هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إدارة شبكة ومنتديات مراغه :ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم
شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.
كان ذلك فى منتصف ثمانينات القرن الماضى وكنا وقتها نأخذ (نصيبنا) من الإغتراب بإحدى دول (البترول) ، فى نفس العمارة التى كنا نقطنها كان يسكن صديقنا (سعيد) فى الطابق الأعلى للشقة التى أسكن فيها حينها
وسعيد هذا ينتمى إلى أحدى القبايل التى تتكسر فى (الزوجة) كسير شديد وتجعل (طلباتها) مستجابه فى (لمح البصر) بل تجعل الزوج كما (الربوت) يسير وهو مبرمج تماماً … يمين يمين .. شمال شمال .. كان (سعيد) ينصاع إنصياعا تاما لزوجته (عواطف) والتى أسميناها (الحكومة) فما أن يسمع سعيد صوت (الحكومة) وهى تنده له إلا و(يرمى) ورق (الويست) الذى كنا ندمن لعبه فى العطلات ذاهباً نحو مصدر صوتها ملبياً لأوامرها تماماً . كان سعيد يهيم حباً بزوجته (عواطف) حتى تخال أنها عشيقته فأنت إذا ما قدر الله وذهبت معه للتبضع فى السوق فاجأك قائلاً : - والله التوب (المشجر) داك أريتو فى (عواطف) ! - شفت (أحفظ مالك ) الفى البترينه داك يجنن أنا ح أشتريهو لى عواطف ! فى أحد الأيام وبينما أنا أصعد درجات السلم نحو (شقتى) مرورا بشقة (سعيد) وجدته أمام باب شقته عائداً من (الشغل) وهو يحمل فى يده (بطيخة) وعددا من (الأكياس) وبعض الصحف والأوراق ونفسو (طالع ونازل) من الشيل . - مالك يا سعيد واقف متحير ؟ - (وهو يشير بنفس مقطوع نحو شقته) : الشقة مقفولة والمفتاح جوه مع (عواطف) - طيب ما تكورك ليها ! - لا .. لا .. ما أصلو هى قاعده محننة - ويعنى شنو؟ ما تخليها تطلع الحنة و تجى تفتح ليك - كيفن تجى تفتح ليا أكان جات فتحت ليا حنتا ما بتبوظ ! قالت ليا إنتظر الحنة لامن تشيل و(أخرتا) حتين أجى أفتح ليك ! - وأنت هسه قاعد راجى حنة عواطف لامن تشيل ليك بعد ساعتين ؟ - ساعتين شنو؟ فى أقل من ساعة ح تشيل .. دى أصلو (حنة التاج) جايبا ليها أنا (من السودان) مع الشاف والطلح والمحلبية (نمرة واحد) أصلية (ميسو) … أنا حاجات (عواطف) دى ما بلعب فيه كلو كلو!
- طيب خلاص وكت ما عايزا (تفرتق) حنتا تعال أطلع معاى فوق فى الشقه لحدت ما (حنتا) تشيل وتطلعا وتفتح ليك الباب ! وطلع معى (سعيد) إلى شقتى وهو يحمل (البطيخة) وكل تلك الأكياس والأوراق والصحف وما أن جلسنا ورأى علامات الإندهاش على وجهى حتى بادرنى قائلاً : - كل حاجه ولا بشتنت عواطف دى .. أنا عاوزا لمن تمشى عرس ناس سعاد بت بابكر بعد بكرة النسوان ديل لمن يتضايرن - هى لاكن .. أنت كده الوقفه البره دى عليك ما حارة ؟ - لا حارة ولا حاجة أنا كل شئ ولا زعل عواطف دى .. لازم حنتا دى تطلع سمحه وذى سواد الليل !
