المزرعة السعيده ؛؛؛؛؛؛؛؛؛؛؛

كنت دائما اتجاهل دعوات الذين قاموا باضافتي لهذه المزرعة لان الصور التي بها
توحي لك (المكان خاص بالاطفال) وبداعي الفضول واستجابة لدعوات الاخوة فضلت زيارتها
وكانت مفاجأتي عندما وجدت معظم اعضاء المنتدي هناك .. وطلب مني ان اسمد البرسيم وبعد ذلك
للمطحنة ثم للبقره وبعد داك تحلب البقره وتشيل اللبن للمصنع .. واخيرا كسبنا عده لعمل الجبنه وعندما
نظرنا للنتيجه كانت (صفر) وبداعي الفضول مررت علي الاعضاء ووجدنا شاكر ابراهيم مثلا يملك رقما
خياليا (247) رجل اعمال عديل وايضا اخونا صابر قاضي اما الاخ ماهر في بداية الطريق رقمــه (7)
يعني رجل اعمال بس في بداية الطريق .وتفاجأت ان لا اجد الامين الياس (الاكرس) والمكان يصلح ان يكون
هو أول الحاضرين ..برسيم وبقر وسماد ومراح وساقيه .. عايز شنو تاني يا (اكرس) علي اية حال اخوكم
الي الآن (الحاضر الغائب) خارج الشبكة الي ان اجد بعض المساعدة ؟؟؟ ماذا افعل هناك وما هذه الارقام
المهوله افيدونا افادكم الله

[ندعوك للتسجيل في المنتدى أو التعريف بنفسك لمعاينة هذه الصورة]
عند زيارتنا وجدنا هذا الرجل يبدو انه (صاحب المزعه) ولم نجد احد بعمة وجلابيه وعراقي

والله يا عبدالرحمن اول مرة اعرف اني مشارك في هذه الزرعة وكمان لي 16 نقطة ولا دولار ولا شنو ما عارف ولما سالت قالو لي محمد ولدي بيدخل الفيس ويلقي العاب يقعد يلعب بيها وعرفت منه انو في حاجة اسمها المزرعة السعيدة لكن طالما ما نبهتنا وفي ناس عندها الارقام دي ندخل ونشوف لكن دي شنو هل قرووش ولا نقاط ولا شنو ورونا عشان نعرف العلم بالشئ ولا الجهل به
وتقبل مروري

بالفعل د بابكر المكان يصلح لوجود محمد ابنك ........
هذه الدعوات تأتيني من سنوات .. ولم افكر كل هذه الفترة للدخول الا اليوم صباحا
والغريب دخلت وخرجت وما عرفت كوعي من بوعي
علي اية حال نامل التفاعل بالموقع والبلد بحاجة الينا ولاوقاتنا لنحتويه ويحتوينا

والله القال انك بتحصد وهم ماكذب انا من معارضين فكرة المزرعة لانها ابعدت عنا الناس وانا زماااااااااااااااااان قلت الناس دي قعدة وماغايبين بس في موضوع عم ماهر طرحتو افكار حلوة وماشة كويس والسبب ليس الغياب وانما المحتوى .

نترجاكي انت يامشيره تعيدي همة زمان وتستعيدي اطلالاتك اليوميه (يا اميرة الكتابه) وجودكم حقيقة
كان يعطي المكان طعم ولون ورائحه وجيبي معاك ... مجدي حسن ود نضار والجعلي ومحمد جعفر
وعادل الفاضل ومحمود العمده وقرشي والسمؤل و .... و ... كل الناس المشحنون بالابداع
وجمعه مباركه عليكي وشدي حيلك مع الجريده