شبكة مراغه الأصاله والتاريخ
توفيق تبد Welcom11
شبكة مراغه الأصاله والتاريخ
توفيق تبد Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكأحدث الصورالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 توفيق تبد

اذهب الى الأسفل 
+6
مشيرة
zonourain
سموأل محمد
امجدعوض
قرشى شيخ ادريس
ياسرابراهيم
10 مشترك
كاتب الموضوعرسالة
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

توفيق تبد Empty
مُساهمةموضوع: توفيق تبد   توفيق تبد I_icon_minitimeالخميس 03 يونيو 2010, 5:50 pm

وتوفيق يأخذ مكانه أمام الباب الرئيسي للبنك يجهز العنقريب ويتأكد من الإبريق وكميه الماء الذي به
وأنا انظر اليه وتأخذني حيرتي كل يوم من بساطه هذه الحياه وهذا التوفيق كيف ابتدر حلم حياته؟ وكيف تطلع الي مستقبله طوال سنوات عمره ؟؟ وكيف يكتفي كل يوم بهذه التراجيدا ما بين العنقريب والإبريق ؟؟؟
والسؤال الذي عذبني كيف أتي بكل هذا الصبر لتكون البساطه والقناعه هي عنوان يومه قضيت عاما كاملا بالبنك وتوفيق يعيد تكرار الأيام ابتداءا من موعد قدومه بنطون اطناشر حتي مغادرته في اليوم الثاني بنطون تمانيه
كيف سارت حياته كل تلك السنوات بكل هذا الروتين والسؤال لا يترك لي جانبا انعم فيه بالراحه من أين أتي بكل هذا الصبر ؟؟؟؟؟ ولم احتمل انتظار الاجابه فبادرته يوما (انت يا توفيق بتلقي الصبر ده كلو ويييييييييييييييييين) ؟؟؟؟؟؟؟؟؟ ولم يرد واكتفي بالابتسام !!!!!غاظني ابتسامه وزاد من حيرتي
حتي جاءت الاجابه في يوم قائظ تدلت فيه الشمس وأرسلت أشعتها تمشي بيننا في الشوارع
وأنا بالكاد التقط أنفاسي واحتمي برقراق النخيل حتي وصلت إلي مشرع البنطون
والجميع انتظاااااااااااار والوجوه صبوحه كان أمر الشمس والحر يعنيني أنا فقط والبنطون يرسو مختالا بالضفه الاخري والجميع انتظاااااااااار لا يحركون ساكنا والرطانه تقفز من هنا وهناك كيف لهؤلاء الناس هذه الطاقه والاحتمال كل يوم يقف البنطون في ضفه وهم في أخري ينظر كل منهم للآخر ولا تعلو الوجوه علامات ضيق او تبرم كأن كل واحد منهم اختار موقفه من الضفه والحياه كل يؤدي دور تجاه الآخر 0
وأنا يزداد ضيقي من الحر وغيظي من البنطون وحيرتي تحوم حول الجميع متي يأتي البنطون ؟؟؟
ويخرج السؤال من كبدي (يا اخواااانا البنطون واقف هنااااك منتظر شنو؟؟؟
وفجاه وكأن الجميع انتبه لهذا المخلوق العجيب بسؤاله الغريب وفي وقت واحد أشاحوا بوجههم عني
(ار اشكرتي ريييييي) ؟؟؟ ويسألني احدهم بكل علامات التعجب
ومن خلفي يا تيني صوته (تتذكر سألتني يوما في البنك انت يا توفيق بتلقي الصبر ده كلو وين) ؟؟؟ دي الاجابه انتظار البنطون هو اجابه سؤالك
ماشي مقاصر عندك شنو ؟؟؟ امشي اتغدي معانا !!! وأنا لا أجد ما أرد به واكتفي بالتفسير الكبير نعم يا عزيزي توفيق هذه هي اجابه سؤالي العريض !!!!!!!البنطون ،،،،،،،،،نعم !!!!!
يتعلمون الصبر من ذلك العملاق الذي يرسو مختالا علي الضفه الاخري 0
وتمر الأيام ويصّر توفيق علي دعوه كل زملائه بالبنك علي خروف الضحيه وذهبنا جميعا
وخلف غابات النخيل يقف الدار كصاحبه مهيبا أنيقا صبورا لم تحني السنوات هامته مازال يعج بالحياه والناس
وقبل ان تمتد أيدينا لنطرق الباب يصيح احدهم
(توفيق اووو تبد اشكرتي بداكو)
الرجوع الى أعلى الصفحة اذهب الى الأسفل
قرشى شيخ ادريس
 
