تعال نلعب لعبة زمااااااااااااااااااااااااااان

انا:اول
عبدو :تول
انا :تااني
عبدو:احمداني
انا:تبت
عبدو :هنبت
انا:اول سنو
عبدو:حنو
انا:تاني سنو
عبدو:حنو
انا:تبات نموس
عبدو:سيوس ( طبعا لو مت هنا بلعب من اول سنو)
انا:اول دوه
عبدو:مروه
انا:تاني دوه
عبدو:مروه
انا:تبات نموس
عبدو:سيوس برضو لو مت بلعب من هنا)
انا:اول طفة
عبدو:تول
انا:تاني طفة
انا: تبات نموس
عبدو:سيوس لو مت بلعب من هنا
انا:كعك كلي ولا هب
عبدو:كلي او هب
انا:تاني كعك
انا تبات سيوس
انا:اول رجل
عبدو:عجل
انا :قبل يلعب صردم عينك قشقا
انا:اونتي
عبدو: اقلن بنتي
انا :طصاق
عبدو:طوسكي برسكي
انا:كماس
عبدو:اكمسلك بالرصاص
انا دجاق
عبدو :دج توب
انا:قراج
عبدو:قرجي توب
انا:شعيرة
عبدو:ركابت الخميرة
انا:صغير
عبدو:وشك المغير
انا:كلبه كريت
عبدو:هليل بنتيبريد
انا: حماااااااارك
عبدو:محلي ما يقع
بعد كدا يشيلك من محل ما تقع الكورة لحدي الميس
بالله يا ماهر يا عبدو يا الامين دايرين تعيدو لينا العاب زمان

عدد المساهمات : 1940 تاريخ التسجيل : 20/06/2010

والله ماشاء الله عليك يا ابن عمي
رغم الاغتراب وقراية (مهنة المصاعب) واصقاع لينغراد وبرد روسيا الموحده وروسيا المفككه
والسفر ومستشفيات الصحافة شرق ومدينة سنار ومستشفياتها والقاهرة و.....و....و
وأنك مانسيت .. وكمان قلت لشريف احمد برسي .. حواء والده .. انت عارف انا بخرت من
(تبت) وياريت تدخل لينا في الغريق لنعيد شي من الماضي التليد
ياخي حاجات زمان دي لازم تكون حاضرة في الازهان
ونفتح ليها بوست خاص .. خاصة الرواد كتيرين بدأ بالامين وماهر وياسر
يمكن .. تبات ،،،،، سكر نبات ولا انا غلطان ؟؟؟؟؟
وبارك الله فيك

ياااااااااااااه

تبات....سكر نبات
او
تبات نموس... ارقنن جموس

او
تبات نموس....سيوس

علي حسب موقعك الجغرافي لو كنت في حلة تحت او حلة فوق او حلة قبلي (ناس العربي)... كله عند العرب صابونه

لكن برضه كنا بنبدا بي حاجات غريبه مثل:
اول خره...ود المره
تانني...احمداني
تبت....هنبت

حتي اللعبة نفسها كانت اسمها اول خره
دايما ما تلعب بكرة الشراب او كرة الخنزير ان وجدت
احيانا ممكن يكون الاتفاق ان تستعمل ابج النخل كمضرب
ومااجمل المضرب عند اول سنو

اتذكر محمد محجوب كان خرخااااااااااااااااااااااااااااار
ودائما ماتكون عند الرعية او تحت النخيل نص النهار
ايام كانت مااحلاها
لكن يادكتور ماشاء الله علي الذاكرة...يعني قراية الكبر
بتنشط الذاكرة وتخليك مصحصح

