فى حضرت جلالك

اخوتى واعزائى واحبتى
طاب مساكم بخير
والسلام عليكم ورحمة الله وبركاتة

نعم طال الغياب فى ظل كثير من المستجدات والاعذار واللاعذار والحردان والزعل والظاهر والمستتر
وماخفى كان اعظم والحمد لله على كل حال
.....
هذا حالنا سودان الجن .... ثقافة الخلاف واختلاف الراى متجزرة فى اعماقنا وجزء من ثقافتنا
وهذا يرجع للتربية والتنشئة وقهر الكبير للصغير وعدم وجود الجو الديمقراطى وفسح المجال للاخر من داخل البيت الى دكة الونسة مرورا بالنشاط الجامعى عبورا الى منابر السياسة وحتى مجلس السيادة
فهذا حالنا فى كل مكان وحيث ما تواجدنا ونسال الله اللطف والصبر الجميل
.......
نعم عشنا حالة لاتوصف من الترابط والتاخى والتواصل فى فترة ما فى هذة الحضرة الجميلة
صغيرنا وكبيرنا وحكيمنا ومديرنا ولكن ..... وتوقف المداد فجاءة دون سابق انذار وسال الدمع نهرا من الحزن بضيق صدورنا
بدون ان نجنى اى شى ولا خير فقط تفرق وشتات .....

وبعدها مسلسل من المناشدات للاعضاء فى مابينهم والمخجلة منها التى تجعلك تشك فى نفسك وتعتقد بانك فعلا متغطرس ولا حول ولا قوة الابالله ونسال الله الهداية للجميع وان يوسع صدورنا ويبعد الكراهية ويلم شملنا امين يارب العالمين
......

عموما نتمنى ان يوفق ربنا اخونا المثابر
شريف عبدالمتعال وهووفى اقصى الغرب وهو يجاهد ليل نهار لاعادة الصياغة الى تركيبتها الاولى
وربنا يسهل ان شاء الله
.....

كسرات مستمرة:
عبدة شجر: شكرا ليك على النقل المباشر ..... والمتواصل دون انقطاع بس ان شاء تانى ماتجيب سيرة التبرعات لحد مايرجع الاخوان كلهم ويكملو حوض الاوريق بعد مايفطرو بقراريص الملوحة .....ياخ مرة وحدة بطل اكل الرز وجرب الحمام هههه

شاكرون مراغة: والله ماقصرت تب ربنا يديك الصحة والعافية وانت تنقل لنا مشاهد مفرحة جدا من داخل مسجد الرحمة بمراغة ونتمنى ات تغطى كاميرتك الحدث الاكبر بالافتتاح قريييييييبا ان شاء الله

سعادة العقيد وديدى: والله ليكم وحشة بجد بس دايرن نوصيك وصية تبقى عليها عشرة ... اخونا الجعلى بقى تمساح دولار بورانا واليومين ديل فى كشات تقيلة فى السوق الافرنجى وبالقرب من مكتبو هناك رجاء رجاء لو جاك تلفون ليلى متاخر فسارع بالرد فلربما اقتيد الى مبانى الامن الاقتصادى واكيد حسن على ماحيترافع .... تحياتى لكل الاهل جنبك

سعادة العم عطا: يعنى نتفكى من بكا الحاج والحجة نقع فى دموعك .... الله غالب

هانى العمدة+الجعلى+سمعة: فى انتظاركم كما وعدتم
وبالله تحية خاصة لاستاذ مرغنى حسن وعبيد عطا وجنابو نزرو
....

ذنونصر: نفسى اعرفك انت بتختبى وين ..... هو فضل فيها شى تانى .... انبوب واتقفل .... يلا بلا لمة بلا تدشين

الامين الياس الامين: اظنك قنعت عديلللللللللل ياخ طول بالك وبصراحة ماعارف اتصل اقول شنو
الصغار بتهرشو وبيرجعو لكن البيرجع الكبااااااااااار والحكماء منو ونفسنا نشوف الخط الاخضر بتاع العم بكرى جعفر من جديد وتعليق هيثم بطعم الكبسة وفرفشات ياسر ابراهيم بباقى ويكتو وقرارايصو وهو فى البلد
وصور فتاح الجميل وتسخين وتبريد ماهرون فى نفس اللحظة
....