 
قرشى شيخ ادريس


الموقع : الولايات المتحده
عدد المساهمات : 974
تاريخ التسجيل : 28/03/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالجمعة 04 يونيو 2010, 4:35 am

ابن عمى العزيزياسر...التحيه والتقدير.
شكرا لقلمك الشفيف الرقيق..يصحى فينا الذكريات ويداوى بعض جراحات غربتنا.
ياخذنا فى سياحه دافئه الى أماكن محفوره فى ذاكرتنا ووجداننا.
لك التحيه.[/size]
الرجوع الى أعلى الصفحة اذهب الى الأسفل
امجدعوض
 
 
avatar


عدد المساهمات : 60
تاريخ التسجيل : 13/03/2010

توفيق تبد Empty
مُساهمةموضوع: توفيق تبد   توفيق تبد I_icon_minitimeالجمعة 04 يونيو 2010, 5:27 pm

الاخ ياسر
التحية لك
كتاباتك دائما جميلة تجعل (الذول )يرمى وراء بلغة الجيش نتذكر اياما خلت ياريت لو تعود اخى لاتتوقف عن الكتابة دائما ابحث عن كتاباتك لاتحرمنا منها دائما بقول ياسر دة تربية حبوبات مدح وليس ذم كتاباتك فيها رائحة حبوبات الرائحة الجميلة جمال تاريخنا
الرجوع الى أعلى الصفحة اذهب الى الأسفل
سموأل محمد
 
 
avatar


عدد المساهمات : 75
تاريخ التسجيل : 28/02/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 05 يونيو 2010, 4:54 am

الأديب الاريب ياسر لا كسر الله لك قلما ولا اسكت لك حسا لأكنى والله اشاهد الحكاية بأم عينى تصويرا ... فهلا منحتنا مزيدا من الامتاع والابداع وتركت هذا الشح حماك الله وعافاك ...
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 05 يونيو 2010, 9:28 am

ولا اجد من الكلام اخي قرشي ما ارد به علي كلماتك
الحنينه والدافئه ، ومثلك يا ابن عمي يقرأ بفؤاده قبل العيون
لك سلاماتي

الاخ العزيز امجد
كتير السلام والاشواق
احلي دلع ان اكون تربيه حبوبات
دي قلعتها من وين يا مجيد ؟؟؟؟؟
لك تحياتي حتي آخر صرفيه

سمؤال الغالي
وكلماتك تجعل جضومنا تنتفخ زهوا
فلا يتذوق هذه اللوحه الا المسكونون بالمكان والزمان
شكرا جميلا
الرجوع الى أعلى الصفحة اذهب الى الأسفل
zonourain
 
 
zonourain


عدد المساهمات : 359
تاريخ التسجيل : 01/05/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 05 يونيو 2010, 10:01 am

الاخ ياسر اذا كده انا بايد نظرية الكتاب الاخضر للقذافي وخلاصتو انو الطالب من صغير يوجه حسب ميوله وتكويناته وموهبتو طيب مالك قريت اقتصاد
امانه ماشفت حاجة ياياسر في الغربة يخليك تكتب اكتر من كده اسرارك كلها بتطلع شوية شوية بعد فترة حتي تكتب لينا عن الطب والهندسه
والله كلماتك ومفرداتك بيذكرنا حلقات الاديب فراج الطيب (لسان العرب)
ذوالنورين نصرالدين
ابوعزام
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 05 يونيو 2010, 10:20 am

زنو
دي خربشات كده من من طرف الذكريات والزمن الجميل،،،،،،
الغربه الغربه الغربه بت ال ..............
وانا كمااااااان اقول الكلام الكتير ده كلو بجي من وين ؟؟؟؟؟؟؟
قرايه اقتصاد جات كده (قالوا لي جامعه الخرطوووووووووووووووووووم
كليه الاقتصااااااااااااااااااااااااااد جمله تملأ الخشم وتدفق
قمت جاري والنتيجه لا لميت في الخرطوم ولا اقتصادها
والحمد لله رب العالمين
شكرا ابوعزام
الرجوع الى أعلى الصفحة اذهب الى الأسفل
مشيرة
 
 
مشيرة


الموقع : امدرمان
عدد المساهمات : 1276
تاريخ التسجيل : 27/01/2010
العمر : 35

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 05 يونيو 2010, 4:44 pm

التحية ليك اخ ياسر ولتوفيق

وربنا يصبرنا على ما ابتلينا بة

ويقدرنا نعمر بلدنا السمحة
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 05 يونيو 2010, 6:53 pm

العزيز ياسر ابراهيم


والله كتاباتك تلون المنتدى بكل الالوان الزاهية ... وقصتك دى سيناريو جاهز لو لمو فيهو ناس سمعة وقناة الشروق
صدقنى مايخالو نخلة فى مقاصر مايصوروها ...

