الحزب الحاكم

عدد المساهمات : 53 تاريخ التسجيل : 11/01/2010

ان مفهوم السياسة فى عالم اليوم وعصر العولمة قد تعدى تفسيره وشرحه الى رعالية مصالح الناس فى المقام الاول والاخير ومن هذا الفهم الواسع فان للتجربة السياسية السودانية فى عهد المؤتمر الوطنى سماتها ومذاقها الخاص والمميز الذى يفصل بينه وبين الاحزاب التقليدية منذ الاستقلال والى يومنا هذا ومنها ان الانجازات الحقيقية التى تلامس متطلبات المواطن البسيط القابع فى اطراف الوطن من خدمات للمياء او الكهرباء والمشاريع الزراعية والعمرانية والتعليمية والصحية التى شهدتها وتشهدتها البلاد فى ظل المؤتمر الوطنى
كما اضاف المؤتمر الوطنى الى رصيده من الانجازات تاريخية فى ابرام اتفاقية السلام الشامل وبموجبها اوقف نزيف الحرب بالاضافة الى استخراج البترول وتصديره وبنت عليها مجدا حقيقيا لم تقدر على بنائه الانظمة السابقة كما تميز المؤتمر الوطنى بخاصية المقاومة وركوب لصعاب وتحدى المصاعب لتامين البقاء والاستمرارية والاستقرار لدولة السودان فى كل الظروف العالمية
الشمالية انجازات لاتخطئها العين
الانتخابات السودانية الممارسة الحقيقة للديمقراطية وحرية التعبير وقد دخلت مراحلها ما قبل الاخيرة وشبة النهائية بقفل باب الترشيح واختيار المرشحين من قبل احزابهم وبد الحملة الانتخابية التى تستمر56 يوم والخطوة الاخيرة التى تلى هذا المرحلة الاقتراع والحسم التى تفصل بين الحقيقة والجد وبين الوقيع والخيال وهى المرحلة التى يجب ان يعلم الجميع من فى السودان او خارجة ماتكنه وتضمره جموع هذا الشعب الابى لاحزابها وقيادتها من القدامى والجدد من كره او ولاء ومرحلة ان يعرف الجميع القوة الحقيقية لكل المتبارين فى مضمار السباق ولنا عوده

الاخ العزيز سبق ان اتفق الاخوة في المنتدي وادارة الموقع علي ان تكون كتابات الجميع بعيدا عن السياسة وان تكون مواضيع هادفة تخدم قضايا مراغة الاجتماعية والثقافية او اي موضوع انساني اخر نتناقش حوله يكون اضافة معرفية نستفيد منها والكتابة في السياسة من اتجاه واحد حيشكل استفزاز لاخرين في الموقع لهم راي مخالف وبدورهم يكتبو مقالات مضادة ويبقي المنتدي ساحة للجدال والهرج والاختلاف ويفقد لونه الثقافي والاجتماعي الجازب في الحقيقة كل الناس عندهم انتمائات فكرية لكن هناك ساحات اخري للنقاش والجدال بعيد عن المنتديات الاجتماعية ا القروية وايضا هنالك منتديات لديها اقسام سياسية مثل منتدي دنقلا يمكن لمن يريد ان يكتب في السياسة كما يشاء فيها 00اما منتدانا فنرجو من الجميع البعد عن السياسة ما امكن ومجالات الابداع كتيرة بعيدة عن السياسة والكلام في السياسة بينفر الشباب من المنتدي وبيجيب اختلاف لا سمح الله 0000000000000000ولا شنو يامجدي ما قلنا ليك ابعد

عدد المساهمات : 466 تاريخ التسجيل : 24/01/2010

لا اجد فيما سطر جدو ما يدعو الي الجدال واركان النقاش
ولا ان يؤخذ من جانب الدعايه الانتخابيه
يمكن ان تكون رؤيه لجيل الانقاذ نظر في تقلبات الشان السوداني سياسيا وتنمويا واعجب بذلك
اكثر ما اعجبني في كلام جدو ترتيب الافكار بدا من مفهوم السيارة اليوم مرورا بالانجازات
حتي الحمله الانتخابيه
رغم اننا كالجميع لانحب الخوض في عالم الحكومات والسياسه
لكن يا عمده لا تحمّل الامور اكثر مما تحتمل
دع الجميع يكتب ولكن بشرط ان نحافظ علي مساحه المحبه بيننا