المهم تتصرف وتجيب عبدالله حمد وبكرى جعفر الليلة قبل بكرة
والا ........

محمد جعفر: خال التيمان والله مشتاق ليكم شديد وعجزت يازول الحق نفسك بزواج جماعى ولا فرادى سرييييييييييييع

العضو الجديد ياسر فواد وفرح م نور: والله الف مرحب لكن جيتو فى زمن الجفاف وياريت تتحملو الجو دة وتقلبو فى القديم حتى تعيشو معنا الايام الخالدات
بس رجاء يافرح انت قدورة الاصلى بتاعك دة ماتجيبو لينا سيرة الكورة نهاءئى فى حوشنا دة عشان ياسر مايهرب بجد
بهناك فى حاجة اسمها الرياضى مستلمو د.بكرى امشو عليهو او خليك مع كرنوس فى الفيس بس .... كرهتونا زاتو ....


مااااااهرون: ياخ الف سلامة للعزيز الرفاعى والله قلوبنا معاهو بس حاول باى طريقة تلحق المعلم عزو بالمعالم الخطيرة والزقاقات لو عندك طلة هناك وانساك من ثلوجك دى ..... بصراحة كانت ندوة كاربة عشنا معاها بكل حواسنا الستة وتصفيق مستمر فى وحدة شديدة وقول يالطيف ..... ونحن فى انتظار الترجمة من الدكتورة نضار سرييييييييع

د.نضار: حتترجمى لينا كلام ماهرون الفهمت نصو ونصو رايح لى لسة عشان صغارنا وعيالنا يتعلمو ولا حتبخلى بعملك دة عشان مراغة .... فى انتظار الرد سريييييييييع

عمرين العمدة: صاحبك من يوم البصل تانى ماشفتو ماعارفو غطست وين ههههههه ..... وخبر سموال شنو من زمن ساندى تانى لاحس لا خبر والف سلامة لحوتة برجوعو لامريكا بلاسلامة

مجاهد باشنتود: لازم تبقى عشرة وتطول بالك ياعزيزى الغالى جدا ..... عشان ماتزور الدكتور كتير وسع صدرك قدر ماتقدر وقول باسم الله فى كل خطوة .....
ويالطيف كمان

مشيرة: والله لو كملت مشروع الروضة فقط ووقفتى تكونى تفوقت على رجاء حسن خليفة نفسها ... ربنا يحفظك ويرعاك ويخليك لينا وتشوفى الاطفال فى روضة الزهراء قريبا بين ادراج المكتبة العامرة


النور : الف سلامة لاخونا بكرى ادريس وربنا يديم الصحة والعافية يارب ....
وهمبولك لو عرست .... ياخ روحنا طلعت اعلن وريحنا .... اها العقد متين ؟

رضوان : الف الف مبروك بعروستنا وبتنا ونسيبتنا فى حلة الانصار .... بس ياخ جرجرسعادة السفير خالد بلال دة خلى يكمل ليكا سيناريو ختة راس كما وعد ....

قرشى ودالزين وعسق عشمانة: انت ليك بوست كامل بس الصبر

شباب الكوكاشين: فى فترة غيابنا عنك هاتفنى صديقى الاون لاين الصحفى الفاتح جبرا وبعد نقاش كتير وعد انو يعمل ليك دراسة تحليلية .... بختك اصلو الزول دة تحور من مهندس كمبيوتر الى صحفى ساخر الى محلل
الخوف ينقلك للعالم عبر صحيفتو .... ونكون شرينا غسيلنا برانا هو نحن ناقصين
اى نعم هو المنتدى عمل نقلة جديدة وشكل لمفهموم جديد للعمل الجماعى وامثلة يحتزا بها فى التكافل كما فى مشاريع الاعمار والصيانة التى رات النور عبر المنتدى ولكن لاينبغى نقل الخصوص للعامة .... نسال الله الهدياة للجميع


دمتم احبتى فى رعاية الله وحفظة
مجدى حسن

مرحب بيك فى بيتك وبين أهلك و سعيد جداً بحضورك من جديد و شاهدت أخونا طارق ايضاً اليوم مسجل حضور و ان شاء الله دائماً مجتمعين ...