تعليقك للاخوة الذ تحلية كاربة وكل على لغتة وميولة

قرشى : الشوق .. الغربة ... الحنين ... مطارات الوداع ضجت
امجد : الجيش ... التعليمات ... اخر صرفية
السموال: الجضوم ... البيتزا... التذوق .... هههه
ذنو: شكلك ماقريت موضوع حوض الاوريق ... وحكاوى هاشم والمرحوم بدرى صاحب الجلباب الجديد
كلها تجدها فى المنتدى فابحث عنها واستنمتع ...

قبل لحظات قريت لى كتاب ... رواية نوبية اسمو ... دنقلا للكاتب ادريس محمد على يحكى فيها عن قصص وحكاوى وماسى النوبيين ابان ترحيل الحلفاويين والنوبة ايام السد العالى واسوان ... فاستمتعت جد ...

لكن صدقنى بعد القصة الفوق دى ماف مقارنة بينك وبين ادريس هذا ... فكرت انو عمنا بكرى وشلة المنتدى يتبنو فكرة كاتب وروائى مثلك وتفت لينا حكاوى الجزارة ... بيتك الفوق ... القش ... بنشات اداب واقتصاد ... ابو وضاح ورضوان وهيثم وابجضوم ... البنك ... الكبسة ... ال عوض سيد احمد ... الدكتاتور ... الغربة ... ونسمى مراغة ويبقى مشروع ضخم من مشاريع المنتدى ... رايك شنو ياود الشريف ..
دمت زخرا لنا ... وبلاهى ماتنقطع عشان نطلع من سخونة المنتدى
تحياتى
مجدى باشنتود
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالأحد 06 يونيو 2010, 9:24 am

وكمل الكلام عزيزي باشمهندس مجدي
وانت تنسج وتوزع الحروف وترفع من قدر مشاركاتنا
وحكاوي الزمن الجميل يا هندسه تخرج من بيننا جميعا لانها معطونه بعبق ذكريات المكان الاجمل والزمن الجميل والناس الغاااالين
الرجوع الى أعلى الصفحة اذهب الى الأسفل
شهاب سعيد
 
 
شهاب سعيد


الموقع : المملكة العربية السعودية
عدد المساهمات : 755
تاريخ التسجيل : 08/01/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالأحد 06 يونيو 2010, 3:24 pm

حبيبو مجدي اذا قلت ليك الجماعة هنا ضاربين الكبسة دي ضرب ما بصدق
ناس تجاني الطاهر ومالك اذا وقفوا قدامك ما بتعرفهم بس تقول تلولى دا مشه السعودية متين ولو شفته ابو حباب بتستغرب قلت ليهو نزلت صورتك قال و الله خايف من العين اسمك الخشب يا مجدي وسمى مراغة ( نحن هنا من اجل مشروعنا المفضل وهو مشروع تسمين المراغوين ) قلبي لك العتبي حتى ترضي وصدقني بعمل سيرش للمواضيع وظهر موضوعك دا وتانى لك العتبي يا قلبي و بيني وبينك كدا زودها حبة اذا امكن دكتاتورية دي شوية هههههههه
الرجوع الى أعلى الصفحة اذهب الى الأسفل
مجدى حسن
 
 
مجدى حسن


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 44

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالأحد 13 يونيو 2010, 1:32 pm

والله يا ودالشريف كتلتنا بالضحك .......... تسلم
بس عباراتك الحلوة دى بتهيج هانى ياريت تعدلا ....
دة بستمتع بالشكل بس ... هههههههههههههه
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين


عدد المساهمات : 1940
تاريخ التسجيل : 20/06/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالخميس 27 ديسمبر 2012, 10:34 am

