جواز السفر العربي

عدد المساهمات : 1940 تاريخ التسجيل : 20/06/2010

في اول صفحة بالجـواز الامريكي،،، مكتـوب : (حامل هذا الجواز تحت حماية
الولايات المتحده الامريكيه فوق اي ارض وتحت اي سماء)

وفي الجواز البريطاني (ستدافع المملكة المتحدة عن حامل
هذا الجواز حتى آخر جندي على أراضيها)
وفي الجواز الكندي : (نحرك اسطولنا من اجلك)

وفـى الجواز العربي (عند فقدان الجواز تدفع غرامه مالية)

وياريت الحكاية حتبقي علي رسوم التجديد فقط, مليون ضريبة وليون تلتلة ونهرة نهرتين من الضابط وامشي جيب ورقة من الخدمة وورقة من فلان وعلان

وبعد ده كله وفي كل مطارات الدنيا عندما تبرز الجواز الاخضر يقول ليك الموظف (انت انتظر شوية عندنا تحقيق معاك) وكانك متهم لمجرد انك تحمل جواز لونه اخضر

يااخي حتي الاتراك المنبوذين داخل اوربا بمجرد دخولك مطار انقرة تبدء المساخة معاك
يعني الجواز نفسه كانك تحمل قنبلة قابلة للانفجار. النصيحة ان كنت تحمل اي جواز اخر لاتتردد ان تستخدمه عند السفر...حتي سلطات مطار الخرطوم تعاملك بكل احترام ان كنت تحمل جواز اجنبي...وان كنت تحمل جواز سوداني فما عليك الا ان تمد حبال الصبر

قول يالطيف

الحمد لله علي كل حال
احكي ليكم قصة حصلت معاي سنة 1996 في اكرانيا
كنا راجعين السودان من مدينة لوقانسك نحن 13 سوداني وكانت وقتها الجوازات الخضراء جديدة وعند بعض الزملاء وانا واحد منهم والبقية معهم الجوازات الزرقاءالقديمة.اول ما قدمنا الجوزات كلها مع بعض قالو ليناوبكل بساطة جوازراتكم دي مزورة وقدر ما حاولنا معاهم يا جماعة دي جوازات جديدة والتانية قديمة لكن مع كل اسف لمن شوفنا الجوازات لقينا صقر الجديان الفي الجواز الجديد في صفحة مقبلة يمين وفي الصفحة التانية مقبلة شمالوفقالو لينا انو الجوازات مزوورة ودخلونا السجن اي والله دخلنا السجن وقعدو يحققو معانا واخيرا واحد من الاصدقاء اتصل تلفون علي السفارة السودانية في موسكو والسفارة اتصلت بالمطار ونحن من الساعة الخامسة صباحا وحتي الساعة العاشرة مساءا محبوسين وفي تحقيق واخيرا السفارة اتصلت وعرفتهم بالحقيقة وبعد ذلك قدمو اعتذار والطائرة طبعا كانت قامت الساعة 7 صباحا الي حلب فحولونا بي بص الي مدينة دنسك وقمنا الساعة 12 ليلا والسبب ....

(فقالو لينا انو الجوازات مزوورة ودخلونا السجن)

[ندعوك للتسجيل في المنتدى أو التعريف بنفسك لمعاينة هذه الصورة]

شر البلية مايضحك

عدد المساهمات : 1940 تاريخ التسجيل : 20/06/2010

والله الف حمد الله السلامه ماكنت مسجون لغاية الآن اذا صنفوك ارهابي طبعا
كنت تكون في غوانتنامو ...
لمن شوفنا الجوازات لقينا صقر الجديان الفي الجواز الجديد في صفحة مقبلة يمين وفي الصفحة التانية مقبلة شمال
زي مقال اخونا ماهر (شر البليه مايضحك) لاانتم ولاالحكومه منتبة لهذا الخطأ وبعدين يااخوانا الناس ديل ليهم الحق 13 طالب جزء شايل نوع وجزء شايل نوع تاني .. لدي سؤال في صدر الموضوع اين تكمن العله ؟؟؟؟؟؟؟؟؟

الدولة الوحيدة التي يعشق اهلها الجواز السوداني هي تشاد
والسبب يعود لديمقراطية الثمانينات, عندما عمد حزب الامة بتوزيع الجوازات السودانية لمواطني تشاد بالسعودية وفي الحدود تشاد غربا من اجل مزيد من الاصوات
وهنا تحضرني نكتة واقعية كنت طرف فيها...حينما سالني احد الطلاب التشاديين في جدة عن امكانية الدراسة في الجامعات السودانية خاصة وانه يحمل جوازا ولم يري السودان, والسعودية لاتقبل الاجانب في جامعاتها...وصفت له حياة حلوة هينة ودراسة سهلة, سافر ومعه طالب يمعني ايضا من الطلاب الذين كنت ادرسهم بجدة. لكنه عاد بعد اشهر و(وشه يلعن قفاهو) لانه لم يكن يعلم عن التجنيد الالزامي وتعمدت ان لا اخبره, دخل المعسكر وعينه ماشافت الا النور

قولوا يالطيف

» جواز سفر لقلوب الناس
» الكلمه الطيبه جواز مرور
» مما قرأت