الشبكة تحتاج الي الجميع صفاً واحد كن قريب يالحبيب

الزعيم المهندس مجدي
خلي الماضي بكل مراراته واستصحب حلاوته الي اليوم
واجمل حاجه انك متذكر الحاجات الجميلة ومستمتع بيها
فجأة تذكرت حبوباتنا الزلال حبوبة محمد محجوب وامنه حسن حبوبة سعيد يسن, كان الاتنين الاكبر عمرا في مراغة واتفصلوا من الواقع اليومي, كل مايتقابلوا في كل حكاية يشيلوا الفاتحة خمسة مرات, لانه كل من يعرفونه قد رحل من رحاب الدنيا قبل زمن, وكل حكاويهم احداثها قبل عشرات السنين
ياخي انت بتحكي عن احداث وعن ناس من قبل عشرات السنين
وبعدين ياسر فؤاد ده من زمن حفروا البحر في المنتدي

وانشاء الله كتير من من ذكرتهم يسمعوا كلامك الجميل ده ويحنوا للايام الحلوة ويعودوا للحوش الكبير
يازوووووول انت رائع وبتدينا زيادة معنويات

واصل وقول يالطيف

مجدي ياولد طلعت عينا حتي جيت .. خليك هنا قريب .(وسخن كرسيك). حتي لو تتاوق (بالبتل) حسب تعابير الامين الياس
والبتل طبعا فتحه بتكون خلف البيت تتاوق منو للداخل.. اخونا سعادة السفير اعاد سيرته عندما قال نحن قريبين مره مره نتاوق بالبتل .. موضوعك شامل وكامل شرحت فيه كل مواجع بلدنا وابتساماتها (اذا فضل فيها ابتسامات ) ونأمل ان تجد مناشداتك آذان صاغيه وهذا التلاقي سوف يعطر الموقع وبعض اقسامها الزابله واللي جابك يجيب
هؤلاء الغائبين الذي ناشدتهم ..وفتش لينا عن الجعلي اوقفنا شئ اسمو تبرعات والعايز يساهم يساهم (سري للغايه)
طالبنا كل يساهم بطريقته .. ونأمل ان يكون المنتدي منبر للتلاقي والتفاكر والتواصل وكمان الفرحه والدموع والابتسامات

ومافيش احلي من وجودكم جميعا هنااااااا
تصادف ارسال ردي مع استاذ ماهر ده البرد خلاك سهران ولا فارق التوقيت
جاتني سبقك ارسال لرد تسجل ام ؟؟؟؟ قلت مين السهران معاي ده اكيد بشتات الغربه

قد يكون الابتعاد ليس خيارنا الافضل ولكنه يكون حااضرا

لم نقصده ولم نسعى له

نسأل الله ان يوفقنا واياكم فى تحقيقة قيمة الحب فى الله

التحية ليك مجدي مضاعفه
تعرف ليه؟؟؟؟

لانك جيت وجبت معاك عمدتنا

شن فايدتنا بلا عمدتنا

واصل والظاهر الجعلي في السكه

السلام عليكم احبتى
ماهرون : نحاول النسيان واخبار جعفرون شنو مع التلج
عبدة : وين انت ياخ المسجد قرب يعرشو
شريف: والله بصراحة المنتدى مازى الاول بقى فتران شديد
عمدتنا: وين انت واية الحاصل فى السراية ..... ماترحلوهم وتريحونا بدل ماترحلوهم المستشفى
بيعوها وريحونا هو البعتو شوية
طارق: بالله كيف الفتيحاب وطلوحى هههههه بتعرف الاسم دة
فرحنا: والله بجد ليكم وحشة شديدة خاصة قراريص استاذة حنان وشطة سجدكة بالله الاخبار شنو
بالله خلينا من الكورة خالص ..... كمان لقيت قدورة بختك ....


مع الف سلامة

محمد جعفر: سمعت بمرض حامد ؟؟؟؟؟
؟؟؟؟؟؟؟

الف حمد لله علي السلامة ونورت المنتدي
وبالله خليك قرييب من بيتك واهلك
وما تغيب تاني وخليك من ....