الاخ العزيز جدو / هانى

ياهانى الطلب بالبعد عن السياسة كان فى موقع مراغة على الفيس بوك امن فلان وفلانة احتدى بهم النقاش
فتدخل البعض وطلب ايقاف النقاش الغير مفيد .... وشاكرين لفلان وفلانة بان توقفو بكلو ادب واحترام
وحتى انا طلبت العفو عما سلف والجميع الان فى حالة وفاق تام ...

لكن دة مابيمنع زى ماقال المخضرم ياسر انو الناس تناقش نقاش موضوعى
وبعدين ياهانى هذا الشاب شغال شغل كويس انت الحارقك شنو .... والمنتديات دى ملصقات مجانية ومنتدى مراغة يجب
فية مراعاة حريات الاخرين

ياهانى صاحبك النور لسة فى حالة ثبات شتوى ....
ياخ خلى ينضم .... ياخ فى خلايا نايمة كتيرة صحت

ياخى الجعلى جاى مراغة الاسبوع القادم

تحياتى
مجدى

عدد المساهمات : 466 تاريخ التسجيل : 24/01/2010

عفوا
اقصد كلمه السياسه بدلا عن السيارة
طبيعه العمل تمسك بنا وتلتف حولنا حتي مفاتيح الكي بورد
تصّر علي تنبيهنا
( انت بره الشبكه)

عدد المساهمات : 283 تاريخ التسجيل : 11/01/2010

والله المواضيع البيج الاحتكاكات لو بعدنا منها يكون احسن حريه الراي حلوه ومطلوبه بس قريتنا فيها كميه من الاحزاب المختلفه حقيقه نحن وبكل مجهود وراء الانقاز ولن يفوز الاالانقاز سائلين الله عزوجل هذا ولن يتقدم السودان الابالانقاز

الرائع ياسر0000
دفاعك المستميت عن جدو يفقد قلمك المعبر حياديته والقه
وان كنت مقتنعا بما كتب كحقائق يتناقض مع قولك(سنعود
عندما تتوفر لقمة العيش بكرامة) 00تحياتي

باشمهندس مجدي000 انت شكلك حتكون حجاز المنتدي
صاحبي النور نحنا سميناهو الصين الشعبية عشان دايما
محايد ومابيحب المصادمات الجعلي مرحب بيهو
وشايلنو في عيونا حنجهز ليهو برنامج رئاسي

ا حووووووووووتة0000الله يخلي ليكم اوباما

نذكركم أولاً نذكركم بكلام حبيبنا د. بابكر عزالدين

( ويخلي ناسنا ملمومين ومتحابين ومتقاربين مش حلة اوريق دايرة تفرتقم )

مشكـــــــــــــــــــــــور يا نجم .... رنا يديك الصحة والعافية

يا شباب الموضوع ما فوقو حاجة ... خاصة انو النجم ( جدو ) في الموضوع ده بيعمل لينا ( ذكر فإن الذكرى تنفع المؤمنين )
فبذكنا بحقائق ... واقعية أما أعيننا ....
سنة 2003 أنا جيت الخرطوم هنا ( كنت في سنة تامنة ) مع شاكر فلة ... ما بتشوف حاجة غير الرملة ...
والناس دي تطرش بالشبابيك ... والحريم يبيبيو ويكوركو ... وتاني مرة جيت سنة 2007 باصات عجيبة تكيف فيديو ... راحة مابعدها راحة ... الطريق كلو مسفلت ... تصلي الصبح في مراغة تجي تصلي الظهر في الخرطوم ...

فبما يتعلق بإنجازات المؤتمر الوطني فحقيقة هي انجازات لاتخطئها العين ...

رغم دعم الغربيين للنميري إلا ان السودان سنة 88 صنف ضمن أفقر 5 دول في العالم ....

ومنذ أن جاء المؤتمر الوطني وتبنى مبدأ الشريعة الاسلامية بدأت محاربة السودان .... ولكن رغم السودان ظل في تطور مستمر

والآن كل العالم ينظر الى السودان هذه المساحة الكبيرة صاحبة الموارد الضخمة ( بترول , ذهب , يورانيوم , نحاس ....)

وإإلى هذه الأرض الفتية ... العذراء بكل ما تحمله الكلمة من معنى أو معاني ...

كل الدول الكبرى ... مواردها الطبيعية في طريقها الى النفاذ أو كما قال الدكتور والمفكر مصطفى محمود رحمه الله (الأرض شاخت )

هذا كله لأن المؤتمر الوطني دائما ما كان يردد " وفي السماء رزقكم وما توعدون "

رغم كل هذه الانجازات ... إلا أن للمؤتمر الوطني بعض الأخطاء ( هذا لأنهم بشر ) الواضحة ....

ومن أهمها عدم الإهتمام بالزراعة ... إلا الآن توجد بعض الأراضي عذراء لم تزرع بعد ...

فالمؤتمر الوطني إهتم بالزيادة الرأسية .... ولم يهتم بالزيادة الأفقية

الزيادة الرأسية : أي أنهم اهتموا بنفس الرقعة المزروعة مع تجويد الزرع ( بالشلخ , السماد .....

الزيادة الأفقية : لم توسع الأراضي ... لم تفتح أراضي جديدة .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مشكور يا نجم .... وربنا يديك العافية

موضوع: رد الجمعة 26 فبراير 2010, 2:04 pm

الاخوه الاعضاء الكرام لن اكون يوما طرف فى نزاع بين اخوتى (اصدقكم القول

بانني لم ا كن اعلم ما دار فى الفيس بوك ولو كنت اعلم بذلك ماكنت قد كتبت في هذا الاتجاه ولم اعلم يوما بان ادارة المنتدى منعت الكتابه في هثل هذه المواضيع
سوال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما الذى يمنع ان نتناول السياسه في منتداناء هذا بكل ادب واحترام من غير ان نعتدى على حرية الاخرين باى من التعليقات التى يفرض بها شخص رايه على الاخرين بمجرد هواء فى نفسههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
سوال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لماذا لايكون لدينا قسم سياسى ككل المنتديات التى نشارك فيها (ولا المنتدى ده حق ذول )فالسياسه ماعادت تنفصل عن حياتنا اليوميه

موضوع: رد الجمعة 26 فبراير 2010, 2:29 pm

اخى العزيزياسر
لك التحيه كيف الاخبار والاحوال شكرا على ردك
اخى مجدى
دى طله طيبه منك على موضوع كتبته وديتنا رايك فيه
اختى الدكتوره
لكى التحيه كنت انتظر ان تطلى على فى اى موضوع
من غير ان اكون او ان اشبه باحد فلكى الاحترام
اخى محمد
شكرا على مرورك الجميل
اخى محمود
شكرا على شعورك الطيب ستعود مهما طال الغياب ا

عدد المساهمات : 22 تاريخ التسجيل : 13/02/2010

التحيه للاخ جدو علي الموضوع
وانا بشوف انو دي وجه نظر ومافي داعي للدخول في الاذقه الضيقه
والمنتديات اصلا ساحات للنقاش الموضوعي غير الجارح
وغير كدا ببقي مافي فائده للمنتدي لانو المواضيع المنقوله او المنسوخه بتصبح ممله ورتيبه
بس لانوا الشعب السوداني شارب السياسه شراب عشان كدا النقاش في السياسه بكون ساخن جدا. ولازم يكون النقاش في المواضيع الاجتماعيه بنفس المستوى.
اماموضوع جدو فكل شخص ليه تحليل خاص ومعانا عباقره محللين من الالف للياء. وما اظن الاخ ياسر يكون بدافع عنو لانو انا عارف رايه مسبقا(ولا نزلت مرشح بهناك
وبقول للاخ هاني مافي مشكله من طرح الرؤى حول الانتخابات بس في الاطار المحلي وبدون ذكر الاسماء
لانوعلي علي مستوي الدوله الاعلام مامقصر(التلفزيون والرادي والجرايد الموضوع هو الانتخابات)وكويس انو ناس بره يعرفو الحاصل

شكلنا ماشين فى اتجاة البحث عن مبادرة ورتق لهذا النسيج الذى
تشكل بفضل ادارة المنتدى

وياجماعة ابعدو من هانى ودى نصيحة
دة طبعا بعد كلام الدكتورة الفات انو الحجاز ليهو عكاز وصدقونى هرشتنى

تحياتى

عدد المساهمات : 299 تاريخ التسجيل : 28/02/2010

تحيه طيبة اعزائى بالمنتدى
مافى داعى للجدل فى السياسه نود ان يكون الود بيننا... والبعد عن الاحاديث فى السياسه كما قال الشيخ البرعى( اعوذبالله من السياسه فاولها نفاق واخرها خساسه

لكن يامجدى بينك وبين هانى والنور فى خلافات سياسيه شديده دعها وخلى البساط احمدى

يا الجعلى ماتشعللا

ماف اى خلاف ولا شى .... سمن على عسل ولو دار تتاكد هسى
شد سلك للنور ولهانى وهم يوروك

ولا فى راسك فى شى ؟؟؟
تحياتى
مجدى

عدد المساهمات : 53 تاريخ التسجيل : 11/01/2010

الاخ الجعلى لك التحيه والاحترام
اعتزر لكل اعضاء المنتدى ولك حتى لا اكن سبب فى المشاحنات الكتابيه بين الاخوه الاعضاء

عدد المساهمات : 53 تاريخ التسجيل : 11/01/2010

لكى التحيه يا دكتوره وعقبال ليكى اشاء الله فى الغريب
اختلاف الرأي لايفسد الود بين الاخواء

عدد المساهمات : 3 تاريخ التسجيل : 25/01/2011

أخواني وأعزائي .... تحيية طيبة
شايف الجدل ماشي مسخن .... وفي ناس بتثني الحديث في السياسة على أن يكون محترم ومهذب وكل زول يبدي رأيو ..... والجزء الثاني ما عايز يدخل في السياسة نهائياً .......
يا اخوانا موضوع السياسة دة اصلاً مفتوح لكل زول يقول رأيو وحتى لو كان سلبي ... في النهاية دي وجهة نظر.....
بعدين الناس مفروض تنظر من منظار بعيد جداً ...... يعني السودان دة في دول عظمى ماحتخليهو يهدأ ما لم يتقسم ويتقطع لدويلات صغيرة ... دة كلو عشان الخيرات الفيهو ودي حاجة ما أظن بتخفى على انسان ...... وأول النعم الموجودة في السودان دي النيل الشاقي البلد دي من الجنوب إلى الشمال ..... هسي ممكن أي واحد فيكم يفتح خريطة العالم قدامو ويشوف لو في دولة في العالم فيها موية اكثر من السودان ودة غير المعادن البتدخل في الصناعات الثقيلة وغير الدهب ... يا اخوانا الدهب بقى يمرق في وش الارض والناس بتلقط وكان الواحد تعب خلاااااااااااااص بحفر اقل من متر بيلقى دهب .... هسي دي ما حاجة تخلي الناس تطمع في البلد دي وتغلغل أهلها عشان ما يقدرو يمرقو الكنوز والثروات دي .... الناس دي مستكثرا فينا الخيرات حقتنا عشان كدة لا زم السودان يتغلغل وما يهدأ عشان ما يستفيد من الموارد الموجودة في داخله... ودي سياسات دول عظمى .........يعني نسدها في الجنوب تنقد في الشرق ..... نسدها في الشرق تنقد تاني في الجنوب نسدها تاني الجنوب تنقد قد كبييييييييييير في دارفور ..... ودة غير الشأن الداخلي في ولاية الخرطوم (نيقرز وغيرهم) ودي كلها بمعاونة ناس سودانيين عملاء وخونة متواجدين في الخارج في فرنسا واسرائيل وغيرهم....
اتمنى من القدير العلي انو كل الاحزاب الموجودة في السودان تتوحد وتمشي في درب واحد

