حبوبة:
ﻳﺎ ﺑﺖ ﻣﺎﺷﻪ ﻭﻳﻦ ﺟﺴﻤﻚ ﺩﻩ
ﺟﺖ ﻣﻜﺸﻮﻑ
ﺃ ﺣﻔﻈﻴﻬﻮ ﺍﻟﻌﻠﻴﻚ ﻣﺎ ﺗﺨﻠﻲ
ﻏﻴﺮﻙ ﺍﺷﻮﻑ
ﺃ ﻛﺎﻥ ﻫﺴﻲ ﺍﻟﻮﻟﺪ ﺷﺎﻳﻔﺎﻫﻮ
ﻓﻴﻚ ﻣﻠﻬﻮﻑ
ﺑﻌﺪ ﻳﺎﻛﻠﻚ ﻟﺤﻢ ﺗﻠﻘﻴﻬﻮ
ﻣﻨﻚ ﺍﻋﻮﻑ
-------------
ﺍﻟﺒﻨﺖ :
ﻳﺎ ﺣﺒﻮﺑﻪ ﻫﻮﻱ ﺑﺲ ﺟﻴﻠﻨﺎ ﻧﺤﻨﺎ
ﻣﻐﺎﻳﺮ
ﻭﻗﺖ ﻣﺎ ﻧﻔﻮﺕ ﻋﺪﻳﻞ ﺻﺤﺒﺎﺗﻨﺎ
ﻓﻴﻨﺎ ﺗﻌﺎﻳﺮ
ﺍﻟﺰﻣﻦ ﺍﺧﺘﻠﻒ ﺩﺍﻳﺮ
ﺍﻟﻘــــــــــﻮﺍﻣﺎﻟﻔﺎﻳﺮ
ﻭ ﺑﻌﺪ ﻧﻘﺸﺮ ﻟﺒﺲ ﻧﺒﺮﺯ
ﻣﻌـــــﺎﻫﻮ ﺿﻔﺎﻳﺮ
-------------
ﺍﻟﺤﺒﻮﺑﺔ :
ﻳﺎ ﺑﺖ ﺷﻮﻓﻲ ﻫﻮﻱ ﺩﺭﺏ ﺍﻟﻌﻮﺝ
ﻓﻮﺗﻴﻬﻮ
ﻓﻲ ﻭﺵ ﺍﻟﻐﻠﻂ ﺑﺎﺑﻚ ﻋﻠﻴﻚ
ﺳﺪﻳﻬﻮ
ﻧﺎﻫﻴﻨﺎ ﺍﻟﺸﺮﻉ ﻣﻦ ﺍﻟﻌﺮﺽ
ﻧـــــﺮﻣﻴﻬﻮ
ﻣﺬﻛﻮﺭ ﻓﻲ ﺍﻟﻜﺘﺎﺏ ﻟﻮ ﻣﺮﻩ ﺑﺲ
ﺍﻗﺮﻳﻬﻮ
-------------
ﺍﻟﺒﻨﺖ :
ﻳﺎ ﺣﺒﻮﺑﻪ ﺑﺲ ﻳﺎﻫﻮ ﺍﻟﻠﺒﺲ ﻭ
ﺍﻟﻤﻮﺿﻪ
ﻣﺎﻙ ﺑﺘﺸﻮﻓﻲ ﻛﻴﻒ ﺍﻟﺠﺎﻣﻌﻪ
ﻋﺎﻣﻪ ﺍﻟﻔﻮﺿﻪ
ﻟﺒﺴﻲ ﻋﺪﻳﻞ ﺳﻤﺢ ﻣﻦ ﻏﻴﺮﻱ ﻣﺎ
ﻣﺮﻓﻮﺿﻪ
ﺍﻛﺎﻥ ﻓﻴﻨﻲ ﺍﻟﻐﻠﻂ ﻣﻦ ﺑﺪﺭﻱ
ﻛﺎﻥ ﻣﻘﺒﻮﺿﻪ
-------------
ﺍﻟﺤﺒﻮﺑﺔ :
ﻫﺎ ﻳﺎ ﺳﺠﻢ ﺍﻟﺮﻣﺎﺩ ﻣﺎ ﺗﺒﻘﻲ ﺳﺎﻱ
ﻏﺒﻴﺎﻧﻪ
ﻟﺒﺴﻚ ﻛﺎﻥ ﺯﻣﺎﻥ ﻛﺎﻥ ﻗﺎﻟﻮ ﺗﺐ
ﻋﺮﻳﺎﻧﻪ
ﺍﻛﺎﻥ ﻓﻲ ﺍﻟﺪﻧﻴﺎ ﺯﻭﻝ ﻣﺎ ﻗﺎﻝ
ﻋﻠﻴﻚ ﻏﻠﻄﺎﻧﻪ
ﺍﻓﻜﺮﻱ ﻟﻲ ﺍﻟﺤﺴﺎﺏ ﻭﺍﻻﺧﺮﻩ
ﻛﻴﻒ ﻧﻴﺮﺍﻧﻪ