قولوا يالطيف

عدد المساهمات : 604 تاريخ التسجيل : 16/01/2011

العاب زمان ... آهـ يا زمان
د. بابكر - يرمي الطعم وماهر عابدين يجرجر فينا
إذا كان ماهر ود. بابكر لعبوا وجيلهم بكرة الشراب وكرة الخنزير زي ما قال ماهر
في أجيال لعبت (بالهمبو كداد) بكداد الدوم - للجيل الفيس بكاوي
أول رجل .. حجل
أول دوة .. آخر المروة
محل ما يقع .. تحت رجلك
صر .. ضم .. عينك واحد قشكو
لعبة الشدة يا جماعة .. ما أنسى فريق عبدالكريم خضر ضد فريق إدريس عبدالحليم
طبعا واحد من الشفع الصغار يكون (العرسة) وكان أخوكم في الله العرسة في هذا الفريق
وأثناء ما أنا جاري برجل واحدة طبعا عشان أصل (الجنقة) الشوكة انكسرت في رجلي
قبل ما أصل لكن واصلت لحدي الجنقة - عارفين ليه يا جماعة ؟؟؟ خوفا من بطش العتاولة اللاعب معاهم - فضلت شوكة واحدة في الرجل
ولا الرمي في شوك زريبة الغنم

عدد المساهمات : 604 تاريخ التسجيل : 16/01/2011

طبعا يا جماعة الشوكة ديك ظهرت مع أخواتها لما جيت الخرطوم
والواحد بقى يلبس الجزمة طول اليوم , بدل ما كان في البلد يلبس الجزمة من العيد للعيد - ياجماعة فكركم ما يروح لبعيد .. كان عندنا الجزم لكن بنخاف عليها من الشوك.
لكن (الأوسي سود) الجلد فيها طبقات .. طبقات ولا يخترق هذه الطبقات من الشوك إلا شوك القنديلة.
سبحان الله كل ميسر لما خلق له.
جيب لينا تفاح سكري يا بابا - التفاح دا ما حلو.
وا شريري : دوم ساتي شريف كيف ؟؟؟؟؟ كنووووووووسل

ابن عمي الغالي اولا شكرا لمرورك
تعرف والله الواحد ما بينسي الكلام دا خالص كان معاي عاطف عكاشة وقعدنا نتذكر في الماضي والالعاب الجميلة الحلوة
وكلامك صاح تبات ......سكر نبات ما غلطان ويا ريت كل واحد فينا يتزكر ليه لعبة حلوة وينزلها كاملة

الخال ماهر سلامات اولا شكرا لمرورك واضافتك
وانا عارف انك نساي خالص لكن عارف تماما انك مزكر الالعاب القديمة كلها
عشان كدا ابدا لينا في الالعالب ونزل لينا الحاجات الكنتو بتلعبوها انت والخرخاااااااااار
انا بذكر لمن كنا بنلعب في جنينة شاويش نلعب اول خرة ذي ما قلت ولا نحضر ناس عبدالسميع جعفر وصابر خيري وصلاح خالد يلعبو والله بذكر تماما انو الوحيد الكان يقدر يطلع الكورة سية يعني برة الجنينة كان صلاح خالدالله رحمه ويحسن اليه وهسي لو شفت جنينة شاويش والله كلها حوضين ملوخية صغاااااااار وبالجد الارض بتصغر والحاجة دي ملاحظ اكتر في حلة تحت

الاخ الامين الياس والله بالجد قعدت اضحك انا وام الاولاد لمن قريت تعليقك واضافاتك الممتعة جدااجدا جدا
الهمبو كداد نحن عاصرناهو لكن ما كنا بنلعب بيه كنا صغاااار وبنخاف منو
وخوفك علي جزمتك من الشوك ذكرتني حاجو وحصلت بالجد
واحد من ناسنا بدون ذكر اسماء ابوه اشتري ليه جزمة جديدة في يوم من الايام اخونا ما كان عندو قروش مواصلات وهو جاي من دنقلا لمراغة المهم جاي بي رجلوا من دنقلا والدنيا سخانة شديييييييييييييييدة وجاء داخل البيت معرق ومليان غبار خور كموتي ابوه عاين ليه انت يا فلان جاي من وين قال ليه جاي من دنقلا بي رجليني اتخيل ابوه قال ليه شنو عاين ليه وقال ليه حليل يا جزمقي ههههه
تقول تفاح سكري
منتظرين منك حاجااااااات كتييييييييييييييرة والعابكم بي كل اشكالها والوانها وبي همبو كدادة وكلها

» تعال فش غبيـــــــنـــتك
» اسمع كلام امك تعال
» اســـــمع كــــــلام امـــــك تعال
» تعال ادخل وطمنا عليك
» لعبة اجب بلا او نعم