يااخوانا لاول مره استمتع بهذه الانشوده بطعم الشوق للزمن الجميل وكلااام بديع بالجد من الاديب ياسر
في هذا التاريخ كنت خارج شبكة مراغه لاني اتيت اليكم بعد عشرة اشهر من بداية المنتدي لذا
اسمحوا لي باعادة هذا البوست الي الواجهه
ملاحظه .. كل الذين ردوا علي ابوحباب لايوجد منهم سواء شهاب .. وابتعادهم حقيقة خساره
كبيره نتمني حضورهم باقرب وقت ممكن ..
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالخميس 27 ديسمبر 2012, 11:17 pm

ماقادر افهم انا ماعلقت في البوست الفلته ده لي شنو؟
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 29 ديسمبر 2012, 10:09 am

عبدالرحمن نصرالدين كتب:
يااخوانا لاول مره استمتع بهذه الانشوده بطعم الشوق للزمن الجميل وكلااام بديع بالجد من الاديب ياسر
في هذا التاريخ كنت خارج شبكة مراغه لاني اتيت اليكم بعد عشرة اشهر من بداية المنتدي لذا
اسمحوا لي باعادة هذا البوست الي الواجهه
ملاحظه .. كل الذين ردوا علي ابوحباب لايوجد منهم سواء شهاب .. وابتعادهم حقيقة خساره
كبيره نتمني حضورهم باقرب وقت ممكن ..

[size=2
4]ابومحمد
ما الياها قرايتك الحنينه دي السبب في انها تخليك تعود وتنبش القديم وتعيد ترتيبه ليلمع من جديد
ليتك يا عبدالرحمن التقيت توفيق تبد ,, كان ساخرا حتي في اصعب المواقف ,, يحمل ابتسامته معه
دائما ومستحيل يخليها وراهو في البيت
في احد ايام الصيف الخانقه في دنقلا قطعت علينا الكهرباء منتصف النهار داخل البنك وحتي يعدون الجنريتر الاحتياطي
للعمل كان العرق والزهج والقرف قد وصل بنا حدا رهيبا
دخل علينا توفيق حاملا تلك الابتسامه وكأنه يسخر منا ومن حالنا//وبي زهج شديد كده قلت ليهو
(هسه يا تبد البضحكك في الحال العلينا ده شنو؟؟؟؟ انت اصلك ما بتحس بالحر ده ؟؟؟)
رد عليّ وابتسامته ما زالت في مكانها ( انا حداد بطرّق المناجل .. ما ببيع اسكريم )
[/size]الف مرحب ابومحمد في مشرع مقاصر
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالسبت 29 ديسمبر 2012, 10:11 am

ماهر عابدين دياب كتب:
ماقادر افهم انا ماعلقت في البوست الفلته ده لي شنو؟

صحي لي شنو ؟؟؟؟؟؟؟؟؟؟ مرحب ابوليد ما فات شي
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين


عدد المساهمات : 1940
تاريخ التسجيل : 20/06/2010

توفيق تبد Empty
مُساهمةموضوع: رد: توفيق تبد   توفيق تبد I_icon_minitimeالأحد 30 ديسمبر 2012, 2:31 am

يتعلمون الصبر من ذلك العملاق الذي يرسو مختالا علي الضفه الاخري 0
وتمر الأيام ويصّر توفيق علي دعوه كل زملائه بالبنك علي خروف الضحيه وذهبنا جميعا
وخلف غابات النخيل يقف الدار كصاحبه مهيبا أنيقا صبورا لم تحني السنوات هامته مازال يعج بالحياه والناس
وقبل ان تمتد أيدينا لنطرق الباب يصيح احدهم
(توفيق اووو تبد اشكرتي بداكو) تقريبا (بداكورا للجمع)

طيب يا ابوحباب مش حرام تحرمنا كتابات علي شاكلة (توفيق تبد) غفيركم بالبنك الذي يجسد البساطه وجمال ورعة زمان
امثال توفيق تبد كانوا يحملون النقاء والصفاء فيا ابوحباب ادينا انشاء الله كل شهر (واحده علي شاكلة هؤلاء) يعني تفتكر
اذا انا كنت قادر اصيغ وارتب زي مفرداتك دي كنت وقفت .. ابدا انا حاولت وكان مصيري الفشل الزريع
عزيزي ابوحباب امثال هؤلاء اللهم اكتب لهم القبول يوم لاظل الا ظلك
منهم من بقي ومنهم من رحل عن دنيانا ..فأظلمت الدنيا في اعين قلوبنا
اذن فلنحاول ان نضئ النور مره اخري فـ ياخي افضي
لينا شويه (ادو باركيرو)
الرجوع الى أعلى الصفحة اذهب الى الأسفل
 
توفيق تبد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: