شبكة مراغه الأصاله والتاريخ
أمرك  عجيب يا مغترب Welcom11
شبكة مراغه الأصاله والتاريخ
أمرك  عجيب يا مغترب Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 أمرك عجيب يا مغترب

اذهب الى الأسفل 
كاتب الموضوعرسالة
Bakri G. Salih
 
 
Bakri G. Salih

الموقع : السعودية/الرياض
عدد المساهمات : 447
تاريخ التسجيل : 09/01/2010
العمر : 65

أمرك  عجيب يا مغترب Empty
مُساهمةموضوع: أمرك عجيب يا مغترب   أمرك  عجيب يا مغترب I_icon_minitimeالأحد 09 مايو 2010, 7:20 pm

قصيدة مؤثرة


شايل حقايبك ماشي وين ؟؟؟

ما الغربة طالت يامسيكين

وانت في نص الدرب

والناس هناك ماشايلة هم

لاهم حكومة ولا لحم

سكت ليه يامغترب؟؟؟

حاول اْجب؟؟

الناس وراك دفنت اْلوف

وانت جالس تنتحب

الناس هناك هزمت

طوابير الصفوف

وازدادو نجمات في الكتوف

وانت جالس زي خروف

لا فيك لبن لافيك صوف

شعار جميل مكتوب حروف

زول مغترب

انت يا اْبوي مين اللي زيك

انت مازول مغترب

لا ليك اْرض

لا ليك راْي

لا خطة اسكان لا حزب

انت عندك حزب واحد

اسمه حوّل

اْخوك وراك راقد تعب

جاك اتصال من ناس منال

يا اْخوي حول وماتطول

جدي الخضر عضو الكلب

يا اْخوي حول

في الشهر مرتين

ود اللمين جاهو المقص

في الكليتين

خلآهو زي زول الكٍتب

يا اْخوي حول وما تطول

وجيب معاك طقم العشاء

ودهب الكضب

وانت جالس يامسيكين

الغربة طالت

وانت في نص الدرب

مرت سنين فوق السنين

لا اشتريت قطعة اْرض

ولا سقفت الغرفتين

والحالة طين

يا اْخوي صلي ركعتين

بعد الفرض

يا اْخوي حول جيب قروش

وخاتم الجنيه للسيدتين

اْم العريس واْم العروس

ولا تقول فلنفترض

اْضرب خماسيك في سداسيك

واْضرب الطول في العرض

الغربة طالت

والعيال كبرت وجالت

وانت حالك يامسيكين

والله تغني عن سوْالك

والفكر مشغول

وشايل هم عيالك وين بتقراْ

والغريب كل الحكومات

في البلد تنكر نضالك

وحتي العيال في الجامعات

يامسيكين

بدل الجنيه تدفع ريالك

ومهما تكتب اْو تقول

هذا اختيارك

لا ليك راْي ولا هناك

من يرد ليك اعتبارك

شد حيلك واشتغل

عشرين شغل خارج مجالك

شد حيلك والثغور راجاك كتيرة

ست البنات صارت مديرة

ولسه ما جاها العريس

والبيت ملان

ناس محاسن وناس سميرة

يابا ماتخليك معصلج

وانت ماتخليك عويرة

وما مهم ود اللعم

ومامهم من القبيلة

المهم اْبقي راجل

وما اْكون زولا خميلة

اْلم اْقل اْمرك عجيب يامغترب ؟؟

جيت شباب تلبس خفيف

حتي في عز البرد

بعد السنين الجلود اتكرمشت

واْصبحت ودعم القرد

وآخر المطاف السنين

صارت عجاف

والأمل في حسن الخاتمة

وآخر المطاف السنين

صارت عجاف
إن شاء الله بس حسن الخاتمة
الرجوع الى أعلى الصفحة اذهب الى الأسفل
عادل الفاضل
 
 
عادل الفاضل

الموقع : maragaarea.com
عدد المساهمات : 310
تاريخ التسجيل : 03/02/2010
العمر : 51

أمرك  عجيب يا مغترب Empty
مُساهمةموضوع: ربى يعطيك الصحة   أمرك  عجيب يا مغترب I_icon_minitimeالأربعاء 14 يوليو 2010, 7:57 pm

ربى يعطيك الصحة ياشيخ بكرى و ابيات جميلة و معبرة.
شكــــــــــــــــــــــــــــــرا ليك.
الرجوع الى أعلى الصفحة اذهب الى الأسفل
 
أمرك عجيب يا مغترب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم المغتربين -
انتقل الى: