هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إدارة شبكة ومنتديات مراغه :ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم
شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.
قدر ما أجي داخله عليكم القاكي .... هي هي هي .... و قر قر قر ..... تضحكي مع عبد الله دا....
الراجل ما تضحكيلو كتير..... يسعلني الله بعدين يحقر بيك.... الراجل اديهو العين الحمرا. وان قدرتي لعند ايدك تلحقيها ليهو لحقيها... ابقي نجيضة..... آي ..... زي امك.....
الله بسعلني وقت ابوكي يقول حاجة تضحك....
امشي اتحشر في الاوضة واضحك زين واجي مارقة صارة وشي....
وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي.... واكربيهو بالطلبات.... اوعي تخلي لك قرش يبيت في جيبو...
اوعك تخليهو يشوف.ال...... بيخربن الرجال
وقت المسلسل داك يبدا جيبي فندكك واقعدي دقي أي حاجة جنب و ... ويا ريت لوكانت شطة... ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي....
وبعدين ما يجى داخل يلقاكى تغنى ...
حتى ان بقيتي دايرة تغني اوعك من الغنا الخايس ناس حبيبي حبيبي ....
امسكي في الغنا الحار زي "البيجري مصيبتو و مرتو طلقانة" ولا "اندب حظي"
ولا "دفاعنا الشعبي ياهو ديل" ولا "النار ولعت بقلبي بطفيها"..... اااااااااااي.... عشان تربيلو الزلعة .....والخلعة.... بس اوعك تغني "لو الليلة يوم الرجال".... بيقوم يصدق و يتحنفش فوقك ساكت........
واوعك تشكريلو حاجة جابها....
ان جاب لك لحم، ختي ايدك فوق راسك وقوليلو:
ووب علي ووب علي ووب علي، غشوك وادوك الجلافيط .....
وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي
قوليلو: دا شنو يا عبدالله؟......
الريحة المتل ريحة الفسيخ دي جايبها من وين؟
غايتو انت مغستك تقد. ......
وان جنك نسوان ولا بنات....ما تخليهو يقعد وسطن.. ...ويتونس....
طيريهو من البيت....
وان ابى يمرق... قدر ما يقول ليو نكته ولا يخفف دمو قدامن صري ليهو وشيك....
وقوليلو: انت يا عبد الله ما عندك غير النكتة دي؟
يا خي عملت لينا بيها وجع ... وش...... اصلهم الرجال عارفاهم ... الواحد فيهم لمن يشوفلو لمت بنات يقعد يخفف في دمو ويعمل فيها ودنفاش.....
وتلقيهو يضحك بلا سبب...
حتى ان واحدة قحت ساكت ...
يقعد يضحك ويصفق ايديهو....
واوعك تخليهو معاهن وتدخلي المطبخ تسوي ليك شربات ..... وحات الله ... بنات الزمن دا ان غفلت من راجلك دقيقة بس ...
تلقيها عرستو.
[/size]
mahmod1980
عدد المساهمات : 283تاريخ التسجيل : 11/01/2010
موضوع: رد: نصائح أم سودانية لبنتها الخميس 18 مارس 2010, 10:15 pm
شنو يا ولدنا انت عينوك في اتحاد المراء العام حليل مصطفي فلاح مالك ادي النسوان في راسهم عاملات راسهم الكبير دا هههههههههههههههههههههههههههههههههههههههههه
محمد جعفر
الموقع : مترحل عدد المساهمات : 533تاريخ التسجيل : 08/01/2010العمر : 35
موضوع: رد: نصائح أم سودانية لبنتها الجمعة 19 مارس 2010, 4:01 am
حووووووووووتة ..... ده .... كسير .... تلج
dr.babikir
الموقع : السودانعدد المساهمات : 780تاريخ التسجيل : 13/02/2010
موضوع: رد: نصائح أم سودانية لبنتها الجمعة 19 مارس 2010, 5:42 pm
والله يا محمد جعفر دا ما كسير تلج لو اي واحدة عملت بي نصايحك دي تطلق في يومها طوالي
أسامه السر
عدد المساهمات : 148تاريخ التسجيل : 26/01/2010
موضوع: رد: نصائح أم سودانية لبنتها السبت 20 مارس 2010, 12:03 pm
هههه وصلت النائح دى لى بتى
نضارالعمده
عدد المساهمات : 295تاريخ التسجيل : 17/01/2010
موضوع: رد: نصائح أم سودانية لبنتها الأحد 21 مارس 2010, 12:39 pm
هى هى هى ...قرقرقر...هاهاهاهاها ههههههههههههه لله درك يا اخى اضحكتنى حتى الثماله على فكره دا الحاصل ههههههههه وبينى وبينك لو ما عملت كدا ياهو فات وخلاها رجاله اخر زمن ما يجوش الا بالعين الحمراهههههههههه الا يكون جعلى افو ولا كيف يا يا حودا وانت العارف هههههههههه
صفاء العمدة
عدد المساهمات : 163تاريخ التسجيل : 08/02/2010
موضوع: رد: نصائح أم سودانية لبنتها الأحد 21 مارس 2010, 2:06 pm
ههههههههههههههههههههههههه لا حول الله يا محمد دي شنو المصائب دي ، دي ما حتكون عيشة دي ما نصائح دا خراب بيوت مستعجل [ندعوك للتسجيل في المنتدى أو التعريف بنفسك لمعاينة هذه الصورة]
الخميس 18 مارس 2010, 6:58 pm
