السماني    السماني  I_icon_minitimeالأحد 18 يوليو 2010, 6:14 am

بسم الله الرحمن الرحيم
ابن عمى العزيز..لك التحيه والتقدير..وشكرا ليك كتير وأنت بتشيل السبح وتختها فى المسبحه
وربنا يطول المسبحه دى لحدى ماتلملم لينا لينا السبح المشتته هنا وهناك ومافى زول جايب خبرا


المعذره أخى العزيز كنت بعيدا فى الفتره الماضيه
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالأحد 18 يوليو 2010, 9:48 am

الف مرحب بيك ابن عمي العزيز قرشي
وسلامه العوده بعد ان طال الغياب
وشفقتنااااااااااااااااااااا
لكنهم كانوا هنالك يا ابن عمي يعيشون بيننا
ولعلنا برتابه الايام وتكرار الاحداث لم نفسح
لهم المجال الذي يستحقونه فتواروا خلف المقاعد
ينظرون وهم اسعد الناس بمواقعهم
حتي اذا صفت نفوسنا وعدنا نجتر الذكريات لاحت وجوههم الانيقه
تخترق الصفوف وتقول لنا
( ما تدونا فرصه معاااااكم )
شكرا علي الثناء والاطراء وتحياتي للاسره الصغيره
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

السماني  Empty
مُساهمةموضوع: رد: السماني    السماني  I_icon_minitimeالثلاثاء 27 يوليو 2010, 9:33 am

[b][center]
الاخ ياسر تحياتنا واشواقنا من على البعد وحقيقة انت تحلق بينا فى سماوات الابداع دائما ودمت لنا ومعليش للتاخير لظروف السفر وحقيقة قريت الموضوع دة اكتر من مرة ورجعتنا لورا وزكريات جميلة تحت نيمة المرحوم حاج نصر وحبوبة سلمى الله يديها العافية ... والمغفرة للمرحوم مدثر .... والله ايام خالدة ....
والله لو المرة الجاية ابحرت لينا فى شيخ رضوان المرحوم تكون اوفيت ابوالدايمى تماما ومفروض يعملو ليك تكريم
(عباس / السمانى / المرحوم شيخ رضوان) شخصيات توريك انو الدنيا دى تافهة شديد وزى ماقت عشان ربنا ينزل لينا ببركتم رحمات ... ان شاء الله يارب ....

الشيخ السمانى شخصية فريدة ومهما تفكر فيها يغلبك التفكير وهو نظرتو مختلفة تماما للحياة ومشروع انسانى ضخم ....

مرة جا خاشى بيتنا وواقف بعد الصالون وراء الحيطة وبصفق وبيستاذن ... وطبيعتنا هناك انو باب الحوش فاتح طبيعى ولو زول دق الباب معناهو دة ضيف من خارج الولاية ... وبعدين ناس البيت انزعجو جدا امن عرفو سمانى وقالو لينا الله يرضى عليك انت الفرق بينك وبين محمد شنو .... قال الدين بيقول كدة ودة الشرع ... قال هسة انا داير خرطوش الموية ... بعداك شالو دة لو زول تانى يشيل الخرطوش ويمشى وبعد اسبوع تمشى تلقى بالصدفة ولا تجيبو محل تلقى والسلام ... ياخ دة رجل صالح بكل ماتحمل هذة الكلمة من معانى ....

من اكبر المحامد انو متواصل معاى على طول وهسة قبل ايام اتلاقينا ومرة فرح بشدة لمن لقانى فى محاضرة بالليل الساعة 10 مساء فى الامتداد قال لى الحمد للة على اللقية الطيبة ...

عشية حادث المرحوم الشيخ محمد سيد حاج هاتفنى وحسيت نبراتو ماطبيعية ومنزعج ... قت لي مالك ياسمانى قال يامجدى شيخ محمد سيد عمل حادث حركة وقبل اسبوع هو كان بجمع لى فى محاضرات شيخ محمد سيد .... فقت لى انا حامشى العزاء اليوم التان لانو الوقت كان متاخر واظنو هو مشى فى لحظتا العزاء ....