الحمد لله رب العالمين
والصلاة والسلام على أشرف خلق الله أجمعين
سيدنا محمد صلوات الله عليه وسلامه
والله يا جماعة نحن هنا في الخرطوم - أي من مواليد الخرطوم
ما قدمنا حاجة لي مراغة
والسياسة دي ما دايرة قروش ولا اجتماعات
نقه بس - وبتجيب مشاكل - وبالذات اذا ردوا نفرين ما بدوروا بعض - عارفين البحصل شنو !!!
وبعدين في السياسة بالذات
ما في زول بعرف ردك دة انت صارّي وشك ولا بتتريق
أحسن نبعد - أحسن نسكت - أحسن نكتم
نلاحظ ان عنوان هذا المنتدى لا يحمل أي شئ عن السياسة
يحمل هذا العنوان - على وحدة قريتنا واصالة تاريخها فقط
أصالة تاريخ مراغة وبس
وأثني بالشكر للسيد المتواضع عوض ابراهيم طه على روحه العزبة الخالية من الشوائب.
ونشوف منك أكتر وأكتر يا منقة

وصلي اللهم وبارك على سيدنا محمد (ص) وسلم تسليما كثيراً

[b]

هديمك يا وليد مقدود
و صابحنا الفقر
و الجوع
صبح باب التكل
مسدود
كمل حتي الملح
في البيت
وشن همّ
الملح في البيت
وكت ملح
الدموع موجود؟!
دحين يا وليد
هو ديل
موُ قالوا ناس
إنجاز ؟!!
وشن سّولنا
مما جونا
غير حرقو
الفضل بالجاز ؟
كّل شيتا
صعب في السوق
من الكبريتة
للطايوق
و كان جانا
البخت تموين
رطيل سكر
و صابونتين
نجيب من وين ؟
و اخوك مرفود
و عدمان الشهر
ملين ؟
أمس زازيت
اكوس الدين
مشيت لسمية
بت مامون
لقيت جابولها
تلفزيون
سمح بالحيل
تشوف الصورة
بى كم لون
وكت في نشرة
ألأخبار
ظهر مك البلد
يضحك
جضومو كبار
مزرر الكرش
بزرار
لا مهموم
لا مغموم
لا زعلان
و شيهو
يراري بالألوان..
وقّد في حشايا
تباق نار
طريت رفد
الوليد و الجوع
و سال
دمع الغبينة الحار
اريتك يا ملك
فد يوم
يخلى الجوع
عينيك ما تنوم
أريتك يا ملك
فد يوم
تحس بي غصة المظلوم
دحين يا وليد
هو ديل ما لهم
و مال الدين
وكت قولهم
كلام الله
و فعالهم
ما فعال صالحين
كتير فيهم
عديل حقار
و بالقرآن
كمان تجار
و كضابين
أكان بنزين
عدم .. أو جاز
وتعبوُ الناس
و ضاقو خلاص
صفوف واقفين
يقولولك
إرادة الله
وكان عدم الرخيص
و الغالى
في التموين
يقولولك
ده . غضب الله
و كان الموية
صبحت طين
يقولولك
ده من امريكا
والعملا
حمونا الشب
ولاد الكـــــــــــلب

