كبسولة ضحك !!!!!

موضوع: كبسولة ضحك !!!!! الأحد 21 مارس 2010, 9:06 pm

في الرباطاب جابو ليهم استاذ شايقي وفي اول يوم عايز يستفز الطلبة فكتب في
السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص،
التاء تاء
الشوايقة ، محمد فاعل..

رباطاب عندهم بنطون عطلان وقاعدين طول
النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم:
انتو البنطون دا مطلعنوا من البحر ليه؟
رد عليه واحد منهم: والله البحر ما نفع
معاهو قلنا نجرب الظلط..

رباطابي عسكري مرور .. بلغوه أنو في باص إنقلب ..
مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق
الأســـــود .. الحادث حصل كيف ..

رباطابي بتاع فرن جاءهو واحد قال ليهو
العيش في النار رد ليهولا يااخوي في الجنة ..

رباطابي في عزومة عرس لاحظ انو في زول نائم نومة عميقة جدا ... بس في اللحظة
الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم
دا كانتو خاتنو في الشاحن ...

رباطابي مشى لواحد بعمل في لقيمات في
المحطة داك كلما يخت الصاج في الكانون الصاج يميل لي جمبه الرباطابي قال ليه
بتظبتوا في الدش عايز تجيب ياتوا قناة فضائية؟
صاحبنا لمن رمى العجينة في الصاج
والزيت كان سخن العجينة بعد ما نزلت في آخر الصاج عملت صوت (تششش) الرباطابي قال
ليه اكيد دي قناة الجزيرة زولنا طوالي طفى الصاج ومشى بيتهم.

الرباطابي عمل ليه محل فول في البلد ومشى معاه كويس قام وسع
المحل وعمل قدرة ثانية وزاد عدد الكراسي وبعد فترة جاب ليه ست شاي في المحل جاه
صاحبه الرباطابي قال ليه يا دكتور عينت ليك (فحيص) معاك ولا شنو!!

رباطابى نزل ضيف عند جماعة وكان عندهم تيس فى الزريبة جنب
الصالون عنده نزلة الليل كله يعطس...الصباح بدرى سيد البيت جا وسال الرباطابى" ان
شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى
مقابل العيد

موضوع: رد: كبسولة ضحك !!!!! الأحد 21 مارس 2010, 9:11 pm

دكام كان مدير مستشفى الاسنان
وشالوه من المنصب .. وجابو مدير جديد
واحد من
اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام ..
ياخوى ماضرتى جوه مابقدر ادخل ( بيقصد المدير الجديد) ..

__________________

ابوداؤد كان بغنى فى حفلة والصف
الاول كان
كلو جكس حجم عائلي كلو واحدة اسمن من
التانية
وبعد الاغنية الاولى قام الجماعة كوركو
ليهو
بالله يا استاذ فريع البان ...قام عاين ليهم
وعاين
للصف الاول...وقال ليهم فريع البان كيف مع

شجر التبلدى بتاعكم دة !

__________________

قالوا ابوداؤود كان شغال حفلة وبعد
ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور

قام قعد في طربيزة ومعاه مجموعة
جات الصينية الاولي عاين فيها لقاها فقهة
(رقبة)..عاين للصينية التانية برضو لقي الضلع رقبة (الجماعة كانوا ضابحين خرفان
كمية)التالتة برضو كدا طلعت رقبة
قام نادي العريس وقال ليهو اسمع يا خوي انتو ضابحين زرافة
ولا شنو؟؟

عدد المساهمات : 295 تاريخ التسجيل : 17/01/2010

هههههههههههههههههه
شكرا على هذه الكبسوله الضاحكه المضحكه المفرحه نحتاجها لنخفف رهق ادوام
تسلم

هههههههههههههههههههههه كبسولة رائعة يا رائع .لكن هل الرباطاب بالجد كدة ولا دي قصص عنهم

تسلموا يااااا نجووووووم

» كبسولة ضحك 3
» كبسولة موضوعات متنوعة