السمانى كان بيتغاظ بشدة امن يشوف ناس ذنو وعباس فى الكوتشينة وبزعل بس مابورى زعلو لزول وبتكيف بشدة لمن المرحوم حاج نصر يهيج ويشاكل فى الكورة والكتشينة والضمنة ....

مهموم جدا بقضايا الشباب والفساد وتلقى شايل هم كبير ومجتهد بشدة فى دروسو وربنا يوفقو ...

هذا قليل جدا عن الصبى اما الشيخ الكبير لة الرحمة فدى مدرسة لحالو .... وفى حياتة يستحيل بعد صلاة العشاء وحتى الصبح ... ماتسمع دق الباب وانا غرفتى مقابل بابو ... ومرات والله مساهر وبعد فى البدقو الباب امن حصلت 6 خليت العدد والله بدون مبالغة .... شى عقرب ... شى ملاريا ... شى حمى .... شى وجع ضرس .... سبحان الله اى مرض واى علاج يديك لى تقوم تمشى على حيلك بعدو ... ودة سر الرحمة وربنا يجعل بركتو فى يد من ايادى عبيدو ....

وماكان يكل ولا يمل لحظة ومستعد يجيك فى اى حتة .... لة الرحمة والمغفرة وربنا يبارك فى ابناءة ....

دعواتنا للة تعالى ان يوفق الشيخ السمانى ويجعلة من علماء الامة مستقبلا .... ويديك العافية يا ابو حباب على اللفتات البارعة واظهارك للعظماء المتواجدين خلف الكواليس وديل هم سر الحياة ....


تحياتى .....
مجدى .....


الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالثلاثاء 27 يوليو 2010, 4:33 pm

الف مرحب يا باشمهندس وسلامه العوده
والمنتدي من غيرك صراحه عامل ذي بيت العرس لما الحفله تتنتهي والعرسان يمشو الفندق
وناس الخرطوم يجهزو شنطهم استعدادا للرحيل
والصبي مشروع انساني خضم هي خاتمه الكلام وعنوان كبير يستحقه السماني
وذكرياتك عن السماني ونيمه المسيد فكانما انت من كتب ونحن ندلو بمداخلاتنا
فعندما يتصاعد غبار حروفك الانيقه يصبح لدعاش كلامتك عطر خاص يا هندسه
اما عن الحبيب المرحوم رضوان فتلك قمه يصعب اليها الصعود ولكن اذا طاوعتنا كلماتنا
يوما نرجو ان نسجل ما يدنو من تلك القامه
لك من التحيات الكتير
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالثلاثاء 27 يوليو 2010, 4:41 pm


مشكور يا عمده يا ابو فاطنه علي المرور بس يا ريت تكون عرفت السماني ده منو ؟؟؟
الرجوع الى أعلى الصفحة اذهب الى الأسفل
سموأل محمد
 
 
avatar


عدد المساهمات : 75
تاريخ التسجيل : 28/02/2010

السماني  Empty
مُساهمةموضوع: رد: السماني    السماني  I_icon_minitimeالأربعاء 28 يوليو 2010, 3:27 am

شيخ الشباب سمانى حفظك الله ورعاك وأدام عليك نعمة الايمان ونفع الله بك عباده
أخى الأديب الأريب ياسر والله اللذى لا الاه غيره لقد امتعتنا غاية الامتاع بقدرتك على تصوير الاحداث حتى كأنما نشاهد تلك الاشياء على شاشة عرض وأقولها صدقا لا مجاملة ان ملكاتك فى الكتابة تؤهلك لان تكون امتدادا للأديب الطيب صالح ... باللله عليك لا تحرمنا من هذه الروائع التى تخفف بها علينا بعض من رهق غربتنا المقيتة
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

السماني  Empty
مُساهمةموضوع: رد: السماني    السماني  I_icon_minitimeالأربعاء 28 يوليو 2010, 6:03 am

الاخ / ياسر
حدثت الشيخ السماني واخبرته بماكتبته ولم يستبعد الحديث منك بالزات قلت ليهو ياسر كتب عنك في موقع مراغة قال لي وباستعجال طبعا حيكون ياسر ابراهيم طه وقلت ليهو ليه قلت ياسر ضحك ولم يرد وبعد ذلك عرفت وشعرت ان الود الذي بينكم كبير والعلاقه معرفة وصداقة ذاتيه واحسست ان المناوشات بينكم كبير يفضي الي ذات العلاقه الحميمه بينكما ووعدني بان يدخل النت ويطلع علي ماكتبته والتعليقات رغم عن انه هذه الايام في امتحانات بمعهد تاهيل الائمة والدعاة .
ومره عاملين شغل في البيت او فزع ولم نخبره وكان الاخ عبدالمنعم محمد الامين (طبعا صاحبو شديد) كان كلموا قبلنا واخبرناه متاخر قال انا ماشي لي عبدالمنعم قلنا ليهو انته عندك فزع في البيت ؟؟ قال ما كان تكلموني بدري؟
ابوعزام
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالأربعاء 28 يوليو 2010, 7:25 am

[b]سموال العزيز ( وبدون همزه كمااااان)
كتب الطيب الصالح يوما في حوار بين سعيد البوم والناظر
( انا سعيد ود زايد ودحسب الرسول
عربي حر يمين اهلي في سودري يحجبو ضو الشمس
مالي انا مسلم وموحّد الله واعرّس بتك ؛ وبتك شن طعمه شينه
وعمشه وان كان قعدت لي ابد الآبدين ما تلقي زول احسن مني
وان كان بقيت مابي ضمه كماااان شايل لي يمين اطلّعك محاكم وانزّلك محاكم
لامن اخلص قروشي منك)
شووووف يا سموال جنس الكلام ده واحسب حساب المسافات والاماكن وبلاش
المقارنات دي ولكن حسن ظني يأخذني الي (كل بصديقه وود حلته معجب)
ولو زعلت من كلامك ذلك فقط من اجل ان يرتاح الطيب الصالح في قبره

يا سموال ،،،، ما تظن اني فاعل بك ؟؟؟؟؟؟؟؟؟ !!!
لك من الاشواق الكتير


عدل سابقا من قبل ياسرابراهيم في الأربعاء 28 يوليو 2010, 8:34 am عدل 1 مرات
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالأربعاء 28 يوليو 2010, 8:31 am

ابوعزام تحياتي
تعرف لو كّلمتو سماني عن الفزع من بدري كان صحيتو الصباح لقيتو
المعجنه جاهزه والطوب مرصوص والسقاله مشدوده والبركات نااااازله
لأني متأكد حيقوم قبل الفجر ويفتح المعجنه ويرمي فيها خرطوش المويه
الجابو من ناس باشنتود بالليل
ويمشي يتوضأ ويؤذن ويكحّل عينيه بقرآن الفجر المشهود ويصلي بالناس
يقرأ في الركعه الاولي
(ان الذين سبقت لهم منا الحسني أولئك عنها مبعدون ؛؛؛ )
ويقرأ في الثانيه
(يا أيها الذين آمنوا اذا نودي للصلاه من يوم الجمعه فاسعوا الي ذكر الله ،،)
وعندما تشرق شمس تلك الجمعه يكون كل شئ جاهزا حتي عجين قراريص الملوحه
لانو الحاجه بتكون صحت قبل الصبي
بيني وبين السماني يا ابوعزام تقدير خاص ومحبه عميقه وونسه لذيذه يكون
عوض حجازي حاضرا في بعض تفاصيلها وعندما اقول ليهو ياخي عوض حجازي
افهم واحد في البلد دي يكاد يغمي عليه من الضحك
خالص دعواتنا للصبي بالتوفيق والسداد في دراسته
عاطر السلام والتحايا
الرجوع الى أعلى الصفحة اذهب الى الأسفل
عبدالفتاح يعقوب
 
 
عبدالفتاح يعقوب


عدد المساهمات : 161
تاريخ التسجيل : 17/04/2011

السماني  Empty
مُساهمةموضوع: رد: السماني    السماني  I_icon_minitimeالخميس 19 أبريل 2012, 11:35 am


يا ياسر
هل نضبتْ حروفك؛
فعجزت عن التعبير ؟
أم قد هَرِمْتَ ؛
وخار عزمُكَ ؛
فانثنيتَ عن المسير ؟
ولا دى جيه الاولاد نستك الكتير
هسى ندعى عليهم دعوة نرجعهم غادى من الحفير

الله يرحمك يا عباس همزة !!! والف رحمة ونور على شيخنا وابينا نصر الدين وكل الشرفاء من مراغة الذين
الذين قدموا الكثير والكثير وكانوا اعلام ورموز المجتمع ... فوجودهم فى الماضى امتعنا وذكراهم فى الحاضر
تشجعنا بهم نقتدى وعلى خطاهم نسير .... ونسال الله ان يجعل لهم من كل هذا الخير نصيب
مع كل الود للاخوان
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين


عدد المساهمات : 1940
تاريخ التسجيل : 20/06/2010

السماني  Empty
مُساهمةموضوع: رد: السماني    السماني  I_icon_minitimeالخميس 19 أبريل 2012, 4:09 pm

ابدااااعات بحري الجدول يمطر (هنا) في هذا المكان بغزارة
ويجعل المكان اكثر احتمالا واعمق جمالا .. امير الكلمه ياسر توقف عن الكتابه وحرمنا
من كتاباته وكلماته التي تحمل في طياته شئ من نفس الملائكه .. تعال اخي ياسر وهاهو
صديقك ابن حيك عبدالفتاح ونحن معه ندعوك لنتذوق طعم كلماتك الجميله وروعة خواطرك
الدسمه .. افتقدنا ياسر وكلماته التي تاثرنا حتي الثماله .. فانت مميز واسلوبك السهل الممتع
صديقك عبدالفتاح ونحن معه ندعــــــــــــوك ياصاحب الكلمة الطروبه المغلفه بروح الدعـــابه
لاتجعلنا ننتظر كثيرا اخي ياسر ... ابداااااعات بحري الجدول يمتد للاخ المشحون بالابداااع
وهو يزين ارجاء الموقع بالق ابداعاته
تقبلوا عاطر تحياتي ومحـــــــــــبتي


عدل سابقا من قبل عبدالرحمن نصرالدين في السبت 21 أبريل 2012, 5:36 pm عدل 2 مرات
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

السماني  Empty
مُساهمةموضوع: رد: السماني    السماني  I_icon_minitimeالخميس 19 أبريل 2012, 4:46 pm


سقط سهوا اسم صديقي القديم معتصم

له ولبقية العقد الفريد التحية

قولوا يالطيف
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

السماني  Empty
مُساهمةموضوع: رد: السماني    السماني  I_icon_minitimeالسبت 12 مايو 2012, 10:08 am

فتاح يا دفعه
اشواق وتحايا وسلامات
من البوستات الرائعه والتي القي عندها رحالي ،، البوست ده ،، ما عشان حقي ابدا والله
عشان سماني (اتقي بن ابوالدايمي)
في الخاطر الكثير يحتاج ان ننقر فيه اصابع الكي بورد ليخرج ولكن هي مشاغل الدنيا يا عزيزي
فنحن من جيل حضر الزمن الخدو مشلخ والازمان الخدها ساده (كما قال شاعر البطانه البشري)
سنعود حتما يا صديقي ونكتب عن سيو حاج يس حكاوينا ...
والله جنس شوق
الرجوع الى أعلى الصفحة اذهب الى الأسفل
هيثم شهلي
 
 
هيثم شهلي


عدد المساهمات : 599
تاريخ التسجيل : 27/01/2010
العمر : 50

السماني  Empty
مُساهمةموضوع: رد: السماني    السماني  I_icon_minitimeالسبت 12 مايو 2012, 12:52 pm


ياسر حبابك
والله مشتاقين ليكم
ومنتظرين حكاويكم وبيها يعود للمنتدى طعمه
بالله ما تطول
وتحياتي للجميع
ودمتم بخير وعافية
الرجوع الى أعلى الصفحة اذهب الى الأسفل
 
السماني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: