ابادة حي كامل

ليس من شيمتي البكاء علي الاطلال .... ولكن حديث زو النورين عن النادي اثار في شجون كنت اكتمة............



اقصد هنا حي مراغة حلة تحت .... التي لم يبقي منها سوى الزكريات ..... ما عارف لكين يخيل لي انها كانت منظمة اكتر من فوق ... يعني بالسواقي والبيت الكبير يعني مثلا ... الارويسي كلهم كانو في كوم واحد ........بعد داك تخش في ساقة فضل علوبة ...

بعد داك ساقه الشاويش ناس خليفة وسراج وبعده طوالي ابو الدايمي ..الخ............

يعني اي زول انت دايرو بتلقاهو ... لقايت ما تمشي قبلي تلقي ماهر عند ناس زينه فقير .......... وتقبل لامن ساقة خرباش...........



المهم زكريات حلة تحت التي ابيدت كان الاحري بالاخ زو النورين ان يبكي عليها ....







.................. لذلك نرجو من الاخ ما هر والامين الياس


ان يعيدو لنا الزكريات


تخريمة

....

حلة تحت يستحمو في الطشت .....حلة فوق يستحمو في الدربوق

تحياتي ياولدنا ..


الله يديك العافية و الله رجعتني الى الماضي الجميل و أتذكر أيام الأجازات بالبلد و كثيراً ما نقضي الوقت من بين جدي عوض عثمان و العم مصطفي والد نجم الدين و أتذكر كان عند جدي أبو القاسم قبلي شجرة تمر و كانت من أجمل التمور وقتها والمشكلة أنوا جدي دائماً نائم تحت الشجرة و مايعطيك فرصة للتسلق و كان المجرم سعيد حمد يشيلوا جدي بالانكريب و هو نائم ههههههه و يطلعوا يحشوا النخلة ..


أيام لها أيقاع ..

التحيه لك الاخ قدوره حقيقه عندما اجتاحت السيول منطقة مراغه واختفت معظم البيوت فى تلك السنه فكرنا جميعا بالنزوح الى منطقة فوق وبناء المنازل هناك وشاورت الوالد فى الموضوع فكان رده كاتى ..لو دايرين تمشوا انتوا امشوا بس خلونى انا وامكم هنا بنعمل لينا خيمه وبنجلس فى البيت المكسر دا والساعه ديك عرفت ماذا يعنى المكان بالنسبه للوالد والحمد لله فقد تم بناء البيت فى نفس الموقع وهو موجود الان

الاخ قدوره لاتنبش الماضي
لامن البحر كسر في حلة تحت الناس كلهم رحلو غرب الشركه بي بهايمن وجدادم وكدايسم في مره جيت ماشي شايف الناس مباشرين حياتم عادي مركبين الحلل ويعوسو في الكسره والرادي شغال والصبره جاريه وراء الجداده لكن مع انو الناس مؤمنين القضاء برضو الواحد بكون حزين ومع ذلك الناس كانت عزيمتا قويه وصابره والرحول من حلة تحت كان شئ اجباري علي حسب امكانيات الناس والبحر كان اكبر مهدد للاستقرار خاصة في عدم وجود الاليات الحديثه لاقامة الجسور وانحن كلما نذكر حلة تحت بنتحسر علي الماضي المليئ بالذكريات الطيبه والزول لامن ينزل من فوق لي حلة تحت بحس بي تغيير واضح في المعامله والمناخ اما في المعامله فقطع شك معاملة الحبوبات معروفه لدي الجميع والمناخ بي تحت اوروبي عديل كان الواحد زمان في رمضان لامن يعطش وياكل الثري من العطش بينزل لا تحت وبجي طالع المغرب والز شي كان المغرب لامن يأذن لي جم دوم ساتي شريف وانا طالع فوق وحاجات كتيره في الذاكره .........................الاخ قدوره احسن ماتنبش الماضي عشان مانتحسر.

تحياتي الاخوة المتداخلين شريف .ماهر....ياسر ....والاخ صابر



كلو واحد ليهو في تاريخو ماضي وكلو ماضي فيهو قصة حب قديمة....

وانت عارف لما اخترتك حبيبي ... كان في قلبي جرح نازف بالهزيمة....





اقتراحين .................

1\ الغرض من الكتابة يتعمل كتاب عن زكريات وقصص حلة تحت وتوثيق للشخصيات



2\كلام العم بكري اذا نظرت الية بعمق مشحون بالروعة والوصف الدقيق ينفع في مشروع هذا الكتاب