عشان الشعب
يحرن تب
يقبّل
من صراط الدين
دحين يا وليد
هو ديل
ما لهم
و مال الدين
أكان كنزو
الدهب و المال
بلايينهم
تسوى جبال
وعرباتهم تخطف
العين
و بناياتم قصور
في قصور
وحاة الله
و كتاب الله
أكان ادونا
طوب فد سور
كان سوينا
الف أويضة
لي مسكين
فترنا من الخطب
يا وليد
و من طيش العقيد
و عميد
و من قل القرش
في الايد
و من تعب الوقوف
في الصف
ومن غبن الرصع
بالكف
و من حفر الدروب
و اللف
و من خت الحلم
في الرف
كل يوماَ
نقيحنا يزيد
دحين يا وليد
هو كم دغشاَ
عشان نلقاهو
دافرنا
و تعبنا شديد؟
و كم حولا
صيامنا صبر
عشان يشرق
هلال العيد ؟!
اح ح يا وليد
لا حتى الخبيز
إنضاق
و لا هدما
كسانا جديد
و شوف المغسة
يا وليد
سموُ شقانا
صالح عام
و كل دمعاَ
نزل من عين
و كل جوعاَ
سكت بالدين
و كل زيناَ
محاهو الشين
ختو وقعيتو
في الإسلام
حرامهم يا وليدي
حلال
وا نحنا حلالنا
كلو حرام
يقلبو الدين
نصّل سكين
و ناسين
الحساب قدام
اخر زمن
يا وليد
نشوف كل البشاتن
لون
يفوت هولاكو
دوب نرتاح
ينط في الكرسي
نابليون
اريتك يا أمير
حالي
جعيص في الكرسي
في الخرتوم
و ساويلك
الف والي
نبايعك للظلم و الجوع
نبايعك
وكل ضيم مشروع
نبايعك
و جيتنا جيش
و دروع
نبايعك و الحكم
مقلوع
نبايعك
و القسم مخدوع
نبايعك
من سجن عالى
أخر زمن يا وليد
حصيف العين
يلاقى و يشوف
زمان
ظلم السلف
بالسيف
و حسه السيف
كلاشينكوف
غير زمن
الهوان و الجوع
كمان طالع
زمان الخوف
ديل ما برتو
لى إنسان
كم ولداَ
وقع نشفان
وكم زهراَ
كِتل و اتحت
في رمضان
لا شهراَ حرام
إتصان
لا كفنا ستر صبيان
لا شاهد
قبر معروف
لا اماَ
برد نارها
سكت و إرتاح
نزيف الجوف
دحين يا وليد
أ كان حسع
ده ديش مصعب
و أكان بيرق
علي الكرار
منو الكفار ؟!!!
منو القاصدينو
بالتكبير
و بالتهليل
و ضرب النار؟
اخاف نحنا
و أكان نحنا
أخير نضحك
كتير سبب
الضحك بخته
شوف المغسة
يا وليدي
ديل ما حسه
ناس حُقار؟
ده ذى دق الطبول
للموت
وذي وقد البلد
بالنار
* *
إلا نشوف
أ كان ساهرين
معاك يا جوع
و أ كان ضيقنا
إتحفر في ضلوع
و أكان صابرين
علي الفجار
وحاة الله
و كتاب الله
وكت نغلي
و نكوس التار
لا سوراَ
بقيف في وش
و لا لهب الغبن
بترش
و لا صفاَ
يميل بالقش
كل ظالماَ
يقع و يندش
و سيل دمع البلد
ينقش
لا بحبس حلقنا
الخوف
و لا بترجع
اكان لعلع
كلاشينكوف
هديمك يا وليد
مقدود
و صابحنا الفقر
و الجوع
صبح جلد البطن
مشدود
شن بتسو
و أخيك
من شهر مرفود
قالو صالح عام
عشان قال
العوج في العود
* *
نان ما يقول
أريت يقول
عديل يا زول
هديك
البغلة في الابريق
ما هامينا
-صالح عام-
وديش مصعب
و لا الحجاج
و لا بكتل
قلبنا الجوع
و موت منقذنا
ولا الضاج
خلي الضيق
يزيد يا وليد
بكرة الضيق
يخلى الناس
تبقى عُصّار
علي الحقار
و تبقي حريق
* *
قريب يا وليد
صيامنا يتم
و يهل و يشرق
هلال العيد
نحس طعم الخبيز
و يتبدل هدمنا
جديد[/b]