ياسرابراهيم............بي زيارتك بيتنا نور

بالامس زارنا الاستاذ ياسر ابراهيم طه برفقة عدد من الاخوة من شباب مراغة

بحضور اسماعيل عبد الحميد بلال وهواري محمد الحسن ومروان شيخ الدين والنور ادريس ومعتصم عبد العظيم

وكانت سهرة جميلة استعادو فيها الشباب زكرياتهم الجميلة

وانتبهنا بعد مازال الرحيق وافقنا ليت انا لا نفيق

يقظة طاحت باحلام الكري وتولي الليل والليل صديق

واذا النور نزير طالع واذا الفجر مطل كالحريق

واذا الدنيا كما نعرفها واذا الاحباب كل في طريق....

او كما قالت ام كلثوم

مرحب أخي هاني و بضيوفك الأعزء استاذ ياسر ابراهيم طه ومعتصم عبد العظيم اسماعيل عبد الحميد بلال والنور ادريس وهواري محمد الحسن ومروان شيخ الدين

و أن شاء الله دائماً متجمعين و ربنا يدوم المحبة بينكم

نعــــــــــــــــــــــــــــــم كنا في بيت العمده/عبدالكريم/استاذ الاجيال
والرفقه والاحباب وشاي الحليب المقنن ينسينا النمتي ودمنا الشربتو من الصباح لحدي المغارب
البيت الكبير يرحب بيك مما تحصل دكان صالح دول .. وانا اصلا جيت بي تحت.. لعله رايت من الذوق ان اطوف
اولا بي نيم العمد بعد داك اجري علي الاحبه والشاي
كنت اول الحاضرين
لكن سرعان ما تحرك جوال هاني في كل الاتجاهات ليمتلا الديون اشراقا وحضورا
اسماعيل وهواري وابادول واستاذ معتصم ومروان ويس ... عندما تكون فى رفقة كهذه
تشتهى نفسك .. أن يكون كل الاحباب معك
تسالمنا وتقالدنا وسألنا عن الاحوال
والشاي جا .. وهاني يكب بس ... ومعتصم كالعاده لقّط معظم الكيك ... ياخي قول اكلو كلو !!!!!!! يعني شنو
انا فرحان بي اللمه الحبيبه دي وعايز اسمع واتذكر الحكاوي واضحك من جوه الجوه .. الكيك طاير
افرغت جزء مني حتي تكون مخزنا لذكريات اسماعيل وقفشات معتصم ومناكفات هاني وسكوت هواري
وهاني يكب بس ولا يسأل ...
حتي اقترب الليل من مواعيد النوم .وخرجت من بيت العمده وقد امتلأ المخزن القلت ليكم عليهو .. خرجت وبي فرح تملكني
شكرا للعمده هاني وللخاله والاستاذه لكرم الضيافه والترحيب وعذرا لتواضع الحروف

عبدالرحمن نصرالدين كتب:

حقيقة عزيزنا الغالي ابوحباب
وبذات الاسلوب وانت تحكي قضاء الكم ساعه ديل في البيت الكبير بيت استاذ الاجيال
لااقول مطلوب بل اتمني ويتمني معي الجميع ان تثرد لنا تفاصيل رحلتك للديار (مابين من جده الي جده) وسيكون
ذلك مبعث سرورنا دي فرصه لن تتكرر قريبا ولاتنسي (رنات) موبايل شكوكو منذ وطأت اقدامك تراب البلد
ومنتظرين كلامك السمح
تحياتي وعاطر محبتي

عبدو ** تحايا واشواق
فكرت في المشوار ده بس ترتيب الاحداث بعوقني . علي العموم انت غالي
وحنحاول اذا اسعفنا الزمن

ياسر ابراهيم .. كتب
عبدو ** تحايا واشواق
فكرت في المشوار ده بس ترتيب الاحداث بعوقني . علي العموم انت غالي
وحنحاول اذا اسعفنا الزمن

لدينا مقترح عزيزنا ابوحباب ..كي لا نرهقك ونعلم تماما ان الوقت غالي في شتات الغربه .. مقترحنا ان تبدأ جزء جزء
وكل ما سنح لك الوقت .. كي لانكون انانيين نستمتع بكلامك السمح ونتركك تحت وطأة الارهاق والتعب والتفكير نريد
ان نحلق معك عبر نسمه صباحيه عطره الي الديار وكلامك الذي به شئ من نفس الملائكه
ويسعد مساءك
ﻳﺎ ﻭﻃﻦ ﺍﻟﻨﻔﻮﺱ ﺍﻟﺒﻜﺮﺓ
ﻳﺎ ﻭﺍﺩﻱ ﺍﻟﺤﺸﺎ ﺍﻟﺒﺮّﺍﻕ
ﺇﺫﺍ ﻣﺎ ﺍﻟﺮﻳﺢ ﺟﺮﺡ ﻟﻠﻴﺢ
ﻭﺻﻴﻔﺎً ﺣﺘﺤﺖ ﺍﻷ‌ﻭﺭﺍﻕ
ﺣﻄﺒﻨﺎ ﻧﺼﻴﺢ
ﺃﺗﺒﻨﻲ ﺍﻟﺴﺎﻕ
ﺃﻣﺎﻥ ﻳﺎ ﻏﻴﻤﺔ
ﻣﻮ ﺍﻟﺒﺘّﺎﻕ