-------------
ﺍﻟﺒﻨﺖ :
ﻳﺎ ﺣﺒﻮﺑﻪ ﺯﻳﻦ ﺍﻟﻔﺎﻳﺪﻩ ﻣﻦ
ﺧﺒﺮﺍﺗﻚ
ﺍﺩﻋﻴﻠﻨﺎ ﺍﻟﺼﻼﺡ ﻳﻮﻡ ﻣﺎ ﺗﺤﻴﻲ
ﺻﻼﺗﻚ
ﺍﻛﺎﻥ ﺷﺎﻳﻔﻪ ﺍﻟﻐﻠﻂ ﻭﻋﻴﻨﺎ
ﺍﺣﻨﺎ ﺑﻨﺎﺗﻚ
ﻭﺑﺎﻛﺮ ﻧﻨﺼﻠﺢ ﺧﺼﻴﻨﺎ ﻓﻲ
ﺩﻋـــــﻮﺍﺗﻚ
-------------
ﺍﻟﺤﺒﻮﺑﺔ :
ﻣﺎ ﺗﻘﻮﻱ ﺍﻟﺮﻭﻳﺲ ﺗﻤﺸﻲ ﺍﻟﻐﻠﻂ
ﺑﺎﻟﻌﻨﻴﻪ
ﻭ ﻣﺎ ﺗﺒﺮﻱ ﺍﻟﻌﻮﺝ ﺗﻨﺸﻐﻠﻲ
ﺳـــــﺎﻱ ﺑﺎﻟﺪﻧﻴﺎ
ﺍﺣﻔﻈﻴﻬﻮ ﺍﻟﻜﺘﺎﺏ ﻣﺎ ﺗﺤﺎﻛﻲ
ﻟﺒﺲ ﺍﻟﻐﻨﻴﻪ
ﺧﻠﻲ ﺍﻟﻌﻔﻪ ﺗﺎﺝ ﻭ ﺍﻟﺠﻨـــــﻪ
ﺗﺒﻘﻲ ﺍﻟﻤﻨﻴﻪ
-------------
ﺍﻟﺒﻨﺖ :
ﻭ ﻣﻦ ﺍﻟﻴﻮﻡ ﻛﻤﺎﻥ ﺍﻧﺎ ﻟﺒﺴﻲ
ﺗﺎﻧﻲ ﻋﺒﺎﻳﻪ
ﻣﺎ ﺩﺍﻳﺮﻩ ﺍﻟﻜﺮﻳﻢ ﻣﺎ ﺩﺍﻳﺮﻩ
ﺣﺘﻲ ﻣﺮﺍﻳﻪ
ﺻﺪﻳﻘﻪ ﺍﻟﺴﻮﺀ ﻛﻤﺎﻥ ﻣﻦ ﻫﺴﻲ
ﻣﺎﻫﺎ ﻣﻌﺎﻳﻪ
ﻭ ﺍﻟﺪﻧﻴﺎ ﺍﻟﺘﻄﻴﺮ ﻭﺍﻟﺠﻨـــــﻪ
ﺗﺒﻘﻲ ﺍﻟﻐﺎﻳﻪ
-------------
ﺍﻟﺤﺒﻮﺑﺔ :
ﺍﻟﺸﻴﻄﺎﻥ ﺯﻣﺎﻥ ﻟﻲ ﺭﺑﻲ ﻗﺎﻝ
ﺑﻐﻮﻳﻬﻢ
ﻋﻼ ﺍﻟﺼﺎﻟﺤﻴﻦ ﻣﻦ ﺍﻟﻐﻠﻂ
ﺑﺴﻨﻴﻬﻢ
ﺍﺗﺒﺎﻉ ﺍﻟﺮﺟﻴﻢ ﻓﻲ ﺍﻟﻨﺎﺭ ﻫﻨﺎﻙ
ﺑﺮﻣﻴﻬﻢ
ﻋﻼ ﺍﻟﻔﺎﺋﺰﻳﻦ ﺟﻮﻩ ﺍﻟﺠﻨﺎﻥ
ﺑﺌﻮﻳﻬﻢ
-------------
ﺍﻟﺒﻨﺖ :
ﻳﺎ ﺭﺑﻲ ﺍﻟﻌﻄﻮﻑ ﻣﻦ ﺍﻟﻌﻮﺝ
ﺍﺣﻤﻴﻨﻲ
ﻭﺍﻟﺸﻄﻴﺎﻥ ﺭﺟﻴﻢ ﻓﻲ ﺩﺭﺑﻮ ﻻ
ﺗﺮﻣﻴﻨﻲ
ﺍﻣﺸﻲ ﻋﻠﻲ ﺍﻟﺴﺮﺍﻁ ﻗﺒﺮ ﺍﻟﺮﺳﻮﻝ
ﻭﺩﻳﻨﻲ
الثلاثاء 01 يناير 2013, 12:53 pm