رفض (سعيد) رفضا قاطعا مبدأ ان يتناول معى طعام (الغداء) قائلا لى : - عواطف دى لو أنا ما أكلت معاها ما بتاكل ! إنقضت حوالى ساعة من الزمان كان يحدثنى فيها (سعيد) عن علاقته الحميمة مع زوجته (عواطف) وكيف أنه حريص على تجنب (زعلها) ودائم العمل على إرضائها كما عرج على موضوع (حنة عواطف) وكيفية إختيارها (للنقشات) وعدد (الحنانات) اللواتى كن يقمن بعملية رسم الحنة لها فى السودان وإختياره للنوع الجيد من (الطلح) والشاف من شاطئ (أبوروف) وأخذه معه (صحبت راكب) فى الطائرة وبعد أن إستمعت له قلت له مندهشاً : - ياخ معقول فى راجل بيهتم بالحاجات دى كده ! - كيفن ما أهتم ؟ دى (عطوفه) ياخ ! - طيب قوم شوف (عطوفه) بتاعتك دى (حنتا شالت) !؟ عشان تدخل المأوراق والملفات الشايلا ليك ساعتين دى ! خرجت مع (سعيد) وهو يحمل الذى إتكأ مرة أخرى على الأنبوبه وقال مخاطبا (عواطف) فى رقه زأئدة : - عواطف .. عواطف .. حنتك ما شالت؟ - (جاءه الرد سريعا فى حده) : ياخى كرهتنا الحنة ذاتا .. ما قلنا ليك لسه ما شالت ! أحمر وجه سعيد وإصفر ثم إحمر مرة أخرى ونظر لى مبتسماً وهو يقول : - عواطف دى مرات كده عندها عصبية زياده شوية !
نضارالعمده
عدد المساهمات : 295تاريخ التسجيل : 17/01/2010
موضوع: رد: نصائح للرجل الجمعة 05 مارس 2010, 8:24 am
التحايا العظام للرجل القامه الفاتح جبرا المحترم بكرى والله اعترتنى حالة وجع على سعيد هذا وفغرت فاهى اندهاشا من تلك العواطف الخاليه من العواطف والله لو لقيت راجل زى دا الا اخش بيه الجنه وادخله ايضا تسلم على الرد والمداخله والمقال الجميل
mohammed alzaki
عدد المساهمات : 53تاريخ التسجيل : 11/01/2010
موضوع: رد: نصائح للرجل الجمعة 05 مارس 2010, 3:42 pm
لكى الاحترام والتقدير يادكتوره موضوووووووع مهههههههههههههههههههههم بنسبه لي في هذه الايام بشيل منو بعض النقاط المهم البنقدر نعمله وياريت الزول يقدر يعمل ويكون كده على طول حتى تكون الحياه حميله بين الازواج
محمد حسن
عدد المساهمات : 22تاريخ التسجيل : 13/02/2010
موضوع: رد: نصائح للرجل السبت 06 مارس 2010, 10:51 am
روعه والله يادكتوره... وزي ماعودتينا دايما مساهماتك بتضرب في الانكل
والله يقدرنا نطبق المعاني الحلوه دي... المشكله هسه في دخول المنتدي..(مما تمشي علي الكمبيوتر تلقي الوش اتربط في ميه محل
mahmod1980
عدد المساهمات : 283تاريخ التسجيل : 11/01/2010
موضوع: رد: نصائح للرجل السبت 06 مارس 2010, 12:42 pm
حليل النسوان بقو يعملو نصايح ياخي النسوان الزمن دا طبيخ بقو مايقدر يطبخو همهم كل في المناكير نسوان شنو كمان ههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
نضارالعمده
عدد المساهمات : 295تاريخ التسجيل : 17/01/2010
موضوع: رد: نصائح للرجل الثلاثاء 09 مارس 2010, 9:49 am
الاخ محمد يديك العافيه اجعلها تشاركك المنتدى وتتحفنا بى مشاركتها وتمش هى اولا على الكمبيوتر ويدك على يدها فى الكى بورد وقليلا من الثقه والامور بتضبط تمام هههههههههه محمود يا اخوى الرائع وينك ياراجل فقدتك نسوان اخر زمن مش كدا؟ههههههههههه ياخى كفايه عليهم الفطايروالبيتزا وخليهم من البصل هههههههههه
شهاب سعيد
الموقع : المملكة العربية السعوديةعدد المساهمات : 755تاريخ التسجيل : 08/01/2010
موضوع: رد: نصائح للرجل الثلاثاء 09 مارس 2010, 5:04 pm
الله لا جاب يوما تربط لى الحرمه وشها ويا محمد الله يعينك واوعك ينادوك يييييييييييييييييييييييييييييييييا مممممممممممممممممحححححححححححححححححممممممممممممممممممممممد ولا يا الطييييييييييييييييييييييييييييييييييييييييبببببببببببب اذا نا دوك ذي دا طوالى يا خوى اعمل كيس ابقى مارق
الأربعاء 03 مارس 2010, 9:49 am
